手拉麵小廚

營業中

休息中

好耐之前大台東張西望介紹過嘅餐廳，爆汁小籠包，上網睇翻原來係依間⋯⋯果然有驚喜呀🤩我叫左個豬頸肉担担湯拉麵($52)，同埋招牌小籠包($42/5隻)，未講食物之前。依間餐廳位置偏僻，唔係住附近同唔熟呢頭，可能需要少許時間去搵。🥱我係樂富行過嚟大概20分鐘左右啦。餐廳入面好少位，好彩去個時已經係下午茶時間，有得坐卡位，中午或者夜晚去嘅話應該好多人去排隊，走個時差唔多到晚市，出面開始要排隊，所以大家預好時間去食呀⋯⋯豬頸肉担担湯拉麵🌶($52)，價錢一般，豬頸肉算大舊而且有燒過，但係好”銀”，而且有啲凍，似係豬頸肉本身熟嘅放埋一邊，之後有人叫就直接放喺麵度，呢度扣左唔少分。雖然餐牌有個🌶但係唔係好辣，本身唔食得辣嘅我都接受到。麵幾好食，爽滑，份量適中，但係麵唔係好入味，但都係好食嘅⋯⋯招牌小籠包($42/5隻)，其實我都係為咗食招牌小籠包而嚟嘅，$42/5隻，平均都要$8隻，價錢中上，睇到依度可能心諗價錢唔值，睇埋可能你會唔係咁諗⋯⋯😉新鮮出籠嘅招牌小籠包，皮薄餡靚，一咬小籠包，即刻爆曬啲汁出嚟。🤔一口食曬又驚汁太熱，咬開一半又驚汁爆到周圍都係，只要用匙羹放一隻小籠包，然後咬開少少皮，見到

平日下午5點去到都滿座，幸好還有一張二人桌，遲來一步就要稍候了。店內略為擠迫，但不減客人，可見食物有多吸引！小籠包： 上次試過小籠包一試難忘，今次當然要再品嘗品嘗。觀察所見，差不多每一桌上都有一籠。這兒的小籠包比一般的大，皮不太厚，很多湯汁，一口下去極為滿足! 羊肉湯拉麵：拉麵非常有口感！羊肉分量不少，切得薄、略肥。湯非常鮮甜，我們忍不住差不多喝光！喜歡甜點的我當然要試試豆沙鍋餅，是不錯的飯後甜品！整體食物很不錯，會再光顧！

去完一田掃貨後，我記得有朋友之前特登駕車食依間上海菜館，個時佢話好多人排隊。可能咁岩當日係平日嘅關係，唔駛等位就可以入座，當然預左Ｄ位好迫而且又要搭檯。見到餐牌Ｄ野食唔貴，但因為我當日咳到死死下嘅關係，所以唔可以食Ｄ好刺激同辣嘅食物。所以我叫左羊肉湯拉麵$52羊肉份量都幾多，而且有羊膻味，鐘意食羊嘅我覺得唔錯。老公叫左蔥爆羊肉飯$55加豆漿$6比起我個碗相對失色D，冇乜羊膻味。小籠包$44（佢牆上寫住豬肉制品包括小籠包同豬肉雲吞要加$2）真係好多湯汁好juicy，不過層皮有點厚同埋d肉有d鬆散，咁遠黎到都值得一試嘅。食左$157，唔算好貴，如果唔多人排隊都可以考慮下。

手拉麵小廚為於新蒲崗不起眼的內街，是間樸實的小店，沒有最有利的地理位置，依然客似雲來，可見紅火的生意靠的是實力和口碑。在門口等候時，可從透明的櫥窗看見店內幾位師傅用心搓拉一團團麵粉，手工拉麵食的是師傅的用心製作和回味無窮的口感。羊肉拉麵沒有羊肉的蘇味，至於肉的香和嫩，即使平時受不住羊肉味道的人也可一試。擔擔麵十分足料，豐富的口感配上同樣手感的拉麵，啖啖是滿足幸福的感覺。雞絲粉皮，醉雞等同樣是必點菜式。對住在附近的我來說，手拉麵小廚是每週必到餐廳！

另一家新蒲崗名店, 是主打上海菜的這家, 其中又以小籠包和拉麵最為著名. 小籠包是我們吃過的Size中最大的, 比一般的至少大一半, 我就覺得有點大而無當, 湯汁豐富但偏鹹, 肉香味有點被蓋過, 皮過厚而不夠Q彈, 有點死實的口感. 若以味道來算不太滿意, 若以視覺效果來說還OK. 手工拉麵偏硬, 就算長時間浸湯也不失硬度, 是我喜歡旳口感. 炒羊肉夠羶, 火候控制得宜而沒有焦燶, 也沒有污染清湯的味道和外觀, 比起小籠包更吸引.

終於俾我揾到間又平又好食嘅小籠包店😍一籠有5隻 隻隻都好大隻最重要係佢皮薄同埋熱辣辣😋😋 一攞筷子夾起佢已經feel到有好多汁係入面 一咬落去啲汁爆曬出嚟好正🥰肉餡都算多但係唯一缺點就係啲肉唔夠實淨但係唔影響味道 呢間真係好抵食 佢個豆沙鍋餅同雞絲粉皮都好好食 快啲去食!!

被我的朋友稱為全香港最好吃的拉麵，我終於來試吃了！我大約1210到，也許還早吧，所以我們無需排隊就可以入座了！他們提供好多選擇，真的好難選。可是我來之前已經選定要吃什麼了，所以很快就可以點餐。雞絲粉皮— 份量不算多，可是很足夠！粉皮沾著淡淡的芝麻醬,再搭著爽口的青瓜絲和雞絲，很好吃，並不會膩。花雕醉雞—份量還蠻大的，花雕酒很香，醉雞很嫩。我想我應該醉了！豬扒擔擔湯拉麵—還蠻特別的擔擔湯頭！有花生的香味，微微的麻辣，湯頭並不會很濃郁。豬扒蠻多的，拉麵真的很好吃，很彈牙！羊肉搶湯拉麵—竟然沒有羊羶味！湯頭清甜，有大量蔬菜和羊肉片！招牌小籠包—我想說他們家的小籠包稱得上香港數一數二！皮薄餡多，湯頭鮮甜，可惜沒附上薑絲，只有醋供應。我好期待下一次再光臨的時候！

水準依舊！其實好耐以前食過，不過自從佢上左新假期，人氣急升之後，人龍長到嚇親我，所以好耐無黎。隔左好一段時間，突然好懷念呢到既小籠包，於是今晚五六左右點就過左黎，心諗應該無人咁早食晚餐，果然真係無咩人，完全唔洗等位。我地叫左一份小籠包，同埋一碗豬排擔擔麵。小籠包依舊咁juicy，D汁多到一隻湯羹都裝唔住，味道好好，皮薄餡靚。擔擔麵亦都唔遜色，望落去好似好紅好辣，但其實一D都唔辣，好香花生味，面質好有口感，我估應該係手打面，因為呢間野叫手拉麵哈哈哈，豬排都炸得好香。不過價錢就勉強可以接受，見住佢一直加價，就黎拍得住商場既價錢，不過仲保持到食物既水準，就放過你啦！🤣

二人套餐抵食，份量OK，多選擇，夠飽，食物味道中等，小籠包一般，唔算一流，但服務真係，兩位阿姐把口成晚話啲客呢樣唔得，嗰樣唔得，又鬧啲客話未齊人唔可以喺度等噃(有兩位客人自己入座卡位話佢地係三位，應該仲有一位朋友未到)，但你又冇喺門口招呼人入座仲要點菜都嫌人慢，話人點餐都要分兩次叫，以為嗰客聽唔到，又鬧啲老人家唔沖廁，印象中好似有粗口㚒雜成晚聽住兩位阿姐𠵱𠵱哦哦，真難頂，食物幾好食都唔會有下次

一直以為新蒲崗只是一個工廠區，原來佢係一個臥虎藏龍嘅地方，繼朋友介紹嘅陳儀興潮菜同米豬蓮嘅華園甜品，啱啱又發現呢間京川菜手拉麵，店舖細細，我諗主要做街坊生意，我哋都係去開新蒲崗無意發現此店咋。🍴招牌小籠包 $44⭐️⭐️⭐️⭐️好巨真係一d都唔小，最利害係皮薄但夾起唔會穿，5粒都完整無缺，一咬個包湯汁爆晒出嚟，非常滿足！阿sir話呢個係佢食過最好味嘅小籠包🍴花雕醉雞 $75⭐️⭐️⭐️雞件份量幾多，雞滑酒香但唔夠入味，反而杞子大粒兼非常重酒味🍴蔥爆羊肉 $75(淨小菜)⭐️⭐️⭐️⭐️有鑊氣好大碟，大蔥洋蔥爆得好香，羊肉非常羶，茨油香濃，送白飯一流白飯 $10菜蜜x2二人共消費：$204

收工肚仔餓，一個人不知吃咩好，行下行下，發現呢間小店，是吃小籠包和拉麵等等的，咁啱晒我la，進去試下先，店內不是太大，還蠻小的，坐得不是太舒服，咁看看餐牌先，見多數人都點小籠包的，咁我也叫了一籠，這裡拉麵是即叫即拉的，很不錯，看到師傅功力，之後叫了碗豬扒担担湯拉麵，等了一會麵來了，好香，麵條幾彈牙，成碗紅色的，以為好辣，但其實不辣，很麻香和好香花生醬味，件豬扒幾厚，炸得剛好不會鞋口，還很嫩，以後再試個小籠包先，原來一籠有5隻的，還幾大隻，皮還算薄的，可看到內裡的肉，經驗叫我咬小小皮，放走點熱氣先，因是即叫即整熱的，所以還幾燙口，吃時要小心點，咬下去，滿滿的湯汁巳經破皮巳出，之後放進口內，肉餡好豐滿，皮湯汁一口一隻，超有滿足感呢，總結來說此價錢巳經是街坊價，但又超水準，抵，食物好味，即叫即做，喜歡吃拉麵和小籠包的朋友，一定要來試，超值

新蒲崗一向有好多隱世美食，住喺呢頭或者喺度返工嘅人都知！今日又去到一間隱世小店食上海菜！。雖然近排夜晚市道麻麻，但係喺呢間小店外面都要等位先可以入去食。雞絲粉皮 ($42)材料份量十足，味道不過不失，略嫌醬汁唔夠多，食落有啲乾身。餛飩湯拉麵 ($45)雲吞大大粒，夠曬料，又多粒，皮同餡嘅比例好好！ 麵質爽滑彈牙， 配埋粒粒大餛飩，令人食過返尋味！小籠包 (5隻) ($44)小籠包賣相吸引，件件大大粒，入面好多汁，咬落去大家真係要小心🤣 不過肉質比較鬆散，皮都比較厚，不過喺香港食到呢個質素嘅小籠包都唔錯！

呢間鋪頭嘅拉麵係即刻拉嘅 喺鋪面就會見到今日叫咗籠小籠包 香辣手撕雞拉麵 同埋豆沙鍋餅啲小籠包好大粒可以見到入邊啲湯 有五粒 入邊嘅餡都算多 啲皮都算薄 42蚊 好抵食 手撕雞拉麵唔記得咗影 但係我會話有好大陣麻醬味 類似係雞絲粉皮嗰隻麻醬 唔算辣 應該冇譚仔10小辣 所以唔食得辣嘅都可以叫食嗰時見到對面食嘅雲吞拉麵啲雲吞超級大粒 有五粒咁多 我諗下次都會試吓 最後叫咗個豆沙鍋餅做甜品不過有少少失望因為個外皮一啲都唔脆 果皮係比較口而且軟 不過應該都係啱啱整因為係好熱辣辣 而且等呢一個都等左15分鐘左右

新蒲崗嘅小店，真係有好多款式唔同嘅食，今次食呢間係食手拉麵同小籠包的店。不過因為得自己一個，所以無叫到小籠包，見到有好多其他顧客，小籠包，而且更能大大隻肥嘟嘟，另我下次好想上嚟再試吓。今次食呢個餐時間，麻辣三糸冷麵，都好靚，麵質十分之好，好彈牙。好味。

來到出名食小龍包的人氣小店！果然佢地的小龍包系比出面的大隻好多 一龍有5隻🤤 皮好薄所以隔住塊皮都見到入面有幾多湯！夾起都好驚佢爛😂 首先咬穿小小個皮 吸晒入面啲湯先 熱辣辣好正🥰 肉餡都幾有鮮味 真系做得出色😋 唯一覺得佢舊肉有啲太散 可能有啲多肥肉(?) 🧐另外仲試左羊肉湯面😬 哇個湯真系幾騷😂 食羊的都覺得 但證明佢真材實料！佢地啲麵系手拉 所以粗幼不一 但幾有咬口仲好掛湯👍🏻 入面有啲菜同羊肉片 份量好大碗 啱晒中意羊肉又吾中意太油膩的人😉蔥爆牛肉都好惹味😚 有大量的洋蔥 京蔥 牛肉片都吾小🤩 成碟好有鑊氣 超香口🥳 但偏鹹小小 配飯食會比較好🤓 整體真系算出色 可能比好多連鎖的上海餐廳質素更高 經過一定要試下！