影片
更多
2021-06-21
58 瀏覽
- 邊爐就打得多啦，咁有氣派既火鍋，唔知你又食過未呢？- 今次黎到充滿成都風味既特色火鍋店，店舖光猛企理，座位非常闊落。- 我地今次叫左鴛鴦湯底，姐係豬骨湯加成都原味湯底🌶（無渣紅油麻辣湯：小辣）。如果同朋友或者屋企人食，有辣有唔辣，每個人都非常適合。- 前菜方面，我地叫左香辣魚皮🐟同現炸酥肉🐷。香辣魚皮好有麻油味，辣味好輕微，魚皮幼身但爽脆，有少少似海蜇。而現炸酥肉就即叫即炸，上枱熱辣辣，唔會太鹹，仲幾大份添！- 打邊爐一定要叫牛肉🐮，我地就簡左澳洲雪花肥牛🐂，雖然只係叫左半份，但兩個人食岩岩好，肥牛肥瘦均勻，真係睇到雪花❄️，個人推介用辣味🌶湯底會夾啲。- 另外，我地叫左老碼頭筷子牛肉，賣相真係用筷子串起，同樣建議用辣味湯底，食落有啲似滑牛，淥幾耐都唔會老。- 之後，我地叫左手打龍蝦肉蝦丸🦞🦐同老友鬼鬼。手打丸方面，真係超出我預期，非常大粒，淥完差不多有乒乓波咁大，仲要彈牙到不得了，超級推介！- 至於老友鬼鬼，姐係油炸鬼釀墨魚🦑滑，油炸鬼唔會有油益味，但就勁吸湯底，減肥就唔建議落辣果邊啦，會吸哂啲油，墨魚滑同樣彈牙，加埋蟹子🦀，咬落有啲口感。- 除此之外，我地仲叫左半份鮮蝦雲吞。鮮蝦
- 今次黎到充滿成都風味既特色火鍋店，店舖光猛企理，座位非常闊落。
25 瀏覽
0 讚好
0 留言
- 我地今次叫左鴛鴦湯底，姐係豬骨湯加成都原味湯底🌶（無渣紅油麻辣湯：小辣）。如果同朋友或者屋企人食，有辣有唔辣，每個人都非常適合。
- 前菜方面，我地叫左香辣魚皮🐟同現炸酥肉🐷。香辣魚皮好有麻油味，辣味好輕微，魚皮幼身但爽脆，有少少似海蜇。而現炸酥肉就即叫即炸，上枱熱辣辣，唔會太鹹，仲幾大份添！
- 打邊爐一定要叫牛肉🐮，我地就簡左澳洲雪花肥牛🐂，雖然只係叫左半份，但兩個人食岩岩好，肥牛肥瘦均勻，真係睇到雪花❄️，個人推介用辣味🌶湯底會夾啲。
- 另外，我地叫左老碼頭筷子牛肉，賣相真係用筷子串起，同樣建議用辣味湯底，食落有啲似滑牛，淥幾耐都唔會老。
- 之後，我地叫左手打龍蝦肉蝦丸🦞🦐同老友鬼鬼。手打丸方面，真係超出我預期，非常大粒，淥完差不多有乒乓波咁大，仲要彈牙到不得了，超級推介！
- 至於老友鬼鬼，姐係油炸鬼釀墨魚🦑滑，油炸鬼唔會有油益味，但就勁吸湯底，減肥就唔建議落辣果邊啦，會吸哂啲油，墨魚滑同樣彈牙，加埋蟹子🦀，咬落有啲口感。
- 除此之外，我地仲叫左半份鮮蝦雲吞。鮮蝦雲吞皮薄餡靚，夠哂飽滿，一定食得飽。
- 最後，我地叫左紅糖糍粑，呢款係炸完再淋上紅糖汁同黃豆粉，外脆內軟，都有啲熱，食果時記得攤凍少少先好食，避免燙親。
- P.S 自助醬料同水果吧都有額外收費，但最後整體會有八折。醬料方面，店鋪特製左一款成都老碼頭醬，簡直懶人福音。
張貼
