敏華冰廳 (德福廣場1期)

有時一碗公仔麵，唔需要太花巧，牛肉夠滑，湯底夠香，蛋黃夠圓，已經可以靜靜地安撫你 🫶敏華嘅沙嗲湯底唔會太濃太鹹，帶微微花生香，辣得溫柔，飲得出係識做嘅茶餐廳手勢 🌶️🥜牛肉切得薄薄，唔鞋唔韌，吸咗湯汁之後咸香豐富；公仔麵熟得啱啱好，唔淋唔硬，係童年味道返晒嚟 🍜🥩太陽蛋係亮點，蛋黃唔爆，一撈落麵，成碗麵即刻升呢變溫柔 ☀️🍳再嚟杯凍奶茶，唔會太甜，茶底夠香，飲落覺得：世界都冇咁煩啦 🧋😌敏華，唔係驚喜，但係次次返到嚟都覺得安心…查看更多

今朝喺德福商場嘅 敏華冰廳 開始咗我嘅假期 mode☀️，點咗個 $42 嘅早餐set，有 濃香雞湯米粉 + 必食炒滑蛋 + 牛油多士，再配返杯茶走，真係perfect combo～🍳🍞🍵雞湯米粉真係冇伏，湯底夠濃郁但又唔會太鹹，飲落仲有雞味回甘，米粉滑溜唔易淋，朝早食一碗暖笠笠超舒服～😌 炒蛋滑到不得了，啲蛋汁仲係微微流心，撈埋多士一齊食真係冇得輸🔥，多士香脆又有牛油香，一啖茶走落去，即刻覺得人生好幸福🫶🏼。敏華一向人氣高係有原因，早餐唔單止平靚正，質素仲keep得好穩，真係試過一次就明！無論係返工前定假日慢活時光都一樣咁啱～…查看更多

承認係為咗有張晚市優惠券而中伏，同時係畀之前食拉麵、食海南雞嘅經驗呃到，以為同一集團質量一定有保證， 所以今次就盲中中試咗呢間敏華冰廳。招牌菜黯然銷魂飯，淨係個叉燒都已經唔合格，又乾又柴又瘀黑。宣傳品寫有蔥油，原來係要自己開口問店員攞。 蛋汁加甜豉油撈飯味道正常，但呢個叉燒質素要收75蚊真係有啲離譜。成餐飯比較好嘅係盅燉湯，相對比較足料啱口味。店員禮貌招呼正常，食飯期間都冇乜見到特別大嘅哈碌位。用質素評價，相信短期內都唔會再幫襯呢個品牌。…查看更多

完全唔推薦，坐低無人執檯，叫左3次落單無人理，出去櫃檯再叫一樣無反應，火大😡之前係尖沙咀K11分店有相同經歷，唔係個別店舖問題，以後唔會再去。茶餐廳基本要求就係快，基本都做唔好，失敗☹️…查看更多

今日去九龍灣交文件咁早附近冇嘢食，求其入一間連鎖餐廳相信大家對敏華都唔陌生最出名係沙嗲牛肉麵我就叫咗個輕快早餐沙嗲牛肉麵加杯凍飲$41沙嗲夠濃稠，花生香+微辣味平衡，食落沙嗲渣滓掛住啲麵，不過麵身可以硬返啲，牛肉夠香，仲有啲洋蔥碎，不過部分牛肉過硬飲品就叫咗杯凍檸茶，茶底夠香，佢杯凍檸茶真係好飲冰火菠蘿油$11好邪惡，聽到佢新鮮出爐，即時叫返個，表面好脆皮，一咬「咔嚓」聲，個包仲要熱相反個牛油上枱時仲係冰凍，靠包嘅餘溫慢慢融化。咬落去一半脆熱、一半creamy凍，呢種口咸精髓！ 唔求服務，總括嚟講快餐野食算係高質，不過價錢就比一般餐廳貴少少…查看更多

九龍灣有好多餐廳～食肆林立呢間敏華好就好在佢好近戲院！🍿🎥🎬🎦📽️🎞️📼買完飛衝過嚟食少少嘢就入戲院睇戲啦夜晚六點幾～估唔到竟然都仲要排隊等一兩張枱不過入座之後發現其實有好多吉枱只係未夠侍應去做清潔俾下一台客人入座叫咗個四寶飯食。正常操作 🙂加咗個咖啡撻做甜品食完先睇戲賣相就唔係好討好㗎啦又乾又裂🙈但係味道係幾濃咖啡味既！可能係當日最後一個所以冇咁出色希望下一次撞正佢啱啱出爐嘅時間可以買到啦🙏🏻…查看更多

除咗又一城店係勁難食之外, 敏華其他分店水準一向都好穩定~ 九龍灣德福店啲姐姐更加係勁 nice 添!每星期有 2日上堂前, 都會黎食佢~ 沙茶牛肉公仔麵老友同屋企人都推介 話好味無論係炒蛋定係烚蛋 都好正常冇嘢要擔心下午茶餐 呢個冬陰功豬扒米粉真係幾抵食味道都正路的 唔使擔心 加埋 $3 轉凍飲總共都只係 $41 咋~ 每次都忍唔住要買兩個包包外賣 晏啲食(今次, 同平時一樣都係買菠蘿包加雞尾包~)總係會買蛋撻但係佢哋嘅蛋撻真係唔好食總有層薄汁響撻面, 而且蛋漿超級薄, 仲偏甜口添…唔建議入手 XD…查看更多

已經夜晚八點半先嚟食人朝已經散得7788我食過88蚊扒餐,都算ok嘅但服務差到令我大開眼戒全部匿埋曬水吧冇人出嚟叫任何嘢基本上都冇人理只有一個培訓員工落力應付其他人應咗你差不多都等於冇應過客人已經好少但係上菜速道仍然超慢扒餐旨明要黑椒汁就嚟蒜蓉汁奶茶小奶依然係多奶沖杯熱奶茶10分鐘都未到到?淨4台客㗎咋喎？之前食早餐落餐親單都錯漏百出諗住人比較少食個晚餐結果都係大失所望0服務唔緊要喇當我嚟乞食喇我走去水吧問人攞嘢仲比人叫我返埋位叫同事都唔知可以講乜.....…查看更多

好後悔無去之前睇下食評唸住食個早餐姐差的去邊？點知就瀨曬野坐低點餐等左最少半個鐘連杯水都無叫左幾次人想問下個個都話等一陣唔肯過黎5、6個啊姐齊曬係出餐位扮忙但無出過餐，係度吹水傾電話同我地差唔多入黎坐既人全部都無野食全場齋坐最後等唔到走左之前去mikiki既敏華食開個度d人好好做嘢有效率估唔到唔同分店體驗感差咁遠…查看更多

厲害！一間餐廳完全沒有服務可言，同一開始開業個陣比完全兩回事，明顯少左好多人食唔洗等位，自己求其搵張檯坐低 點知侍應又話張檯有人坐，叫我地坐另一張 坐低左一陣都冇人理，改左自助落單但係連QR code都冇比，水又冇杯叫左兩次先有，差啲要自己去後場斟水，但係餐廳當時人流稀小，價錢已經唔平性價比極低，野食份量極小超級雜扒飯完全感受到超級，份量超級少超級普通，下次一定唔會再幫襯！！！如果係i人歡迎去餐廳試下全部都自助，連埋單都係自助i人絕對適合👍…查看更多

香港連鎖茶餐廳，但係阿姐啲服務態度好差，蔥油雞扒撈公仔麵，公仔麵煮得比較好食啲，啲蔥油係餐廳自己整嘅，雞扒煎得啱啱好，要煮一份好食嘅公仔麵其實都好考驗到廚師嘅能力，好香滑Q彈，不過啲蔥油少咗啲，後尾先知原來蔥油可以再加，蛋撻，蘇皮好脆個蛋液好香， $8一個，咁咪啱啱好唔會太甜，跟住再加杯凍檸茶，一餐就咁樣食飽啦。啲嘢還OK希望阿姐啲服務態度可以好啲啲。…查看更多

一日之計在於晨，週日早餐場面熱鬧，甚至要排隊～一份早餐才醒神濃香雞湯火腿通粉$40個湯底係佢哋嘅招牌配上通粉湯底好飲包多士可烘或唔烘（牛油因應自己喜愛）烚蛋及飲品…查看更多

服務真係好差.已經客人用QRcode 落單埋單時收銀員說要自已用自助埋單機埋單但收銀員是空閒的.是否想餐廳無人化.食物品質已不如以住.真係一肚氣..餐廳有兩種可以給客人再次光臨的理由.1. 餐廳服務品質2. 餐廳食品品質.兩樣都冇好快消失…查看更多

待應們保持一貫作風——唔理唔招呼唔好黎食嘅態度搬到九龍灣第二次幫襯，門口呀姐每次當見唔到有客，自行搵位待應就鬧客唔應該自己搵位，執好枱嘅唔比客坐，坐未執嘅叫待應執就問點解你要坐呢度，唔比code人自然就叫待應落單，答案係load唔到你自己落啦😓下午茶時間餐廳得一半客都咁嘅態度，怪不得大家要北上消費。無嘢食都唔會再幫襯🙅🏻🙅🏻🙅🏻…查看更多

見凍凍地，想食熱辣辣，見敏華新推菇丸煲，又有滑牛揀，所以一試，敏華人手欠奉，召呼欠奉，手機點餐後等了又等，牛肉先到，之後再來煲，好唔明白點解火猛但D湯唔會滾？飯腳已經食完他的茶餐，但煲湯仍然不冷不熱，所以我也不等個湯大滾，將三片滑牛及墊底菜都倒埋落去。當然食到最後，我都唔覺得煲湯有大滾過。湯底夠濃，除了三片滑牛，煲內附有3-4粒丸及菜，菇，如果要求健康之選，這是做到的。…查看更多