拿督星馬大飯店 (已結業)

上次食拿督叻沙有人話好想試lee間既撈麵，今日又黎到拿督食lunch, 一於試下佢個撈粗。-佢有好多唔同款時撈麵，我就叫左咖哩牛筋腩黑鼓油撈粗。佢個黑鼓油撈粗好好食，個黑鼓油唔係真係鼓油咁咸，係好香，味道唔算好重但用黎配撈粗勁正👍🏻，我覺得係我食過最好食既撈粗-佢個咖哩牛筋腩家好好食，家算比得多筋你，但真係睇運氣，我有朋友係一舊筋都冇😂😂😂佢個咖哩對我黎講辣左小小，如果食得辣既人應該會勁中意

上次兩點左右到 大部分食物都賣曬 今次過來係專門過來食海南雞飯首先來的係小食「檳城五香肉卷」個汁酸酸地都好容易入口 ， 但係個肉餅偏鹹 不過都算係好食到主菜海南雞 自從鋪頭搬過來觀塘後都未食過 雞唔算好突出 但係不過不失 個甜醬油真係好食 辣椒醬就夠曬辣 個薑蓉比較多油 但係唔夠鹹 薑唔夠辣。我覺得最好食係個油飯，不會太油 但係好香 好好味 個湯就夠清甜。 整體都好滿意。其實仲有個菠蘿冰 同椰汁冰 但係唔記得影 菠蘿冰裡面有5 粒菠蘿肉 加上清新的菠蘿汁 ， 椰汁冰香椰汁味加上椰絲在上面，別有一番風味。

上個禮拜，終於輪到為食豆豆放假！即係又係時候帶豆媽出動搵野食~~今次就唔去太遠LA，落觀塘搵野食啦~為食一族都應該知道觀塘係其中一個多野食，但首要係識窿路~而為食豆豆其中一日喺網上見到介紹"拿督"呢間餐廳~本來都冇咩興趣，因為認為網上嘅推介都係收$$做宣傳~可信性唔高！但見佢介紹嘅野食，又開正豆媽嗰瓣~就帶佢試下La~~橫掂又有巴士直到，夠哂方便吖~~話明有巴士直到，基本上我地喺巴士總站落車之後，已經可以見到~唔難搵~~入到去，要上一層樓梯先到，但上到去好快就會見到~雖然有幾間餐龐，唯獨"拿督"最熱鬧，可能係我地比較晏到嘅關係啦~我地到嘅時候已經差唔多兩點，食飯時間又過哂，靜都係正常嘅~但只有"拿督"依然熱鬧，唔知仲以為得佢一間食肆呀~~😅😅一坐低，order姐姐就拎左呢張menu俾我地填，有D點心紙Feel~我地見到之後，都冇點諗，已經填好想食嘅野嘅份量~話哂係做左功課先黎GA嘛~點可以黎到先諗呀~~重要嘅係：時間唔早喇！人地收三點架~~於是就咋咋淋填好，俾番姐姐啦~~為食豆自問今次同豆媽係超級超級克制自己LA~Follow為食豆耐嘅朋友仔都應該知道，每次見到個Menu, 都會好似失

今日lunch 終於有時間黎一試呢間星馬野！之前見其他post 介紹過，一直想黎試撈粗。講真，平時個人唔係好鐘意食粗麵，因為通常都過硬，又成餅野😵但係見呢間招牌野咁無理由唔試啦！叫左個咖哩豬軟骨黑豉油撈粗，果然有驚喜！粗麵軟硬度岩岩好，黑豉油甜甜地，豬軟骨又好入味，唯一要彈就油左少少，不過重口味就預左😂另外餐飲加$5叫左杯薑汁拉茶，唔算話十分驚喜，不過薑汁味都幾特別！

事隔半年，懷念這兒的味道，但又不喜歡餐廳附近的濕漉漉環境，所以今天來個４人外賣。這裡的電話很難接通，不知是否下單的人太多之故。。。炆豬皮：滿滿的骨膠原，口感尤如花膠，＄２０已有不少的份量鮮魷魚叻沙參參：魷魚吃得出是當天新鮮貨，加上惹味的叻沙湯底，正！蘿蔔牛丸：看似普通，但２者各吸取了對方的鮮甜味，不相伯仲馬來咖喱牛腩：辣油雖多，但並不嗆喉，若多１，２塊薯仔就好了海南雞：半隻份量是２大盆，賣＄９０完，還有鮮雞才附送的內臟，４個人機乎吃不完。飽餐一頓，滿足了口腹，是時候重投工作～

今日LUNCH特登行嚟觀塘碼頭試呢間餐廳~ 之前睇報道介紹佢個大細腳黑鼓油乾撈面, 因為我麻麻哋食腳, 所以揀左豬頸肉黑鼓油乾撈面 (42蚊), 仲加5蚊點左杯薑汁白咖啡~叫完唔駛3分鐘個面就到~ 睇樣非常唔錯, 絕對屬於麻甩系列中既賣相吸引, 黑鼓油均勻地遍佈每條面, 豬頸肉個樣又JUICY好喇, 食左先講~ 個面吸晒啲黑鼓油, 甜甜哋, 唔多咸, 鍾意食甜既朋友一定好LIKE, 唔好甜嘢既就會覺得有啲漏. 我加左少少辣椒油中和返, 冇咁甜, 正豬頸肉都好夠味, 又淋, LOVE IT TOO而杯咖啡呢, 本身有少少甜, 所以我冇加糖, 飲落口有淡淡既薑味, 5蚊嚟講, 我覺得好抵飲~最後我想講的是: 觀塘返工食LUNCH推介 

喺熟食中心有間幾出名既星馬菜餐館，lunch hour係擠滿人，非常旺。叫左個咖哩豬軟骨，雖然呢度出名既係海南雞肉同醬油撈麵，但個咖哩真係整得唔錯，非常惹味，落既香料係香港人都食得慣既口味，唔會太濃，唔會好似真正馬來西亞菜咁重口味，豬軟骨煮到幾入味，肉質軟滑。最大既敗筆係個飯，白飯仲未煮透，仲係一舊舊咁，可能因為太旺場，煮唔切飯～雖然咖哩味道幾好，不過環境就非常擠迫，考慮到呢點，唔會想為左個咖哩特登再去買。

上完training來到觀塘碼頭熟食中心, 每次上堂都來呢邊食午飯, 出名的係湯麵, 撈麵和海南雞飯。今日試左星馬胡椒湯麵, 麵底有油麵, 米粉, 河粉, 摻摻選擇, 點左摻摻即係油麵+河粉。跟餐加2蚊配特飲, 推介薑汁拉茶鮮吉仔水, 白咖啡;加5蚊可以配冰類飲品, 推介腐竹薏米冰, 菠蘿冰! 午餐時間較為繁忙, 上菜要稍候一陣間。胡椒湯底味辣開胃, 腐竹薏米冰唔甜的好飲! **午餐時間最好十二點九前來攞位, 餐廳做完午市就休息, 推介各款豬扒湯麵/撈麵。

自從無喺觀塘返工之後都好小去觀塘食野，後尾見到網上有唔小人讚依間名為「拿督星馬大飯店」嘅餐廳，而我居然無食過又無聽過! 但可惜嘅係佢只做平日早午市，由於要返工所以一直都無機會食到。去到前排有假放，就衝左去試喇!餐廳位於觀塘碼頭果邊嘅熟食中心上層，其實都係一般熟食中心格局，店內擺設左唔小新加坡人嘅照片，同店內文字嘅設計都好有風味。食物方面叫左個我朋友推介嘅豬頸肉娘惹叻沙($47)，個麵底你可以簡要米粉、油麵、摻摻、沙河粉，而我地就要左摻摻，摻摻其實即係油麵加米粉，兩款麵無論粗幼、口感食落都完全唔同。個叻沙嘅沙底會有小小辣，有時係香港食叻沙會有好重椰奶味，但依間就無乜，但個豬頸肉真係令人失望😫，首先唔淋，而且好乾身，似係食緊一舊無肥肉又乾嘅叉燒咁.. 但除左個豬頸肉之外其他係唔錯..😕另外叫左個黑豉油干炒撈粗麵($42)，落單嘅時候因為我同朋友都鐘意食豬頸肉所以依碟都係同一款肉，至於個麵就不過不失啦，同一般荼記差不多，但個豉油同我地一般食開嘅唔同，好似會甜啲，但依個麵相對上會比較油。另外我跟餐叫左個薑汁拉茶(+$5)，又幾好飲👍🏼😋，薑味岩岩好唔會太少，但陣味又薑得黎味味地，可能本身南洋奶

選擇多，味道好，坐位迫，服務零，價中等講完 😂選擇多 - well, 食物種類多成張A5 size 任揀，幾乎全部星加玻同馬來西亞特色都包曬。有海南雞啦、叻沙啦、咖哩啦、胡椒麵啦、黑豉油撈麵啦、福建蝦麵等等，唯獨肉骨茶就唔係成日有得食，要夾啱時辰去先有。味道好- 基本上每月都會食幾次，味道仍舊不變，永冇失望的好味道。今次食生牛肉胡椒湯麵$47，浸湯的係生牛肉，新鮮嫩滑。薑汁拉茶+$5，夠薑夠奶夠滑。坐位迫- 餐廳隱藏左响巴士站旁邊的街市熟食市場內。比傳統嘅大排檔或茶餐廳更迫，基本上一張枱係坐六至八人，郁下郁下嘅摺檯，加上圓櫈，背貼背如果冬天去真係冇位放褸架。服務零- 基本上每一日到午市時間都係人頭湧湧，而每一日都會聽到吵鬧嘅聲音喺度追單。啲阿姐同阿哥一於少理，你再嘈佢真係鬧返你轉頭。所以真係嗰日心情好好先可以去食，同埋你要預咗成枱人入邊會有一、兩款食物漏單嘅心理準備。雖然佢係一個大排檔嘅環境同埋無服務可言，但價錢都唔算平一碗麵同一杯飲品要五十幾。不過勝在味道好，水準穏定有風味，值唔值得就見人見智了。

經同事推仲試下呢間野既肉骨茶，但佢一星期只有星期三推出，同埋要打去預訂，因為佢人手方面一個星期只係整一煲，先入正題，我個人覺得肉骨茶偏咸，唔太十分好食，但用黎撈飯當汁就一流，另外叫左個大細腳飯，大細腳即係豬腳同埋雞腳，味道我覺得都可以，中午時間較多上班族來食，建議想食早少少黎喇，飲品方面我叫左杯熱既特式拉茶，我覺得好好飲，好飲過好多茶餐廳既普通熱奶茶，價錢亦唔係貴，地點在觀塘碼頭，值得推介一試。。

今天有和同事有幸一試，上到觀塘碼頭熟食市場，雖然只是中午十二點左右，已見人頭湧湧十分旺場，二話不説即時揾位坐，叫了三款小食，包括蠔仔，炸魚肉釀豆卜及瘦瘦义燒，再點了每人一碟黑豉油撈麵，款色包括香茅雞扒，豬扒及义燒拼豬皮，來時本抱着很大祈望，因網上很多食評說黑豉油撈麵非食不可，又話必食之選，但是撈麵上桌時一點都不熱，吃過後更覺味道一般，三款小食亦不是很特出，整體食物只算普通水準，餐飲的拉茶就不過不失，不值一試！

由興業街行黎, 唔算好遠又唔算近咁啦，唔係同事介紹都唔知呢邊都有好幾間食肆。有d禾稈冚珍珠feel. 阿姐服務友善，滿有笑容。2:00pm都仲好多人，似係附近d打工仔。已經無晒豬頸肉了，證明日日新鮮唔keep舊貨。叫咗個雞扒喇沙，雞幾香口，沙粉好味，湯底濃郁。加$2果杯菊花話梅第一口會無味，要浸吓粒梅先出味，就會好飲，或可加糖，要留意只一。值得繼續支持。

終於能夠在拿督一嘗肉骨茶的滋味。這個肉骨茶只在星期三供應，如果要食，就要早一天打電話去落訂。雖然落了訂，原來都要等半個小時，因為即叫即煮，一批一批上。肉骨茶的材料都幾豐富，除了三大塊連肉豬骨外，還有豬潤和豬腸等，也有杞子。還加上了胡椒，所以有一小點辣味。湯送飯，味道當然是，還有一小片油炸鬼浸了湯吃，就更加入味。這個肉骨茶跟外面吃的有點不同，不是一般豬肉骨加些材料浸出來的煲仔湯。而是由豬肉、豬骨、豬腸、豬潤、杞子等等淆出來的湯。只是＄50一份，加杯冰都是＄5，等也是值得。

在觀塘返工已一段日子，但第一次到街市午餐，之前新假期介紹過拿督星馬大飯店既鼓油撈麵。四周都貼滿照片常聽來自馬來西亞的朋友說，她家鄉的叉燒比香港的好食很多，所以特意點了星加坡蜜汁叉燒，但有點乾。我點的是大細腳黑豉油干撈，點解唔係碟上，而是外賣盒？因等了大半小時，到1:50pm仍未有得食，唯有外賣帶回公司。言歸正傳，撈麵很惹味！大細腳是指豬腳及雞腳，豬腳是爽的，與雞腳同樣鹵得十分出色！如果時間充裕，十分推薦到此吃個美味午餐，見到餐牌有肉骨茶，有機會會再來試試。