才哥蝦麵 (已結業)

大角咀係香港一個好LOCAL既地方，比較少遊客都無咁逼，而且只係奧運站旺角行都行到非常方便，亦都有唔少高質餐廳，唔想同人逼黎呢度搵食係一個唔錯既選擇餐廳名都話左俾你知佢出名D乜，另外仲有雞飯同多款小食，食物種類有點新加玻風味，近來好似愈開愈多呢種菜色喔清燉羊肉湯 ($55)湯怪見到有湯飲就一定會ORDER，仲要係我最愛既羊肉，加$8就連米粉，清燉既關係湯比較清澈，碗湯無咩油，羊肉淋淋的，喜歡羊肉或者SO味的朋友千萬唔可以錯過，一定可以令你好滿足玻璃魷魚通菜 ($28)魷魚輕輕煮就上菜，所以就叫玻璃魷魚，加左少少沙茶醬，咁樣食菜一D都唔DRY呀才哥蝦湯麵 ($55)重點來了，湯麵果然無味精，用上大量蝦頭蝦殼一齊煲的效果，呈橙色，湯怪又飲曬成碗，材料同喇沙D材料差不多，有鮮蝦、蛋、豆卜、豬肉，$55淨係飲個湯都抵誠意推介大家多多支持小店喔~

上次去完朋友屋企，見到樓下有間新開小店才哥蝦麵，於是入去試下。有驚喜！店內大約有二十個座位，不會感到很迫。侍應的服務很快，抵讚！我地兩個人叫左兩份小食，兩份主食。小食叫左芝麻手撕雞，和海南雞。手撕雞有麻香味，凍食透心涼，十分開胃。海南雞是雞胸部位，肉質結實，配合薑蓉很配！另外還點了一份清燉牛展湯，牛展十分淋，有香香的胡椒味同當歸味！極力推介，飲得出有用好多心機去煮，價錢$55絕對值得啊！我的主食是鮮蝦粉絲，粉絲索滿蝦味，另外有大約6至7隻蝦，蝦很爽口，大隻，落足本！粉絲的粉量剛剛好。在店內大約一小時間，有很多人在店外等外賣，證明雖然係小店，但也相當受歡迎啊！有時去下街坊小店或者會有大發現！

濃味既蝦湯做湯底唔係度度有得食，之前經過見到呢間小店開左就心思思想試，今日終於試到了。又係同事4人組lunch出動去覓食，黎到好好彩有位，位置雖然近門口但都唔覺得好熱，我叫左個米粉蝦湯麵，另外三人分別試手打麵、撈麵及招牌無骨雞飯，另外仲叫左個玻璃魷魚+通菜小食。因有同事對蝦敏感，店員很好地不左少少蝦湯比佢試下呢個要一讚；之後我們3碗麵都到了，撈麵同湯麵既麵係手打麵，麵質彈滑，撈麵會另跟一碗蝦湯，蝦湯蝦味濃郁，有2隻蝦，好新鮮彈牙，其他餸有豬頸肉、豆pok、半隻蛋，份量正常，可以加$3要汔水，加$5要其他野飲，凍飲要$7唯一要彈的就是湯唔夠熱，湯麵既湯唔夠熱，無骨雞飯跟既湯係室温，雞肉同一碟有滑有唔滑。希望下次去會改善，仍支持用心做的小店，會再去幫襯

住大角咀的朋友極力推介這間麵店，好奇食麵可以有幾突出，所以就襯放假去試下。原來佢招牌食物係蝦麵，即以大量蝦淆製配上手打麵。湯麵望落似星咖坡喇沙，配菜都有豆泡，蛋，芽菜，豬頸肉同埋主角"蝦"啦。蝦湯真係好濃好香，十足才料淆製，非常有誠意，而且幾大碗，抵讚老公叫左個清湯燉牛展配手打麵，呢個湯則帶點藥材味，有點似肉骨茶但比較清啲易入口。牛展炆得好稔好入味，係肉的份量少左一點。另外本來想點小食手絲雞但賣晒，改左叫無骨海南雞反而仲有驚喜，雞非常嫩滑，食落好似入口即溶咁，如果吾係已經好飽真係想encore叫多客佢既檸檬桔仔茶酸酸甜甜又好潤喉，幾特別可以試下。

網上之前聽聞大角咀有間新開食蝦麵，大廚有多年烹煮經驗，所以今日放假同朋友慕名去食番個午餐🥣！ 雖然店舖不是太大，但座位都坐得好舒服，唔會太窄！香濃蝦湯米粉 $55 ：餐廳招牌菜式，個湯底用左蝦殻淆左好耐超香濃，豆卜索晒d 湯好好食，仲有2隻大蝦好實肉，豬頸肉都好腍身！清燉羊肉湯 $55 ： 熱辣辣燉湯，羊肉都好嫩滑，唔會太膻！飲完成個身都暖晒！玻璃魷魚🦑+通菜 $28 ：魷魚🦑食落口好脆，好似玻璃咁脆口，仲配埋秘製醬料通菜更加滋味！惹味雲耳芽菜 $18 ： 雲耳芽菜好爽脆，唔會太辣，仲暖暖地好開胃！凍豆漿 另加$7: 唔會太甜，好有豆味，仲好香滑既味道！凍蜜糖桔仔水另加$7: 甜甜酸酸咁，飲完超解喝，好爽！😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

實在太驚喜！！！！！以為男友隨隨便便帶我去吃一間麵店，沒想到原來超高質！媽啊！！真的超美味，不是說笑！首先為「牛魔王」男友點盅清燉牛展湯。加入了胡椒粉的湯充滿濃濃的牛肉味，裡面還有三片大大片的牛展和白蘿蔔，牛展也太軟嫩了吧！？連醬油也不用點，非常好吃(◍ ´꒳` ◍)這個玻璃魷魚加通菜到底是用什麼醬汁的？居然好吃成這樣子？玻璃魷魚超爽口！那醬汁真的是不得了的好吃～通菜也不老，魷魚和通菜原來是如此合拍的(⁎˃ᴗ˂⁎)蝦撈麵伴隨著一碗非常濃郁的蝦湯。把蝦湯淋在撈麵上，真的超～好～吃！裡面還有蝦、雞蛋、豆卜、豬頸肉，材料很多！最後點了碟招牌無骨雞，雞肉嫩滑，像海南雞！我覺得兩個人點以上的幾款菜式就已經很飽了～如果一人一碗麵應該就會飽到沒法試其他美食了吧因為每款菜式的份量都真的很足呀(•‾⌣‾•)y

星期二晚上到大角咀這家小店吃晚飯，短短45分鐘，一枱客離座，便立即有客人入座😯，客似雲來。位於芋圓一隔離，一間不起眼的小店，但食物有驚喜🤗。1️⃣ 蝦撈麵（手打麵） $55 它的麵質有驚喜🤩，滑、彈牙🤤。有點像老媽拌麵的質感。配料有兩隻蝦🦐、豆卜、豬頸肉。-2️⃣ 招牌去骨雞飯 $55 只需$55便可吃到海南雞飯，真是超值😍。雞滑，油飯香而不膩。-3️⃣ 清燉牛展湯 $55 有3大塊牛展！牛展很淋，湯帶有胡椒味。-4️⃣ 玻璃魷魚🦑 + 通菜 $28 • 淨豬皮$12 這兩道小食的醬汁也很美味，有點像XO 醬。魷魚🦑和豬皮也很爽口👍。-5️⃣ 爽滑豬腸粉 $12 與它的名字一樣，很爽滑😂。唯一美中不足是醬汁太稀，芝麻醬太少。-是一家有實力的小店！

新開的店鋪，這些時間大角咀開了很多這類店鋪。所以要突圍而出不容易。這裡的蝦湯底尚算濃郁，但缺點是我的湯底不夠熱，這裡要扣分。推介小吃豬皮蘿蔔又淋又甜，魷魚通菜正常，小吃熱度正常。

成日都經過依間鋪好多次，今次終於決定入黎食。依間鋪好似唔係開左好耐，係間小店。裡面格局比較細，大概得8-9張檯，應該淨係坐到廿幾人，所以如果係12點幾黎到都要等一等位。雖然餐牌唔係好多野揀，不過我都有幾樣野係好想食。見佢間鋪叫才哥蝦麵，我就緊係揀左個才哥蝦湯麵。麵有得揀米線，不過因為對米線一般，最後揀左手打麵。一上碟已經好吸引，聞到蝦湯嘅味道。啲蝦湯飲落有鮮味同幾濃郁下，好味。除左麵之外，有兩隻蝦、豬肉、豆卜同半隻蛋。啲豬肉原來仲係豬頸肉添，3-4塊到。豆卜好淋，平時我都係唔係咁中意食，不過依個真係整得好好食。啲麵又彈牙，配埋蝦湯真係好match。我食完碗麵都將啲湯飲得七七八八。雖然個麵$55，唔包野飲，但係個蝦麵色香味俱全，好出色。絕對推薦黎依度試見出面仲有banner話外賣會減$5。

以前係大角咀返工既時候都會過黎食飯所以對附近都好熟悉但以往都比較多係大街搵食今次就係橫街搵到美食！我地點左海南雞飯同才哥蝦湯麵雞肉好滑身相當有水準令我地相當有驚喜！冬瓜湯飲落亦都唔重味精至於蝦麵聞落已經係好濃郁既蝦味忍唔住飲左啖豬頸肉食落就有啲香茅味兩隻都係新鮮蝦 唔係雪藏蝦都幾有誠意！米粉亦屬於幼身 好味之選除此以外我地都叫左兩款燉湯十分足料飲完都唔覺口乾啲肉都燉到好林好入味推薦大家試下！玻璃魷魚加通菜配上廚師自己調製既醬汁非常惹味但有點辣大家要留意後記：食完之後上網再搵餐廳資料時發現唔少大角咀既街坊都介紹呢間而且評語正面受街坊支持既餐廳質素又點會差推薦大家幫襯

大角咀朋友指區內新開蝦麵店，大家一齊懷試新嘢黎呢度挑戰下望餐牌似馬來西亞店？最近食完深水埗一檔蝦麵，果種蝦香湯底念念不忘。今日再食下蝦麵比較下先。($55)麵底可選手打麵，菠菜麵或米粉。不過今日有菠菜麵，我地揀手打麵。一上枱，冇陣陣蝦香味，但飲湯底，冇咩味精同飲得舒服 😊😊😋 材料滿滿，佢餐牌寫豬腩肉，但俾左豬頸肉，更合我心意。 豬頸肉冇煎得好香，更能吸湯底食👍 而廚師炸左蝦頭同舖上少少豬油渣脆系麵上，正，有香口嘢過口癮🤣不過麵底就一般，似食緊上海麵 下次揀返菠菜麵/米粉。飲品加$5可有蜜糖桔仔水或菜蜜，我地揀左桔仔水，好滋潤，好健康～星期日唔使返工應該要遠離咖啡奶茶😂😂同深水埗蝦麵各有特色，呢個系清淡滋潤版。大角咀區內暫時未有一間蝦麵比得上呢間新店，可再黎食。 下次要食海南鷄飯 ($55)，見隔離枱嘅油飯粒粒分明，好似不錯。

今天下午拍了車在大角咀之後，想搵地方吃午餐， 看見有一間才哥蝦麵，於是就入去試下了。 店舖裝修簡約風格，座位不算太多但光猛開揚。 看了餐牌之後點了兩款招牌菜， 招牌蝦湯麵$55和招牌去骨雞飯$55， 還有淨蘿蔔$12，玻璃魷魚＋通菜$28，蜂蜜桔仔水$15。招牌蝦湯麵～ 我選擇了米粉，配菜有新鮮蝦， 豬肉，豆腐卜，雞蛋半隻。 最重要是非常濃郁鮮味的蝦湯， 米粉剛剛好可以吸 蝦湯的鮮味， 蝦湯完全冇味精，因為覺得太好味的關係，我竟然把成碗蝦湯飲曬了。招牌去骨雞飯～ 這個海南雞飯做得相當出色， 雞皮彈口肉嫩，油香飯好香好惹味。 如果喜歡吃海南雞的朋友一定要試下! 玻璃魷魚＋通菜～ 玻璃魷魚彈口鮮味， 通菜夠新鮮， 煮得剛剛好一啲都唔硬！淨蘿蔔～ 蘿蔔清甜冇根配師傅醬汁食，好正！蜜糖桔仔水～ 很喜歡這一杯桔仔水，甜甜酸酸好開胃又清新！大角咀果然是臥虎藏龍的地方， 竟然畀我搵到才哥蝦麵這間隱世美食， 我個人非常支持小店的， 除了感覺特別有人情味之外，還多一份真誠和對食物的熱誠！

有日行經大角咀見到呢間小店，睇餐牌價錢合理，啱曬我呢d 打工仔，一於入去試下！叫左個招牌蝦麵，轉米線底呢個麵最好食就係佢個湯，飲得出係用好多蝦去煲成，好鮮甜，唔似坊間其他麵店，一味落味精或者化學嘢。 我差唔多成碗飲曬，好重蝦味。其次嘅係用料新鮮，豬頸肉同蝦都肯定唔係雪藏野，食落彈牙有肉味。夾埋米線同豆卜吸曬d 湯汁，作為招牌，實至名歸。同事點左個去骨雞飯，佢話雞肉都幾嫩，油飯有應有嘅香味，連埋碗湯，好快就扒曬成碗飯。另外， 叫左碗靚湯-清燉牛展湯，好入味，有少少似肉骨茶果種味道。飲完呢碗湯成個人暖曬，好舒服。最後， 蜜糖桔仔水好清甜，好適合係天氣熱嘅時候飲，一個字- 爽！

姨姨去完日本一段時間，今天大家才有空一見，順便拿行李箱來大角咀維修。在維修期間，我們看見附近有間才哥蝦麵，說起香港沒甚麼地方吃到蝦麵，難得一遇，我們就在這裡吃個午餐，稍後要取行李箱。我們先喝盅清燉牛展湯，牛展湯需花費功夫時間燉煮，它既滋補又不油膩。牛展肉中帶筋，卻軟嫩無比，不會有咬不爛或牙縫的情形，其精髓都走進湯裡，蘿蔔清甜無渣滓，真材實料，燉湯香醇無比，營養滿分。招牌無骨雞油亮亮的雞皮，份外令人動心，無骨雞雞肉柔嫩，已經到了入口即化的地步，且具油香，令人愛不惜口。另外可以沾點隨招牌無骨雞的三款醬料提升雞肉美味，甜醬油，辣醬，薑蓉各有風味，三種醬料我都超喜歡。飲品方面，我們主要想喝點清新的，故點了熱蜜糖桔仔水和凍豆漿。姨姨說熱蜜糖桔仔水不錯的喝，溫潤的蜜糖桔仔使她喉嚨舒暢了不少，我的凍豆漿冰涼微甜，新鮮之選。豬頸肉小食撒上乾蔥頭，蔥花和醬汁，簡單的調味，豬頸肉中心肉質保留嫩白的色澤，旁邊則微微炙燒，帶點焦香，爽彈不乾柴，所以讚不絕口是有原因的。引頸期盼的才哥蝦湯麵終於上桌，蝦湯麵包羅萬有，除蝦外還有豬油渣，雞蛋，豬頸肉及豆卜。蝦湯喝起來的超濃郁鮮甜，都由雞骨和鮮蝦熬煮而成，相當有誠意的

因為接朋友放工，所以黎左大角咀搵食，見到呢間鋪頭幾新淨，小食十零蚊一碟，岩晒兩個人share，所以就試一試。鋪頭好新淨，入面幾張枱、簡約風。七款主食加十種小食選擇，貴精不貴多。凍西洋菜蜜、凍桔仔水。桔仔水有一點點桔皮，清新醒胃，一般好少見既飲品，一定要試。淨蘿蔔，軟硬適中，個醬微微辣，更突出蘿蔔清甜。芝麻手撕雞，味道清新。才哥蝦湯麵，侍應話想食更入味就揀米粉，所以轉米粉。湯既顏色已經好吸引，飲落有濃濃既蝦糕香味，配料有蝦、豆卜、豬肉、生菜等。去骨雞飯，飯粉粉分明，無雞油，同平時海南雞飯有分別，配上醋、醬油糕、薑蓉。右上角係冬瓜湯。每人八十蚊，有肉、有蝦、有菜，簡單一餐，食得舒服。