成都老碼頭火鍋 (已結業)

今日剔起條根，瞓到晏晝，突然好想打邊爐，就叫埋老母去食火鍋🥳.晏晝四點幾就嚟到旺角成都老碼頭火鍋，啱啱開門，得一兩台客，睜眼望落，空間都好大，後來陸陸續續越來越多客人 。🤪.一入咗部長就好有禮貌介紹菜單同解答問題，原來而家做緊8折優惠！😍.醬料費每位$25，平時喺火鍋店見到嘅醬料呢度都有，生果任取，是日係黃皮同埋巨鋒提子🍇！係我同老母最鍾意食嘅生果，所以都食咗好多🤣🤣因為老母唔太食得辣，所以叫咗「鮮熬豬骨湯底」，豬骨味濃，仲有野菌、紅棗等等配料，啱晒唔食辣又鍾意養生嘅朋友仔。必點最鍾意嘅鴨血！第一次唔係用麻辣湯底食鴨血😂😂豬骨湯反而可以食清楚鴨血的原味道。滑身口感的鴨血，一食就停唔到口。仲叫咗A4和牛牛後腿、鵝腸、菠菜墨魚滑等，材料新鮮！火鍋必點紅薯粉，本身想試吓紫薯闊條粉，可惜嗰日賣晒😭😭下次有機會要再試！ 手打芝士墨魚丸，用手打墨魚丸包裹住芝士，熱辣辣叫落去，就有啲芝士biu 出嚟 ! 好正仲嗌左兩份飯後甜品紅糖糍粑酥脆甜糯，但是不粘牙， 味道就是紅糖的微甜，但是不膩，愛吃糯米一類的肯定喜歡紅糖糍粑。玫瑰冰粉口感滑溜，冰粉本身加了少量的紅糖水、提子乾，竟然仲有西瓜！食完熱辣辣嘅火鍋

今日跟朋友黎搵食，佢知我鐘意打邊爐，話呢度湯底、調味正宗，風味十足，一於黎試下先。我地選了比較補身的宮廷藥膳鍋。湯底有好多藥材，淮山杞子元肉等等，香味十足、潤燥滋陰。等緊食物之際，我忍唔住飲了幾碗湯先打邊爐，乘機進補下。筷子牛肉切成筷子粗度，秘製醬料醃製好，入味又有咬口，上面灑上芝麻，牛肉不點醬汁也很好味。A4日本牛頸脊，片片厚薄均勻，肥瘦相間，入口即溶！功夫萵筍片 ，片片裝薄切，並拼切成花型，未食都俾賣相吸引住。鴨血滑嘟嘟、滑潤，如配麻辣湯底應該再好食D。鹹蛋流沙魚丸都足料好味，爽口又彈牙，即時聯想起好出名嘅鹹蛋流沙薯片。冰豆腐係每次打邊爐必食，索曬湯底好入味。整體食物質素高，要再encore!

平時行旺角都會見到呢間成都路碼頭火鍋，今日就約埋朋友嚟試一試。入到呢間舖頭，見到佢好有中國風，環境都幾優雅。因為限聚令關係要盡快落單。我哋叫咗個五花肉，肥牛，蛋餃，現炸酥肉，稻庭烏冬，筷子牛&老友鬼鬼。佢啲肥牛同五花肉非常鮮美，食左一啖就停唔到口。老友鬼鬼係油炸鬼墨魚滑，兩樣野夾埋毫無違和感。蛋餃都唔算差，但亦唔出色。佢個現炸酥肉，真係炸完即刻上枱。食落熱辣辣，熟食推薦之一。店鋪醃製既筷子牛肉，亦相當出色，碌完食落口仲會有小小麻辣味👍🏻到最後當然要用佢個豬骨湯煮埋個烏冬，烏冬吸收晒成煲湯既精華，回味無窮。

裝潢富麗，比如宮殿，極濃的土豪感，座椅尚舒適，間距也充份，簡直是將成都店還原。過江龍的菜單應該有所改良而迎合當地口味，除了主打成都麻辣外，此店提供港式的花膠雞、胡椒豬骨、沙嗲等，果然入鄉隨俗。成都麻辣湯底小辣已十分惹味，辣度舒式，不會過於掩蓋火鍋食物配料的味道（下次回訪會考慮嘗試中辣，過過癮）。澳洲雪花肥牛，油脂度適中，紋路呈網狀，甚為美觀，口感柔軟帶有少少嚼勁。脆炸餐肉，絕對邪惡，大大塊煎香，涮後吸收了麻辣湯，香口刺激。桂花蚌，其它火鍋店少見的新鮮，又甜又爽脆。爽滑豬潤，沒有腥味，涮3分鐘，夠嫩夠滑。爽脆牛黃喉，較少見的配料，注意煮太久會變硬。再來一個泰國椰青，原個飲用，解辣又消署。2人光顧，點餐如下：醬料及水果 x2自選鴛鴦 豬骨 成都麻辣（小辣）爽脆牛黃喉順德魚腐脆炸餐肉桂花蚌淮山竹笙唐生菜澳洲雪花肥牛爽滑豬潤泰國椰青加一後，合共HK$797.5。

喺香港打邊爐冇分季節，今日落大雨，好想打返個邊爐，二話不說兩個人走咗去旺角打邊爐，成都老碼頭幾年前朋友生日去過一次記得幾抵食啲嘢食又靚又好味地方好闊落,不過唔知點解個地下成日都好滑要慢慢行兩個人打邊爐揀咗個最平嘅豬骨湯底但豬骨湯底係清湯冇豬骨， 但係就好香濃嘅豬骨味， 仲有好多冬菇京蔥火腿做配料就係想食肥牛呢個係手切牛小排脂肪分布得好靚肥瘦平均好適中入口即溶五巴腩啲肉好爽彈芝士小籠包芝士味好香牛胸爽好爽鴨血我食過豬紅比較實有質感手打龍蝦丸中間有龍蝦肉西洋菜餃好足料好大隻全部都好新鮮好好味而且唔貴因為可以點半份兩個人食都得

去過旺角既塘尾道都會留意到有一座好有中國特色既火鍋店，成都老碼頭。呢日去係慶祝生日，上左1樓。裝修係走華麗宮庭中國風，好多紅金元素。醬料區款色夠多，特別推介佢特調既蒜油汁。鮮淆豬骨湯鍋底$88佢既豬骨鍋湯底好清甜，就咁飲都鮮味，入面本身都有唔少配料，有火腿、冬菇等等，用黎打邊爐，更食出食物本身鮮味。紅糖糍粑$48每次打邊爐見到紅糖糍粑我都必點，因為口感煙煙韌韌，好有口感，而且配上紅糖同黃豆粉，香香甜甜嘅味道，而且都幾飽，唔只可以當甜品仲可以當主食。功夫土豆片$38師傅嘅刀工好犀利，切薄片切成一朵花咁，睇落好賞心悅目，用黎打卡一流。A級五花肉$52五花肉肥瘦相間，有肉香，索埋湯汁好正。高原雪花繡球菌$68呢個雪花繡球菌真係第一次見，淥10秒到已經食得，好爽口，而且無論外型同口感都好似雪耳，好特別。

今日同老公去旺角行街見到老馬頭火鍋個門面幾靚，就膽粗粗入去試一試，估唔到有驚喜。老馬頭地方大同乾淨，有上下兩層。我地唔洗等位就入得。果度既侍應招呼殷勤同熱情，再望望個餐牌一啲都唔貴，而且仲有特色鵝腸點，新鮮鵝腸唔係度度有得叫，鍾意食既朋友一定要試。打邊爐最緊要個湯底，我地試左鴛鴦湯底-麻辣同豬骨。湯底足料，豬骨味香濃，唔係任食火鍋果啲一滴鮮，麻辣湯底香濃有層次唔會得一味死辣。菜到啦！牛肉我地揀左筷子牛肉同埋雪花肥牛。雪花牛唔係劣質嘅冰鮮牛，唔多肥膏而且肉味香濃。筷子牛肉係牛柳絲，肉味香濃入口即溶。韭菜餃足料之餘仲皮薄薄餡靚。丸類全部都係新鮮手打丸，新鮮彈牙。最即得叫既係炸響鈴，新鮮即叫即炸。總括嚟講，老馬頭火鍋用料新鮮物超所值，價錢相宜，依家仲做優惠，真係超抵！

呢間火鍋店座落係大角咀與旺角中間，樓高2層，裡面的枱與枱之間既距離寬敞，用料新鮮，食物選擇多，坐得亦舒適，於是就選擇左同友人來聚舊。我地2人收工後大概8點到步，由於餐廳地方寬敞所以唔需要等位。店員安排我地上2樓的座位。一坐低，店員就送上餐牌同水，我地就先點好湯底，再慢慢在紙上選擇食物。餐廳設計以木色為主，亦掛有紅燈籠，播著的純音樂係周杰倫的歌曲，但卻轉變為中樂演奏，更添中國風的特色。而整間餐廳都瀰漫著麻辣湯的香氣，但因我倆都唔係咁食得辣，所以就冇試。🍲 鮮淆豬骨湯 ( $88 )湯底係奶白色，加左紅棗同鮮冬菇令味道更鮮甜👍🏻🥓 澳洲雪花肥牛 ( $82 / 半份 )油花分佈平均，食落唔會過肥但又唔會柴，唔錯👍🏻🥓 牛胸爽 ( $70 / 半份 )起初見到係奶白色以為係脂肪，點知食落相當有驚喜，爽爽地有D似係牛筋，但又唔係韌，有牛味🤩🍡 手打芝士墨魚丸 ( $62 / 半份 )中間有流心芝士，手打墨魚丸口感彈牙又札實，如果流心芝士多D就正🍡 咸蛋流沙魚蛋丸 ( $38 / 半份 )呢個超有驚喜，咸蛋流沙味濃，外皮係平時芝士丸既咪道，配上中間的流沙咸蛋味，超推👍🏻🥟 蛋餃 ( $35 /

今日行旺角先發現原來豪華戲院已經執左不故止，原來已經拆埋變左撻空地，行前少少發現有呢間老碼火鍋，裝潢極具特色，好有心思唔單止裝修靚，連餐具都好靚，而家好新淨添，唔知呢間係咪新開架呢我地為左食好啲，決定平平地嗌個豬骨湯，留番個肚食好西取醬料都擺得好四正，而且仲有荔枝食，唯則一粒荔枝有三把火，但打訪爐打到熱辣辣時食番幾粒係會覺得好清涼既手打龍蝦丸老友鬼鬼牛黃喉黑毛豬豚肉片澳洲肥牛基本上呢間火鍋店係冇咩好挑剔既地方，因為實在高質，而且仲好闊落好舒服唯一要挑既我諗係地點唔算太就腳

- 邊爐就打得多啦，咁有氣派既火鍋，唔知你又食過未呢？- 今次黎到充滿成都風味既特色火鍋店，店舖光猛企理，座位非常闊落。- 我地今次叫左鴛鴦湯底，姐係豬骨湯加成都原味湯底🌶（無渣紅油麻辣湯：小辣）。如果同朋友或者屋企人食，有辣有唔辣，每個人都非常適合。- 前菜方面，我地叫左香辣魚皮🐟同現炸酥肉🐷。香辣魚皮好有麻油味，辣味好輕微，魚皮幼身但爽脆，有少少似海蜇。而現炸酥肉就即叫即炸，上枱熱辣辣，唔會太鹹，仲幾大份添！- 打邊爐一定要叫牛肉🐮，我地就簡左澳洲雪花肥牛🐂，雖然只係叫左半份，但兩個人食岩岩好，肥牛肥瘦均勻，真係睇到雪花❄️，個人推介用辣味🌶湯底會夾啲。- 另外，我地叫左老碼頭筷子牛肉，賣相真係用筷子串起，同樣建議用辣味湯底，食落有啲似滑牛，淥幾耐都唔會老。- 之後，我地叫左手打龍蝦肉蝦丸🦞🦐同老友鬼鬼。手打丸方面，真係超出我預期，非常大粒，淥完差不多有乒乓波咁大，仲要彈牙到不得了，超級推介！- 至於老友鬼鬼，姐係油炸鬼釀墨魚🦑滑，油炸鬼唔會有油益味，但就勁吸湯底，減肥就唔建議落辣果邊啦，會吸哂啲油，墨魚滑同樣彈牙，加埋蟹子🦀，咬落有啲口感。- 除此之外，我地仲叫左半份鮮蝦雲吞。鮮蝦

有段時間住咗係大角咀附近，似似經過老碼頭都覺得好似好正成日想去，終於！比我搵到日子喇！入面裝修樓底高，幾有氣派，宮廷風設計🍽無渣紅油麻辣湯＋宮廷藥膳湯 (4.2/5) 💰178＋18火鍋盤好大好古典feel，而且咁岩鴛鴦湯對色比非常強烈，顯得仲有食欲添紅油湯愈煮愈惹味，冇渣渣，辣味豐富，聞落麻香幾重添藥膳湯好香藥材味，湯頭豐富，有淮山、杞子，桂圓紅棗等等，飲落有藥材甜，涮牛食仲有獨有既甜味，出色牛：🍽澳洲雪花肥牛（半份）💰82大大塊，雪花紋靚，雖然偏薄身但擺落火鍋到係唔會爛開的！🍽極品prime牛小排（半份）💰178見到啲雪花咁靚就知道有幾靚，牛味濃，必點！算係幾厚切，雪花太靚所以放落鍋唔小心煮耐咗啲都唔會變韌魚：🍽耗兒魚（半份）💰46見到打住粒星就試下，然後上網一查發現係重慶麻辣火鍋必備食材！肉質緊緻嫩滑，冇骨，襟煮，有次唔記得夾起佢，擺係鍋到滾咗成十分鐘食落同三分鐘一樣滑，46蚊8條，抵！其他：🍽七彩繽紛丸子拼💰178懶人必點！太多野想試唔知點入手就點一份啦！無伏！有富貴福袋 - 腐皮包蟹皇蟹籽，全滿的！芝心丸 - 芝士餡多，小心辣嘴牛筋丸 - 我食丸類較常用筷子插中暑撕開對半怕辣

哩排做嘢又忙又攰，難得休息日當然去搵下好野食啦，咁啱朋友生日話想試吓哩間成都老碼頭，咁就一於試吓佢！入到去最大嘅感覺係啲待應好有禮貌，而且啲冷氣溫度啱啱好，唔怕行完一身汗入去就凍到傻咗咁。食物方面我覺得最值得推薦嘅係個毛肚，個質感有彈性，加埋個麻辣湯底真係絕配！其他火鍋配料個份量都算大份，同埋有唔同嘅醬料比你揀，我同朋友等野食黎嘅時候仲拎水果食住先，啲芒果勁甜，絕對唔會中伏！同朋友一路食一路吹水，冷氣、地方舒適，野食又掂，不知不覺就食咗幾個鐘😂

成都老碼頭火鍋坐落旺中帶靜嘅旺角同太子中間，由旺角港鐵站或者太子港鐵站行過去都係幾分鐘，成都老碼頭同朗豪坊只係幾條街之隔，但就有好唔同嘅風景。成都老碼頭火鍋有2層，當晚都有8成滿，好在朋友一個月前訂位，du個安心出行，量個體溫唔洗1分鐘順利入坐，裝修真係好有國內成都火鍋店嘅色彩石小橋中國風，有啲飲去左成都感覺。 火鍋湯底都有好多種，辣都分幾級，唔食辣嘅朋友都好多選擇，我地揀左成都小辣同藥膳鍋底，肉類方面豬牛羊雞都有，海鮮都有啲揀下，不過麻辣鍋又點會重點海鮮呢😆，另外 要提下個響鈴，大大卷，卷好多層，同其他火鍋店卷3-4層好唔同，係湯到616吸左湯汁，食落實在好多，存在感滿滿，當然我係唔敢6落麻辣果邊，鴨血都係另一樣要講下嘅，滑dudu嘅鴨血一D怪味都無，連埋麻辣湯一齊食真係正。

成都老碼頭火鍋，應該可以算是香港少有的，成都紅油麻辣火鍋，湯底味道麻且辣，味道濃郁，絕非一般麻辣湯底可比較。成都口味紅油麻辣火鍋，分大辣中辣小辣，小辣已經愈食愈辣，個人建議先由小辣開始，拾級而上。餐廳更有香港麻辣湯底，微辣供選擇。食物方面老碼頭長期保持於極高質素，Prime 牛小排，肉味濃。羊肉帶有點羊羶味。手打豬肉丸非常彈牙。強烈推介冰豆腐，鴨血配紅油麻辣湯，冰豆腐辣得超級過癮。炸響鈴餐廳自家制作，熱辣辣上菜。

今日早D食，是關七點前埋單有八折👍天氣熱，無有怕，涼住冷氣嘆火鍋，仲要坐係成都老碼頭⛵️、碼頭陣陣清風、清涼又冰凍的又舒適的環境下、確實食得享受————————餐前吃一點水果🍍人生享受絲絲甜再來一個花膠雞漫步人生好朝氣————————火鍋湯底：🟡養顏花膠雞🐔半隻雞🐔、足料花膠、竹苼、湯底清甜，雞肉滑溜、花膠有口感又彈牙、竹苼又爽脆、養顏又滋補、皮膚靚靚、心情靚爆鏡、吃得享受更加正⋯⋯😋————————呢度D食狗可以叫一份，又可以叫半份，每款叫一D，又可以叫多幾款食👏👏火鍋材料：🟥澳洲雪花肥牛🐂：半份都咁大碟又的確幾抵食，真係好雪花，油脂分布真係靚到，肉質嫩又幼滑，仲係幾十元碟，又平又靚，真係👍————————-🟧西班牙黑毛豬腩肉🐷：幾十元就食到咁嘅質素，仲想點！又係可以叫半份，正。食多D，叫多D，西班文黑毛豬😬—————————-🟫川式臘腸：特式又特別，吃落幼滑有口感，又不肥滯，好吃😋————————🟨芝士小籠包：入面裝滿芝士，又香又滑，外皮彈牙爽口————————🟪珊瑚蚌：又唔怕食多、又唔怕肥、又好吃的珊瑚蚌、又爽又脆口😋———————-⬛️桂花蚌：又係點食都唔怕肥的桂花蚌，嫩滑爽口，吃