拿督星馬大飯店 (已結業)

As you know, I love trying Singmalay eateries because I don't think I will ever make it to Singapore or Malaysia because I hate hot weather.Unfortunately,  it is summer at the moment, so made it in the humid heat to Kwun Tong pier where this place is located.I nearly went to the wrong eatery, because the money hungry stalls on the ground floor were ushering people to tables as soon as anyone arrived.Got there and the eatery was quite interesting because they had printed bills despite being in a

星加波出名娘惹叻沙，係呢度就叫左碗鮮蝦叻沙，醫下肚先呢個叻沙我個人好喜歡它的湯底，因為湯夠味，米粉及餸也會更入味好味湯底辣，充滿濃郁的椰子香，湯不杰，有少許海鮮味蝦不太大隻，但幾彈牙蛋好入味，重蛋香府卜及魚片也索左湯味米粉吸收左湯味，超正，不會太林，有口感我覺得不錯呀

位於觀塘碼頭附近熟食中心的新馬美食餐廳, 經常爆漏。咪以為喺熟食中心餐廳冇乜睇頭, 其實裝修都算用心, 牆上掛左好多大馬有關o既相, 仲有特色o既魚缸。點左個生牛肉胡椒湯沙河粉, 食落喜出望外:牛肉: 餐牌特別註明係西冷牛肉, 食落果然非常有牛肉味;牛丸: 又係好有牛味, 可惜只有兩粒仲要細細粒; 多兩粒或者大粒啲就perfect胡椒湯: 濃郁胡椒味, 辣度啱我沙河粉: 夠彈牙煙靭食落覺得熱, 人太多冷氣明顯唔夠, 餐廳食品有唔少都會食到慶合合, 建議加裝冷氣。整體可以接受, 見隔離個喇沙湯好似唔錯, 餐牌亦有好多選擇, 下次嚟試試~

都係聞海南雞之名而來，一場黎到，當然要試下依度好出名既海南雞飯。事實上海南雞飯作為一道名菜，在香港並不算太難食到，但難在吃到正宗好食的。很多會做到三色醬的水準很好，雞也很爽嫩，但始終雞味不夠，就難登絕頂。這間的水準算是中上以上吧。三色醬中，都做得味道甚佳，飯是油飯，味道濃郁，可以。雞件也是同樣問題，平心而論其實幾好食，因真係好嫩，白滑而爽，只係真係冇乜雞味。不過，在現今雞業如此發達的情況下，要吃到有雞味的雞肉真是難上加難了，可能要回到農村找隻走地雞才有可能了。

剛剛從新加坡旅遊回來,很懷念當地的美食,海南雞飯,肉骨茶等等。而另一樣好吃的就是用黑豉油豬油炒的果條,雖然肥膩但美味。但要係香港想吃價廉物美的星馬菜其實不是太多,而拿督正是合乎我的心水。拿督在小西灣開店時已有光顧,係小數平靚正的星馬菜,無論咖哩,沙嗲串燒,海南雞飯我都喜歡,不過最令我津津樂道的正是黑豉油撈粗麵。時間飛逝,由小西灣搬到觀塘熟食中心,我也很久沒有再光顧了。由於有要事約了朋友於觀塘碼頭交收一些文件,又有點餓。想不到她會開在熟食中心內,始終人流應該不是太多。不過對我嚟講味道是最重要的,哈哈時間尚早關係人流不是太多,炎炎夏日坐係有冷氣既地方真係舒服很多。講真呢個百物騰貴既香港,用三十幾四十蚊食一樣野已經很抵。我今次點了大細腳黑豉油干撈,加4蚊配一杯星馬拉茶。星馬拉茶,餐加4蚊。茶香又夠滑,甜度又岩岩我,雖然天氣熱,但是拉茶一定要熱才好喝的。大細腳黑豉油干撈粗麵 ($37 ),大腳即豬腳,炆得非常軟淋淋,汁又好入味；細腳即雞腳又係好淋。我再來吃的原因就係呢個黑豉油撈粗麵,每一條麵條沾滿了黑豉油,又帶豬油香；在新加坡都幾多美食都會用豬油烹調,少果條,炒蘿蔔糕,回想起都垂涎三尺。而且粗

新開左一排既過江龍。地理位置對於小姐番工係有點遠，不過點都要黎見識下既。大家唔好咁多幻想聽到個名就以為好highend咁呀，其實係正街市入面，仲要係觀塘果d舊式街市，你地自己諗下喇。證明俾你睇人地係新加坡歷史好悠久架，清一式黑白相。叫左個馬拉胡椒湯麵配豬頸肉河粉＄40。豬頸肉燒得唔錯，好香仲keep到d油脂，不過個湯比我想像中太濃太辣，反而無左胡椒個香味出黎。腐竹薏米冰＄16，清甜消暑一流。

一直都知觀塘碼頭熟食市場好多嘢食，不過地點好隔渉，星期日又唔開，所以一直未試過，今次難得工作來到呢區，加上同事極力推薦，所以來到呢間，地方殘舊，食店佔四間店，其中兩間店係座位，冷氣唔夠都幾熱，大家背貼背，膠櫈摺枱！因為已經到了午餐尾段，食物選擇唔多，有啲食物都賣晒！海南雞飯（$47）聽說必食，油飯夠熱夠香，飯粒索晒啲汁，飽滿好味！跟餐湯味濃好味，不過偏鹹！切雞雖然唔多，雞肉嫩滑，連雞皮都有味嫩滑，不過有骨碎，拌碟嘅瓜好爽脆！醬汁有三款，黑豉油好濃，點雞同撈飯都好味，橙色酸汁開胃，可以解雞肉油膩感，薑茸以薑為主，我唔太鍾意，整體味道好味咖哩筋腩黑豉油干撈（$39）咖哩汁微辣，牛筋炆得入味，又稔身又彈牙，黑豉油撈粗，粗麵彈牙入味，黑豉油濃味，不過麵太多，食一半已經好膩！雖然好味但太膩！家鄉老鼠粉（$24）下午茶餐，老鼠粉即是銀針粉，彈牙好味（不過要小心𢳂）湯底好濃，冬菇、蝦米、魚崧、青菜、肉碎，材料好多，如果加啲青蔥花同芫茜會仲香！咖哩筋腩飯（$47）同事食！花雕雞湯米($39)同事食，好勁花雕味！咖央多士（$20）麵包烘得香脆，咖央醬微甜，唔會好濃，有點砂糖起砂嘅感覺！好味！腐竹薏米冰（

拿督星馬大飯店 -  星加坡海南雞飯得知這間位處偏僻熟食中心的店，星期一中午去食，下午一點幾去到坐低，聽到話海南雞飯得返最後一個，二話不說餐牌都不用看便點了，香港人唔好執輸嘛！由雞油煮成的雞油飯、三色醬及海南雞，已經合格有餘，雞件皮爽肉嫩，可是雞味不太夠，雞皮有好香既雞油味，伴埋個3色醬真係好快可以食晒成碗飯！對版就要推薦下依間，唯一可以挑剔係始終香港食雞，要雞有雞味真係比較難。不過順帶一提，如果個飯再爽身d就更好了。

觀塘碼頭街市，外觀一點也不吸引，但其實內裡有間隱世地道馬拉餐廳。街市環境布局，可想而知夏天一定熱到hihi,。5月中旬還未到盛夏，可以繼續來吃，但7，8月就不用想了。午餐時間必定人頭湧湧，人多的話最好早一點來霸位。這裡較多人叫喇沙，之前食過還不錯。但今天想吃飯，所以叫了海南雞飯。海南雞飯 $47雞湯味濃，裡頭有兩塊蘿蔔咬下。雞件嫩滑彈牙，肥瘦度適中，而且好重雞味，不像是雪藏貨式。雞油飯咸咸地好香口，飯軟硬度恰好坦白說來得街市預了環境較差，但能夠吃到這麼高質素的海南雞，值得！

觀塘區確實很多臥虎藏龍食店，工廈cafe, 即炒鑊氣茶餐廳，比比皆是。今次為大家介紹的是位於觀塘碼頭街市的地道馬拉餐廳。若不是在這邊工作真的不會發現這間隱世餐廳此餐廳喇沙最出名，環顧四週，總有一碗在附近。今天想試其他菜式，於是跟同事各點了牛肉湯河和大細腳飯。牛肉湯粉的湯有好香濃糊椒味，十分惹味。有點像越式生牛肉湯粉是加了糊椒的版本。大細腳飯，名字可愛。卻想不到原來是鹵水雞腳加豬腳，大細腳被鹵水炆得很入味，送飯一流，這裡吃粉麵飯可加2蚊叫凍熱飲品。或是加4蚊轉特色馬拉飲品，像桔仔冰，椰汁冰，薏米冰，拉茶等等。

呢間餐廳，係我未轉公司之前 我地公司同事都已經成日叫外賣 因為覺得好好食！好朋叫我好lunch ，話帶我食好野 一上到去 我見到個名 我就講 我以前成日食呢間既海南雞飯無得輸！而另外，我最鍾意食 '大細腳飯'其實係鹵水雞腳同豬豬！好入味！一定要試！

我於觀塘上班已兩年多了，午飯在這人多擠迫的地方，對食物的質素早已沒要求了，或者說不敢有太高要求啦，否則只會令到自己失望吧……但凡事總有例外的~每次同事們提議去{拿督}的時候，心裡會即時興奮起上來，可能是主觀味覺體驗的偏好，將我的味蕾立即打開一樣

要食星馬風味嘅午餐 拿督一定走唔甩😙一大張餐牌 唔知食咩好😅😅 見到隔離枱岩岩叫左豬頸肉干撈 好香喎 即點配埋白咖啡 加埋都係$50 超抵食👍🏼 即叫即炒勁有鑊氣 重要用埋馬拉人至愛嘅黑豉油炒出黎黑媽媽 但味道一流 豬頸肉彈牙又juicy麵質條條分明有咬口👍🏼👍🏼👍🏼白咖啡入口香滑 濃濃嘅咖啡味 奶味唔會過重👍🏼

lunch hour 同同事一齊黎到拿督星馬大飯店,當然係order星馬最出名既叻沙湯粉啦!等候時間: 大既10分鐘消費: 每人$60-80左右 (lunch hour)1.食燒香茅豬扒叻沙我選擇左米粉, 叻沙湯底既椰漿味比較重而且只有小小辣味, 因為 個人口味比較重, 如果湯底再濃d就prefect啦! 香茅豬扒好入味, 但係數量較小! 整體黎講係我係香港食過最好味既叻沙湯麵!2.忌廉鮮奶紅豆冰紅豆冰椰漿比較重但係就比想像中細杯*雖然佢係係熟食中心裹面, 不過衛生程度真以街市黎講算係不錯! 但係要留意既就係,佢係係觀塘碼頭熟食中心1樓, 需要上一層樓梯先到架!

是日週三，為我司仝人聚餐。年輕貌美同事知我出身南洋，特帶我到一星馬餐室進膳，如此有心，實屬難得。餐室位於觀塘碼頭熟食中心二樓，觀塘雖是車水馬龍之地，鄰近碼頭卻有幾分閒逸之感，藍領白領閒坐於此，抽煙吹水睡覺。餐室取名拿督星馬大飯店，其名甚有大將之風。年輕同事未知拿督之意，拿督乃象徵式的終身榮譽，為德高望重之人，流氓土豪之徒免問。來港多年，已少聞此類詞語，聞此店名似有故人來。餐室照顧周到，備有素菜，令我司同事能如素，善德無量，善哉。黑蔥油炒麵配羅漢齋，色味俱濃，亦甜亦咸，乃南洋尋常之味。餐室位於熟食中心，與獅城之小販中心不謀而合，獅城與香港熟食中心臥虎藏龍，無數民間美食小店在其中，饕餮者之極樂也。小弟點了海南雞飯，雞肉色淡味香質腍，屬中上，油飯色淡味香惟略膩，踏實之作。小弟愚見，海南雞飯有三忌，其色忌鮮，其肉忌榎，其飯忌膩。小時助家務農，鮮有雞食，因雞能報以時，能取其蛋，能除害蟲，其糞為佳肥。冬至新年節慶方有雞食，且是老雞，其肉甚硬，其味則極香，其滋味極難忘。於雞之珍貴，故華人處理雞甚有學問，肉、血、爪、羽皆有其用，未會浪費。年輕貌美同事點來一客生牛肉湯粉，肉湯熱氣上揚，生牛肉在熱湯內緩緩