手拉麵小廚

營業中

休息中

新蒲崗 Mikiki 附近,  有好多街坊小店,  喺IG 見到有人 post 呢間嘅小籠包好似好正,   一於去試下. 手拉麵小廚 個門面 唔算好大,    係傳統上海鋪架局,   門口廚窗係包點煮麵位.  叫左兩個麵加一份小籠包,   佢地嘅份量都好好,  兩個人食都食到好飽喇~    先講佢個小籠包,   有驚喜,  雖然一籠五隻 但係 好! 大! 隻!呀!   仲大過隻豉油碟 ,    仲要係皮薄.   但係變相就難夾啲,  要好考大家嘅功力先唔會漏晒啲湯汁出嚟喇~  蔥爆羊肉炒拉麵,   雖然呢個組合好似比較少見但係顧名思義 都知佢咩玩法啦,    好食嘅,  啲麵上晒色入晒名,  肉同配料都唔會少.    又夠熱,    羊有羶味,   食落係好過癮嘅~ 最後係雞扒湯拉麵,   就係好正路嘅茶記湯麵 feel ,   個湯都幾重味精,   我地個雞扒就好食嘅,  但係同一時間隔離枱果碗就話雞扒微酸,  都係茶記雞扒好常見嘅問題喇,   真係睇你好唔好彩. 我呢,  下次一定係自隊一籠小籠包先再諗下食咩其他野...   

行完Mikiki 最鐘意就係舊區搵嘢食，今日就試宜間，因為我準備了自己嘅辣椒油，食湯麵就最想食辣呢！係門口見到師傅不停係到做手打拉麵呀，已經暗暗鐘意了👍🏻😍😍😍，因為係幼手打拉麵就最開心🥰，因為我鐘意幼麵！叫了小龍飽(如果好鐘意食可以一人一籠 )，唔會怕佢唔好食，一個人食一籠一的都唔會過分， 小龍包有好多湯汁😍，皮薄多汁（宜個價錢係好好👍了)，一夾起見到入面啲湯，第一口係咬小小孔，飲湯汁，熱辣辣（因為係冬天食感覺好暖心呀)😋😋，冇得彈，性價比高，出面宜個價錢食唔到！酸辣湯就普通，香煎豬扒大大片🥰🥰🥰，（如果再食都會試多次煎豬扒拉麵好啲)，手打幼拉麵，彈牙，因為係手打麵會冇啲粗幼不一，不過唔大問題，湯麵唔會腍啤啤😋😋。羊肉炒麵都可以，食到底冇咩油，蔥爆羊肉片，好多洋蔥呀！羊肉還可以(宜個價錢過得去)， 不過唔會想食第2次( 一試無妨)。菜肉雲吞，皮薄大大碗好好味，食到好飽呀！小籠飽滿滿湯汁手工小籠包小籠包收口位置唔會好厚💯小籠包幾多湯汁酸辣湯麵煎豬扒湯麵手打幼拉麵蔥爆羊肉羊肉炒拉麵菜肉雲吞舖頭名

朋友介紹話新蒲崗有間擔擔拉麵好食，今日專登坐巴士黎試下。舊區小店，店舖面積不大，可以說是較細小，但座無虛席，亦有很多人來叫外賣。全店主打拉麵，店外可以見到師傅不停地拉麵，麵質彈牙有口感，建議叫湯拉麵，可以吃到麵質彈牙，炒麵反而缺少了點彈牙口感。擔擔湯底少少香辣，個人口味應為可以再濃郁再辣一些。豬頸肉反而是驚喜位，香脆惹味，不會過硬，讚！另一主打是小籠包，幾乎每枱必點，每個包都裝滿肉汁，味道唔錯，但皮略為太厚。

新蒲崗工廈中的隱世平民美食等位嘅時候門口有塊透明玻璃可以望到師傅即場拉麵應該冇返咁上下實力都唔敢咁👍🏻食物價錢相宜 落單後好快就上蔥爆牛肉炒拉麵 $60 新鮮熱辣仲有仙氣牛肉唔會覺得好鞋口 份量好多 拉麵掛到牛肉汁 好惹味 重口味人士 推薦 食完都唔會覺得好鹹豬扒担担湯拉麵$60 因為食咗炒拉麵再食担担湯拉麵會覺得味道較淡所以建議如果兩款一齊嗌食咗湯麵版再食炒麵版會比較好豬扒都好香口 脹卜卜小籠包 $50 入邊充滿湯汁，食嘅時候要小心熱 皮夠薄 但夾嘅時候都唔容易穿去開附近嘅可以一試

這是一個剛剛發生的經驗，我剛才致電他們餐廳電話詢問有沒有位，但是得來一位女職員辱罵，就話梗係有開啦點解會冇開問返我轉頭，然後就喺度鬧我，就話你嚟到冇位咪等吓囉，我哋間鋪好細等吓都好正常，我心諗我好聲好氣問你一兩句你就咁多句鬧我，大家去用餐嘅話就更加要小心啲！這是我剛才的親身經歷😡😡😡😡😡😡😡😡😡真係未試過打去一間餐廳詢問幾句就俾人鬧，希望大家去之前都要三思而行，免得無啦啦要受人氣！

點左個2人套餐，包括有雞絲粉皮，小籠包，豬扒担担面同 蝦米津白，兩杯綠茶。承惠250蚊，感覺超貴。首先，套餐應該平過單叫，但呢個套餐是貴過散叫 ，非常唔抵，而且担担面底要加10蚊，兩個人加20蚊。計過數，散叫平過套餐，超伏。講下套餐同散叫的分別，豬扒担担面是分作兩大碗，有人可能覺得抵，但本身2人套餐已經有4野，根本2個人已經好難食得完，宜家俾兩大碗，基本上似係3-4人套餐多d，完全食唔晒，早知散叫4野食物冇咁貴。小籠包是大粒，但其實好飽，肉比較鬆。津白好味雞絲粉皮好普通，見多人點，但味道同外面食差唔多。豬扒担担面，是幾好食，但手拉面同普通拉麵都差唔多，唔覺得特別好味。性價比低，2人埋單250蚊，唔抵食。

媽媽吾想食車仔麵同粥店選左好耐無同佢食的上海野2個人食叫得多左少少豬扒拉麵招牌小籠包要小心翼翼的夾起不然好易就掉晒內裡的湯汁肉的甜味😋酸辣湯年糕小小辣幾開胃不過食左一半我已經飽🙈🙈年糕大軟好易就爛

新蒲崗街坊唔會唔知呢間餐廳，平時成日都要排隊等位，難得今次唔駛等又食下先。鋪頭唔大，坐位有限，而家限二人一枱反而冇咁迫，以前自己去食都要搭枱，坐到滿滿到是人。今次食左豬扒擔擔麵同小籠包，朋友分別叫左回鍋肉炒拉麵同羊肉炒拉麵。炒拉麵有鑊氣，肉量亦唔廿算少。豬扒非常大塊，香口夠味，即使冇分碟上都唔會話比湯浸淋晒好難食，當然分碟上豬扒既酥脆口感會保持得更好。擔擔麵湯頭尚算濃郁，有少少花椒麻醬香，因為全部野都可以係濃味所以食完會有少少膩，而拉麵咬感很好，份量充足，飽足感滿滿。小籠包湯汁飽滿，皮薄唔易穿，餡料量適中，熱辣辣上枱稍等一等先食會更易夾起，煙韌度又會更好，可惜冇附上薑絲。

呢一間小店唔係太起眼 我經過過幾次都冇留意到 見到呢度嘅食評評分好高於是搵日特登去估唔到食到咁高質嘅小籠包🥰餐廳細細間星期六中午去基本上都坐滿咁滯叫咗招牌小籠包 $50 5隻大大隻！呢度嘅小籠包包皮厚薄啱啱好 太薄好容易一夾就穿 皮有少少煙韌 唔會太淋 一咬入去係爆汁嘅 呢度嘅肉汁好鮮甜唔係太油膩 唔會食完覺得成口油 一個人食晒五隻好滿足 仲想encore 😅見到其他枱嗌手拉麵、客飯等等 都好似幾好食 下次再嚟試過小店應該支持下 大家有機會都試吓啦

簡單一個酸辣湯已經極度難飲，仲衰過街邊碗仔翅，味道超鹹用料不足，抄麵極之難食，作為一間傳統嘅上海菜式店，最基本的菜式都煮得不好，不如關門結業，轉型只賣小籠包算😤😤😤

平時食得多連鎖店既上海野，好想食下小店既上海風味。豬扒担担湯拉麵 $58個豬扒煎得好香，而且好大塊！！雖然外賣，但個豬扒都唔會淋晒，食落仲好香口！個湯底好有驚喜🤩有淡淡既花生醬味🥜微微既辣味，而且好濃厚，每淡麵都做到掛湯，仲要份量好足料！咁既價錢嚟嚟，性價比十分高！😍招牌小籠包  (5隻)  $48每粒小籠包都好大隻，而且個皮好薄身。一夾起入面，feel到入面有好多湯！咬落去啲湯吱晒出嚟，好正！🤤整嚟嚟講，喱間性價比好高，我覺得絕對唔會差連鎖店既上海店。

日日都WFH無離開過新蒲崗，襯星期六瞓得晏就行遠少少去試下啲未食過嘅餐廳，今日星期六但沿途見到好多食肆都拉咗閘唔開，包括平時排晒隊嘅窩子，三點就截單唔開嘅Mum日常料理又反而有開。Anyway講返呢間手拉麵小廚，OR有啲人勁讚，有啲人又話一般，咁就試一次啦。揀咗豬扒擔擔湯拉麵，個豬扒係包粉炸，響個湯度就浸到甩晒皮同埋個粉殼溶溶地，件豬扒又有啲肥同柴，同埋個麵真係淋到好似浸咗好耐咁，個擔擔湯就一般啦無乜特別，60蚊完全係overpriced，如果45蚊就合理啲，但就算45蚊我都唔會再幫襯，結論：試過一次就夠。

🐑羊肉湯拉麵 ($58)🐑🙌🏻手打拉麵煙韌有咬口, 羊肉湯底夠曬味, 🔪配埋微羶既羊肉片, 只會令人越食越想食🤤🥟酸辣湯雲吞5隻 ($58)🥟🥣酸辣湯味道略嫌啖左D, 🌶如果再酸D再辣D會更加惹味. 🤩而佢既雲吞亦一貫每碟菜既份量, 🤙🏻足料大大隻, 食2-3隻已經覺得飽啦😎🐔雞絲粉皮 ($48)🐔🧺招牌小籠包5隻 ($48)🧺😋總體 (味道, 性價比, 環境, 服務態度) : 8/10——————————————————————————————🐑Lamb Ramen ($58)🐑🙌🏻The handmade Ramen are chewy and absorbs the lamb soup base, so it tastes delicious. 🔪The sliced lamb are of good texture and flavour while the noodles are of huge portion🤤🥟Wonton in hot and sour soup (5 pieces) ($48)🥟🥣Personally I would love the hot and

講起新蒲崗覓食，相信好多街坊都會推薦呢間小店俾您，老闆一直堅持以小本經營提供性價比極高嘅美食俾各位街坊，所以咁多年以來晚晚都會排長龍。🚶🏻🚶🏻‍♀️🚶🏻🚶🏻‍♀️🚶🏻🚶🏻‍♀️🚶🏻🚶🏻‍♀️歲月如梭，好多呢類上海拉麵🍜小店都逃唔過時代巨輪嘅淘汰，好多上一輩嘅師傅都已退休，好似呢間堅持人手製拉麵嘅舖頭真係少之又少，而且呢間小店嘅味道絕對會令您食得出現今罕見嘅人情味。《招牌小籠包》(5隻) $48🥟仲記得初初第一次食嘅時候，嗰時嘅小籠包仲係賣緊30幾蚊，事隔多年，味道同份量一啲都冇改變過，依然係咁足料同大大隻！🥸小籠包嘅湯汁多到好似食緊灌湯餃咁，足足一湯匙，顏色偏淺，油分不算太多，味道清鮮，仲有肉的鮮甜味。豬肉餡料質感鬆化。小籠包外皮皺褶要工整統一，厚薄適中兼透光，即使咁多湯汁都唔會易穿。🤤《豬扒担担湯拉麵》$58小編覺得呢度嘅擔擔麵都幾濃味同幾辣🌶，可能因為辣椒油、花椒油比較重，反而芝麻醬花生醬🥜比例較輕，所以色澤方面亦都偏紅。榨菜粒、花生粒同肉碎麵唔少，令擔擔麵生色不少。🐷豬扒係炸嘅，好大塊，夠厚身夠Juicy，醃料好入味。至於拉麵條亦不得不讚，手工拉麵的確比較彈牙有口感，同機器製確係有好大分

今日突然想食小籠包同上海擔擔麵,就即刻諗起手拉麵,佢個又小龍籠包係我食咁多間最多湯同最夠熱嘅,基本上入到去你會見到枱枱都一定叫小龍包但係店舖就會坐得迫夾小小,而家因為疫情自己一枱咁坐唔洗搭枱已經叫坐得鬆動咗同冇咁迫啦,以前我多數會買生嘅小籠包返去蒸,而家堂食冇咁迫我都會堂食下嘅今晚就叫咗個豬頸肉擔擔麵同兩龍小籠包同個囡share,唔記得影麵因為掛住影同食小籠包,小籠包完全係灌湯但想講個豬頸肉擔擔麵都超好食,豬頸肉好爽口同埋份量十足,2個人咁樣埋單都係百幾蚊