才哥蝦麵 (已結業)

經過大角嘴試試呢間唔太起眼嘅小店主打係星馬菜價錢幾平，但食物幾足料多蝦濃湯麵 $72最正係佢個招牌蝦湯麵！唔似有味精，用咗好多蝦殼淆湯勁重蝦味，好鮮甜！麵吸收晒蝦湯，食完忍唔住飲埋啲湯去骨海南雞飯 $58海南雞飯係另一個招牌油飯好香，雞肉好嫩滑難得算有雞味，份量唔少幾抵食

住左係大角咀咁耐，都好少係呢區食飯，今次都係偶爾遇上呢間隱世小店店鋪唔大，只有十多餘位，但呢區勝在無旺區果種逼夾同連鎖嘅感覺。店鋪名已經講左主打係蝦，我同男友2個都點左蝦湯，唔同既係我要食貴d既🤣🤣小食方面我哋選擇左沙薑手撕雞同玻璃魷魚通菜先黎左兩杯蜜糖桔仔水，一熱一凍！ 飲落去第一啖覺得點解會咁酸既，男朋友先同我講你都未攪勻🤦🏻‍♀️🤦🏻‍♀️🤦🏻‍♀️🤦🏻‍♀️哈哈 大家切忌唔好好似我咁蠢呢個小食極度推介！醬汁非常之惹味，辣辣地配襯魷魚既咬口，好容易一啖又一啖咁食晒落肚。底下既通菜都沾到好多醬汁手撕雞本身已經係我嘅大愛，呢度小食嘅沙薑味濃郁，仲有芝麻作為陪襯，相當清新。蝦味非常濃郁，米粉亦都好索味。底下有十幾隻蝦作為配料。成碗份量都好大，但太好味既緣故，差啲連湯都飲晒男友食既呢個配料就多好多，不過一望個湯底就知道點解價錢平左一截。湯既色水明顯淺色d，飲落似叻沙味，不過我男友中意呢個勝在多配料😆2菜2小食 200蚊左右，晚市黎講，價錢都好公道

今晚又黎到大角咀揾小店食晚餐店裡面座位唔係好多 容納到幾張檯 但咁先有小店既風味胡椒牛筋 牛肚雖然胡椒味唔算多 但牛筋同牛肚都好入味 好易咬沙薑手撕雞略嫌唔夠沙薑味玻璃魷魚🦑通菜魷魚好爽 配上 秘製醬汁, 好有街頭小食feel- 蜜糖桔仔水, 飲落偏向酸 但都好飲- 西洋菜蜜清燉牛展湯配飯牛展燉至好腍, 湯好有濃濃既牛味, 不錯!多蝦濃湯-轉手打麵麵身煙韌但帶彈性,而湯底真係超濃郁, 飲得到入面有好多蝦精華 重蝦味每啖湯連麵咁食, 真係好正!

來支持小店，味道是不錯的，希望可繼續努力做好佢！招牌蝦湯手打麵 賣相佳，用料豐富，有蝦、豬頸肉、蛋、芽菜、豆卜等。湯底感覺足料，帶濃厚蝦味👍🏼麵底除手打麵外亦有米粉選擇，手打麵麵質略煙韌，和蝦湯算配合。去骨海南雞飯配油飯 雞肉嫩滑帶肉汁，份量多。醬汁方面有甜豉油、葱油、和辣醬。但辣醬味道一般，而且不辣。可選配油飯或白飯。熱蜜糖桔仔水酸味濃，亦略帶甜味。有開胃作用😆凍豆漿是現成品，味道正常。

大角咀是一處四周也是馬路的地方，這些馬路很少連鎖店，有的都是一些小店，有時在旺角不知道吃什麼好，就會來到大角咀搵食，今天找到了一間吃蝦麵的小店。今天來這裏吃了一個蝦麵，一個海南雞飯再跟上一個蘿蔔及通菜。我們選了多蝦濃湯摻摻，比平常的貴十多元，相信是比較多蝦，湯底也有比較濃。蝦麵用大量的蝦煲出他的鮮味，他會把蝦球劈開， 令到腦汁流出，味道更香濃。蝦湯來到時有一陣陣的龍蝦湯的味道，喝下去卻沒有了龍蝦湯的味道，換來是香濃的蝦味，味道不錯，很濃很鮮。有大約 7，8隻鮮蝦配上油麵米粉「摻摻」，感覺頗正宗的味道。海南雞飯有香濃的雞油飯，而且雞的份量挺多，大概有四分一隻，包括有雞胸、雞腿及雞翼等。雞有點麻油的味道，再配上他的醬汁甜豉油，薑蔥及微辣醬， 味道也可以，還有一個中湯附上。看到了比較特別的羊肉湯，愛喝湯的我也一試，聞起來蠻有羊羶的味道，喝起來感覺很補身，還有羊肉在湯內，羊肉煲完湯肉質仍嫩可吃。叫了他的蘿蔔，12蚊一舊，價錢不算太便宜。但是味道挺濃郁和甜，上面再淋上一些特製的醬汁，其實也挺好味。通菜十八蚊一碟，分量也挺多，是白灼加上特製醬汁，感覺有點像炒的樣子，如果平常通常在街吃飯，沒有蔬菜吃

8月初須要到分公司交流一星期，這星期才知道奧海城之外，大角咀道那邊都有很多美食。早前去了這間才哥蝦麵店， 大廚擁有十多年烹調東南亞菜的經驗 。 食過一次 便番尋味。幾個人一起食可以滿足曬所以人既願望。先黎個小食腸粉~滑溜軟綿綿，醒胃。蘿蔔~淋甜加上秘製醬汁，十分惹味。招牌蝦湯麵~ 橙色的蝦湯 用新鮮蝦製而成十分香濃。配料有豬頸肉，蛋，豆卜，鮮蝦等等。 麵質彈牙湯和麵也極速妙殺了!通菜~ 新鮮翠綠爽口，醬汁惹味胡椒牛筋牛肚~厚厚的牛筋淡嫩不膩，質地猶如海參~ 牛肚帶爽口如加重胡椒味會更好吃呢。招牌無骨雞~啖啖肉的去骨雞肉滑溜皮爽，充滿著東南亞的風味。

大角咀一向都有唔少隱世小店, 今晚去左呢間專食蝦麵嘅小店開餐室內環境唔係好大, 所以座位唔太多, 大約有 20 個位左右簡簡單單嘅  Menu, 貴精不貴多招牌蝦湯米粉湯底呈橙色, 可以飲到啖啖蝦嘅鮮味, 相信應該用左好多蝦殼熬煮而成｡米粉非常爽口, 配料除左有大蝦、雞蛋、豬頸肉、豆卜外, 估唔到仲有好罕見嘅豬油渣, 夠晒驚喜多蝦濃湯米粉濃郁蝦湯加埋 6 隻大蝦, 鐘意食蝦嘅人絕對唔可以錯過呢款灼通菜配特色醬通菜夠鮮嫩, 配合微辣嘅醬汁, 超惹味沙薑手撕雞雞皮非常爽彈, 雞肉亦夠晒細嫩而且又有咬口, 嚐辣嘅人不妨加幾滴辣油撈撈, 會令成道菜更加滋味淨蘿蔔冇渣, 夠清甜蜜糖桔仔水大力推介呢款飲品, 桔仔嘅酸, 加上蜜糖嘅甜, 非常醒胃

食得平價要夠貼地自然又需食得健康集合套餐附飯/湯/麵品/小食也可單點作為家常菜為主，最適合炎夏甜甜酸酸打開自我的味蕾 !才哥蝦麵獨特「去骨雞飯$58」爽口口感清淡而不死鹹，雞件不用剔除骨就讓我大飽口福，厚切秘製雞件配上醬油大口大口咬下零阻礙「沙薑珍肝雞絲撈麵 $48」鮮雞均勻放上雞內臟爽口又彈牙美味嫩滑過癮挑動你的食慾指數程度大增之餘撈好的麵品豐富雞肉連雞皮緊密層次聯繫口味因而突出「玻璃魷魚通菜 $30」其他各方面小食整體來說叫個主菜伴配非常合宜，料足份量挺多雖然各有特色雖然簡單小食但絕不馬虎「厚切牛利小食 $38」軟腍/爽脆/鬆軟/鹹香為你速速送上帶來無限驚喜主打言而撈上秘製自家醬汁，即使凍食或熱食冷盤也非常匹配開胃，小店用心製作令食客不負所望無阻隔拘束地品嚐

老公女女和我都愛吃海南雞飯，經常到不同店舖試這菜式比較下。今晚來到大角咀的才哥蝦麵晚飯，呢間係隱世小店，唔太出名，但食物真係有料到。首先一定要食呢度招牌菜的蝦麵，點了多蝦湯麵，比招牌蝦麵有更多蝦。蝦麵的湯底極正，濃濃的橙色蝦湯，用了很多蝦頭蝦膏熬成，無味精，我飲到一滴不漏。手工麵爽口，掛上濃稠的湯汁，十分可口。而蝦用上新鮮蝦，所以肉質好鮮甜彈牙。海南雞亦非常出色，皮爽肉滑，水準甚高。我覺得海南雞最重要滑，其次係香，它都做到了。好怕食到一些個名叫海南雞，但味道只是一般白切雞，肉質仲要又鞋又老。不過一碟雞份量不太多，不夠喉，所以要點多一份例牌，才滿足。女女還說一定要把雞皮吃掉，不要浪費，話雞皮係成隻雞最好味的部分。另外，飲品有蜜糖吉仔，酸酸甜甜，果味濃郁，清新解渴。

大角咀有好多餐廳，係奧運站或旺角站行過去都好方便～今次黎到呢間才哥蝦面，店面細細地，但食物款式好多！朋友揀左個招牌蝦撈面，有蝦、豆卜、豬頸肉同蛋，撈面食亦可浸濃湯～比起招牌撈面，我覺得我揀既多蝦濃湯面更正，半剝殻既蝦方便食，湯底好濃郁，用蝦頭淆制，又鮮又好味～除左湯底，面條都好有彈性，吸晒湯汁，配上彈牙既蝦肉，好夾！食得出係一碗誠意十足既蝦面！叫左個小食，沙薑手撕雞，細細碗，份量剛好，雞絲嫩滑又入味，配上爽口青瓜，幾清新開胃！飲左杯豆漿同蜜糖桔仔水～

今日朋友話帶我試吓新派嘅馬來西亞菜，呢間食店位於大角咀，我哋去都唔算太多人，望下個餐牌除咗正宗馬來西亞菜之外，都有唔少特別嘅款式厚切牛脷小食，顧名思義牛脷就當然非常之厚啦，而且亦都煮得好入味，我覺得第一個小食就已經值得推介玻璃魷魚加通菜，就咁通菜就食得多啦，加魷魚喺面就好少食到，魷魚都幾爽口朋友唔喜好肉骨茶，於是就叫咗清燉牛展湯，味道好濃郁，好香招牌去骨海南雞飯，油飯夠晒味，海南雞亦都好嫩滑，分量亦都唔細嚟呢度梗係要試招牌嘅多蝦湯麵啦，首先講個湯底就真係非常之濃郁，而且有一種獨特嘅味道，蝦亦都食得出好新鮮

朋友高度推介呢一間大角咀嘅新加坡小店，前幾日放工即刻沖去試吓。就咁睇佢的鋪面係一間好細又毫不起眼嘅小店，但係佢嘅店名就好直接話俾你知呢個應該係佢嘅蝦面。入面嘅枱唔得大概得五，六張，好典型嘅小店格局。一坐下來我已經急不及待咁點左幾樣佢嘅招牌菜，招牌嘅蝦湯麵（$58），佢啲湯真係特別濃郁，癡線架🤗好似用咗1000隻蝦佢熬制嘅濃湯咁🍲嗰種鮮甜嘅程度真心堅！可見真係花咗唔少心機！其他上面有蝦，肉片，豆卜同雞蛋仲有好多配料，麵底我揀米粉索晒啲湯，好正！好似我喺新加坡食嘅一樣！真係好有新加坡風味👍另外點左個牛三寶飯($58)，有牛脷，牛肚同埋牛筋，呢個又係超級驚喜，因為我本身唔係話唔好食牛脷的，覺得佢好核突又好似有浸味，但係佢處理得非常之好，完全冇異味而且滷水滷得好入味！真心正呀！佢成功令我對牛脷改觀，另外牛筋同牛肚都問得好入味又易咬，成碟牛三寶飯都好高質！😋跟住我哋再嗌左個珍肝手撕雞撈麵（$58）佢呢度嘅手撕雞應該係用上新鮮雞，肉質鮮嫩有咬口，最正係佢有啲芝麻醬撈起，珍肝亦都非常新鮮，但最令我印像深刻就是他的麵條，佢嘅面身係我非常喜歡的，煙韌有彈性，每一條麵條都撈上秘製醬汁非常之均勻，真心正，佢

大角咀真係超級超級多小店食肆, 今日呢附近上訓練班 ,收工嘅時候已經成七點半, 咁就同埋個同事喺附近搵食, 一行去舊區嗰邊簡直眼花繚亂, 我哋揀咗一個叫才哥蝦麵嘅店鋪入去, 顧名思義梗係出名食蝦嘅麵啦 但係點解係咁多店舖我哋揀呢間呢? 因為佢有一啲好特色嘅小食同埋有海南雞飯!小食居然有牛舌而油菜係趁呢個玻璃魷魚, 真係好少會食得到 所以就決定入呢間舖頭啦。不過 食物又未到好驚喜, 但係絕對食得入口嘅, 個蝦面嘅湯底亦都好濃厚嘅蝦味。 但海南雞飯就弱咗少少啲雞好熱同埋好肥, 整體嚟講都食得下啦 但係環境 太逼同埋好熱 呢一part就扣咗少少分啦。

黎呢度既人多數都係附近返工或者住既因為店唔算大, 所以平時LUNCH TIME都會爆哂場咁我就好好彩 等左大約5分鐘就入到 蝦撈麵超大的一碗, 上面有主角蝦, 豆卜, 半隻蛋同麵 仲有一碗湯可以方便撈麵食 不得不講係個麵好特別佢係帶一點既蝦既甜味食落特別得黎又幾好味!! 去骨雞飯呢叫既呢個去骨雞飯一個套餐除左有去骨雞同油飯之外仲有一碗湯的, 咁多樣野加埋整體來說都不算太貴 雞件都斬得幾大份舊舊都係肉黎!!淡淡的雞味, 配上雞皮真係最佳既配搭 醬汁有3種, 醬油, 薑, 泰式辣醬個人黎講都幾鐘意呢一隻自家製醬油唔算太咸但又幾好味 飯超大的一碗, 完全係夠飽同埋油香好重既飯!! 必須要食哂佢!!

今次係第二次黎食，上次黎食過蝦麵覺得好好味。12點幾黎到竟然無咩人，記得上次黎係坐滿哂。睇一睇個menu，同之前比已經加左價，有啲選項例如手撕雞飯喺中午亦都見唔到有。記得上次黎見到隔離檯食海南雞飯覺得頗吸引，今次唔洗諗都已經決定食。野飲要另外加錢，淨係有包冬瓜湯。之前見到人食係有包埋時菜，不過依家就無，淨係得碟雞嗰度有兩條菜心。個餐黎到賣相都唔錯，雞同飯嘅飯量都幾多下。雞嘅皮肉分明，而且啲肉都好嫩滑，配埋啲醬油好好味，可以同佢講走雞胸。油飯同平時食嗰啲都有啲唔同，佢嘅飯比較硬身，粒粒分明，香茅味重，都幾香。不過可能平時食開嘅飯係淋少少，所以有啲唔慣。整體黎講，雖然加左價但係佢分量都幾多而且味道都幾好，覺得無論係蝦麵定海南雞飯都值得試下。