愛文生

營業中

休息中

好不容易齊腳來到了聞名已久的愛文生聚一下，7:45到達，估唔到全街全店都係人，人氣真唔可以睇少！但放眼望去人車爭路，啲飯枱直頭係路邊，其實好危險，同埋會吸塵，呢度環境比我想像中差，而且周圍油煙周圍飄。等位等左足足9個字先入到，滿心歡喜點菜，但想點的葱油雞，即霸王雞阿姐話無喎，只好退而求其次點了沙薑雞！雖然雞係正常的，也算滑嫩，但個沙薑醬真係令人失望，完全無薑味，無應有的沙薑香味，屋企阿媽整個沙薑醬都好過佢！啫啫菜煲不錯，有咸蝦醬香，味道都幾有煲氣！薯仔牛柳份量都多，牛仔粒都嫩同唔乾，不過薯仔有啲有半生熟情況，可能因為食過更好的，所以这個只能話正常水準！豉椒炒蜆份量足，味道都不錯，蜆食落無沙，而且微辣，所以都幾惹味！我為左九肚魚而黎，所以點了椒鹽雙拼，鮮魷都算新鮮彈牙，不錯的！但這條九肚魚，由外乾到內，完全無嗰種濕潤感，以為一條係咁，但原來條條都係咁，都算係咁耐以黎食過最差！所以食左一條，另一條撕開都見到乾柴就直接全碟九肚魚都放棄左！好失望！總括而言，一般的大排檔，不過價錢不算貴，也算實惠，但環境衛生較差，大熱天時真的要諗清楚先去，因為坐室外一來熱，二來車來車往，有點吸塵。好食的話，前兩

香港既街邊大排檔已經買少見少，唯有趁下而家仲有啲機會就去試吓唔同嘅大排檔，呢間都算歷史悠久，有好多朋友都食過，都推介呢間大排檔，咁就即管去試吓！去到都唔使點等位，見到佢個露天廚房個火好旺，鑊氣一流，香味十足，即刻坐底叫下d考牌菜啦！每次我地食飯都一定會叫椒鹽九肚魚，點知中伏，碟餸嚟到賣相就一般，個色好似炸過咗火，每條魚都好硬，肯定係個粉漿出咗事，不過味道算可以！跟住叫下海鮮啦，見到啲蟶子都算靚，咁就試吓用豉椒炒，不過個豉椒味就怪怪地唔係好夠味！份量都算多唔會剩係得啲殼！出邊好少會食到鹹魚煎肉餅，諗住見佢嗰火咁靚煎野就試吓啦，但係唔知係咪唔夠鹹魚，個鹹香味就唔係好夠，好似普通嘅煎肉餅！三個大男人，三碟餸又點會夠，不過都驚驚地又驚中伏，咁岩見到隔離枱叫咗兩碟餸，就跟風啦！西蘭花班片，都幾好味，終於有返d信心，但係唔知係咪隔離飯特別香，我哋嗰碟好似好細碟！跟住就試埋佢最出名嗰個黑椒薯仔牛柳粒， 上菜嘅時候碟餸都算大，不過好似薯仔多過牛！黑椒味好香，薯仔走過油，牛柳粒就好林，唔錯！

今次分享深水埗大排檔界「四大天王」之一即使係閒日 店內都係坐無虛席亦都見到唔少外國人/遊客幫襯黎到當然唔少得要叫黑椒牛柳薯仔粒❤️黑椒味濃而香 大廚唔吝嗇比左好多牛柳粒不過呢碟餸我覺得配角仲出色薯仔係香口帶一點脆 而且好入味😋另外叫左每次幫襯大排擋都會叫碟有鑊氣既豉油王炒麵😌不過今次幫襯水準失真雖然炒得乾身 但食落口都係覺得油膩😢 味道調配得偏鹹 可能重口味人士會中意整體黎講我係接受 不論價錢及食物質素更重要係：香港愈來愈少有咁地道的大排檔 真係要多多支持呢種香港飲食文化👏🏼

愛文生相信大家都好熟悉 一講起港式大排檔 呢間絕對係大家會諗起嘅頭三位。幫襯過好多次 我有一次係新年前極繁忙 有啲失水準 其他時候從來未試過失望。今次兩個人叫咗四個餸 生炒排骨 薑蔥桶蠔煲 啫啫雞豬膶煲 避風塘炒茄子 全部都好好味 保持到都係咁有鑊氣。而我最鍾意嘅係生炒骨 炸到脆一脆 就算放在一陣 仍然唔會影響到口感。

最近天氣凍咗，所以好多人都會出街打邊爐或者食啲暖野而我都唔例外，朋友gathering就約咗佢地一齊食大排檔食飯啦我地六個人七點鐘到鋪頭，等咗差唔多二十分鐘先攞到位入去叫咗呢度嘅招牌小菜椒鹽魷魚，黑椒薯仔牛柳粒同埋好多其他小菜全部小菜都做得十分出色，不枉我地等咗咁耐先攞到位食飯喺打排檔食飯配埋啤酒吹吓水真係冇得頂地址：深水埗石硤尾街1號地下B-C號舖

🇭🇰#香港捐窿捐罅記 #撚手小菜麻甩排行榜香港最受歡迎大牌檔😌有歷史既餐廳🍍心水清既人都應該知我寫過呢家,但係耐唔耐update下都唔錯😂（其實我冇晒post)佢係少有係呢個時勢都仲滿座既餐廳😆仲有好多泡菜國既人係度食😂-大家知唔知其實深水埗係有四大天王🍾️ 分別就係 愛文生 ， 萬發 ，增輝 ，小菜王 🥱 其中三家已經食過😦係差增輝未食，因為都比較貴😂遲d再去食😂果日咁啱坐係佢個爐對面，睇住佢不停咁煮😂別有一番風味😌不過天氣凍先爽，熱就真係GG😂Btw 原諒我影到咁hea 😂本身冇諗住post🍍-🐖 #黑椒鹹豬手 🐖 （$148）呢度既招牌菜🐷 大到爆炸豬手食落又淋又鬆，充滿骨膠原😝而且超厚肉，食緊都唔厭😆仲有黑椒汁令佢更惹味👍.🦔 #銀山砵酒鱔球 🦔 （$158）另一個招牌🍾️ 鱔球爽口彈牙🥱炸得啱啱好😌 但係砵酒味唔重😫見佢倒晒落個蓋度，准少少啦老細😂不過用料新鮮👍都好值得叫😆.🐟 #椒鹽九肚魚 🐟 （$108）我自己最中意既一個餸😂 不過佢好似炸得太耐😌變咗好硬😂之後炸醬入面又冇乜肉😫希望下次會更好總結來說 夠鑊氣 又好食 又老香港 去啦😆-🎈深水埗石硤尾街1號地下B-C號舖平均傷

好耐無食過大排檔小炒，上網搵到呢間愛文生睇落唔錯就試下。本來想叫椒鹽九肚魚不過賣晒，唯有叫椒鹽鮮魷，3款入面佢係最正，外層粉漿夠薄身，火喉掌握得非常好，外層炸得酥脆而入面嘅鮮魷夠嫩口完全唔靱，必食😋小炒皇材料豐富，鑊氣十足。韭菜炒得嫩口，蝦乾亦都發揮到佢嘅鹹香鮮味，腰果夠脆口，可惜魷魚炒得比較靱。生炒雞柳嘅酸甜醬汁非常惹味，不過都係配排骨好味啲

是晚一行六人到愛文生，6:45到達已人山人海，等了半小時終於有位了。先來招牌椒鹽魷魚，一如以往的好，脆漿做得出色，薄薄的一層，剛好讓人感受到脆感而不膩。魷魚火喉控制也剛好，富有彈性。秋冬蔬菜，薑汁芥蘭，薑汁濃郁，但稍微太多油每次必點，粟米魚肚湯。水準依然八珍豆腐煲，非常好吃，內臟略少，但不影響味道，熱辣辣非常惹味豉椒炒聖子，也是常點得菜式，辣辣的仍保留聖子的鮮甜薑蔥炒蟹，炒蟹厭炸得過火，有點乾。但薑蔥特多，惹味菜式。砵酒焗蠔，推薦菜式，味道控制剛好，配襯的洋蔥鮮甜無比，真心推薦臨時加的菜，眼看很多食客也點，心思思的也點了兩隻分來吃。也是剛炸好熱辣辣上台，當然好味。滷水底不咸，滋味滋味整體而言：食物：火喉十足的大排檔小炒，主打熱門菜式不會讓人失望，其他較少人點的小菜也有驚喜服務：快快快，大排檔文化環境：想要坐得舒適，不是最佳選擇

黑椒薯仔牛柳粒係呢度嘅招牌菜小妹認為薯仔才是主角薯仔應有略為炸過 外脆內粉掛上有黑椒牛柳味的汁 好惹味 明明食飽都忍唔住夾嚟食至於牛柳其實都好好食 夠淋唔會韌 黑椒汁辣味夠我而家打番食評都流緊口水到大排檔點椒鹽鮮魷真係冇得輸每次必點呢度嘅椒鹽鮮魷夠晒味鮮魷彈牙配埋喼汁去油膩感 正小妹某晚放工後同同事飯聚去了深水埗頗有名的大排檔 點了幾款小菜打頭陣是這隻特別推介的鐵板豬手份量十足 夠我們一行五人分享 鐵板上keep住熱又夠鑊氣黑椒汁加洋蔥 豬手夠冧夠入味 抵佢係招牌菜來個大合照原來我們還點了豬大腸(最遠那碟)印象中大腸冇怪味 都係被我們清光的菜式這餐男人的浪漫 配上青島啤 認真一流絕對可以encore

之前睇電視見到介紹過，今日終於試到，完全無令我失望呀！鑊氣夠，海鮮新鮮，上菜快，好味到簡直停唔到口今次只係兩人食，可以叫的選擇有限，下次可以約埋一大班人來食大排檔，飲啤酒🍻

豬潤啫啫雞煲個雞煲一上枱就已經好吸引，最吸引既係豬潤多過雞😂豬潤入口軟淋一啲都無臭味，唔會過熟變老左，份。糧都唔小👍🏼雞肉入口嫩滑，而啲醬汁又唔會蓋過本身既味道，十分惹味黑椒薯仔牛柳粒薯仔份量好夠，但係牛仔就差小小同埋每舊都係大大舊唔係好夠分，薯仔外脆內軟又夠味唔錯牛肉都有牛味家鄉小炒王大量既韮菜加入腰果，魷魚，蝦乾同菜脯粒炒成韮菜非常翠綠無渣仲好爽口，腰果好脆唔會好似出面咁淋晒，魷魚用左土魷好有鮮味，啲蝦乾都好大隻👍🏼成碟炒出黎都唔油膩，送酒必備椒鹽炸鮮魷又係一個送酒必備既餸菜，仲爽既魷魚唔會死左好耐咁，個炸粉岩岩好，唔會食到好多炸粉，味道好夠

I went to this place with my friend because I heard a lot of good comments about it. We arrived at around 6 and luckily got a indoor seats otherwise we will be burning under this summer heat. The deep fried squid was crunchy and crispy. It was soft and easy to chew. The famous black pepper beef with potato was so good. The potato was crunchy on the outside and soft in the inside. The beef was cut in small dice so it was easy for us to eat it, it was also very soft and tasty. The other famous dis

今日同兩個朋友嚟咗大名鼎鼎嘅愛民生，大排檔嘅格局，馬路邊嘅小炒王，未行到去，老遠已經聞到一浸好香嘅爆蒜味！果然名不虛傳！😁😁一坐低叫咗三個餸，金銀蛋莧菜，炒聖子，椒鹽九肚魚。莧菜來講就普普通通啦，茶樓大排檔水準都係差唔多。不過炒聖子就真係不得了，炒得非常入味，雖然一隻聖子都幾細隻，但係佢都落足料有好多好多隻聖子好似食極都食唔晒。而個椒鹽九肚魚我冇誇張，係我一世人食過最好食嘅椒鹽九肚魚！！！佢唔同平時嗰啲外脆內林，佢係成條都炸到脆卜卜！非常入味非常好食！！正呀！！！😋😋😋

周末一班好友吃大排檔，愛文生是該區人氣之選。沒想到夏日炎炎竟有不少人仍坐在街上進食。要求了入內有冷氣的位置。等了約30分鐘終入座。到大排檔當然要點些穫氣小炒及炸物，熱一熱氣! 再加可樂啤酒爽一爽!椒鹽九肚魚: 一向不愛九肚魚，但這裡的調味好又炸得夠脆，骨也全吃掉!豉油皇炒面: 去大排檔必點，穫氣夠，面夠乾身，配上辣醬，不錯。金牌乳鴿: $68一隻的確不便宜，但炸得剛好，皮薄肉嫰，且算大隻，確比酒樓$30一隻要好。西檸軟雞: 炸雞皮夠薄脆，欣賞汁不會過浠，剛好掛在雞上，酸甜度亦正合我口味。金銀蛋浸白菜仔: 點了一道清淡一點的浸白菜仔，解一解油，味道也是好的。小炒王: 另一必點的大排檔菜式! 腰果蝦乾菜圃大方給超多!土魷超大塊但有點硬，下酒一流!豉椒炒蜆: 本想點蟶子但賣光了，退而求其二叫蜆。調味不錯，蜆多，但老了一點，間中一隻有沙，有點失色。魚香茄子煲: 點個煲仔菜，選了魚香茄子煲這最油最肥之選! 茄子香滑，咸咸香香，吃著很想吃飯!整體味道不錯，份量夠大，吃得豪邁也飲得高興!

今日約咗一班舊同學食飯，大家唔想食得太貴，就揀咗食大排檔。行緊去餐廳嘅途中，已經聞到好大陣鑊氣味，真係好期待呀。我哋算係早去到，所以等咗一陣就有位。我哋點咗豉椒炒蜆，魚香茄子煲，西寧雞，椒鹽魷魚同啲時菜。每一碟都真係好香，炸嘢炸得勁好，時間控制得非常好，外脆內軟，送啤酒真係一流。豉椒炒蜆啲蜆亦都好新鮮，隻隻都有開！老闆極力介紹我哋食佢哋嘅楊枝甘露，但係同啲同學食完飯會去飲嘢，所以冇試到。下次嚟一定會試試佢！