拿督星馬大飯店 (已結業)

如果search 觀塘美食 嘅話，相信唔少人都會聽過呢一間係碼頭熟食市場入面嘅星馬食物。佢俾好多名人推薦過，我自己都食過幾次。而當中最出名嘅係黑豉油撈麵。馳名怡保炆大細腳黑豉油乾撈麵 ($47)黑豉油撈麵色澤好靚，充滿油光，唔會話偷工減料，每一條麵都沾有黑豉油。份量都十分多，我同朋友都算大食嘅朋友，但我哋都食唔曬成個撈麵。 黑豉油撈麵好夠味，不過佢比較油身，間唔中食一次就ok啦。咁講返配料，我揀咗大細腳，即係豬腳同雞腳，佢嘅豬腳同雞腳都係非常非常正。因為佢炆到好入味，絕對唔會硬身，每一啖都係骨膠原嘅感覺，超正! 馬來福建豬頸肉蝦湯麵 (摻摻) ($51)蝦湯麵一上菜已經聞到陣陣蝦味，飲落去唔算太鹹，有蝦嘅鮮味。而且，蝦湯麵本身已經跟咗一塊叉燒、蛋、炆豬皮仲有豬油渣。炆豬皮炆到又冧又入味，豬油渣脆身香口，啱曬我鍾意食香口嘢嘅人。配上豬頸肉，豬頸肉燒得好香，有陣陣燒烤風味。摻摻係油麵加米粉。薑汁拉茶 (+$10)夠味，飲落去仲有薑蓉，但又唔會話太辣，天氣凍飲好暖身。

这家算是网红店吧，网络传媒都介绍了好几次，经常坐无虚席。今天中午12点多去的时候入座率已超过八成，单枪匹马的好处是容易找到位子。他们在熟食中心内有几个铺位，墙上贴满了充满星马特色的照片。听说他们的干捞面很好吃，用的是南洋黑豉油，上桌时是深棕色。豉油不咸，带的是甜味，捞的是粗面，不会煮得太久，面身保留着韧度，有很不错的口感。最欣赏是配搭的猪皮，炆得很够时间，又腍又香，我也是第一次吃到这样美味的猪皮。补了10元要了一杯薑汁白咖啡，他们把薑蓉加进咖啡内，重口味兼带点轻辣，适合喜欢吃薑的人。埋单59元，以食物水准来说是可以的，但环境只是一般般，不能坐太久。

特別推介：檳城炆鮮豬皮😍​勁重骨膠原🤤❗️好入味🤤❗️​​香茅豬扒喇沙😋​豬扒係好食嘅，湯底唔係好辣，唔重椰奶味​同埋越食越鹹，有啲口乾​​腐竹薏米冰好足料 仲好似飲緊糖水咁👍​山楂冰第一啖飲落有啲酸 試一次就好😂​

閒日放假，早早去試！見到今日推介，即叫個肉骨茶餐， 包白飯同幾粒油條。 個肉骨茶少少辣，我估有胡椒。 d料原來有1個骨，1個豬手，有d唔知牛定豬內臟，所以好好味。 另外又叫左個叻沙， 反而覺得正常冇特別。 又叫左個黑豉油咖哩牛腩粗， 有驚喜，唔油膩，爽口。 豬皮好味， 最後2杯薑汁白咖啡同薑汁奶茶都ok. 整體上是好味的， 又有好多款野未試，期待下次再來。本次去時發現及大家都可參考吓： 一定要避個lunch時間先去。 今日是星期三，傳聞星期三先出現的肉骨茶真係出現左。 伙記有的是上年紀的人仕，敬業努力， 十分有禮。今日不需排隊， 未坐滿，所以整個體驗十分良好！ 有時間的朋友可試試！

依間係觀塘碼頭附近，依間有好多明星同節目都食過，令人好有期待感。今次叫左燒豬頸肉叻沙，價錢都幾平，味道又好味，豬頸肉燒得好食，好有肉味，湯底又用左魚同蝦殼制成，海鮮味好重。不過，環境唔太乾淨，衛生一般般。

熟食市場的五星級餐廳！從來沒有吃過好味的豉油撈粗麵！ 粗麵不油不膩，色澤鮮明，味道不濃不淡，麵質爽口彈牙，有一點煤燒味，好有東南亞風味 配上超大塊香茅豬扒，表面香脆，肉質鬆軟，不乾，好好味！麵份量大，本來吃了一半已很飽，但不捨得不完成整碟麵 ：D我們三人點了黑椒魚餅，好味！點了飲料： 腐竹薏米凍飲、紅豆冰、小咸桔凍飲，薏米高度推介！ 紅豆奶味香濃，咸桔清新一定會再去嘗試其他美食！如果去唔慣熟食檔的朋友，可能要忍耐一下，吃過拿督的美食，你會覺得值得：)

食唔厭嘅星馬泰餐廳餐廳位置喺觀塘海濱街市上面，唔係同事帶我去我一定唔會知道呢度有好野食，不過你要接受到衛生環境不太好，只可以說有點地道有時候食好嘢要有啲付出！夏天去真係會有啲熱，因為佢多數都係湯麵，而且冷氣唔夠凍，人客比較多，不過我相信食好嘢嘅食客唔會太介意！今次食埋個咖喱麵，咁基本上餐廳餐牌上嘅食物我都食過！講到冇得輸一定係白咖啡每次都係必點！而食物上面我鍾意嘅胡椒湯面，不過吾食得辣嘅我食到一半流晒汗，但係我鍾意呢個味道，刺激

食飯時間去呢間食店預左要等要排隊 因為都知出名 我都係慕名而來 不過見到嘅係餐廳管理奇差 唔知佢點落單同入單 錯得嘅位全部錯晒 要人白等餐廳員工全部maat大喉嚨燥都無用，根本無人清楚知自己做緊咩。錯得嘅位全部錯晒: 上錯餐，黎左無嗌過嘅食物。上漏餐 ，一枱三個人食飯其中一個食完另外兩個要空等。某款食物賣晒要客人改單同一枱講又唔同另一枱講。跟住我聽到佢地員工之間講，有個人等左成個鐘都未食得呀，我一聽到呢句決定即走。我只係短短經歷左半個鐘，就見到咁多野，講真間餐廳做到咁你煮到曉飛都無用。

話說早排我老公睇完衛食攻略之後就話好想試呢間星馬菜 咁岩就到一齊放假就一於去試下地點其實不太就腳 位於觀塘碼頭既熟食市場入面 如果唔係我老公渣車 我諗我唔會自己坐車入黎一上樓梯見到人頭湧湧就係我地既目的地 我地係平日十二點左右到 可能食飯時間係比較多人 好彩排隊既時間唔算太長 十分鐘左右我地就可以入座 我地心目中已經諗好左食咩 所以好快就落左單 後來店員話比我地知海南雞飯已經賣晒大細腳撈粗雞腳同豬腳都鹵得好入味同好淋身至於撈面好香豉油味 又唔會好咸老公就叫左胡椒豬頸肉湯河湯底好濃胡椒味 但又唔會嗆喉最驚喜係豬頸肉望落好似好乾身 一咬落去原來係好淋仲要有小小膿邊一場黎到就梗係要試埋白咖啡 有d 椰香味唔會好甜 同出面飲果d 好唔同 幾特別

其實知道有呢間嘢好耐了，不過因為隔涉😹所以都未黎試過，今次做完野之後的起心肝行過去官塘碼頭😹😹😹怕熱嘅朋友可以穿過宏利棟嘢行過去👍🏻起碼可以涼下冷氣先嘛🥰唔洗驚唔識行，只要係官塘廣場個出口出黎，沿住開源道🛣向海皮行出去，直至見到🚌巴士總站，隔離就係👇🏻官塘碼頭熟食市場啦！！市場平排有兩個入口，不過都一樣嘅👍🏻總之入去行樓梯上一層，上到去望右手邊，拿督冰室就會係你眼前😻👇🏻👆🏻鋪頭喺熟食市場嘅角落，個鋪位雖然岩岩巉巉，但係都有幾多位同幾舒服架～個人覺得算係幾乾淨整齊架啦🥰👆🏻呢間係專門食星馬嘅野食，之前去星馬做嘢就成日食到，而架黎呢度食下過下癮😻💕有叻沙、海南雞飯、乾撈、咖哩、白咖啡、拉茶等等😻😻今次就食左叻沙先啦～原本我就揀左燒豬頸肉叻沙摻摻👇🏻交左食單比個啊伯(侍應)，點知過左十分鐘，另一個侍應過黎問我有無落單，我話交左單，佢話可能個侍應整唔見左張嘢😧咁重新落過單，就話摻摻已經賣晒，無油麵得返米粉🥺，而個燒豬頸肉係燶得濟😧，仲要叫左拉茶比左奶茶我。。。😧我就當自己唔好彩😹😹😹不過講真撇除呢啲唔好彩呢，其實係幾好食架👍🏻豬頸肉係好林而且唔un🥰無咁燶就完美啦～叻沙湯底濃郁，有星加坡嘅

諗住去食，就遇上紅雨😅觀塘碼頭又有d隔涉，擔遮都行到全身同個袋都濕曬個觀塘碼頭街市外觀都幾殘舊，走入去有少少冒險既感覺一上二樓就見到拿督啦，裝修幾別緻，幾欣賞佢d相同畫既mix n match，有種唔係香港既感覺三點鐘，好彩未關門 🕒叫左福建雞扒蝦湯麵 加 怡保雞雜 姨姨好熱情招呼，叔叔又好有禮貌個麵一黎，夾一夾，e無蝦係入面既，蝦殼都無啵～唔理啦！飲湯先啦梗係！🦐諗住會有濃濃蝦味湧出黎點知，一啖入口....超咸😂完全無海鮮味摻摻份量都比較少，扒左兩啖就食完左。反而份雞扒好大份，可以食到尾。雞扒唔知係咪碳燒既，好香好正👍🏻雞雜好爽甜，個醬都係甜甜地，好啱口味我自己一個食曬，好滿足😌雖然我最愛既蝦湯麵佢做得麻麻地但呢度人情味濃厚⋯⋯板娘同大家有傾有講態度係絕對可以搭救食物既不足架所以我會再幫襯，下次帶埋朋友黎試喇沙黑撈先😊

疫情緩和返，個人好似俾蟻咬咁唔想再屈喺公司食外賣、飯盒.. 一齊仆去食返啲正宗風味嘢衝擊下味蕾❤️位置：係幾隔涉架，官塘碼頭街市上面.. 環境：雖然係街市餐廳，但衛生ok，老闆都有花少少心思.. 有啲相.. 有少少裝潢.. 感覺唔會似街市大排檔.. 不過大部分食客為麻甩佬居多，可能靚靚女士對街市食肆都係小啲接觸(btw 我唔會認自己醜樣架😂😂)食品：絕對ok! 不過本人其實係鍾意啲杰身啲嘅喇沙.. 佢係唔夠椰奶嘅，但佢湯頭嘅蝦味好鮮好甜👍🏻 絕對係值得我行咁遠過嚟食個lunch gei價錢：埋單連埋杯菠蘿冰都係咁$6x，Cp值高👍🏻 平靚正之選❤️我食豬頸肉 同事食雞扒.. 肉質👍🏻 雞扒都唔係鞋辣十果啲，正正正❤️

「拿督星馬大飯店」位於觀塘碼頭熟食市場離港鐵站都幾遠🧐觀塘係工業區 中午食飯時間人流好旺等下燈位塞下人要行15分鐘先到🤣上一層樓梯好顯眼好易搵😬幾個舖位連住 都幾多座位類似大排檔嘅格局坐就唔坐得耐㗎啦衛生方面餐具地面座椅枱面嘅乾淨程度真係非常一般😅周圍都有種痴粒粒嘅感覺特別餐具睇落有污積自己抹一抹先用會安心啲另外雖然係室內但冷氣唔太夠🥵唔知係咪因爲咁 烏蠅飛飛存在感都幾強😂但以上環境因素係唔影響食物質素嘅😋海南雞飯($57)招牌菜之一三款醬汁：黑豉油、薑蓉、辣醬份量唔錯 味道正正常常油飯較失色 香味欠奉尚算粒粒分明飽滿 🍚但上色不均米粒入口口感較為糊口不夠乾身雞肉皮香肉嫩油脂多👍🏻燒香茅豬扒黑豉油乾撈麵($47)驚喜！好食！回味！！小編點嘅係粗麵一上枱麵條色澤已經相當吸引😍粗麵夠吸味😚麵條帶甜沾滿醬汁充滿豉油香味 😋豬扒十分高質！煎得香 面頭帶少少脆肉質軟稔不柴口😆醃得好 食到有香料香茅味☺️真心推！黑胡椒煎魚餅($24)黑胡椒味超濃超撲鼻😛魚餅如果厚身啲口感會更好

位於觀塘的「拿督星馬冰室」又名「拿督星馬大飯店」，隱藏於觀塘碼頭熟食中心入面，鮮為人知的美食。⁣⁣🔸黑豉油撈粗麵 $45⁣黑豉油是從新加坡寄貨回來的，每條粗麵都平均地沾上黑豉油，濃稠香甜，不帶苦澀。⁣⁣🔸燒香茅雞扒叻沙摻摻 $47⁣摻摻是米粉同油麵兩溝，叻沙湯底濃，不太辣，易入口，香茅雞扒煎得好香。⁣⁣🔸椰汁冰⁣好清甜，有椰絲。⁣———————————————————⁣⛳️ 拿督星馬大飯店 (觀塘)⁣觀塘海濱道190號觀塘碼頭熟食市場1樓20號舖⁣⏰星期一至五 08:00-15:15⁣⏰星期六至日 全日休息⁣

專登搵日閒日放假避開午飯時間提早去1點前都吾洗等位·摻摻即米粉和油麵兩溝油麵的鹼味蓋過左湯底味我鐘意米粉多d🙊第一次食冇海鮮的叻沙湯底少了一點鮮味🦐豬頸肉好香好食份量都吾算大做午餐可能吾夠飽😂·侍應上枱時成隻手插左入碗飯度😅油飯超重薑味好香啖啖都係薑🤓雞比左雞髀🍗好滑但吾鐘意有骨🦴好多碎骨·☕️凍新加坡白咖啡 加$5比平時既咖啡多一份苦澀面有美綠粉有少少似mocha🍫星加坡美錄 加$8朋友覺得好好飲我就覺得杯杯美錄都係咁既味🤨·餐具全部都掛在牆上看到牆身會覺得有少少污糟😂由於餐廳在熟食市場上層環境衛生已比想像中好