才哥蝦麵 (已結業)

老公女女和我都愛吃海南雞飯，經常到不同店舖試這菜式比較下。今晚來到大角咀的才哥蝦麵晚飯，呢間係隱世小店，唔太出名，但食物真係有料到。首先一定要食呢度招牌菜的蝦麵，點了多蝦湯麵，比招牌蝦麵有更多蝦。蝦麵的湯底極正，濃濃的橙色蝦湯，用了很多蝦頭蝦膏熬成，無味精，我飲到一滴不漏。手工麵爽口，掛上濃稠的湯汁，十分可口。而蝦用上新鮮蝦，所以肉質好鮮甜彈牙。海南雞亦非常出色，皮爽肉滑，水準甚高。我覺得海南雞最重要滑，其次係香，它都做到了。好怕食到一些個名叫海南雞，但味道只是一般白切雞，肉質仲要又鞋又老。不過一碟雞份量不太多，不夠喉，所以要點多一份例牌，才滿足。女女還說一定要把雞皮吃掉，不要浪費，話雞皮係成隻雞最好味的部分。另外，飲品有蜜糖吉仔，酸酸甜甜，果味濃郁，清新解渴。