手拉麵小廚

營業中

休息中

見到好多人推薦小籠包，決定黎試吓！見到meun樣樣都想食😵‍💫1）醉雞翼- 一開始以為係雞中翼，黎到發現份量都多- 食落唔算太入味2）招牌小籠包-鋪頭門口隔住玻璃，見師傅冇停手一路包-新鮮熱辣，每粒都好多汁、皮簿-食緊既時候，好似飲緊湯咁，味道唔錯3）豬扒擔擔麵- 湯底濃😋豬扒夠滑-呢間既手工麵係師傅自己拉👍🏻4）雲吞酸辣湯-個湯好足料，而且飲完唔會好口渴-雲吞唔會太細粒，餡料足如果再食會想試炒拉麵，見隔離枱果碟好吸引

食物品質比現時一般好，但也不致於不少食評所說的那麼優秀。小籠包有點過譽。(也許我已是花甲之年，有幾十年前的比較…）麵身絕對不成。豆沙窩餅也不合格，甚至難吃。最好的竟是雞絲粉皮。酸辣湯頗可以。整體評分…70分吧⋯⋯（寬鬆標準而言）

讀書時期成日嚟食 今日同朋友放假突然想食小籠包 特登過嚟試吓佢有冇退步/進步😛依舊叫左小籠包4隻  四川擔擔湯拉麵  手撕雞冷麵  豆漿。小籠包保持一貫水準，大大隻、皮超簿，打卡一流👍🏻。食個陣要小心佢啲汁會好熱。擔擔面同埋手撕雞都係調味都係above average，仲有佢哋啲面係自己手打 口感好好😋，我好少會介紹人去食 因為我唔想成日去到要排隊 😂 整體我覺得味道好 價錢合理 份量都足👍🏻 美中不足係係環境唔會好靚 坐得迫少少 不過小店就係咁 8/10😋

間鋪係門口玻璃窗可以見到師傅做小籠包同拉麵。証明全部手做真材實料，冇花冇假！我地2個人下午茶時間點咗一籠小籠包同一碗手打拉麵。小籠包皮又軟又薄。既叫即蒸。夾起身仲見到入邊啲湯汁。一咬落去啲汁漂晒出黎。可以先咬一個小洞，仲吹一吹等佢冇咁熱，再成隻放係口一邊。 咁食法先可以感受到個小籠包既精粹！😉手打拉麵就花生醬味軟重，未必人人鐘意。個拉麵煮咗起身冇糊到，條條分明。呢個係要手拉同新鮮冇入雪櫃先有既效果。整體黎講包點比麵食出色。 性價比都一流！

呢一間位於新蒲崗的小店每次經過都係要排長龍，其實成日都想試一試不過又真係好怕等位，今日機會黎喇飛雲早上11:30經過啱啱開門唔洗等位於是諗都唔諗就衛入去。身為一個小籠包怪，梗係要試佢嘅小籠包啦。佢嘅小籠包size比一般香港其他地方嘅大，佢嘅皮真係薄，不過就唔易穿，因為我為咗想影下面幅相搞到個小籠包跌咗落枱，再夾返上黎再影都無穿到，而且入面嘅湯好多，咬開個小籠包時真係有澎湃嘅感覺。整體味道唔錯，唔怪得成日都人山人海排長龍啦。

手拉麵依間店已經食左超過5年有多，但係最近先開始寫食評，又點會唔寫佢呢～由第一次食到超級小籠包，到5年左右嘅今日，佢嘅味道都冇變，好食程度係最高記錄試過連續3晚都去食佢環境，疫情下大家都好關心依個問題，佢空間唔大，4個4人卡位，2張圓枱，1張2人座（門口位，本身用於放外賣嘅枱），一伸手一定掂到對面枱，可以話空間好細，但係太好味，所以我地照去，最多自己再衛生dd登登登登！！！佢就係超級小籠包啦～佢d湯有兩湯匙咁多，而且味道濃郁，皮又薄，記得要對佢溫柔喔，佢d肉唔多，但係小籠包主要就係湯呀嗎～我約過好多人黎撐枱腳，每一次都要encore多一籠，依個就係佢嘅魅力啦！炸豬扒，第一次食，係好食，都夠脆，但係睇過我其他食評就知道我搵到心中嘅排骨王，所以將佢放第2啦炸雞扒，本人覺得好食過豬扒，佢味道係偏甜，一樣都係脆身，今次有小小失準，過左火，d邊位有燒焦，男朋友中意豬扒多d，因為冇咁甜配餐嘅手拉麵同生菜，生菜偏咸，拉麵一樣QQ，當然，小籠包依然最好食，冇之一雞絲粉皮，麻醬一如既往非常濃郁，但係記得要攪勻先好食

呢間「手拉麵」，並唔係食拉麵，而家食上海野，美味程度爆燈💡💡💡💡咁多年既支持真係唔講得笑👍🏻👍🏻👍🏻————————————————————————俾個餐牌大家睇下先❤️————————————————————————即刻俾大家睇下佢地最出名既小籠包🔥超！級！無！敵！好！食！🤤皮簿！多汁！熱辣辣！點埋醋同夾多少少薑絲，唔洗講野，簡直係食幾多都唔夠🥰🥰————————————————————————酸辣湯👍🏻大大碗，又足料，味道唔會太重，酸辣程度啱啱好————————————————————————豆沙鍋餅又係熱辣辣，睇相都見到啲紅豆沙好足，好好味👍🏻不過略嫌外面唔夠脆，但係都好值得食👏🏻————————————————————————最後叫多個醉雞翼，酒味重左少少，不過啲雞夠哂嫩口，瞬間就食到得返啲骨😂😂————————————————————————呢間「手拉麵」，真係值得食完翻食無限loop!價錢親民，質素極高，超級推介👍🏻👍🏻👍🏻👍🏻

同男朋友都最愛呢間小籠包，所以經常會幫襯。今日咁岩係附近收工，唔使諗，即刻去食。過到黎新蒲崗已經640pm，好在唔使等位，但其實7點左右，出面已經有人等啦今次2個人，叫左一人一份招牌小籠包（5隻）呢款小籠包比平時食開既大少少，包到既湯汁就更多。皮，湯汁同肉既比例岩岩好，整體唔錯，暫時係我心中小籠包第一名😋另外，叫左1碗羊肉湯拉麵 share羊肉份量好多，但有少少so 味。湯好濃，充滿肉味，好在拉麵跟有唔少菜，可以平衡反羊肉味道。野飲方面叫左1豆漿 ，佢係支裝嘅，正常味道 不過不失。總之，呢間小籠包係最岩我口味大推

突然想食小籠包，又唔想幫襯大品牌例如翡翠或鼎泰豐，結果找到新蒲崗一家小店，仲可以泊車喺門口。主角小籠包，一籠五隻，size 都唔算小，幾大隻，皮薄多汁，但唔易穿，包工不錯。點了兩個小食，一個是雞絲粉皮，另一個是皮蛋豆腐。兩個味道不錯，比得上大名氣的餐館。還有點了酸辣湯雲吞，雲吞皮有點厚，酸辣湯亦太咸，可以不試。反而，羊肉湯拉麵令人意想不到的好吃。羊肉的羶不太濃烈，湯亦很有羊肉味，跟在國內北方食店的水準一樣。最後想提，意料之外是豆漿竟然是外購的一支裝。

香港其實好多小區都隱藏左好多地道美食而少為人知,有次趁假期便去了新蒲崗一帶探索,結果發現了呢間地道手拉麵/小籠包小店,原來係區內係非常有名氣！.話明係街坊小店,鋪面唔大,但見門面可見到師傅親手拉麵/ 手搓小籠包皮便知功架十足,而呢加係香港已經買少見少呢啲用人手拉嘅麵了,大部分都以用機器取代了🥲.($48)先試佢出哂名嘅小籠包, size 同平時食到嘅唔同,差不多有成個拳頭咁大,皮都算薄,透到裡面充滿湯汁😍,小心夾起,冇穿冇漏可見小籠包皮煙韌度十足,建議先咬一小口,湯汁已經爆哂出嚟,再配以醋加薑絲食,非常唔錯,食完好想食第二隻😍,咁大粒而又高質嘅小籠包只賣呢個價錢可謂相當親民👍🏻.($58)另外一試佢地嘅手拉拉麵,一上來又已經被佢嘅份量嚇親,勁大碗,兩至三人分也不為過🤣. 雖然見圖上來賣相一般,但食落味道係來得相當實在,羊肉湯熬至十分入味香濃,而夾起粗幼不一嘅麵條,就知係出自師傅親手拉嘅,比機器拉嘅唔同,食落口係會更加彈牙煙韌有口感👍🏻另外再叫埋($48)同($58) 味道就正正常常但同樣兩者都係大大份而來🤣🤣好彩同行有4 人先食得哂🤣.總括嚟講係一間非常親民抵食嘅街坊小店,以其小籠包同

Honey今天帶我到他平日常到的手拉麵小廚。他叫四川擔擔麵 $48 + 豆漿 $10好大碗，不太辣，微微麻辣。但除了手拉麵有嚼勁之外，味道一般。我就叫酸辣湯拉麵 $50也是大大碗，材料不少：冬菇、冬筍、雞蛋、肉絲……等等，但是味道也是一般。手拉麵，不特別出色。但是小籠包相對較岀色。五粒飽滿的小籠包，熱騰騰的，皮非常薄。薄薄的外皮，透視裏面滿滿的的肉湯。不過，我比較喜歡坐得舒服的地方，這間小店就……

山長水遠去，一心諗住可以食到好味上海菜門外廚窗可以見到師傅拉緊麵，更加期待！滿心期待嘅小籠包，啲肉散到都唔知食緊乜，好似啲肉溶晒咁，雖然係好多汁，但係真係唔好味。炒年糕，啲年糕又唔煙韌，連豉油都唔飲入味。蔥爆羊肉飯，啲羊肉極蘇，同埋竟然係用洋蔥黎炒，唔係用京蔥。你餐真係好失望。

ғᴏᴏᴅɪᴇ ᴛɪᴍᴇ今次就食咗手拉麵小廚佢鋪頭唔大，一路都keep住滿座🤩招牌小籠包($44) 一籠有五個，粒粒都好大🥳皮薄多餡😍佢啲餡好多，湯汁都好多，一咬落去爆曬出嚟🤤肉都好大粒! 一定要試吓!四川擔擔麵拉麵($42) 佢啲湯好濃幾惹味，唔算好辣! 而且仲食到有少少花生味🥜麵既份量都幾多🤤好味👍🏻酸辣湯拉麵($47) 酸辣湯好足料，不過我就比較中意就咁飲酸辣湯😆佢兩款啲拉麵都好彈牙😋

以前係SPK番工時朋友帶過我黎呢間小店試印象中唔差今晚心血來潮再黎晚餐可以試多D野點左~酸辣湯呢個好有小店感覺而家太多連鎖食店了個味點都唔夠小店地道呢個酸辣湯都算多料好似配料仲多過湯咁但味道OK酸度適中如果再辣少少有埋豆腐就太好喇~小籠包呢個我見好多人讚所以點都要點黎試下無令我失望佢個皮真係好薄而且有幾多湯汁包0係入邊熱辣辣黎到食真係無得輸~豬扒擔擔麵呢個就正常呀麵質同平日食既唔一樣好似粗少少咁可能係因為小店手拉麵既關係

是日去新蒲崗的一間人氣上海小店朝聖..我是為了羊肉湯拉麵而來..因為見到網上圖片..那個湯的顏色..濃而清..就好想去試試..而我家主子當然是為了小籠包而來😏羊肉湯拉麵～果然沒有讓我失望啊..個湯很鮮甜😋..喝不出有味精的痕跡..當然..餐廳不落味精好像沒有可能..但起碼不是味精湯底..落味精為了調味是可以接受的..而拉麵是手拉的..雖然欠了一點韌勁..但也不算差👌🏼招牌小籠包～皮不算薄..但比拉麵煙韌😆..說是小籠包不如說是湯包..超多湯配上醋很好吃..醉雞～超水準👍🏼..除了花雕酒夠入味之外..雞本身都有雞味..不是咬下去淡而無味只知道自己食緊舊肉嘅感覺..雞肉亦嫩滑..酸辣湯雲吞～愛❤️..就是喜歡這種勁度..夠酸夠辣又足料..因為坊間太多上海連鎖店的酸辣湯都是半酸不辣的..這裡的很有小時候舊式上海店的味道👍🏼份量足～很飽👍🏼👍🏼👍🏼