拿督星馬大飯店 (已結業)

男朋友話去觀塘海濱公園行下，拍下拖，所以先帶我黎食呢間星馬菜去到已經兩三點，好多款式都賣晒。我最想食既海南雞飯，男朋友想食既叻沙都已經賣晒。所以我地都叫左黑鼓油乾撈面。男朋友叫左咖喱牛筯腩，我叫左煎雞扒。我個雞扒無乜特別，反而個咖哩牛筯腩就好食，好入味。但估唔到，最好食既，係佢既黑鼓油乾撈面，啲面係粗面，煮得啱啱好，彈牙。撈埋個汁，甜甜地咁。個面好大份，但真係好食，食晒，勁飽飲品係分開叫既，無得跟餐。我叫左佢既凍腐竹薏米冰，唔會太甜，佢會比條大飲管你，可以啜晒成杯嘢。冰唔會佔你成半杯，份量啱啱好。好飲男朋友就叫左熱既白咖啡，都唔錯。但相對落，我會鐘意凍腐竹薏米冰多啲下次再黎，我要早啲，食海南雞飯先得

今日又出動覓食啦！今次我哋去到觀塘碼頭嘅那讀星馬餐廳試食聞名已久嘅喇沙海鮮湯麵同埋肉骨茶。一到步搵咗好耐先搵到，因為樓下寫住要玩2樓但英文串錯左，不過唔怕上到樓上全層都係佢禁掣。大家千祈唔好搞錯啊服務唔錯，侍應快手快腳，環境就係大排檔咁樣。喇沙海鮮米粉，推介之選，米粉10分掛湯，而那三味亦10分鮮甜，值得一試。甜豉油咖喱牛腩炒麵，可能同口味有關，偏向福建口味， 10分甜，而且很油膩，食咗一半已經唔想再食。腐竹薏米冰，就係水狀嘅腐竹薏米糖水，冇乜特別。如果唔係係呢頭返工，應該都唔會再特登過嚟試一次啦。

呢間拿督由小西灣開始食到依家，都一向中規中矩，今次試吓佢個豬頸肉撈粗，呢度嘅撈粗就食得多，豬頸肉好似未試過，果然，嗰啖粗麵一入口，唔，唔使講嘢，個感覺番哂嚟，嗰陣豬油味正到飛天，而豬頸肉就太甜蜜，口感嚟講就太過諗身喇。

工作中午餐，又可以過來食星馬菜，地方依舊嘈雜，幾張摺枱拼埋就坐低食，第一日晏咗，好多出名嘅菜色都無！連粉麵都無乜選擇！沙巴鮮蠔仔摻摻（$47）第一次見叻沙配蠔仔，蠔仔雖然唔多仲好嫩滑，完全唔腥，不過有少少蠔殻，叻沙嘅湯香濃，不過唔夠辣，豆卜索晒湯，芽菜爽脆，雞蛋蛋黃太熟，蛋白彈牙！摻摻即粉絲加油麵，有粗有幼，有稔身有爽口！好味！腐竹薏米冰（跟餐$5）可以飲嘅腐竹薏米糖水，薏米彈牙，腐竹滑，夠冰凍微甜好味！咖哩雞扒飯（$46）同事食海鮮叻沙摻摻（$47）同事食咖哩雞飯（$46）同事食雞扒叻沙摻摻（$45）同事食咖哩筋腩飯（$48）同事食生牛肉胡椒湯摻摻（$45）同事食第二日安排到早啲到，坐番同一張枱，恐怖在15分鐘內爆場兼要等位！今日大家都食到海南雞飯，仲叫多兩款小食試下！馳名檳城炆豬皮（$20）細細碟，好濃嘅醬汁，一凍就變膠凝固了，豬皮彈牙，炆得入味，醬油味濃！好食！牛骨湯蘿蔔牛丸（$23）牛骨湯濃味又清澈，牛丸細細粒，爽口彈牙，好味，白蘿蔔無筋清甜，索晒湯！好味！海南雞飯（$49）雞肉幾滑，幾厚肉，三款醬汁，我獨愛濃黑醬油，香濃又夾雞肉味，油飯好似珍珠米，啲味入晒，飯粒彈牙，跟飯雞湯

去完新加坡，想食肉骨茶，揀咗呢間。香港food centre同新加坡冇得比，行上去感覺污糟，好在舖內清潔乾淨。落柯打先知星期三先有肉骨茶，海南雞又賣哂，所以叫左海鮮叻沙，黑油叉燒雞絲撈粗，拉茶，凍榴槤咖啡。海鮮叻沙湯很香，但海鮮配料似未煮熟，魷魚仔完全連內臟未處理，至於撈粗用鹼水麵，和新加坡吃到的不同，叉燒和雞絲都是普通貨色。凍榴槤咖啡味道好搶，飲完似啪左榴槤咁。遺憾未吃到肉骨茶，下次校啱時間試試。

幾年前去過馬來西亞後，一直掛住當地美食，覺得未食夠。返黎搵左d星馬餐廳，包括呢間...收藏左好耐，最近先去食。見到食評裡面9成都係唔錯嘅評價，就好期待咁去。營業時間由早餐時段開始，咁諗住11點左右可以避開附近返工的lunch時間。點知店員話未落得單住，等一陣...呢個一陣等左好耐，11點鬆d,到真正落單係11:43 本來都無野，因為既然來到，可能人地真係未準備好呢。但等待過程中，一位女店員同另一位同事嘈起來，感覺到好大火藥味。剛好個女店員係幫我地落單，佢惡的程度...都嚇左一嚇。當時我都忍耐，始終在熟食中心做野，地方淺窄，或者好易燥底呢。但過後諗番，唔想再去食喇，應該係，唔敢去。（其他同事正常的）食物方面，肉骨茶似乎係必點的，餐牌上面無，但望下牆上有寫。都幾足料的。黑胡椒湯麵嘅胡椒係來自砂撈越，冬天飲唔錯。不過對我黎講太辣。另外飲左杯榴槤白咖啡...叫錯左，唔啱飲。總括來講，其實佢食物唔算好差，但亦唔係每一樣都好食。老闆娘的故事都幾勵志，但佢嘅努力，係可以被個別員工毀左。我明白熟食中心唔應該要求人地好好服務，但我唔想再去喇。（之後再去呢個熟食中心，去地下另一間食，我幫襯$35的lunc

在觀塘食想好東西，除了去工廈外，熟食中心也是不錯的選擇。而位於觀塘碼頭熟食中心內的拿督星馬大飯店，有一味豬手鳳爪的乾撈麵，豬腳軟熟，亮點是用新加坡的黑豉油乾撈粗麵，味濃帶香，是香港罕有的隱世美食也！此美食的全名都幾長，叫怡保炆大細腳（雞腳加豬腳）黑豉油乾撈麵。豬腳同雞腳不只炆得入味，軟腍的程度是老人家也能咬到的級數，一咬肉便離骨。不過我個人最欣賞的還是個帶點甜味的黑醬油，不是普通的豉油或老抽，而是食海南雞飯常用的珠油，而且應有自己再調較及加工過，甜得來有點焦香。粗麵伴上這絕世黑醬油，再伴上芽菜，便成一頓令人一吃傾心的麵食也。

星期五同事多數提仲議去觀塘碼頭食，而大前題係果日天氣好但唔好熱，因為我好怕熱！由公司行去都幾遠下又冇瓦遮頭😆星期五涼涼地，所以就可以去😁其實我都幾鐘意食佢地既海南雞飯，但仲咳緊，唔食得雞，所以我揀左胡椒海鮮心心😎今次個胡椒湯唔太辣，咁凍既天天氣下飲幾啖即刻暖晒🔥佢既蘿蔔林得黎又冇根👍🏻蝦都仲爽口彈牙😋鮮魷都有幾舊，好新鮮！青口仲好鮮味😘不過我個碗心心對比同事個碗就少左d, 😝咩係「心心」？我之前唔知有冇講過心心即係油麵加米粉，唔係好多星馬泰餐廳有的😎

大細腳黑豉油撈麵($39)-特登行黎觀塘哩個熟食中心食野😚，試左黑豉油撈麵。大細腳即係豬腳同雞腳，份量唔多不過味道唔錯，滷得好淋，食落充滿骨膠原😍。撈麵底超大個，食落帶甜，唔算重口味。-好多少見既野飲，司令跟餐叫左個榴槤白咖啡，原本想叫熱，但佢地話冇😂？只好飲凍啦，個咖啡比想像中好味。初初以為凍既話，榴槤味唔會好香，但原來唔係。咖啡中有榴槤味比想像中香，甜甜地，榴槤愛好者要試下，整體好特別，下次試埋其他野先😚！

之前聽過這間餐廳不錯，剛好要去觀塘，朋友帶我去試試。我點了大細腳豉油撈麵和桔仔冰，朋友叫了咖哩雞扒飯和凍咖啡。撈麵夠入味又唔油，桔仔冰夠清新，出面未見過。雞扒煎得好香囗，加上咖哩汁撈飯一流。白咖啡不錯但不夠桔仔冰特別。

觀塘碼頭內有一個熟食中心市場，晨早就有早餐食。經常四圍去揾吃的我，當然亦不會放過機會抽時間過去逛逛....市場內有一檔主打星馬菜式的排檔，相信有不少地膽都知道她的存在。想不到她竟然晨咁早就開門提供早餐，實誠為我等一眾早起的鳥兒之福也....店子橫跨兩三個舖位，絕對算是這裡的大戶來了。舖內貼滿了許舊時馬拉的照片與造型，為這排檔加添了不少南洋的氣息....更難得的是，這兒除了有四圍晨早都可以找到的港式ABC早餐之外，還有好幾款具馬拉風味的色點麵食可揀，好像眼前的這一碗家鄉湯老鼠粉便是了....粉條十分具米香及質感"滑LIU LIU"而且份量十足，食了一半多少許便已有飽腹之感；材料方面亦十分豐富 ---- 蝦米、冬菇、肉碎、青菜、魚鬆及最重要的油渣。也難怪吃盡大半碗後，當日的午餐已不用或不想食了....湯的調味是偏濃鹹的，實在不太宜淨喝；油渣粒亦稍覺不太夠。算是少疵來的....但晨早能不再食那些千篇一律的甚麼餐蛋麵加多士奄列，取而代之來碗有新意的老鼠粉，也不失為一件樂事呢....這裡的白咖啡聽聞是下了薑汁的，但呷落就不太感受得到薑帶來的辛辣餘韻，不過咖啡應具備的甘苦香氣強烈aftertast

自從同事介紹左觀塘碼頭依間星馬泰排檔之後，我同幾個飯腳不定期都黎食晏。前排太熱冇黎幾個月，見天氣涼涼地又再幫襯～今日係office凍凍地打左幾個哈次，所以揀左依度既海鮮胡椒麵心心-即係油麵加米粉。個胡椒湯底辣辣地可以驅寒，而且又香，d海鮮都幾新鮮仲食到蝦，魷魚和青口既味道！不過如果佢地肯挑埋蝦腸同清左魷魚既軟骨就更加prefect!

觀塘碼頭已經不是一個很旺的地方，但因為公司在附近，又加上同事介紹，所以來到這個在碼頭則的一間食店。而看看張貼在牆上的一些報導，才知道原來都是一間頗有名的餐廳，因為舖租太貴而不得不轉換地方。「拿督」這名字給人很東南亞的印象，而這裡正正就是提供星馬的美。這碟咖哩豬軟骨撈麵卻又給人東南亞得來，又很香港的感覺。咖哩少少辣，又很香。而豬軟骨真的很軟，也很入味。很好。但麵的鹼水味就太重了，雖然有重味的咖哩相伴，卻仍是吃到很重的鹼水味，這樣扣了一些分數。

Here you can get a very different taste of Malaysian food in good price, although the environment may not be ideal, but surely you will find the food offered are of good quality, & value for money.This is only my first visit, and I will come back again, as when we arrived at 1:30pm, all the goodies are gone, including the big & small feet noodle, the beancurd mixed drink... sold out.  

感謝好友的幫忙借用記憶卡，親身到觀塘送還，並邀往吃午餐以示謝意。好友帶路，到觀塘碼頭的熟食中心，試試星馬食品。地方環境狹窄，店內掛滿有關新加坡的建築物、李光耀等照片，蠻有特色。看餐牌，很多樣都想試，遂點三款也應該可以消滅吧！海南雞飯，有一碟雞，一碗飯和湯，也有跟三種醬。雞是近雞翼部份，皮香肉滑，味道是不錯的，油飯充滿香料雞油香，湯也可口。鮮蝦叻沙摻摻，有油麵和米粉兩種，為之摻摻，湯底非常濃郁的蝦味，質感沉實，香料滿盈，麵條吸索濃湯，極美味，豆腐卜，魚片，蝦仁成了配角。咖喱筋腩黑豉油乾撈粗麵，烏卒卒的顏色帶有光澤，是黑豉油的洗禮，咖喱汁與牛筋腩是好兄弟，同場演出，食客無任歡迎，咖喱汁有點辣，筋腩炆得夠腍，配粗麵是百吃不厭。好友的薑汁白咖啡，馬拉風味，薑味不算濃，港人也受落。拉茶，茶味與港式奶茶廻異，很順滑，我也喜歡。