愛文生

營業中

休息中

大排檔買少見少，依家十間有八間餐廳都話自己係大排檔，其實舊一代嘅大排檔就好似呢間愛文生咁，個廚房係條街出邊，而大多數客人都開張枱就係條街到食飯，相當有風味。豉椒炒蟶子皇 $160蟶子皇價錢係時價嚟，每次去食價錢都唔一樣，講返蟶子皇個味，隻隻鮮甜冇沙，但略嫌豉椒味道唔夠。牛肉炒腐乳通菜 $98味道中規中矩，腐乳味道唔夠出，再香濃少少可能比較好。黑椒薯仔牛柳粒 $118一心期待嘅薯仔牛柳粒。牛柳粒正常發揮，但薯仔粒明顯炸得唔夠，薯仔表面唔夠香脆，令到食落口感麻麻。椒鹽牛仔骨 $98但相反椒鹽牛仔骨出色勁多，調味恰到好處，牛仔骨亦都鬆化可口，一碟四人分係完全唔夠食。如果唔係佢係最後一個叫嘅餸，實忍唔住嚟多碟🤣🤣🤣大廚相當好客，見我埋去影相時仲特登堆起手勢🤣🤣

網上睇到呢間食評唔錯咪諗住同屋企人去試下，自己早到咪拎左位先，一坐低就問 人呢？放低啲野仲要大大力咁，睇餐牌嗰陣係咁企係後面行黎行去望住好似好趕時間咁，到叫野食啦 叫乜就冇乜，最基本蠔餅炒蟶子薑蔥蠔豆腐乜都冇，個豆腐落左單架，半個鐘後先行埋黎話賣哂，最後叫左個黄金蝦、鼓椒炒蜆、避風塘茄子同埋魚肚勝瓜。個黄金蝦勁差 啲咸蛋黃一舊舊散哂完全唔痴住啲蝦，啲殼又硬根本連唔到殼食個魚肚勝瓜啲魚肚又硬又冇味，個避風塘茄子同鼓椒炒蜆就正常完全冇啲好評講到咁好食咁有鑊氣。

同朋友或者屋企人黎食過幾次，第一次係同屋企人帶埋狗狗😆勁多人，坐係馬路邊其實幾危險😅但食物都還可以，可以試下個燒 乳鴿幾幾食🤤第二次就同朋友，當時等左差不多半個鍾。人手唔夠，如果佢可以請番多啲人就 好😅建議早啲去拎位。但啲姐姐幾好人😊

成日聽到愛文生呢個名，一直都知佢喺深水埗，但係就一直無機會試，今日終於機會黎喇飛雲，可惜……兩個人叫咗5樣野，真係大食，叫了豉椒鵝腸、椒鹽鮮魷、生炒排骨、豉油王炒麵同炒唐生菜。又唔係話好難食，不過講真，真係有D失望，價錢都算高(平均$100一碟野啦)，不過份量都足大大碟嘅，不過個味道同出面是但一間茶餐廳差唔多，只係佢個大排檔氣氛夠正。咁多樣野之中，最好食係碟炒菜，有鑊氣。第二好食係個豉椒鵝腸，鵝腸有肥膏，夠香又夠爽。排第三就係豉油王炒麵，不過個人覺得佢已經唔合格，一來唔夠鑊氣，二來唔夠乾身。排最尾係椒鹽鮮魷同個生炒骨。椒鹽鮮魷粉厚魷魚細舊，所以出到黎有柴皮的感覺。至於個生炒排骨亦有類似情況，都係粉好舊，裡面舊肉都係估計太細，所以好硬。其實我叫的都係D大路野，一食就知係龍定係蟲，都係嗰句，唔係唔好食嘅，只係失望而已。

約咗舊同事食飯，同事話深水埗愛文生唔錯所以就去試一試。 愛文生是一間老店，可以開到咁耐一定有佢的厲害之處。今日是平日加七時前去到，所以唔使等位就可以入座，見佢個露天廚房大大火炒菜，鑊氣十足，香味十足。黑椒薯仔牛柳粒喺呢度的招牌菜，米芝蓮推介，薯仔應該有走過油，外脆內粉 ，似食緊薯角，薯仔掛有黑椒牛柳味的汁好惹味。 至於牛柳都好好食，食咯有肉味， 夠淋又唔會韌又唔會乸到鬆曬。砵酒焗鱔，打開石紙傳來陣陣酒味及洋蔥味，鱔球肉質有彈性又唔會過淋。椒鹽雙拼，椒鹽白飯魚及椒鹽豆腐，兩樣食物都炸得外脆內軟，食落非常香口，入口口感非常鬆化。勝瓜魚肚，是日最清淡的菜式，勝瓜爽口，魚肚大大件夾，抵食。

最近終於有機會試下朋友口中好好味既愛文生，2條友某一晚就去左食，好多人排隊，但門口可以拎飛再上網 check嗌到幾號都幾方便，不過有時會一次飛幾張飛跑都跑唔切返去😂 今次試左薯仔牛柳粒，豉椒炒蜆(無曬埾子)同埋我最愛既椒鹽九肚魚！份量真係好多，2個人食3個餸係食唔曬既！味道就正常啦，無我個朋友話好好食咁誇張。埋單3百幾，正常價錢。

This is the place to get that daipaidong feel and quality. Stuff are very good. Some dishes could be better but good nonetheless.I had the stir fry vegetables, potato and beef and the sala pork (the sweet and sour pork chop with the Mayo)Definitely a place you will enjoy with friends and family

這次去和舊同事相聚三個人嗌左四個餸，每人$190埋單，今次係冇咩飲酒只係飲咗三至四支藍妹,其實之前都去過幾次每次食嘅嘢都係唔同，因為之前幾次有朋友唔食牛肉，就冇叫牛柳粒，今次就試咗牛柳粒，係堅好食，魚腸喺香港少有嘅地方有得食，整得唔差也沒有腥味，其他菜水準出色，同埋佢嘅菜式比較大碟、比起其他餐廳菜館佢係算大碟㗎，值得推薦可以再去，但係要早啲去因為平日七點後已經要等位.下次再去可以試吓佢個豉椒炒聖子

本來大排檔應該要一大班朋友先開心😆因為可以叫多啲野食😆😆但限聚令嘅關係所以今次我只係2個人去，呢間鋪距離地鐵站都算遠，不過都易搵👏🏻👏🏻👏🏻大排檔出名就係碟碟都好大碟，果然真係好大碟👏🏻👏🏻黑椒牛柳薯仔粒-薯仔炸到個皮脆脆地入面又好林👏🏻牛柳粒外面都整到硬硬地，一食落口入面既肉好林，同埋一食就知唔係平價牛粒，有少少牛味，但美中不足既係無蜜糖味，當然佢餐牌冇寫有蜜糖，但我平時係第二道食好似係會有蜜糖味🤣有好似好食啲🤣🤣🤣金銀蛋浸豆苗-呢碟睇落好普通但食落就唔普通，好好食😍👏🏻👏🏻重點佢個湯個味整到好好連同肉碎豆苗蛋白一齊食，超好食👏🏻👏🏻皮蛋就麻麻地好食，但值得推介我地叫左兩個飯再加兩罐汽水，埋單26x，算唔算平就唔知啦🤣因為我極少食大排檔，但味道唔錯，會再去食😆

朋友話好想食大排檔，我問左其他超鍾意食大排檔嘅朋友仔，佢推薦呢間。.🌼鐵板黑椒鹹豬手 $148超大份豬手，切開肉質肥美，豬皮軟熟，沾黑椒汁一起食好正。熱辣辣新鮮上鍋。四個人識啱啱好，兩個人嘅話可能食到最後有d膩。.🌼 爆炒大聖子 $120本身想叫炒小聖子，但已經沽清。推薦呢個大聖子，三十蚊一條。爆炒好好味😋，含有辣椒。.🌼豬潤啫啫田雞煲 $108豬潤厚身，田雞份量都幾多下。食到最後仲搵到d田雞肉係鍋底。.🌼清炒油麥菜 $68朋友說很好吃。

特登過嚟食薯仔牛柳粒，滿心歡喜可惜好鹹炒蟶子幾肥美，味道好食，入味，仲帶點小辣家鄉小炒王，足料好豐富但係所有配料都有啲鹹，不過餸飯都唔錯椒鹽九肚魚，新鮮熱辣辣，不錯

好耐冇去過呢啲咁地踎嘅飯店度食嘢, 今日有七個人一齊嚟食飯, 居然係呢呢啲好似大排檔咁嘅 飯店度食。講真食物味道真係唔錯嘅, 但係呢啲咁地踎嘅地方就真係會比較污糟同埋嘈雜以食嘢嘅位置都會比較迫。 當然啦一大班麻甩佬咁就梗係冇所謂啦, 如果係一班女就可能會嫌污糟咗少少。炒蟶子不過就細細隻, 但味道係唔錯嘅黑椒薯仔牛柳粒 啲薯仔太大粒可以切細粒啲豆豉鯪魚油麥菜 大大碟呢個係鹹蛋炒苦瓜我就真係冇食過啦因為我唔食苦瓜嘅椒鹽九肚魚 好味嘅椒鹽魷魚比較乾身一般般沙拉豬扒最唔吸引嘅地方就係就咁將啲沙律汁吱係面豉椒蒸鱔呢個又整得唔錯啲鮮好脆七個人冇嗌白飯啲餸全部食曬未到都好食總括嚟講不過地方就真係一般般

好耐冇去過深水埗，同女朋友兩口子食飯突然想食下中菜，就上網搜尋一下，見到呢間老字號鑊氣小炒，又有唔少讚好，就即管試吓。平日去諗住冇咁多人，點知都要輪候一會，店員都好好禮貌盡量都想快一點安排有冷氣地方比我們坐，大約等了15分鐘，最後都要搭枱，還好是一張中枱與隔離家庭吃飯都有一點距離👍🏻因為兩個人食飯所以未能叫太多，眼見其實有好多特色小炒都很想叫黎食，但最後女朋友好想食椒鹽鮮魷，咁我就唯有補個椒絲腐乳通菜炒牛肉同福建炒飯就算，椒鹽鮮魷非常乾身，不會很油膩亦都很香口，值得一讚，通菜份量亦很多，最後炒飯完全係酒家級數，埋單280蚊，價錢可以接受，下次會返嚟試吓個豬手，因為見到好多枱都叫😍

今日約左舊同事一齊食飯以前係深水埗一帶都只係食開萬發今次想試新既鋪頭朋友話愛民生都吾錯就一於試下喇😛—————————————————什菇炒西蘭花🥦 (👍🏻👍🏻👍🏻👍🏻👍🏻)利碟超岩我口味❤️西蘭花爽口 什菇入味 送飯一流—————————————————啫啫通菜煲（👍🏻👍🏻👍🏻）朋友話好好味我就覺得未到話好好食😂因為有咸魚味既碎肉 可能係腐魚？我就麻麻😬—————————————————黑椒牛柳粒👍🏻👍🏻專登叫黎試下見佢話係米之蓮推介但超失望😞薯仔係勁咸牛柳勁多根😨？好難咬.....食完要飲可樂真係😑—————————————————豉椒炒蜆👍🏻👍🏻👍🏻👍🏻食大排檔我必點之一整體味道吾錯既但可以更有鑊氣—————————————————椒鹽炸豆腐👍🏻👍🏻👍🏻👍🏻👍🏻利個我朋友點既好味喎真係炸得岩岩好咸味適中推介❤️—————————————————我地五個人叫左五個餸 一個飯 三枝野飲賣單 每人$102吾貴又傾得開心我地六點左右到 吹水吹到九點禁制😂愈夜愈多人食🤪

這是一間歷史很悠久的大排檔! 能捱過半過世紀, 一定有佢的原因! 說實在香港人把口很勵害, 只要唔好食, 就會很快執!叫了三款小茶滑蛋炒牛肉~~~ 雖然這是很簡單的小菜, 一般人都可以煮到, 但真係唔係每個人都做到佢的質素! 蛋 和 牛肉都炒得很滑, 牛肉亦彈牙, 口感頗佳!椒鹽鮮魷~~~鮮魷的外皮炸得很香脆, 但內部的鮮魷不會炸得過火而變得死死實實, 這反映出廚師的功力!而且鮮魷肥厚, 不會將價就貨!什菜煲~~~雖說是簡單的菜式，可以是湯底夠濃, 所以食物很入口味! 最後我連湯都飲清光!!!只能說, 味道依舊好食! 抵佢多年越做越大。