愛文生

營業中

休息中

这家只做晚市，18点-22点，时常需要等位，出品地道、认真，看到师傅在那里爆炒就很有食欲，经常会来光顾，吃完会很满足，就是交通不太便利，距离公车站和地铁站都有点远。

最鐘意大排檔,, 因為要食就食有鑊氣既炒餸。有時候，一大班人要考慮食晚餐，確實不容易，去到等半粒鐘就拎到位。非常期待，一坐低就已經落到單(一早想好要食甚麼)一定要食生炒骨><酸甜開胃，這裡的外脆肉軟，醬汁酸甜度剛好。椒鹽魷魚同椒鹽炸豆腐，當然用來配啤酒。炸得香脆夠乾身，可惜椒鹽味道稍微淡了些。魚香茄子煲撈白飯一流，這裡的茄子有口感，真係唔會過份咸，當然肉碎連汁都好食到見底。最重要夠大碟！！小炒王 - 好食,, 沒有太特別。然後點了些,, 略為普通菜 - 薯仔牛柳粒同時菜炒魚鬆,, 滿足下友人想吃家的味道嘛。黑椒豬手：人人都點因為人人都想食，這裡整得夠味又不會太咸，肉軟易切，豬肥肉沾滿醬食就完美。水煮牛肉片：超級正，愛吃辣的人一定要點個超級餸><香味超濃，未食前已經流口水，每片牛肉都夠麻夠辣，越食越過癮。當然大豆芽沾滿辣汁，食到停唔到口。=w=呢餐好滿足喔,, 同一大班人說說笑笑，只有去大排檔先可以滿足到。環境算舒服唔會太焗，上菜速度快，d餸夠大碟又好食，真係食得過。

今晚好想食大排檔，所以在網上揾下附近有冇乜好野，最到依間近近地既老字號，又很多人推薦既黎試。7pm左右已經全場滿坐，收銀哥哥話可以撘枱就吾洗等，甘我地當然ok。我地兩個人叫左3餸1冰凍大啤，有炸黄金蝦，鹹肉炒蒜芯同牛柳粒薯仔。樣樣都非常大碟。我好期待既黃金蝦，都吾算細隻同幾香口，但就吾係好夠脆。鹹肉切得好大片，蒜芯吾會太老，有D汁送飯一流。牛柳粒既薯仔炸過所以特別香口，D野食太大碟食吾晒打包，今晚不錯，希望下次再試埋其他野。

臨別的時候，才到來深水埗這間著名的小菜店。真想不到，最尾這段時間才來到這間小菜店，發現原來味道非常普通，名過於實，試過之後都覺得不怎了了，不會推介，也不會再來。椒鹽九肚魚的九肚魚非常細小，幼幼的幾條，放在碟子上都放不滿，有點兒空虛。金銀蛋浸豆苗可能是最豐盛的一道，比較大碟，溫度也比較熱，亦都出煙。沙拉豬扒最令人非常失望，因為它的沙拉醬，只是立即從一瓶沙拉醬擠弄出來，在混和京都骨，那就是沙拉骨。如果顧客想要京都骨，亦得，免除沙拉醬就可以了。這完全沒有誠意可言，因為以往吃沙拉骨，很多餐廳都會將沙拉醬，混合在排骨的外圍，應該是以沙拉醬包圍整件排骨。椒鹽鮮魷，不夠嫩滑，內裏的魷魚，變老，口感比較韌。另外還有一個沙嗲牛肉粉絲煲，因為沒有寫金菇便沒有金菇，牛肉又老，粉絲又碎濕濕；後加的，放煲子上，溫度夠熱，但是仍然味道一般。豉椒鵝腸，鵝腸份量已算不少，豉椒反不太多。金銀蛋豆苗，友人真趣，不吃皮蛋卻打叠叫幾次金銀蛋。這碟溫度夠熱，皮蛋大片，算不錯店內環境已經非常嘈雜，因此電視都沒有開聲，只看到螢幕，聽不到對白，即使是星期三，店內充滿男食客，店方亦都沒有樓去看賽馬頻道，真的奇怪。結帳之後，就發覺室外極

心底裡非常麻甩既我 好鐘意周圍物色唔同地方既好味大排檔一早已經聽過愛文生個名，今次咁岩喺附近 就決定去試！一去到 同收銀員叔叔講聲 就會安排枱，嗰晚去到已經八點半九點 仲要星期五 人山人海 要搭枱由於只得兩個人食， 只能夠叫兩碟小炒最後簡左金沙鮮魷同埋京都豬扒首先上枱既係京都豬扒 份量十足 啖啖肉 少肥膏隔左陣 碟金沙鮮魷都上枱啦我同男朋友咬左啖 都好surprise呀！熱辣辣 直頭個會辣親個咀 唔可以成舊放曬入口，啲金沙脆薄薄嫁勁香口 啲魷魚又真係好有咬口 一啲都唔會'梅' 唯一要挑剔係金沙味可以再重啲 （其實而家已經好好食！）我地另外叫左兩個飯同一罐可樂Total $210 抵食有下次呀！

「愛文生」雖然係一個冇華麗裝修，又坐得唔舒服，甚至有可能你要坐係街邊，冇瓦遮頭，或者要坐入後行，熱天嘅時候冇冷氣，冬天嘅時候可能要吹住寒風食飯，不過呢度都長期爆滿！而我亦都係常客之一，點解咁鍾意？因為大件夾抵食之外，仲好有風味！好好味道添啊！佢個廚房係喺街邊嘅，會見到佢哋超有鑊氣！又拋鑊，又炒到啲火上晒穫面，好似睇緊表演咁！好正🤩而且，佢唔會因為自己出名，而加價或者偷工減料，好似炒聖子或者炒蜆咁，一般出邊嗰啲百幾蚊，細細碟，有時時價到好貴！不過呢度一直保持都係大大碟，冇加價。欣賞👍🏽欣賞👍🏽

三五知己最好就係大排擋，點嘈都唔會有人理😆朋友介紹呢間愛文生，一試無妨。晚上大約19:30去到，人多，有啲已經坐咗喺街，我們一行5人，舖內仍有坐位，店員安排我們一張10人枱😳餐牌上好多經典菜色都好想叫，先叫6個吧。小炒王：韭菜爽、果仁脆、魷魚煙韌、菜甫甜、蝦乾靚，啖啖口感不同，完全停唔到口。豉椒炒蟶子：其實來呢度唔應該揀海鮮食，明知唔會好食嘛，但我太愛蟶子😛果然，一食就知唔新鮮，應該好多本身已經死咗，而且好多殻，蟶子肉就好少😞生炒骨：大排檔必叫嘅生炒骨，每件肉都肥瘦相間，好味😋炒豆苗：新鮮好味椒鹽雞軟骨：雞軟骨同果仁係好味嘅，中間仲有啲炸咗嘅蒜蓉呀蔥呀咁，但雞軟骨嘅比例就少咗啲喇，以$98嘅價錢來講就唔係好抵囉香芋油鴨煲：其實我們叫嘅係臘味煲，但佢來咗油鴨，食咗少少先發覺來錯咗，同店員講，佢望望下，無出聲就收走咗，我們以為佢應該係換咗啲油鴨，放返啲臘味落去架姐，點知佢收咗之後，過咗一段時間先再送返煲野來，原來佢從新做過，有誠意，竽頭好香好滑，但臘味就麻麻地，同雞軟骨同一個問題，竽頭多過臘味好多，唔值$98囉食到咁上下，我哋5個肥妹仔覺得唔夠皮(๑´ㅂ`๑)於是叫多2個餸，5個人叫咗8個

今次已經係第二次黎食,上次印象唔深,所以想今次試真佢!Menu上有很多選擇,普遍黎講普通大排檔菜式既價錢around $90~100, 唔算太貴但亦唔平......今次一定五人總共叫了六個菜,三個飯,一支青島,埋單六百幾蚊.黑椒豬手呢個黑椒豬手應該係愛民生既名菜,差唔多枱枱都有叫!!!食落去有香濃既黑椒味,豬皮入口即化,鬆軟唔油膩,豬手肉質嫩滑,充滿咸香,實屬心機之作,肥妹我唔好豬手呢d咁肥膩既野都忍唔住食多幾舊,不錯!!!椒鹽九肚魚失望之作!!!!!肥妹我好鐘意食脆口野,如果去親大排檔一定會叫呢尾餸,但係愛民生做得麻麻,第一椒鹽味唔夠香,死咸,第二九肚魚唔夠肥美,無肉地,似食緊椒鹽魚乾,無咗椒鹽九肚魚獨有鮮嫩肉滑既感覺,傷透了肥妹我既心........黃金鮮魷唉.......又係失望之作!!!!!黃金黃金.....即係要炒到有咸蛋香味!!!可惜,虛有其貌,魷魚係幾爽口,但咸蛋香味不足,仲要唔夠咸!!!!!鳴嘩,好地地既一碟黃金鮮魷,浪費晒....豉油王鵝腸豉油味夠濃,又夠鑊氣,下面鋪滿了芽菜和菲王,不錯!!但下次希望唔好將鵝腸用粉拿到咁勁,因為會失去了鵝腸既脆勁~生炒骨味道正常,無咩

車隊群聚，地點位置要方便，又要食物唔差，又要平，又可以泊二十幾部電單車，問我哩位車隊秘書嘅意見，我提意，愛文生囉！有車友話愛文新最出名係黑椒豬手，薯仔牛柳粒同椒鹽鮮魷，於是乎每款叫一客，再點蒜蓉炒豆苗，西蘭花炒牛肉，椒鹽銀魚，咕嚕肉，唔叫靚仔叫咗碟炒麵。豬手最好味係皮同肥肉，一d都唔漏口，肉質都算鬆軟入味，轉眼已經清哂！薯仔吸收咗唔少牛柳味道，感覺比牛柳粒更好味，入口即容，正，豆苗感覺蒜味不足，多d蒜蓉應該更香口，椒鹽鮮魷口感唔靭，相信同材料新鮮有關，椒鹽銀魚係第一次食，外脆內軟，唔錯，咕嚕肉味道適中，炒麵油份略嫌多咗，少d油更理想。飯局過后，當然係遊車河啦！

一聽個舖頭名就知幾有「愛」。老婆最鍾意食大排檔，聽人講深水埗有間大排檔唔錯，所以就帶左佢去呢間到試下。我哋兩個人叫左三樣餸，魚肉生菜湯、椒鹽鮮魷同埋咸蛋蒸肉餅。價錢中規中矩，我哋坐係路邊，認真有風味，好在天氣涼涼地都幾舒服。個人最鍾意個椒鹽鮮魷，因為佢唔似其他舖頭咁好多粉，佢係味道岩岩好，粉唔算太多；我老婆就最like個肉餅，話好有屋企飯feel；總括黎講都唔錯，下次再叫多啲人一齊試多幾款。

愛文生-經典大排檔露天明火風味小炒, 鑊氣一流, 正宗香港地道風味.此店非常旺場, 佔據了數個店舖, 加上早前電視台又再報導, 人流更加暢旺.晚上7:30左右到達, 店內全數滿座, 店外亦站滿排隊入座的人流, 目測最少數十人.我也快步取票, 等了大概半小時, 也就順利入座.幸好昨晚不是太寒冷,太炎熱, 或是下雨, 否則露天等位, 實在相當煩惱.被安排坐在一條走廊的盡頭, 比較貼近店舖的廚房及洗手間, 沒有空調, 油煙味也比較大, 幸好沒有洗手間味, 呵呵.點了3個菜, 分別是黃金炸鮮魷, 薑蔥魚雲煲和臘味炒芥蘭.從下單到送上第一道菜, 等了約20分鐘.人流量加點菜太多, 送餐的員工一直從廚房來回, 十分忙碌!先說黃金炸鮮魷, 與椒鹽炸鮮魷不同, 這個黃金炸鮮魷比較濕身, 入口相當重牛油味, 從碟上也能看到散落一旁的咸蛋黃, 非常美味(估計熱量也相當的高)!!隨後送上的是臘味炒芥蘭, 臘味是臘腸和潤腸, 芥蘭相當的粗壯, 但是又不會太炒的太"老", 很容易入口!!最後送上的是薑蔥魚雲煲, 魚雲經油泡, 令魚的外表十分香脆, 配上大量的薑蔥, 實在讓人胃口大開!晚飯當然得點白飯, 這裡的白

好中意愛文新嘅大排檔風味！係香港已經賣少見少咯！而且一路食飯一路可以食煙嘅地方唔多囉！事前約法三章，你話點咩食咩由你話事，okay，我懶得煩。點咗西蘭花炒牛肉，豉椒炒鵝腸同黃金蝦。黃金蝦蝦肉夠新鮮份量足，如果無蝦殼更理想。西蘭花炒得好冧，牛肉亦炒得啱啱好，唔會炒到過哂火變得老同韌。鵝腸係洗乾淨哂先炒，所以無肥膏，而且炒得夠入味同爽。愛文新對於我黎講重有個優點，就係可以泊部電單車係旁邊。ps:你一句話凍，就攪到我病！慘慘 ^(OO)^

愛文生，係普羅大眾一家大細良朋共聚的好地方，相信絕對唔會有人反對。這十多年來，我試過踢完波一班波牛在此聚會，試過屋企家人來做冬，試過十幾台電單車之友聚餐，試過中學大學同學聚會，又試過同公司同事把酒晚餐講事講非，總之這家食店所能夠容納之對象，廣闊度會嚇你一跳。如果以“最多集體回憶”，愛文生必定是榜首。是夜叫左（其實每次來都係必點）：生炒骨黑椒薯仔牛柳粒椒鹽鮮尢咸蛋芥菜肉片湯水煮肥牛以上全部都係每次必點菜式，如人多人少會稍為增減，但不會有大變動，頂多天氣寒冷則會多點兩三個煲仔菜。相信還會有很多個五年十年繼續幫襯。

椒鹽九肚魚：兩個的做法是一樣的，都是裹粉油炸，魷魚比較有嚼勁，九肚魚是軟的，為什麽點了兩個椒鹽菜，我也不知道黑椒薯仔牛仔粒：這道菜就是土豆牛肉嘛，牛肉切的很大塊，腌制得入味，土豆燉的很軟，吸收了牛肉的醬汁味，大大的一盤非常紮實，很下飯

食過好幾次，今次覺得貴好多一D食開既野‧ $68 乳鴿, $98薯仔牛柳粒(味道仲要退步左, 牛軔, 薯仔好乾)， $188 黃金蝦(180蚊但半斤蝦左右)‧仲有食物平均價錢$80以上‧今次係好失色一次，希望價格同味道都要改善‧