敏華冰廳 (德福廣場1期)

營業中

休息中

排隊指示極亂，以後不會幫襯！在麵包外賣部排隊位只有亂！！我本身有排隊的，指示不明排錯位置，前面本身有兩個人都排錯隊，但係等太耐走了，搞到其他人以為我打尖，十分氣憤，職員沒有看清楚就話我打尖，十分過份！指示不淸已有N人中招，之前的已有人post 過，堂食都有幫襯過，職員不禮貌已多次，出單耐，等好耐問啲野幾時到，都冇人應，集團經營都咁差管理，食物幾好無service 都冇用！簡單排隊都激死人，以後都不會再幫襯！去街坊茶記好過!!

又多一個笑容意味著我可能排隊平均時間又長左啦...不過好野是要分享的平日7點幾去到好彩唔洗等..唔係都可能5~10分鐘..8點幾可能仲耐啦我估..睇我食評就知劣多過好..OK個D食評我近年都懶得去打..因為OK即係大家平時字面上對話常常都慣左對人冷淡應句K LA咁同打好多........無分別唔打都罷..因工作關係朝朝試左附近區好多早餐..純計奶茶本身最出息就太好味道個間..呢間好似係同一集團..奶茶都係雪左比客..亦因近年得知..其實冰運送過程或到食肆冷藏過程都可能會暴露空氣裡面以致比菌承虛而入..我都覺近年成日飲凍飲都可能傷胃..所以佢唔用冰放入面反而仲岩我..而家都盡量戒冰了..講返奶茶..近年好中意周圍試唔同茶記奶茶..好似講求兩樣野..就係茶香奶滑..要恰到好處..但多數失敗D鋪就係一係奶味重左..一係茶味怪怪地..唔得平衡..所以相比起呢度就中規中舉..濃香茶味而不失奶味..佢仲有個茶走係練奶仔分開比你自己加..又係唔錯..會變左甜D奶味重D..其他普通茶記就茶走會好唔岩我..呢度就不相伯中..不過小體會:覺得佢凍奶茶同維X隻濃茶版大同小異(認同請LIKE下)好~~~到個方

剛剛喺徳褔睇完Star Wars想醫醫肚，見到文華冰廳，完來旺角老店關門大吉搬後去咗九龍灣，以前成日去旺角幫襯，今日可以懷舊一返。餐廳設計當然同以前完全不同，但以摩登懷舊風格設計。地方不大當然要搭枱啦！食物都係以茶餐廳種類為主，當然要試下豬潤公仔麵，同埋常餐啦！味道完全無令我失望

邊個話茶餐廳係男人既浪漫💕？計我話 常餐先係女人👩🏻既浪漫🌹文華冰廳 我細細個就去過😋當年佢仲係旺角時 我最中意食佢個腸仔蛋鼓油飯諗起都留哂口水呀🤤🤤雖然呢間老店已經離開左旺角區但近排比我發現佢黎左九龍灣呀👋🏻👋🏻真心喜訊呀🤤常餐好正蛋有蛋味 面包仲正 外脆內軟真心推介呀

假日同家人一齊行德福見到遠處有條長長既人龍到底有咩着數? 原來係新開食店行近D睇原來係太子之前執左而家重開既冰廳突然覺得肚子餓 又排埋一份先！不過堂食差唔多要等成十幾張枱明明只係下午茶時段…所以我排左十分鐘就放棄了見到有另一條隊原來係派外賣所以我就轉戰左外賣隊見最多人買既菠蘿包不停咁出爐 非常吸引見唔少太太係六個六個咁買成袋拎走 勁誇張我就小試牛刀 買左個但當然最重要係加返塊牛油十蚊雞當買個下午茶拎上手又未至於熱辣辣微温令牛油漸漸溶化牛油睇落都偏薄 但食下食下又幾夠食我最關心係佢個菠蘿包皮牛油香夠但酥脆度好一般WOR太過薄身令口感唔夠麵包夠軟就可以加返D分但我就覺得唔令人要回頭再食LOR!

今日早了出門口，見尚有少許時間，決定去排隊買麵包。🍞這間餐廳由開業至今總是有長長的人龍，連外賣麵包也是要排隊。但外賣與堂食兩條隊總是會撞在一起，有點混亂。麵包有菠蘿包，菠蘿油及墨西哥包等選擇，我選擇了菠蘿油。廚櫃上并沒有菠蘿油，原來付款後店員才將菠蘿包交廚房加片牛油。菠蘿包的皮焗得美美的，金黃色，很吸引。因為菠蘿油沒有用熱的麵包，所以牛油沒那麼快溶化。而牛油厚切，夾在麵包中間。咬下去入口即溶化了，麵包很鬆軟。既簡單，又很滿足的早餐。

宜家成日都講復古懷舊，今次就去左呢間文華冰室，細細個已經係呢間太子文華既fans,之前太子間老字號決定結業，心入面都總有小小依依不捨，直到收到文華捲土重來既消息，又期待又興奮。中午時間的關係，門口已經擠滿長長的人龍，等待既途中見到玻璃櫥窗入面一個個新鮮岀爐菠蘿包，菜單已經決定好了。首先登場係新鮮岀爐的墨西哥奶黃包同雞尾包，新鮮果然係唔同d,面包軟軟的，仍然保持餘溫，唔錯，但相比之下雞尾包就比較普通左小小。再點了一個三叔公馬來咖吔多士，雖然唔知邊個係三叔公，只有薄薄既一層咖吔醬，感覺無咁突岀，希望但三叔公下次可以落多d咖吔，只有薄醬。最後黎多個濃湯豬膶牛肉公仔麵，誰知道呢碗普通既豬膶麵有驚喜，湯底似乎加左薑去熬製，食落幾開胃。整體來說感覺太子之前的文華冰室更有多一點人情味呢！

茶餐廳一直都不是我杯茶。但此店由開業至今，不論早、午、晚，都有一條蛇餅，便下記決心一試。職員服務比一般好，有點錯愕。餐牌選擇不多，茶餐外，飯類非常之少。點了义燒一丁，沙爹牛肉一丁，煎旦免治牛肉飯和招牌菠蘿油。先來的菠蘿油，新鮮至極，外面又脆又甜。難怪連外賣包也要分開一條隊。义燒是推介，但沒有特別，平凡。反而沙爹牛肉味道香濃一點。最後煎旦免治牛肉飯，味道可以，茄味中和，如果肉醬可以多一點更好。雖然不是說驚喜十足，但是感覺都比一般茶餐廳的用心，我還是會再次光顧試其他東西。

呢個商場嘅食肆多數走高檔路線，呢排開咗呢間餐廳，周不時都有人龍出現，一定有佢嘅吸引力。呢日我八點十五分左右，已經見到10人在排隊等位，我都排埋一份試下佢嘅早餐先⋯⋯排隊期間，有道玻璃隔住入面清楚看見師傅在整麵包，俾人感覺好乾淨、食品好新鮮。等了15分鐘可以入去食嘢喇⋯⋯非常體貼的提示，螢幕會顯示出爐時間多士脆口沙茶牛肉麵，牛肉入味，麵不會太林咖啡不錯我叫了沙茶牛肉麵餐，跟煎蛋多士，飲熱咖啡$34食嘢期間，好多麵包陸續出爐，但我的肚子只能容納一個早餐，下次一定要走過來食下午茶，叫個菠蘿油跟咖啡⋯⋯一絕

旺角「文華冰廳」有著40年歷史， 記載著當區市民不少回憶，當年老闆移民而結業，筆者都有去趕尾班車幫襯。其實味道只是一般般，但懷舊熱烘烘才把餐廳推崇至那麼高那麼遠。最近為保留冰室情懷，夥拍連鎖集團「太興」，在筆者工作地方附近重開店鋪，當然要試下！12點門口已經開始有人龍，不過茶餐廳翻枱快所以不到十分鐘就可以入內。文華冰廳是傳統茶餐廳，不論麵包、西餅均是自家製造。 新的「文華冰廳」按照傳統在店內自設焗爐並由師傅即場做麵包，茶餐廳供應出爐新鮮麵包已經買少見少，實在難得。另外，焗爐放在門口而且半開放，引到不少客人口水流。「文華冰廳」以懷舊為主題，收銀位置舖上紙皮磚，有些懷舊味道。除此以外就不太覺得特別搶眼。午飯時間搭枱都正常合理，只不過枱的密度高而且大家都好興奮不停高談闊論，真係好嘈完全聽唔到坐在對面友人的聲音。太嘈食完都好快走，難怪翻枱那麼快。主打自家製麵包、濃湯豬潤麵、餐蛋飯及紅豆冰等香港昔日美食，讓顧客可以再次細味屬於大家的集體回憶。飯類選擇不太多只有六款，介乎$44~55 (包飲品)揀左【懷舊厚切餐肉煎雙蛋飯 $44】其實這個茶餐廳必有的餐肉煎雙蛋飯，用料簡單，製作時間短，成本低...

好野，原來真係多人等。事先聲明，我絕非打手我只係在一間九龍灣中學工作，完事後約朋友食野德福果頭都係大型連鎖食店，真係唔想再食但竟然比我地搵到間驚喜之作－文華佢既菠蘿包係新鮮作，師傅係玻璃前專心工作，手藝熟練，絕不怯場餐廳環境乾淨，都因為岩岩開店，而且坐落高級商場，所以環境唔錯食物價錢方面，相比係其他餐廳，係有少少貴，但我覺得都合理我和朋友叫了兩個常餐＋菠蘿油＋凍奶茶炒滑蛋＋菠蘿油有驚喜好重蛋味，菠蘿油就厚切牛油，皮脆整體黎講，整力推薦

每次經過這間餐廳，都會見到長長人龍，仲有唔少人特意等新鮮出爐麵包帶回家。今次終於到這裡試試，看看值唔值得排隊。今次叫了文華冰室當的推介，分別係沙茶牛肉公仔麵🍜配炒蛋厚多士和脆皮叉燒包做爲早餐。先講叉燒包，外層皮有的確很香牛油味道，裡面叉燒偏瘦，正是我喜歡的😍😍，而且叉燒醬汁很香，不會很鹹，恰到好處，我認為真心值得一試。外表像雪山叉燒包，但比酒樓那種好食好多！熱辣辣的叉燒包，而且13蚊兩個，也算經濟實惠👍🏻👍🏻。店舖還有大大個的菠蘿包和雞尾包，看落去都非常吸引。而沙茶醬牛肉呢，牛肉比較軟，容易入口，但有幾塊有筋，食的時候有小小費力。炒蛋非常嫩滑，放在牛油多士上食一流🍞，厚多士真材實料，不會像方包甘薄。早餐來說，非常滿足！因為經常人流比較多，服務員都非常有效率，預計不能坐太久。

近期德福廣場裝修後，開了不少新食肆，文華冰室就是其中一間。這間冰室生意不俗，人龍常在。今次見人龍不長，便湊熱鬧試試其出名的菠蘿包。雖然叫做冰室，但店內裝修新派， 很光猛又不算迫。 一心想來吃菠蘿包加熱奶茶，但套餐比散叫只是貴兩元，還多了一個炒蛋，當然是點套餐較化算。如果吃菠蘿包是邪惡的話，菠蘿油更是邪惡之極! 菠蘿包算大個，夠熱。 頂層的脆皮夠鬆化， 加上溶化的凍牛油，一凍一熱，味雷的剌激也! 不過菠蘿包偏鬆偏輕，吃起來有點“一陣風”。比起太子金華的菠蘿包，這個有點比下去。炒蛋則有點不夠嫩滑，部分炒得較老， 口感略遜， 與澳牛或華星相比，高下立見。奶茶反而有驚喜，茶味足又不會苦，就算不加糖也可以!如果不用排隊的話，一試無妨。。

文華係德福不知不覺已經開業幾個月，環境衛生，好乾淨👍🏻👍🏻 不過一到食飯時間就gg,超長人龍，最少要等3個字。話雖如此，每日都有好多人黎食😂食物質素幾好，價錢係德福算平40-50😂如果早少少11點半到仲可以落平早餐，同常餐一樣的食物，但係平十幾蚊😅 如果太遲入去1150佢可能唔比落早餐🙄講番我成日食的例牌，常餐沙茶牛肉麵😋塊多士夠厚，香脆，炒蛋好滑😋仲有豬排蛋飯，都幾大（我覺得太興好食啲😂）常餐跟熱檸蜜，唔洗加錢😱好似好底😂👍🏻總括黎講商場茶記又有質素，難怪日日咁多人(仲有佢出的面包，好多人排隊買，食落都ok，不過面粉唔算好鬆軟🙈）

到德福商場逛街，見到文華冰廳門口的隊伍不算長，於是決定排隊一試。等候時間不長，不需五分鐘便可以入座。看一看餐牌，原來都是簡單套餐，難怪除了情侶，便是男男生居多，相信閨蜜應該不會約到這裡晚餐的😝點了個豬扒芙蓉蛋飯同大雞扒飯，竟然有大大塊肉在眼前，白飯加葱油，真的好適合填包肚腩。服務算勤快，只是雞扒飯需要等多一點時間，二個人約一佰蚊的大大份晚餐，又沒有加一，難怪門口經常排長龍。有時候真的不想諗食咩，文華冰廳都算係一個好選擇！