才哥蝦麵 (已結業)

聽朋友介紹這裡有間好好食的小店，特別是湯類，聽到佢強烈推薦令到我好想好想食，終於搵左個星期六同男友黎試下餐廳不大，但都企理選擇唔算好多，應該都是精華「招牌蝦湯麵」湯底有非常濃郁既蝦味，真係好好飲！配料豬頸肉彈牙爽口，正「牛展湯」果然同朋友介紹得一樣正，牛展燜得十分淋，連中間既膠質都好軟糯，簡單沾豉油已經好好食。湯有濃郁既藥材味，都非常好飲，比住家湯更正！「招牌去骨雞飯」雞肉份量非常多，而且去了骨，方便進食，而且仲有一隻雞比呢雞油飯都做得很出色，唔錯！「蜜糖桔仔水」又是濃郁既飲品，鍾意酸甜味既人應該喜歡呢間小店真係好出色食得出係真材實料既良心小店

餐牌上食品不算多，不過看似每款也是很好食。我點了香濃蝦湯米粉，玻璃尤魚波菜和熱蜜糖桔仔水。其實都幾豐富，哈哈！我見隔離抬食沙薑雞腳都食得津津有味，不過可惜我得自己一個，所以唯有等下次😬香濃蝦湯米粉，湯的確是一流，很鮮而不覺腥。肉片也很爽，最重要要食蝦頭和豆腐卜！蝦頭有濃濃蝦膏而豆腐卜盡收了蝦湯精髓，不能不食！！！玻璃尤魚波菜，味道相對蝦湯米粉淡，不過正合我口味，有海鮮醬配搭加上尤魚很爽滑，感覺小菜很清新！最後，蜜糖桔仔水很有意外！小甜偏酸，可能蝦湯很濃，食完米粉口中還有很濃濃蝦味，所以飲一口桔仔水，口中蝦味便一掃而清！

今晩來到大角咀晚飯，看到這間才哥蝦麵好像不錯唷。價錢合理，坐得舒服。來這裡必定要試香濃蝦湯米粉 （$55）材料豐富，包括蛋、豬頸肉、蝦、芽菜和豆卜等。湯底有濃郁的鮮蝦味，當為湯喝也一流。我還選了手打麵，麵條煙韌有彈性，是必叫之選。招牌無骨雞飯 （$55），雞肉嫩滑，肉汁豐富，與香噴噴的油飯真是夾。拌碟還有新鮮爽口的津白。雞飯更送上一碗例湯，還是東瓜湯呢！厚切牛脷小食 （$35）果然厚切，軟腍入味。份量也不少，而底下還有豆卜呢。寶寶喜歡蜜糖桔仔水 （+$5），但我就覺得酸了點了。

超濃郁蝦湯面 同埋勁香既海南雞飯好好彩食到最後一碟海南雞飯我聽到下一個客嗌 已經話賣晒囉好多人專程黎食海南雞飯無得食好失落我地收工揸車黎到望一望餐牌 好多野都好吸引wo仲有講呢間蝦麵既來歷添 入面係甘簡單得黎整潔 舒服既我地嗌左一麵一飯 幾個小食 因為太吸引啦呢個就係濃湯麵面識食梗係試啖湯先啦嘩 唔係誇 真係超濃郁既蝦味跟住配料同蝦都唔少架個飯好好呢個就係傳說中既無骨海南雞飯但係我見到雞翼 第一下心諗又話無骨 不過鐘意食雞翼既我 見到有雞翼仲開心個油飯好好食！唔係出面普通既油飯佢有啖啖清香同椰香 我男人仲食到話有少少香矛係入面柑桔汁 超正呀 真係直打無加任何糖或者水 甘香既酸酸汁鐘意食酸野既人一定會好鐘意牛舌 爽爽的 沙薑雞腳 但係味道唔夠重.. 呢個卤水豬手都係非一般既一咬落去好香椰香味係個口到超正！佢話第一次食麵食到飲晒d湯 。一定要show比大家睇 證明真係真係好好飲 好正

今日去左大角咀大同新邨探朋友，佢帶左我去附近的才哥蝦麵食晚餐，麵店地方不大，全店客滿，食物的質素一定吾錯。入座後就立刻點了招牌菜。招牌去骨海南雞飯：有湯和油香飯，海南雞已去骨啖啖肉，皮爽肉嫩，油香飯夠味不油膩。招牌蝦湯麵：有豆卜、豬肉、蝦、蛋。湯底鮮甜濃郁，配爽滑的手打麵，十分美味！小食豬皮蘿蔔，豬皮爽口，蘿蔔入味夠林。豬腸粉爽滑，加上醬汁夠惹味。豆漿用密封口的杯裝，好衛生，不會太甜。七喜冰凍解喝。

今次阿仔冇份, 得我同老婆二人食晚飯.大角咀食店都唔少,因為想食蝦麵, 結果決定黎呢間開餐.我叫左呢個, 但見到羊湯更正, 所以呢碗交左畀老婆. 我試左少少, 覺得湯底好勁蒜味, 濃蝦味亦很突出, 淡淡鮮味. 配料用上新鮮蝦, 而不是普通的急凍玻璃蝦, 豬頸肉好爽, 豆卜勁入味, 蝦頭可吃下肚, 炸得脆脆的, 味道鹹香; 麵亦都同湯底好夾. 我見老婆好快就清晒成碗麵, 睇黎佢都覺得好滋味.本來老婆叫呢個, 一上枱就吸引到我, 立刻同佢交換. 羊肉好味呀, 湯底亦好夠味, 原汁原味的, 沒有花巧的調味. 食時將一半燉湯倒入麵裡, 食完麵後, 就享用埋餘下的一半燉湯. 好滿足.當晚大概六時左右到達, 但腸粉已售罄, 然後我地改叫厚牛脷. 牛脷一樣咁好味, 是不錯的小食.

大角咀美食林立，今日係奧海城行完街就行過去搵左呢間才哥蝦麵。餐牌非常多選擇，佢個蝦湯麵係標榜無味精，當然要試下。招牌蝦湯麵蝦湯好鮮甜，濃濃既鮮蝦味，連蝦頭都勁好食，配上手打麵，份外夾味，正！招牌去骨雞飯雞肉皮爽肉滑，唔會有雪味，個飯都做得幾好，香而不膩，煮得剛剛好。清燉牛𦟌湯呢個係見隔離台話好好飲所以叫，入面都有好幾塊大牛𦟌，份量足，湯有超濃郁既牛味，鮮甜，鐘意食牛要試下。玻璃魷魚通菜一放低好香，個魷魚醬汁好惹味，魷魚爽脆，份量都不少。加7蚊叫左蜜糖吉仔水同西洋菜蜜蜜糖吉仔水對我黎講酸左d，但友人就話剛剛好。西洋菜蜜好好飲，比出面飲過既更有味最後蝦湯都比我飲曬，好好飲，亦無口渴感覺，真材實料！

聽講大角咀開咗間新嘅地道小店，蝦湯濃郁而且全無味精，所以行完奧海城之後就同老公過去試吓。Menu:招牌蝦湯麵🍜～蝦湯湯底果然夠濃郁，好香蝦味，而且飲咗啖湯之後唔覺得口渴，應該真係冇落味精！～我轉左米粉，所以更加吸左啲湯嘅味！～餸方面唔算好特別，不過份量都足夠，有豬頸肉幾片、蝦兩隻、豆卜同埋半隻蛋手撕雞撈麵～麵質OK，有口感，完全冇鹼水味！～如果雞絲再滑啲就好～分量啱女仔多啲老公嫌個撈麵唔夠飽玻璃魷魚通菜～玻璃魷魚好爽～個醬汁襯得啱啱好～啲通菜都好鮮嫩總括嚟講才哥蝦面都幾好食，下次再去試吓個羊肉湯

本身我去食粉麵都冇乜興趣嘅， 不過見到呢間蝦面就想入去試下，平時經過都見到佢好多人，今日難得佢入面好多空間，咁我就入去試下啦， 招牌講到明係蝦面，開頭我以為係講緊個面係蝦面， 但係入到去先知道原來佢講緊最重要最重要嘅係個湯底 ，當然我未食過都唔會信曬， 所以都嗌咗啲海南雞呀，牛脷嚟試下 ，到個面嚟到真係刮目相看 ，有幾好食只能夠用真材實料四個字去形容 ，最後我係成碗蝦湯飲曬嘅， 另外仲嗌咗個羊肉湯係好騷嘅，不過真係真材實料好好飲

係奧海城睇完戲，就行了去大角咀附近的小巷充飢，發現了呢間「才哥蝦麵」小店，餐牌上係主要都係星馬美食，餐牌上有一個亮點係絕無味精🤤食物黎到，第一啖都係嘩嘩聲，絕無誇大成份，真係好好味🤤.湯有湯味、零味精味、飯有飯香味、一啲都不油膩既雞飯🤩🌟沙薑滑雞腳 $18🌟炆到好淋、好入味既沙薑雞腳😋🌟清燉牛𦟌湯 $55🌟個人認為呢個係一定要點既菜式，先不講湯底，牛𦟌一咬落去肉質係好淋！感覺係用左好耐時間先煲到既一個「heart」媽媽靚湯😍連湯底既料都食得既老火湯，最後，係連湯料都清曬，一滴不漏😅🌟招牌去骨雞飯 $55🌟要讚既係個雞飯，一啲都唔油膩🥰🌟招牌蝦湯米粉 $55🌟Order之後，先知原來有其他麵底選擇，例如手打麵、菠菜麵等等，不過米粉都不錯，係幼米粉黎，浸得耐都不會發脹.個人認為蝦湯麵，湯底十分重要，而呢個湯底一飲係好重鮮蝦濃湯味，好鮮味🤤好味到連湯底都飲埋🤪.如果下次再黎附近睇戲或者經過附近，呢間「才哥蝦麵」無疑會變左醫肚既首選🤩

和同事路經此店，被招牌上的蝦湯麵吸引著, 雙腳不由自主地進去了店內的環境很骨子，衛生。名不虛傳的蝦湯麵， 蝦味香濃材料新鮮，配料份量十足。朋友order了一客牛展燉湯手工麵。 牛展入口即溶，無味精擁有家的感覺。

聽聞大角咀新開咗間小店嘅蝦麵好出色今日一試果然聞名不如見面*****今次點咗鎮店之寶蝦麵同無骨海南雞飯蝦麵望落似新加坡喇沙一飲個湯真係不得了好香濃嘅蝦湯味呀八掛打探下原來湯底係師傅用咗大量鮮蝦淆製而成唔怪得湯底有咁鮮甜嘅蝦味而配菜有蛋、豆泡、豬頸肉同芽菜材料十足麵亦可以選擇粗面、幼麵或者一半一半*****而另一亮點係無骨海南雞飯雞肉嫩滑而油飯香而不膩油飯都係亮點之一飯香而唔油膩亦唔會過份濕估唔到小店都可以整到咁出色真係好有誠意嘅一間小店

朋友想食海南雞飯，我就帶他去呢間才哥 蝦麵店。上次食過覺得好好味，今次兩個人食可以食多D唔同款式。首先，叫個小食手撕雞，無諗過手撕雞的雞肉都是滑滑的，連皮一起撕 簡直係滑到暈。水魷魚通菜，新鮮。招牌菜蝦撈麵，材料原來都幾豐富: 有蝦，豬頸肉， 豆卜&豬油渣 ，蝦湯香濃無味精。去骨海南雞真係滑到無朋友，朋友都舉腳讚好。再來個牛展燉湯+手工拉麵，牛展淋到無牙都食得，拉麵彈牙+無味精健康愛心湯，好味推介。加埋杯 柑桔水及西洋菜蜜， 喉嚨立即得到滋潤!

大角咀一向隱藏好多小店美食，今天本身想食的小食店沒有開門，摸了門釘，最後就在附近發現了這間新開的小店- 才哥蝦麵，店舖細細，餐牌選擇亦不多，主打星馬菜，但勝在價格實惠夠吸引。我們要了才哥的招牌蝦湯米，湯看似很稀，但飲落卻有濃濃的蝦味，亦有藥材的回甘味，幼細的米粉配上蝦，豬肉，蛋，豆卜及菜，配菜雖然普通，但加上豬油渣，便增添美味，這個蝦麵比檳城的蝦麵少了一份油膩感，適合香港人口味。手撕雞撈麵，手撕雞嫩滑，麵質爽彈，撈上特制醬汁，好開胃，$38 大大碗，很抵食。餐廳還提供幾款小食，我點了玻璃魷魚配通菜及蘿白，2 款小食均加上自家製咸蝦辣醬，好惹味，玻璃魷魚好爽脆，通菜夠鮮甜，蘿白夠甜夠淋身。另外加$5 可以要杯蜜糖桔仔水潤一潤喉.

今日去咗大角咀搵個朋友食下午茶，佢帶咗我黎食呢間才哥蝦麵，佢話佢之前lunch 食過幾好食喎餐廳係小店，座位唔多，而餐牌嘅選擇亦唔算好多我哋一人叫咗一個才哥蝦麵，我就要湯麵，我個朋友就食撈麵。配料分別有蝦、豬肉、雞蛋、豆卜。撈麵嘅配料都係差唔多。呢度個湯底真係唔錯，一飲落去好明顯就飲到有蝦味，絕不欺場。另外我哋又叫咗幾個小食share，要咗魷魚通菜、手撕雞、牛脷，呢度嘅小食份量都比較細，所以可以叫多幾款試吓。個人推介魷魚，夠爽，醬汁都好味！