手拉麵小廚

營業中

休息中

食一間上海麵係長期排隊嘅食店，主打手拉麵小籠包，雖然店舖細細，但係誠意同埋製作嘅心機絕對唔細，喺門口等位嘅時候你會見到師傅好努力喺度包小籠包，整拉麵，你就會好期待快啲比我入去食麵啦！佢啲面非常之煙人，我最鍾意就係食佢嘅雲吞麵，雲吞裏面會好多菜會有啲粟米，湯好清甜，雲吞好好食跟住碗麵你好彈牙，而且價錢非常平民化，所以呢間餐廳真係好值得幫襯。

所謂「小隱隱於寺，大隱隱於市」，隱世小店一般都係响民居小區，店面平實無華，行過路過會走漏眼嘅店舖。但佢嘅全手工菜，絕對係隱世高手嘅出品，而且價錢貼地，所以主打客路係周圍嘅街坊。根據以上幾點，手拉麵小廚絕對係隱世小店推介❤️。手拉麵小廚店面唔起眼，真係行過路過次次錯過，今日專程嚟到點都要試吓佢嘅招牌小籠包、手拉麵、炒年糕、回鍋肉、酸辣湯。招牌小籠包（$48） 爆湯小籠包果然名不虛傳，湯汁好多，好鮮味。麵皮比鼎泰豐厚，但頗有口感。一籠5個，4個人最好點2-3籠，咁先過癮。回鍋牛肉炒年糕（$62） 味道回鍋肉鹹甜香辣，年糕軟糯香口，吸盡醬汁味道，飽肚又滿足。酸辣湯拉麵（$50）酸辣湯好足料，酸酸辣辣，配彈牙爽口手拉麵簡直絕呀！手拉麵小廚大部份食品都係自家製，食得出佢係用心製造嘅。食物質素好，但店內嘅擺枱真係要改改，背貼背咁，食食吓後面又有個背脊貼過嚟，行出行入又撞嚟撞去。希望店家可以改善吓啦！

政府剛宣佈晚市禁堂食，我就外賣小籠包。俾咗錢喺舖頭外面等。期間聽到有外賣食客埋怨等得耐。我等咗約15分鐘，入舖頭禮貌地問仲有幾耐，個阿姐唔知係咪俾人問到厭晒，大大聲呼喝「20分鐘啊！」😡😡😡 我明白佢都係搵兩餐，自己做到厭煩，但我都忍住唔鬧番佢轉頭。我差唔多等咗30分鐘，都未收到取餐通知，就入舖頭問，點知見到兩位阿姐已經準備好我個餐！我問佢哋點解準備好唔通知我，之前問佢有得攞未仲要俾佢吠; 其中一個先死死地氣答因為order太多... 😠 我見佢已出到餐俾我，加上就算幾惡鬧爆呢類人，佢都唔會有改善。除非呢間食店換人，否則我都唔會幫襯！反正衍慶街有其他選擇，好食嘅唔淨止呢一間。

黎親新蒲崗一要諗食乜, 第一個想法都係食呢間。其實食左好多年,  只係唔係成日黎開呢頭, 但咁耐無黎都KEEP 得住水準。呢個既小籠包, 根本唔係用多汁黎形容, 根本就係湯黎, 未食就咁睇都睇到個小籠包透視出有幾多湯!!!真係食過咁多間小籠包黎講, 呢間既湯汁真係可以稱王。叫多個酸辣湯雲吞,  個酸辣湯真係好多配料, 加埋雲吞, 其實都幾飽, 好味。試埋個炒年糕都幾入味, 不過如果D 年糕係切片既話, 應該會仲入味D。

好想念小籠包，前幾天又去吃了樂天，翡翠和南小館，味道也算不錯，但是總覺得是流水線上的，不是那種手制的感覺，懷念熙盛源😭.後來看到了這家位於新蒲崗的小店，必須試試呀，於是週末就去了，結果下午兩點多還有人在等位！但是我覺得排隊也值得，太太太好吃😋，而且是隨便點不踩雷。.我點了豬頸肉擔擔麵🍜，這個湯底我恨不得直接喝掉，簡直太入味了，麵條也是手拉的超級勁道，小籠包不必多說，一個字「正」，湯汁滿滿，回鍋肉炒年糕就連椰菜都非常入味好吃！甜品我選了豆沙鍋餅，豆沙滿滿的溢出來了！

Ultimate Siu Lung Bao in Hong Kong!!I have been trying lots of Siu Lung Bao here in Hong Kong, but this one is definitely standing out from all the rest! From the appearance to the soup in it, it is stunning experience to have, just be ware the extremely hot soup when it first served.Other than that, the noodles are good and chewy, very flavourful.

本來一心想食小籠包，所以先嚟呢度嗌外賣。電話落單嗌咗一個小籠包，一個雞扒擔擔麵，同埋一個豆沙鍋餅。點知去到拎外賣時已經同阿姐再三確認都可以比錯嘢。個小籠包變咗做雞絲粉皮！仲要我係特登揸車去外賣自取，真係冇咁得閒返轉頭去玩換囉。其他人我真係唔知，但係我真係唔會一邊食麵一邊食粉皮囉，明明本來有多一個餸，而家變咗兩個澱粉質，仲要依家天氣涼咗比個冇溫度嘅嘢食我，真係好唔高興，所以今次唔俾負評都唔得。希望阿姐做嘢可以小心啲！

新蒲崗呢間餐廳專做上海料理，係我其中一間飯堂。佢最出名係手拉麵，故名思義，就係師傅即叫即拉，全部拉麵係人手拉出黎，企係舖頭出面已經可以欣賞師傅嘅手藝👏🏻人手拉嘅面真係愈黎愈少，所以一定要試，因為真係會一試愛上😍我每次都會點酸辣湯拉麵，份量超大！每次食完都超飽超滿足❤️❤️非常足料，有竹筍、冬菇𢇁、木耳𢇁、蛋花等等，食落酸酸辣辣，拉麵煙煙韌韌，口感十足。除左酸辣湯拉麵，我地亦都叫左回鍋肉炒拉麵，份量適中，用左青椒、豆腐、回鍋肉等料理去炒，咸淡適中，非常有穫氣，拉麵非常入味，每條都沾滿醬汁，令人回味無窮。想食手拉麵就記得要預早少少拎飛，由於係小店既關係，座位數目唔多，一到食飯時間就好多人係出面等位。

幾年前朋友介紹嚟新蒲崗必食舖之一。舖仔細細，枱椅十張，所以未算頻密嚟食。今日見5點幾，剛好有張4人卡位吉咗，就重溫吓。嗌咗個2人餐，揀左醉雞翼、小籠包、回鍋牛肉。小籠包好豐滿，灌湯到爆開咁滯，筷子夾頂部落自己碗冇穿，咬開似迷你灌湯包。蝦米津白係家常便餸味道。回鍋牛肉幾夠鑊氣不過豆乾略嫌唔夠。叫咗2支熱豆漿，係膠樽裝、揦手嗰種熱！之後食完未飲哂拎埋走可以當暖蛋，牌子係壹品。再外加羊肉客飯，好矛盾，想食羊味，但又點都有羶味。

突然黎到新蒲崗又想食下上海嘢，就入左呢間小店，雖然環境較迫，仲有機會同人搭枱，不過價錢真係極吸引，將會成為我糧尾慳錢好選擇。🍜主食🍜🥟 招牌小籠包 （4.5/5）去食上海野點少得小籠包。呢到小籠包一籠有五隻，size 大過翡翠拉麵小籠包同鼎泰豐。外皮薄得黎又唔會穿，每隻都有差唔多成3/4湯匙嘅汁。加少少醋同薑絲，肉汁鮮甜而不膩，而且每隻平均都唔使十蚊，超高cp😋。🐏羊肉湯拉麵（2.5/5）因為見到店面有人喺到拉拉麵同埋openrice 嘅推介，我地專登叫個麵試試。呢個麵面頭有菜同羊肉片，都唔錯。麵底較有韌性，但我覺得羊有少少羶同埋個湯太重胡椒味，所以就唔算特別鐘意🤣。

朋友發現我鐘意食小籠包，專情帶我過黎試佢係香港食過最好食既小籠包！我試完，敢講出名既店舖都無呢間咁好食！首先，大大隻嚇親小妹，事關佢價錢好平，一籠4隻逼到個籠滿咗，皮薄得黎，個頂用筷子夾到唔會穿~咬咗個頂~D汁唔會流晒出黎，因為湯汁係包既一半超平均比例！我怕熱，吹左幾下先敢啜下D汁，超級鮮甜！有點尷尬，因為我好想食又好怕熱，口水差D流出黎，唔係講笑！！！暫時！係香港我食過最抵又最好味既小籠包「 隱店」另外嗌左個羊肉辣炒麵，朋友話食過晒佢個餐牌，繼小籠包後，呢個炒麵火係第二好食，我完全無影個炒麵，食完個小籠包好滿足小妹係正常食量，下午茶食兩個都飽飽了。

新蒲崗呢個地方，其實收埋好多超正嘅餐廳，等我搵日再篩選幾間介紹俾大家，今日就講住我嘅最愛手拉麵小廚先🤤呢間餐廳真係不得了，佢係屬於冇食一段時間會心思思返去嗰一種……餐廳出面永遠都有一堆食客等位，餐廳外仲有個玻璃可以睇到師傅即場手拉麵👏🏻👅豬頸肉擔擔湯拉麵 呢個豬頸肉真係非常之邪惡，佢每條辮都燒到好香脆，每一舊豬頸肉咬落去外邊都係脆卜卜，入面軟林林，甘香juicy，絕對唔會燒到變乾柴🤤而且豬頸肉嘅份量都唔少👏🏻至於個湯底，好香花生再有啲麻香，麵底係師傅手拉，麵條有粗有幼，係手造嘅證明👏🏻絕對係我念念不忘嘅一碗擔擔麵🍜💯👅招牌小籠包 呢個小籠包全部新鮮上枱，每一粒滾熱辣，如果一上枱就食，你會200%機會辣親個口🥲絕對係要攤凍一陣先可以食，事關佢個小籠包入面嘅湯係超級超級多！！！湯鮮甜熱辣辣，肉既比例亦啱啱好，呢個價錢絕對抵食！👅雞絲粉皮 青瓜，雞絲同埋粉皮嘅份量好啱，麻醬都唔吝嗇👏🏻麻醬好滑食完唔會鞋口，粉皮亦都好彈牙，非常推介用黎做餐前小食😈

在網上看到介紹這間手打拉麵，羊肉湯好惹味，就約朋友去試，這店門面小，找了一段時間才找到，是一間老店，環境舊了些，傳統卡位。當然點了招牌小籠包和羊肉湯麵，小籠包是皮厚那款，但内裡很多肉汁，咬下去好满足，拌上陳醋非常好食。另外，羊肉湯麵的羊肉，一點也不羶，好有嚼勁，雖然不是嫩滑那種，但感覺湯暖和和的，加上很足料，盛載滿碗，食落好暖肚，也是很好食。還有，麵也好味，不像機器打製，麵質是不同的。老板娘招乎也很好，我覺得不枉此行，食飽後，再去了另一間附近有米芝蓮的甜品店，稍后有機會再介绍。

一講起小籠包不得不提及呢間小店舖仔細細但出品十分出色特別係一企喺門口就會見到師傅係咁做麵條同包小籠包功架十足，果然係高水準之作 必試產品當然係小籠包皮薄得黎唔會一夾就穿肉湯汁豐富仲好鮮甜肉同皮比例好平衡，大大隻食落去好滿足 就係咁樣同個朋友黎食一籠都覺得唔係好夠喉所以就叫多一籠咁先可以大滿足因為平時我自己一個食一籠架嘛 期間仲要左蔥爆羊肉呢個好有驚喜因為個汁好鬼惹味羊肉又要炒到好乾身真係唔會俾個汁搶晒仲完全點綴到個羊肉超級 幫襯左5-6年一直都係咁優秀製作小籠包係嗰種一段時間冇食就會掛住要特登去食嘅滋味誠意推介

🇭🇰手拉麵小廚·呢個我第二次食啦 佢係超級老師傅feel 而且嘢食唔錯😌😌·招牌小籠包$48 l 豬扒擔擔湯拉麵$58 l 雞絲粉皮$48佢個小籠包真係超大粒 入面超多湯 而且唔會話好膩 之後佢個皮薄得黎唔會好易爛 正😍😍佢個豬扒擔擔麵都好出色 個豬扒調味同肉質都好好 之後個湯底超濃郁 不過佢個麵就偏糊 可惜😢😢最後佢個雞絲粉皮都唔錯既 個粉皮好煙韌😎··📍新蒲崗衍慶街48號衍慶大廈地下