手拉麵小廚

營業中

休息中

臨飛日本前一晚 去食返籠小籠包先😜夜晚去FULL哂 不過等左一陣就入得 招牌小籠包大大粒 一籠有五粒一咬落去有勁多湯汁 超〜正〜！食既同時仲有師傅即場包緊！！！ 豬頸肉擔擔麵豬頸肉大大塊擔擔麵湯底夠濃！！真材實料 回鍋肉小小辣 配擔擔麵食不過不失〜 食飽之後祝老闆新一年生意興隆不過講完之後有小小擔心以後黎都要排好耐添🤣🤣

之前喺新蒲崗附近工作，經常都會嚟手拉麵小廚。最出名嘅小籠包就唔使多講啦，入面有滿滿嘅湯汁，仲要一籠五粒超級大粒！🧡💛💚💙💜但係我嘅最愛永遠都係雞絲粉皮❤️ 自己嚟食一個粉皮+1籠小籠包 即刻飽到爆！但係都係忍唔住，下次都一定會係咁嘅配搭🤣🤣🤣帶朋友嚟食嘅時候，佢哋會鍾意食辣嘅擔擔麵，不過我唔識得所以冇食過🫠🫠🫠不過食過嘅朋友都會推薦！尤其係豬頸肉~之前都幾鍾意佢哋嘅炒年糕，不過自己一個一定食唔晒所以都係叫雞絲粉皮🎉

一心諗住試嘅3間餐廳…..第一間5:30 師傅走，所以5：30後停賣第二間 寫住收8，7點幾就摸門釘第三間仲好笑 訂咗枱，行到去冇開門🤦🏻‍♀️黑仔到咁咩好彩我有6手準備，只係唔抵得行咗一大餐！前車可鑑即刻打電話問下係咪收10點同賣哂小籠包未先～終於去到第四間先食到！好耐冇嚟新蒲崗，店家一見到我哋5個，話等5分鐘就有得入座，但係座位圓枱一邊貼牆有啲迫，店家都一直問要唔要比椅子放袋放後面張枱底，建議多過4人就分枱食啦 真係幾迫，但態度唔覺有咩問題🤔終於試吓呢間小籠包名物，湯汁真係勁多，皮都好薄，不過包頂部份有一定厚度！小籠包多湯又大隻$52/5隻豬扒擔擔拉麵🍜睇樣都覺得好吸引，湯底唔算好重花生味，湯底帶有胡椒香，仲有啲肉碎炸菜芝麻，味道偏辣，好吸引！我驚花生味所以叫咗豬頸肉清湯拉麵，拉麵屬於扁身，冇鹼水味，仲有兩片生菜🥬落辣椒油都夠惹味！豬頸肉同豬扒同樣好食，炸得非常出色！唔怪之得咁多人嚟食，下次有機會再食！另外加$3叫咗一杯凍菜蜜，熱飲咁細杯，但係已經雪凍走冰！味道偏淡，整體不錯不錯👍🏻

🍴豬扒湯拉麵 $52👩🏻好唔好食💁🏽‍♂️（點頭）👩🏻omg豬扒好大件，啖啖肉，好juicy。炸到香脆多汁，新鮮炸起熱辣辣，不過麵質比較偏淋，如果煮嘅時間短啲眼深翻少少口感煙韌啲更加好食🫶🏻🍴羊肉湯拉麵 $60💁🏽‍♂️你濕疹唔食得羊肉👩🏻可以食一啖仔💁🏽‍♂️好食 湯大月胡椒味，幾香👩🏻羊肉好淋，好香冇羊肉羶味，湯頭羊肉湯加上胡椒嘅香味配搭拉麵味道好夾👍🏻🍴小籠包 五隻$50💁🏽‍♂️小心熱同埋爆汁👩🏻痞超薄，肉餡爆汁，不過肉嘅質感好軟綿鬆散，食落有啲濟😗埋單計埋凍菜蜜，同埋凍豆漿💰$175

手拉麵一向係新蒲崗都好出名，但今次無食到小籠包，但幾乎枱枱都有叫。兩個人叫左一個羊肉湯拉麵（$60）、一個回鍋肉炒拉麵（$60）、一個雞絲粉皮（$50）、一個酸辣湯($70)佢啲麵係師傅係廚房即拉既，見到粗幼不一，咬落去都十分煙韌好食，羊肉夠羶，好食，連啲菜都有陣羊味😋回鍋肉炒拉麵好有鑊氣，腩肉數量都唔少，仲有椰菜、豆干，但腩肉可以見少少，有少少乾。雞絲粉皮好香麻醬味，份量適中，夠2-3人一齊食。酸辣湯就個人口味黎講，覺得唔夠辣同酸左啲，同埋70蚊黎講又好似唔太值得。叫左2個主食，一個小食，一個湯，加埋2百幾，麵都幾好食既，行過可以一試。

新蒲崗仲有一間上海野我覺得好過豆漿大王太多係衍慶街既手拉麵小廚外表仲係好舊式果一種川菜舖既樣但已經好勁係門口有個半開放式既廚房師傅就係度搓麵粉整拉麵同包小籠包入面都幾細得幾張卡位同圓檯環境都幾劣下我地12點入黎唔算太多人仲有圓檯如果多人果時可能仲要搭檯餐牌就係檯面玻璃下面其實價錢都唔平一定貴過豆漿大王先上係回鍋肉炒年糕份量就無連鎮店咁多都只係僅僅夠兩個人食但係年糕就好大舊下大份應該係呢度特色黎小籠包係起碼人地兩倍大細即係咁大件塊皮都唔厚因為大件連湯汁都係特別多一咬落去就真係爆晒汁同大財團都係賣十蚊件但一啖就滿足好多而且味道仲要唔錯呢間真係無得輸難怪見好多人都係為左小籠包而黎當然後就會叫多碗擔擔麵豬扒配擔擔麵真係鐵膽黎不過佢預設就已經將豬扒放落湯浸住先上呢種做法真係不可取豬扒唔突出但個麵就係門口廚房手拉既仲要係人手切所以麵條條條粗幼都唔一樣之但係雖然好欣賞佢係手工麵但佢可能用既麵粉材料都好普通咬落都係無咩特別而個擔擔湯仲要無乜花生醬味係比較似酸辣湯我自己就一般般任何食物加三蚊就有凍菜蜜正常一般仲係用手寫單加埋就178唔洗加一價錢就唔係平比起同區豆漿大王都貴一截其實之後都買過外賣試左個炒拉

來到新蒲崗，除了Mikki 發現了排長龍小店上海菜必試小籠包，非常有驚喜，超大隻，而且湯汁超香濃，皮有點厚，但也非常好味另再叫了皮旦豆腐，與想像不同，但也不錯。點了一個香辣牛肉麵，湯一般，但麵質也很好🍜不知道是否手造麵，所以特別軟滑至於環境方面，由於係小店只有8張2-4人枱，晚餐時間排隊等了45分鐘；環境有點擠迫。服務方便，侍應姐姐都好有禮貌，不會趕住你走，所以不錯。會再幫襯，不錯的人工制小籠包小店。

手拉麵小廚新蒲崗衍慶街48號衍慶大廈地下這間食肆好有驚喜，喺門口有手拉打麵招牌小籠包（5隻） $50要等小籠包略涼，全部放入口中，肉汁全部滲入口中，才領略到小籠包係好好食豬扒湯拉麵  $52 豬扒煎到好甘香， 湯好鮮甜，試下這店的手拉麵 回鍋肉客飯 $60回鍋肉咬入去， 不會覺得好肥膩， 椰菜炒到剛剛好， 又爽又脆

同朋友去開新蒲崗，佢話想食呢間好呀，一睇，原來我好幾年前食過依稀記得佢既小籠包！落單後雖然都等左10-15分鐘先有野食但一見店員端上熱騰騰♨️既小籠包，值啦‼️1️⃣招牌小籠包5隻$50👍小心夾起皮唔算超薄，但一定唔係厚剛好安全包住裡面滿滿既肉汁趁熱食，慢慢吸吮不得了，值得回味💯2️⃣豬頸肉担担湯拉麵$60望落去，好似好油但撈一撈個湯，並唔係想像中的油膩充滿花生香豬頸肉面脆呢個拉麵+兩件小籠包，lunch 黎講確實太over , 成個人滯左⋯ 🈵🏞環境冇特別裝飾坐位唔多普通茶記咁💁🏻‍♀️店員都確實係普通茶記質素

見揸車經過新蒲崗又好耐無食呢間手拉麵，就叫個外賣試試佢😂今日好多人係門口等位同外賣，我差唔多到之前就打電話叫定個蔥爆羊肉炒麵，去到就即刻有了，味道依然係咁入味，保持水準👍🏻

聽朋友講手拉麵既小龍包好食又大件，襯放假專登黎新浦崗試吓。怪我唔做足功課，事後先見倒有評價話店員態度差。黎到食到一肚氣先知🙁話說叫左個招牌小龍包，我哋4個人，個店員俾左兩碟醋，問佢先黑面俾多一碟。但都仲差一碟，見佢又唔理我地，咁岩隔離個架就放晒啲整好左既醋碟，咁咪自己拎左一碟。點知佢依個時候又見倒，即刻9秒9衝過嚟鬧我地整亂晒佢啲野😒講返味道，小龍包個皮勁厚，啲湯個味道都好一般，豬肉都唔夠滑，冇啲人寫得咁出眾咁好食。第一啖已經失望左😕仲要一啲都唔平成$10 一粒。另外叫左上海炒年糕同回鍋肉，味道不過不失，偏濃味同油，要飲返多啲水解渴。個店員由頭到尾都係黑面+串串共咁上菜。題外話，我哋食到一半聽倒門口位有個大叔同個店員互鬧，頂唔順個店員既態度，話以後都唔會再幫襯。我心有同感，可惜我冇大叔既勇氣同佢嘈🥲

餐廳位置都比較唔就腳，要喺啟德站或者鑽石山站行過去，行約十分鐘先到，餐廳6:30開始要排隊～豬頸肉担担湯拉麵🌶️＄60豬頸肉有成十幾舊，不過就偏肥，個担坦湯底就不過不失，個人就覺得味精重左小小，唔夠濃郁無乜花生味，做唔到掛湯效果♨️招牌小籠包（5隻)＄50XXL小籠包，成隻湯匙都唔夠放，皮唔係好薄個種但厚薄適中，值得讚既係真係好多湯汁係入面！記得要熱食，凍左個皮就無咁軟糯🐮蔥爆牛肉炒拉麵$60幾香牛肉份量都唔小，師傅手拉麵都幾好食因為手拉既關係粗幼不一，粗身小小既就比較彈牙試過一次就夠啦

今次我叫咗個蔥爆羊肉炒手拉麵同埋小籠包，兩樣既味道都唔錯既。炒手拉麵既特色係現場即拉既，炒起上嚟佢有好實在既質感，口感煙煙韌韌，加上羊肉既味道，再配上洋蔥微微既辣度，簡直就係味覺既誘惑，剛炒起熱辣辣惹味香口。佢既小籠包亦都十分有特色，以湯包咁既造型上枱，每個小籠包裡面均肉汁豐富，肉同汁既比例大概1比10，換句話說即係個餡唔係一嚿肉嚟，係肉碎加湯汁，食法都有技巧既。鍾唔鍾意真係見仁見智，蛋蛋就頗喜歡佢既味道，口感就欠奉。

-{新蒲崗上海菜🍜}朋友推薦嚟呢度食上海菜 主打手工拉麵😙🤤小籠包🤤 ($45)爆多餡😋又有免治豬肉 同好多湯汁 係會辣口嗰種🤩皮唔算好薄但餡料真係好多😚大大粒係平時嘅1.5倍☺️👖褲評: 8.5/10🤤豬扒擔擔麵🤤 ($60)豬扒炸到個皮好脆 仲食到啲肉汁🤓另外個擔擔面都好重花生味😛個麵好爽彈🥰成個麵都好出色🤩👖褲評: 8.5/10🤤雞絲粉皮🤤 ($50)粉皮份量都幾多 都係撈麻醬咁！唔會差得去邊～👖褲評: 7.8/10🤤羊肉湯拉麵🤤 ($60)羊肉有些少羶味 羊嘅份量又多！啲湯好出羊肉香仲要唔太膩 啲菜吸晒啲湯汁好入味😋麵都係差唔多🍜👖褲評: 8/10🤤豆沙鍋餅🤤 ($45)新鮮啱啱煎起😙好多豆沙餡又唔會太油🥰👖褲評: 7.8/10整體所有嘢食都好食😭有好多料 仲見到師傅手拉拉麵😌可以再黎幫襯🥳性價比: 9/10服務: 8.6/10環境: 7/10🚩 手拉麵小廚 🚩地址: 新蒲崗衍慶街48號衍慶大廈地下 #fuudjai #fuudjai新蒲崗 #fuudjai中菜

晏晝嘅時候， 呢間食店竟然要排隊， 櫥窗入面有一位師傅正在拉麵， 睇得出佢係非常之用心， 我叫了一碗豬頸肉擔擔麵， 豬頸肉非常出色， 有燒烤的感覺， 雖然60蚊作為 上海麵館相對地比較貴但係品質食物比較高質。