拉麵琛 (已結業)

稱筲箕灣東大街為港島東區食街，相信沒有人會反對，皆因這條街道雖然短小，但各種美食應有盡有。其實上星期嚟東大街食粥，就已經留意到附近新開咗間拉麵店，睇過門口嘅餐牌，拉麵款式唔多只得 6 款，不過價錢唔貴，最平 $68 已經有交易，所以趁今個星期要落嚟筲箕灣睇傢俬，就順道過來一試。店址位於筲箕灣東大街 51 號東灣閣，門面唔算十分搶眼，門口右手邊掛了一個紅色紙燈籠，頗有東瀛小店風味。踏進內，地方不大，用餐區除了擺放咗多張四人餐桌外，亦設有一列吧檯位。細看四周，裝潢甚具心思，店內有好多特色嘅擺設，例如布簾、紙扇等，而牆身就掛有清酒瓶作裝飾，充滿日本 feel。餐牌很簡單，一頁過，食物選擇不多，除了有四款定期供應的拉麵，包括醬油豬骨湯拉麵、四國蔥油拉麵、博多黑蒜油拉麵同九州地獄拉麵外，另亦有兩款會隨著季節而轉換嘅季節限定拉麵同店長特選拉麵。至於小食方面就有餃子、雞翼、炸雞、枝豆、年糕、豚角煮同魚餅等。飲品就以汽水為主，餐廳免收加一。點了四國蔥油拉麵及季節限定嘅胡麻蕃茄冷麵，另外每人加咗半隻蛋 ($6x2)。四國蔥油拉麵 ($78) 率先送上，材料包括有叉燒、蔥、紫菜同木耳。趁熱呷一口湯底，味道

東大街地道日式拉麵店-拉麵琛今日又黎東大街搵食喇！深木色的木屏風門、日系的玻璃小窗、日本的繪畫掛畫、色彩繽紛的摺紙扇、一系列的清酒架，別緻地道的日式小店裝潢，今日吸引我的是新登場的拉麵店-拉麵琛。麵店提供六款拉麵選擇，名字相當別出心裁，有青龍、玄武、白虎和朱雀，還有季節限定和店長特選。今日點了白虎的博多黑蒜油拉麵和店長特選的福崗柚子胡椒沾麵，煮法當然亦有選擇，包含湯底的濃淡、拉麵的軟硬和蔥花的多少。博多黑蒜油拉麵濃郁的豬骨湯底作底味，加上黑蒜油更濃更香，拉麵是極幼身的麵條，可以讓湯底充份把每條麵條滲著，叉燒厚度適中半肥瘦，入口即溶。福崗柚子胡椒沾麵濃底比白虎拉麵更濃縮，而麵條是選用較為粗身的，一浸一吸，湯汁沾滿著麵條，麵條彈牙有口感，濃底中有厚厚的柚子香味，最後沾麵湯底中有很多叉燒粒在其中，比起一片片的叉燒，又有不同的感覺和味道，各有各的惹味！日式炸餃子必吃小食，一客五件，薄薄的外皮炸得金黃香脆，一咬開時肉汁夠哂多，而且海量的餡肉。北海道生蠔大大隻手掌般大的生蠔，冰凍新鮮，海水味夠，而且非常creamy，after taste 停留很久。

東大街出名美食多，是平日覓「食」的好地方，今日行過見到新開張的拉麵琛，決定入去一試水準。店內裝修充滿日本風情，有多款日式飲品供應。店家主要提供六款拉麵🍜。我點了是日的「店長特選拉麵」-柚子义燒沾麵。湯底濃郁鮮甜，店家在拉麵上輕輕的灑一層柚子皮碎，更添果香。柚子义燒香甜鬆軟，麵質彈牙，掛湯力強。男友點的玄武（四國葱油拉麵）味道也不俗。來自日本的葱切得夠幼細，渾入香甜濃郁的豬骨湯中，味道清新。义燒入口也是鬆化香甜。小食點了日式餃子🥟。餃子外脆內軟，肉餡充滿芥茉香，味道刺激醒神，有驚喜！拉麵琛的拉麵價位合理，令人吃出日本風味，值得一試！

新界妹突擊港島藍線最東端，今次仲要懵查查出錯左出口不過唔緊要有啖好食冇所謂！筲箕灣好多小廚，但係今日偏偏想食麵條，但佢又唔想食魚蛋粉，因為食過啦！所以就貪新鮮，去食下拉麵🍜！餐牌上面有好多選擇因為不嬲都識開黑蒜，所以例行點了個黑蒜！都係嗰句，貪新鮮，想試吓沾麵，但係又好怕溜⋯⋯所以點了一個清新的柚子豚肉沾麵！兩個大大大大大份量的大大大碗麵滿足了我和朋友的大肚腩！先講有驚喜的柚子豚肉拉麵（濃。硬。有葱）！侍應剛放下拉麵，清新的柚子味撲鼻而來，食慾立刻大增，垂涎三尺待應很耐心地解釋，如何食用沾麵～將麵條放落熱湯沾一沾就要撈起來，掛一掛汁便吃，大忌是將麵條浸在湯中久久不拿出，沾完後，師傅可以加湯，咕嚕咕嚕的喝湯去。他還介紹了湯底裏的五花腩值得一食！的而且確，真的好吃很多！以前我不太喜吃沾麵，因為太油！麵質硬得適中，不會死硬，有嚼頭！掛汁亦夠熱，拼上柚子豚肉，真的很不錯！不過如果朋友怕鹹，記住記住一定不要揀「濃」！第二款的是黑蒜豬骨豚肉拉麵，叉燒半肥瘦，帶點燒焦味，不錯吖！相比起沾麵麵條比較幼身，麵條滑身，湯底濃郁（都係果句如果怕咸，記住唔好揀「濃」），加上就炸蒜，一口氣便嘟嘟兩下清得一乾二淨

店舖就在天后廟附近，便利店旁邊。不會日語的我們看到門上的日語招牌，不知如何起。但見大紅燈籠掛在餐廳一邊，隨風輕輕轉動便看見燈籠上英文字SAM，我們便知找對店舖了。店內的裝潢細緻而具小店心思，處處營造出温暖柔和之感。不同樣式的暖簾，以貓和日本特色為題，當中一幅簾，文字以魚圖作部首。背景是正在用餐的貓，非常有趣。店員耐心地介紹各款拉麵。我們點了以下兩碗麵，兩碗都是選普通口味和普通麵質。朋友選的是店長特選拉麵($98)，柚子味沾麵。拉麵彈牙，放入滾燙的湯吸柚子汁。湯加了濃郁的柚子汁和五花腩粒，既有柚子的清新，又有五花腩碎粒的油香。師博細心地把叉燒以柚子調味，令炙過後的叉燒帶非常濃郁的柚子味。從湯汁到食物配料都帶濃厚的柚子味和肉香，絕對是用心之作。我選的是季節限定拉麵($98)。這款拉麵是冷食，冷凍的拉麵更顯得煙靭彈牙，比熱麵更具嚼感更出色，旁邊還附着芝蔴蕃茄醬。我喜歡把麵條放到醬內蘸點，令麵條不只有冰凍清爽的口感，也有如沙律般的新鮮感。炙過的叉燒有微微的黑椒烤肉味，肉質因炙過變得脆中帶軟稔; 蟹肉冰涼鮮甜，是夏日必食的涼麵。店員服務有禮，還會詢問各桌客人對其食物的意見。由環境、服務到食物，開

筲箕灣東大街開左間新拉麵店，而朋友家就住附近，緊係約埋一起來嘗試新野啦! 呢間拉麵店從門口以至店內既裝潢都好有特色，牆上的掛飾及擺設配襯著紅色的牆壁，鮮豔奪目，別具風格~而點餐時需要自行剔紙落單，可因應個人口味選擇湯既濃淡度，麵質既軟硬度，能夠切合不同人的需求~四國香蔥油拉麵~伴有紫菜、木耳、香蔥，湯味濃度啱啱好，麵既質感不硬不軟，切合我既口味义燒簿簿地身，肉質好腍，口感軟綿綿的，义燒經炙燒過更潻惹味博多黑蒜油拉麵~這個湯較為濃郁，黑蒜味好香好香朋友喜歡濃味的，啱晒佢口味唐揚炸雞~ 從店員得知雞件是來自冲繩的，用既部位都好講究，肉質好嫩滑，最特別既係雞件沒有醃製過，食既時候無需點任何醬料，但食落去又好有味道外面炸至金黃色十分香口，而雞肉既肉汁鎖在裡面，當咬開既時候，嘩…好juicy, 肉質好滑，但又唔會覺得油膩，實在太好味啦看似一碗簡單既拉麵其實都唔簡單，最重要既係食物用心製作，出來既效果客人自會感受得到，過去都食過好多拉麵，但似終食唔到我想要既味道，但呢度既拉麵正正讓我感受到好地道式既風味，也感受到小店既食物真係用個♡來製作的這間新店讓我感到驚喜，款式簡單唔算多，但當想起要食拉麵時就

朋友樓下開了呢間拉麵店，他讚不絕口，推介我來食。他發了照片給我，望落好有水準，我地住得好近，所以同老公星期六去食。我地去到已經有位，我地就點野食。佢拉麵得6款揀，店員就逐款簡單介紹一下，基本上跟餐單裡的資料闡述差不多。而「季節限定拉麵」是冷食，撈胡麻醬，配上叉燒和新鮮原條蟹腳；「店長特選拉麵」是沾麵，叉燒則用沖繩直送來的柚子調味。我還是要了「白虎」(博多黑蒜油拉麵)，因為我特別喜歡黑蒜油的香濃。老公選了「店長特選拉麵」。另外加了蛋和「唐揚炸雞」。「白虎」(博多黑蒜油拉麵) $78蔥和木耳很多，叉燒大塊，肉脂分佈均勻。湯汁鮮美香濃，我最愛的黑蒜油香味十足。拉麵能充分吸收湯汁，彈牙偏軟，是我最喜歡的質感。份量都幾多，絕對飽肚。「店長特選拉麵」$98沾麵的湯汁濃厚，裡面有角形叉燒。拉麵煙靭彈牙，叉燒用柚子調味，更軟熟嫩滑。沾麵的湯用足料熬製，建議食客吃畢拉麵後再加入清湯品嚐湯汁。唐揚炸雞 $28/5件不油膩，香脆而肉汁豐富，雞肉嫩滑，冇雪藏味。。。由於是新開張的關係，人流不算太多，拉麵師傅更向每檯客人閒聊一會，告知拉麵製作過程和用料來源（多由沖繩直送），亦索取客人意見為追求更高品質。他們對食

今次試食呢間新開既拉麵，新店開張6日。搵路有啲小插曲，就係定位定錯左！大家記得鋪頭係ok隔離就搵到啦店內充滿日底小飾物，環境滿分入到去店員會送上點餐紙去選擇味道、拉麵軟硬道、湯底濃淡及要唔要蔥今次一行二人試左大廚精選既柚子胡椒沾麵及黑蒜油拉麵一上菜黑蒜油拉麵就發出好濃既黑蒜味，湯頭好厚，好掛湯，廚師仲表明叉燒係落單炙燒的，充滿焦香另一款既柚子沾麵就略為咸左小小，因沾麵湯底本身比拉麵濃，湯底帶有柚子香，胡椒味亦帶來小小刺激。呢款沾麵既叉燒係特製，用上柚子鹽燒，比拉麵的叉燒多左份柚子香之後都追加左炸餃子，餃子炸得香脆，配上餃子汁食可減小油膩感總括而言拉麵鋪黎講定價較親民，水準亦不錯，小店值得支持