手拉麵小廚

新蒲崗 Mikiki 附近,  有好多街坊小店,  喺IG 見到有人 post 呢間嘅小籠包好似好正,   一於去試下. 

手拉麵小廚 個門面 唔算好大,    係傳統上海鋪架局,   門口廚窗係包點煮麵位.  

叫左兩個麵加一份小籠包,   佢地嘅份量都好好,  兩個人食都食到好飽喇~    

先講佢個小籠包,   有驚喜,  雖然一籠五隻 但係 好! 大! 隻!呀!   仲大過隻豉油碟 ,    仲要係皮薄.   但係變相就難夾啲,  要好考大家嘅功力先唔會漏晒啲湯汁出嚟喇~  

2

小籠包

$50

蔥爆羊肉炒拉麵,   雖然呢個組合好似比較少見但係顧名思義 都知佢咩玩法啦,    好食嘅,  啲麵上晒色入晒名,  肉同配料都唔會少.    又夠熱,    羊有羶味,   食落係好過癮嘅~ 

蔥爆羊肉炒拉麵

$62

最後係雞扒湯拉麵,   就係好正路嘅茶記湯麵 feel ,   個湯都幾重味精,   我地個雞扒就好食嘅,  但係同一時間隔離枱果碗就話雞扒微酸,  都係茶記雞扒好常見嘅問題喇,   真係睇你好唔好彩. 

雞扒湯拉麵

$52

我呢,  下次一定係自隊一籠小籠包先再諗下食咩其他野...