影片
更多
2018-07-29
1239 瀏覽
稱筲箕灣東大街為港島東區食街，相信沒有人會反對，皆因這條街道雖然短小，但各種美食應有盡有。其實上星期嚟東大街食粥，就已經留意到附近新開咗間拉麵店，睇過門口嘅餐牌，拉麵款式唔多只得 6 款，不過價錢唔貴，最平 $68 已經有交易，所以趁今個星期要落嚟筲箕灣睇傢俬，就順道過來一試。店址位於筲箕灣東大街 51 號東灣閣，門面唔算十分搶眼，門口右手邊掛了一個紅色紙燈籠，頗有東瀛小店風味。踏進內，地方不大，用餐區除了擺放咗多張四人餐桌外，亦設有一列吧檯位。細看四周，裝潢甚具心思，店內有好多特色嘅擺設，例如布簾、紙扇等，而牆身就掛有清酒瓶作裝飾，充滿日本 feel。餐牌很簡單，一頁過，食物選擇不多，除了有四款定期供應的拉麵，包括醬油豬骨湯拉麵、四國蔥油拉麵、博多黑蒜油拉麵同九州地獄拉麵外，另亦有兩款會隨著季節而轉換嘅季節限定拉麵同店長特選拉麵。至於小食方面就有餃子、雞翼、炸雞、枝豆、年糕、豚角煮同魚餅等。飲品就以汽水為主，餐廳免收加一。點了四國蔥油拉麵及季節限定嘅胡麻蕃茄冷麵，另外每人加咗半隻蛋 ($6x2)。四國蔥油拉麵 ($78) 率先送上，材料包括有叉燒、蔥、紫菜同木耳。趁熱呷一口湯底，味道
店址位於筲箕灣東大街 51 號東灣閣，門面唔算十分搶眼，門口右手邊掛了一個紅色紙燈籠，頗有東瀛小店風味。
踏進內，地方不大，用餐區除了擺放咗多張四人餐桌外，亦設有一列吧檯位。細看四周，裝潢甚具心思，店內有好多特色嘅擺設，例如布簾、紙扇等，而牆身就掛有清酒瓶作裝飾，充滿日本 feel。
餐牌很簡單，一頁過，食物選擇不多，除了有四款定期供應的拉麵，包括醬油豬骨湯拉麵、四國蔥油拉麵、博多黑蒜油拉麵同九州地獄拉麵外，另亦有兩款會隨著季節而轉換嘅季節限定拉麵同店長特選拉麵。至於小食方面就有餃子、雞翼、炸雞、枝豆、年糕、豚角煮同魚餅等。飲品就以汽水為主，餐廳免收加一。
點了四國蔥油拉麵及季節限定嘅胡麻蕃茄冷麵，另外每人加咗半隻蛋 ($6x2)。
四國蔥油拉麵 ($78) 率先送上，材料包括有叉燒、蔥、紫菜同木耳。趁熱呷一口湯底，味道濃而不鹹，啖落完全沒油膩感，非常吸引，肯定是經過長時間烹調的精華。再嘗一口拉麵，麵質彈牙爽口，每條麵都滲透著蔥油香。蔥粒比一般蔥花甜美，連平常不好蔥的筆者也忍不住連蔥帶湯喝。叉燒肥瘦均勻，入口柔軟帶油脂，所以忍不住即時追加了三片。溏心蛋做得十分出色，火候控制得剛好，蛋黃味濃郁又香，一咬下去，半熟的蛋黃流出，非常誘人，不得不讚。
至於另一碗夏季限定嘅胡麻蕃茄冷麵 ($98) 亦非常之有驚喜，師傅先將麵條淥熟，再以冰凍蒸餾水降溫，令麵條爽滑彈牙。配料有叉燒同紐西蘭蟹肉，面頭綴以紫菜絲，連個碗拿手都涼浸浸，令人食欲大增。旁邊嘅係胡麻蕃茄醬，以甜美的沖繩蕃茄配上濃郁的胡麻醬炮製，食落既惹味又清新，用來配冷麵，味道酸酸甜甜，非常適合夏天享用，是筆者心水推介。下次有時間會再嚟試埋店長特選拉麵，據說今期係柚子叉燒沾麵，淨係聽個名都覺得清新，應該會幾啱女士享用。
張貼
