敏華冰廳 (德福廣場1期)

營業中

休息中

其實我平時好小寫評語，但我覺得今時今日move得入商場既餐廳，都好應該有反一定既服務態度。話說就我媽媽諗住排隊拎位先，點知佢話未齊人吾入得，都吾緊要，明白既，繁忙時間丫嘛。媽媽描述: 同時間另外有兩位客人問兩位想入座，明明入面有幾張吉枱，都要人排隊等，個兩個人結果走左;之後又再有單一位想食，個帶位吾睬人，又迫走左個客，原來今時今日既服務係要迫走啲客，幫公司趕客，真係大開眼界到我收工趕到去餐廳，終於齊人可以安排入座，當時我拎住勁大袋野，成五公斤，佢要我地坐卡位既一邊(個到啲位好窄)，之後我地見到好多人其實都係兩個人坐一張卡位，都吾洗搭枱，我地要求過有人搭再搬一邊，但樓面小姐(扎個髻操吾流利廣東話既女人)，要求我地都係要坐埋一邊，之後媽媽就嬲到起身走人，個樓面姐姐仲伸手指向門口個邊既手勢，真係以禮待人架姐呢間野，短時間內已經趕走左五個客，你出名姐，都不用做到咁串既，澳牛啲伙記大哥都冇你咁衰啦！我絕對吾recommend 各界朋友去受氣！

早起對肥妹仔黎講真係俾死更難受,不過今日係特別既日子,肥妹仔我決定一於早D起身去食過靚早餐去迎接美好既一日!!!!!唔知點解肥妹仔既母親大人好鍾意食呢間文華既菠羅油, 成日都叫肥妹仔陪佢食!我無食過佢既菠羅油,不過見到佢既麵包隔廿零分鐘就出一次,肥妹仔我估都應該幾新鮮,而新鮮既野又點會難食得去邊呀?炒蛋牛油厚多士睇開肥妹仔我既食評就知肥妹仔我真係好鐘意食牛油厚多士,不過肥妹仔我就唔係好鐘意食文華既多士啦!!!因為佢既多士烘得唔夠脆,無咗咬落去卜卜脆既口感,再加上佢係要自己搽牛油,肥妹仔我覺得似食快餐店既感覺(哈哈,肥妹仔我真係懶到出汁~)至於佢既炒蛋,um.....點講好呢??肥妹仔我有小小覺得奇怪,因為唔知點解肥妹仔我食到有陣蝦醬味定魚露味,好奇怪!!!!同埋真係好油........五香肉丁公仔麵呢個無咩特別,五香肉丁係罐頭貨色,微辣,公仔麵好普通,no comment!熱奶茶Well Well Well, 不得不說佢既奶茶沖得不錯,茶味偏重,好飲!!!不過肥妹仔我下次應該會試下茶走~

今日自己一個走左去德福，食晏時間真係超多人，見到有間食肆排晒長龍。突然間林，我要好好把握一個人食晏晚既優勢 - 就係唔使等位。無估錯，我問亞姐，一個人要等幾耐，佢立即問條人龍有無1個人，之後無，我就立即入得勒🤣🤣我叫左個常餐，食义燒米粉。义燒唔鞋唔靭，不過不失。米粉應該係好耐無食既鵝仔米粉,好有質感同粗身d佢配既滑蛋同雙腸加厚多士就無咩特別滑蛋濕左d...我仲叫左杯熱檸茶，都ok,唔會係澀。總括來說，好開心一個人黎食，唔使等位，食得好開心🤣🤣

早餐同下午茶都是一間不錯吃的茶餐廳。四十蚊內一個麵餐,算係咁, 但中午時既常餐呀晚上時既常餐我就覺得貴,因為都係呢啲麵餐,但係就變成五十幾蚊,貴廿蚊嫁。嗌左個蛋牛治,足料既,我無食,但朋友話好食五香肉丁麵,好食,麵雖然唔係出前一丁,但係都彈牙無漲麵跟餐既牛油厚多士同埋個炒滑蛋,真係唔錯,又香又好食,個包外脆但內仲係軟,正呀!!四個人嗌左四個餐加三個波蘿油,我獨自食左兩個波蘿油,正到爆呀!!以前唔食既波蘿油,而家一連食兩個茶走,正!!好味,keep住呀!!

每次經過九龍灣德福廣場嘅呢間文華冰廳一定見到長長的人籠！！無論早餐, 午餐, 下午茶, 晚餐時間都堆滿人群！！我成日覺得使吾使咁誇張呀！！真係咁好食！！今日終於排左半個鐘頭可以入去坐低啦！！吓！！張枱咁細仲話要搭枱！！等左我半個鐘！！好！！忍你！！我急不及待叫左炸菜鷄翼公仔麵加凍檸茶！！鷄翼整得很入味！！但可惜將剛炸起嘅鷄翼放埋落D公仔麵到！！整到淋鬼晒！！應該分開上嗎！！凍檸茶都幾好飲！！加番D分！！而男友人叫左個五香肉丁公仔麵加滑蛋多士加熱奶茶！！五香肉丁公仔麵很一般！！滑蛋多士都ok好味！！熱奶茶好香滑！！

there is always a long queue at the door. Sometimes I would just wait for the bun that newly released from the oven and take away or having them while waiting for the queue to get in. The cha siu bun is really amazing! We can have two each! The meal set is nice and price is reasonable. The Hong Kong milk tea is very nice also!!

睇戲睇到九點半，完場後已是飢腸轆轆，好多餐廳都已經last order, 好彩見到文華仲有開，就好敏捷地同女友衝入去了呢度門面夠光猛，裝修行高級茶記路線；又聽講有出名的菠蘿油，無奈今次太夜先黎幫襯，希望下次有機會黎試下叫左個A2餐俾自己，沙嗲牛肉食得多，沙茶就真係比較少食，味道係偏鹹再加少少甜味，用黎拌麵一流另外塊滑蛋係新鮮即製，夠哂熱辣辣，夾落塊厚多士食真係好滿足女友鍾意蕃茄又愛飲湯，呢個通粉就最岩佢喇！不經不覺佢飲左大半碗，話夠哂鮮味喎，飲完亦唔覺口乾，至於通粉同牛肉就被忽略了以宵夜黎講，呢度既水準的確唔錯，可以放入口袋名單

呢間茶餐廳次次行過都一定有條龍係到排緊隊，見佢開左一段時間啦都叫小左好多人排記搵左一晚去試下佢，好想知一間茶記點解都排成咁叫左2個餐再加一個雞翼！呢個煎豬扒雙蛋飯真係好鬼好食！隻蛋煎得好好流心又脆邊，整穿佢d蛋汁要黎撈飯真係冇得頂！個豬扒勁淋勁鬆化，配合埋佢個薑蓉真係食唔停口，而且分量都唔係小！呢個就我朋友叫嘅雜扒飯！我就冇試啦不過佢都話好好味，但如果比我再食都係食煎豬扒飯呢個咖吔多就冇咩特別啦雞翼都正正常常！

有無人都好鐘意新鮮出爐包呢菠蘿包$7奶皇墨西哥包$8好食指數:6.5/10原本想叫菠蘿油 因為我廿幾歲人都未食過 但係塊牛油要加$3 精打細算既消費者唔覺得塊牛油值$3 所以叫左菠蘿包一上枱熱辣辣 個包仲大過我塊pizza面 面頭甜甜脆脆 內裡比較實在 無空氣感 過口癮係唔錯個奶皇包唔夠奶皇 得淡淡味 不過幸好有脆包皮層搭救兩個包都夠脆 內裡都夠實 唔似食空氣不過收得呢個價呢個質素叫合格 未見高水準常餐:沙茶牛肉公仔麵炒蛋 腸仔 厚方包$50好食指數:6.7/10沙茶牛肉麵好香濃 麵底係出前一丁麵 麵質唔算彈牙 正常 但個沙茶牛肉係幾唔錯 滿口咸香味 牛肉肉質夠淋炒蛋ok 未稱得上好滑 但係接受到既standard 方包有烘底 都香口鬆軟雖然食物好簡單唔花巧 但都唔會好似d茶餐廳咁hea我難怪係商場裡面大排長龍 因為係呢間商場裡面 呢間既lunch算係正常可接受standard 呢間原本就係旺角執左既老店 估唔到而家會開係商場裡面不過都係果句 澳牛係不能被取締 同埋呢間係太興集團既 所以唔會俾到驚喜你 正正常常既質素啦

年初四準備要開工了！懷念完舊式的咖啡冰廳在紅磡的舊「文華」後，今朝早上就去了新的文華試一下。聞說這間文華在德福商場非常多捧場客，在早餐午餐和晚餐時候都大排長龍，少見地在德福商場會在單獨食肆外邊加起排隊的繩索。今朝早早過去體驗一下，不用排大隊或許大家還在假期吧！坐下來，唔算闊落，迫迫地的傳統保留著。順口問有什麼好推介時，見到服務員都是用一個平板點餐落單，感覺就是新的科技在推動港式的茶記/冰廳。服務員推介他們的牛肉麵，看了一下有沙嗲牛肉麵早餐亦有一個有他們公司圖案推介在傍的沙茶醬牛肉麵餐，咁當然是招牌貨啦！來到之後，簡簡單單一個沙茶醬牛肉麵、茶走配上傳統的大排檔厚杯；感覺不錯。食落沙茶醬牛肉麵沒有沙嗲牛肉麵的辣但係非常之香，都算濃味。但最欣賞的是炒蛋是有蛋味的，很不錯。茶走配上獨立的煉奶方便不同人士口味，此舉實屬細心。多士還乾身帶脆，「索」一點沙茶湯底比淘牛油更加好味！不過之前新聞說這些湯麵湯底含蠟哥哥所以都係少「索」為妙了。總體來說，不錯的一份早餐，每朝大排長龍的確有原因。

堂食同外賣都等勁至少半個鐘，所以門口永遠有條人龍，唔好誤會佢好好食，其實純粹係慢，肚餓住真係唔好去。明明食物都係超茶餐廳常餐簡單手板眼見野，又唔係多款，都唔知搞咩搞咁耐

今日lunchtime 同埋同事們來到九龍灣廣場搵嘢食，之前都見到呢間冰廳排晒長龍㗎啦，但同事都好想試下於是我哋大約排左20分鐘先有得入去食。午餐時間來講喺九龍灣要排隊除咗代表香港地少人多之外，亦都代表左好食。排隊嗰陣已經見到呢度係會有師傅親手去做起每一個麵包新鮮出爐嘅，包括有菠蘿包榴槤包雞尾包等等香港懷舊嘅麵包系列，今時今日來講的確少見。坐低睇一陣Menu決定係叫超級大雞扒飯作為今天的午餐。就係要睇睇塊雞扒到底有幾大。結果並無令人失望，塊超級大雞扒真係有成塊面咁大。加埋白飯薑蓉少少豉油汁一齊食都真係幾唔錯呀！雖然係油膩左少少。加埋杯凍奶茶，係一個幾唔錯嘅午餐選擇！

對於土生土長的香港人來說，一定不會對傳統冰室感陌生。早年當已有40年歷史的文華冰室光榮結業🚫後，一直都為這傳統冰室的消失感到可惜😢。然而上年他終於復活了！新的連鎖店舖面比以往更光鮮✨，但店內裝潢依舊以『懷舊』為主題。超級雜扒飯🐤🐷：對住雜扒飯一直有種情意結，腸仔到現在也是最愛，配上外皮煎得非常香脆的午餐肉、和雞扒，感覺很親切。可惜豬扒太乾身，成為全晚唯一失色的地方。茶走☕️：傳統的茶走一定是不能缺少的！加上他們的煉奶🍼是分開上的，方便大家根據喜好而作出加減，非常貼心。總結：食物總能為人帶來很多美好回憶，真心希望傳統能夠繼續延續。💝

旺角老牌嘅文華冰室，竟然已經開始進駐入商場。經常見到人龍。。。今日，一個人就試排下隊啦⋯⋯哈哈，因為一個人，通常排隊的時晶都會快啲嘅10分鐘內可安排入座，一座低，聽到有鐘聲，有擴播＂新鮮出爐菠蘿包＂，好多人都叫，當然我都叫左個來試，熱騰騰的麵包，一定好味，加上都外脆內軟，外皮唔太甜，又不是空氣包，值得一試另外，一定點番個＂茶餐＂五香肉丁公仔麵配炒蛋多士：基本水準（仲有，見到對面姐姐果碗，榨菜肉絲雞翼米粉，賣相和飄來一陣陣香味都唔錯下次可以試吓佢個菠蘿叉燒包⋯⋯是日太飽，留肚吧⋯⋯

這個廣場竟然開了文華冰室，初初還以為是一間普通的茶餐廳。每次放工時間經過，都看到門口總有一條小小的人龍，這天，就試試晚餐吧。看了餐牌，才知道原來不是普通茶餐廳，因為款式不多，少了茶餐廳必有的炒粉面飯呢！結果點了這個特餐，價錢不算便宜，$53連飲品。叉燒湯米粉+腸仔煎蛋多士米粉份量不多，可能因為這是跟餐的，我見其他人獨立叫的話，份量會多一些呢！叉燒聲稱使用某集團的叉燒，但吃下去與某集團叉燒有點不同，可能這間叉燒是浸了湯吧，而且切得比較薄，勝在易入口。腸仔煎得不夠燶。最欣賞的是煎蛋，因為煎得很香口呢！可惜的是，以這個價錢，粉的份量少了一點，一個女孩也未必夠飽呢！