慢煮屋 (已搬遷) 新店位置

未試過食慢煮飯，今次黎到觀塘工廈試一試～呢到只有四款飯同三款麵選擇，我地嗌左一個慢煮燒汁牛肉飯，同埋一個慢煮三文魚牛油果飯。兩碗飯都有一粒溫泉蛋可以吉開撈飯，都有配麵豉湯同小菜(有南瓜、豆、菇，不過三樣我都唔食😂)三文魚牛油果飯仲有d火龍果同蕃茄仔係入邊，成個沙律咁，好有趣😂比起牛肉飯，三文魚飯味道比較淡。整體感覺不過不失，唔算好特別～作為一個三文魚同牛油果控，略嫌牛油果唔算多，而且我都係比較鍾意生嘅三文魚丼飯🙈如果想試下慢煮飯都可以一試～

晚上做完yoga 揾嘢醫肚，去呢度就腳。揀左牛肉丼同芝士雞丼。牛肉本身怕太生（menu有圖)問可唔可以做medium well.佢話sous vide 到5成熟既，幫我問問師傅。最後都可以做到因爲會用火槍燒燒個面，等佢香啲。牛肉淋身，牛味都幾濃郁。温泉蛋做得好，加埋一齊食唔錯。芝士味不夠，雞無雪味，整體ok 的。不過呢度lunch 同dinner 同一個menu,打工仔下午食可能會覺得小貴。

鹽麴慢煮雞胸冷烏冬 $68慢煮過既雞胸好嫩口 似刺身口感😂整體感覺幾嶄新 冷烏冬夠彈牙🤤------------------------------慢煮牛腹扒蕎麥冷麵 $98牛腹扒 牛味濃郁 芥末 薑末 冷麵汁 不太岩我口味🙈不過值得一讚 有冰球加入冷麵汁 頗貼心❤️旁邊既流心蛋 有酒糟味 個人喜歡加埋落冷烏冬食😋------------------------------

觀塘駱駝漆工廈原來有好多餐廳小店，今日lunch試左慢煮屋. 座位唔算太多，大約有30個左右，但12點半前去到唔洗等位可以直接入去食物選擇唔多，今日冇蕎麥麵，改左做冷烏冬（讚岐手打烏冬），食落好彈牙👍🏻👍🏻 我揀左鹽麴慢煮雞胸冷烏冬，慢煮既雞胸真係嫩D，完全唔似食緊雞胸。醬汁係自己落。而且仲有隻溫泉蛋。但蕎麥麵/ 冷烏冬就唔係set。而丼飯套餐有4款：牛、豬、雞和魚，再配上溫泉蛋、湯同前菜（蛋沙律），而湯既款式每星期唔同，今日係蕃茄湯。下次想試慢煮火炙牛腹扒丼！地址：觀塘開源道60號駱駝漆大廈3期11樓G室營業時間：星期一11:30 - 16:00，星期二至六11:30 - 16:00pm、18:00 - 22:00pm，星期日及公眾假期休息

👭慢煮屋 (觀塘)👭鹽麴慢煮雞胸蕎麥冷麵 $68相信大家對雞胸印象都係好乾柴，無水份😵而用慢煮呢種煮法絕對會令你對雞胸改觀😍呢到既雞胸食落好Q彈，而且嫩滑多汁！如果38蒙眼食一定會以為自己食緊牛肉🙈調味方面用左鹽麴代替鹽，味道咸中帶甜。每枱都擺放左蕎麥麵建議食用方法既紙張：先淨食麵條，之後加入芥末&薑末令湯汁調整至適合自己既味道。蕎麥麵唔係好凍，不過點住湯汁黎食感覺好清爽😝而且分量十足，一個女仔食哂絕對會夠飽！旁邊仲附有一隻溫泉蛋，38將佢一啖吸入口，蛋味即時爆發出黎🤣平時好怕食雞胸既朋友仔，相信你食完呢餐會對此改觀😎推薦度：7.5/10🏠觀塘開源道60號駱駝漆大廈3期11樓G室🕐Mon-Sat 11:30am-4:00pm, 6:00pm-10:00pm Sun OFF Public Holiday 11:30am-4:00pm, 6:00pm-10:00pm

觀塘工廈美食😋今次又去工廈覓食先😋試吓呢個牛丼🐮一碗牛當大約都有10塊厚切牛嘅，由於佢有一啲醬汁淋落飯同牛到，佢唔會好乾身加上佢有一隻溫泉蛋撈飯一流😛價錢就唔係話特別平嘅呢個set要$108但牛肉嘅質素非常嫩， 好厚切，一分錢一分貨👍🏻呢隻仲有紅菜頭沙律同埋麵豉湯，味道中規中矩😙如果去觀塘可以黎試吓😋

去到不用排隊，選了沙律，麵，和飯。先來了沙律，感覺吳錯，帶子上面有豉油，單食會覺得鹹，要連埋其他配料食比較好。但青瓜絲有些未切斷，連埋一嚿嚿。之後上了蕎麥麵，樣子不錯，如果麵可以再冷d就好。最後來的是飯，肉很美，都好食，飯也夠，食得很飽。如果再有新的款出也可以再來食。

之前聽朋友講呢間啲嘢幾好食，今日lunch hour就同班同同事去試。Menu入邊一共有四個飯三個冷麵揀。四個丼飯分別係用唔同嘅肉為主食 (豬、牛、雞、三文魚)全部都係以慢煮技術去烹調。我同同事分別叫咗慢煮三文魚牛油果丼、照燒慢煮鳥肉芝士爆丼同慢煮火炙牛腹扒丼。Lunch set既丼飯有包一個小食同湯，今日係蛋黃醬薯仔沙律同蕃茄湯。等左一陣終於等到我地嗰丼飯。個湯好重番茄味同清清地嘅香草味，仲有蕃茄碎，好足料！一個小食份量都唔細，有半隻雞蛋白同幾舊薯仔粒。三文魚丼有少少柚子汁味，個飯本有醬汁，個魚都好滑。個芝士雞好濃芝士味，中意食芝士既一定會好中意。牛肉就無咩甘特別。呢間餐廳最好嘅係可以滿足你唔同嘅需要，想要多飯、多汁、煎熟啲都得。

觀塘慢煮屋 ，慢煮火炙牛腹扒丼$108， 係鮮紐西蘭牛肉， 夠淋 ，牛肉味好鮮甜, 高質素的牛肉這個價錢很便宜， 還有一個前菜有菇同蔬菜跟一個餐湯很滿足的午餐。還有一個開窗式廚房，裏面啲廚師好像做show一樣，下次都想試下個冰涼的蕎麥麵。

經過附近，搜尋有什麼美食，看見這個慢煮就很想試一試！這裏的款式不算多，我們點了慢煮三文魚配牛油果以及慢煮火灸牛腹肉丼。我想說這個牛丼非常美味！肉很嫩，煮得剛好，配上溫泉蛋，蛋黃醬薯仔沙律也不錯，正！另外三文魚我竟然忘記了拍照.........不過他慢煮讓到三文魚熟但很滑，好好味哦！配以牛油果火龍果番茄仔等，並有微酸的醬汁，感覺清新！他們也最後點了甜品。$58有兩款。藍莓芝士就是普通的藍莓芝士啦，不過另外芒果熱情果慕絲蛋糕很好吃！完全是我的菜！我有時間要多多來駱駝漆大廈尋寶先得！

從來未聽過慢煮飯，今次由好朋友夫婦帶我地嚟觀塘，你特別嘅日本餐。餐廳位置距離觀塘地鐵站不遠，步行約5分鐘就到，星期六晚上，樓下排大隊等lift,上到來見有好多餐廳，果然係呢區既旺區。餐廳店不大，但乾淨企理，坐得舒服，週六晚上都有八成滿，似乎都係好味之選。我們叫了牛，三文魚Man煮飯各一款，非常入味嘅飯，相信係因為用比較長嘅時間煮，令飯都有三文魚牛肉味，分量夠大。值得一題係牛肉半生熟，肉質好林，有牛肉鮮味，令人耳目一新。

帆立貝薑汁燒豚肉丼，五花肉片醃得入味，食落有咬口而且煎香了。份量女仔黎講都大，質素係唔差既，但呢個價買幾片豬肉同飯就略貴啦，觀塘多番工食番既人都唔使 劏得咁盡，50蚊既話我會要再黎食，88就真的不了。.$88.慢煮屋觀塘開源道60號駱駝漆大廈3期11樓G室

係觀塘游泳池游完水之後，已經差唔多九點，但又好肚餓，見到呢間店仍然未閂，就入左去食。首先黎嘅係湯同埋前菜。前菜充滿味淋嘅甜味，食落令人好舒服。而加上味噌湯，令岩岩去完游水嘅我覺得好溫暖。主食慢煮火灸牛腹扒丼黎左，牛肉熟度岩岩好，食落去仲好 滑，而上面吧鹽亦好夾，起到提味嘅作用。可惜係米飯食落唔算太香同堆唔算太煙un。另外，整個丼分量亦太小，有D唔夠飽。

終於來到慢煮屋了！食物果然沒有令我失望，健康又美味！前菜的雜菇甜甜的很特別。三文魚慢煮過後仍然不失鮮味，牛油果熟度剛好，非常軟熟。當中還加入香甜的芒果粒和流心溫泉蛋，拌上酸酸的橘子醬汁(這也是我欣賞的地方，有別於坊間的肥肥沙律醬)真的很好食呢！.Slow cook is a symbol of health and tasty! This restaurant didn’t disappoint me at all with their fresh slow cooked salmon and avocado! The rice was like poke bowl but instead of adding salad dressing, they added citrus juice, which is way more healthier than that! The runny yolk and mango were the icing on the cake! So satisfied with this lunch, gonna come here more often!

見食評推薦觀塘工廈嘅餐廳，所以今次就嚟咗「慢煮屋」。薑汁醬燒豚肉丼呢個丼呢幾食，薑汁同醬燒味好開胃，好啱送飯，而且略帶小小煎香味。不過豚肉片就喺超薄切，無咬口感。老老實實講，性價比超低，市政叉燒飯仲好過佢。慢煮火灸牛腹扒丼@鮮紐西牛肉呢個丼真喺有種中大伏感覺🤦🏻‍♂️🤦🏻‍♂️。食落無牛肉味，牛腹應該多小小脂肪，但又食唔出牛脂香味，切得又薄身，好似食空氣咁。2個丼唯一可取嘅喺d飯粒煮得唔錯，粒粒分明，軟身得嚟又有咬口。芒果熱情果慕絲蛋糕個蛋糕又貴又細，味道又唔喺咁令人驚異，呢個價錢食個正正常常嘅cake，我建議買一打蛋撻食好過。