影片
更多
2020-05-19
2035 瀏覽
好不容易齊腳來到了聞名已久的愛文生聚一下，7:45到達，估唔到全街全店都係人，人氣真唔可以睇少！但放眼望去人車爭路，啲飯枱直頭係路邊，其實好危險，同埋會吸塵，呢度環境比我想像中差，而且周圍油煙周圍飄。等位等左足足9個字先入到，滿心歡喜點菜，但想點的葱油雞，即霸王雞阿姐話無喎，只好退而求其次點了沙薑雞！雖然雞係正常的，也算滑嫩，但個沙薑醬真係令人失望，完全無薑味，無應有的沙薑香味，屋企阿媽整個沙薑醬都好過佢！啫啫菜煲不錯，有咸蝦醬香，味道都幾有煲氣！薯仔牛柳份量都多，牛仔粒都嫩同唔乾，不過薯仔有啲有半生熟情況，可能因為食過更好的，所以这個只能話正常水準！豉椒炒蜆份量足，味道都不錯，蜆食落無沙，而且微辣，所以都幾惹味！我為左九肚魚而黎，所以點了椒鹽雙拼，鮮魷都算新鮮彈牙，不錯的！但這條九肚魚，由外乾到內，完全無嗰種濕潤感，以為一條係咁，但原來條條都係咁，都算係咁耐以黎食過最差！所以食左一條，另一條撕開都見到乾柴就直接全碟九肚魚都放棄左！好失望！總括而言，一般的大排檔，不過價錢不算貴，也算實惠，但環境衛生較差，大熱天時真的要諗清楚先去，因為坐室外一來熱，二來車來車往，有點吸塵。好食的話，前兩
但放眼望去人車爭路，啲飯枱直頭係路邊，其實好危險，同埋會吸塵，呢度環境比我想像中差，而且周圍油煙周圍飄。
等位等左足足9個字先入到，滿心歡喜點菜，但想點的葱油雞，即霸王雞阿姐話無喎，只好退而求其次點了沙薑雞！
107 瀏覽
0 讚好
0 留言
58 瀏覽
0 讚好
0 留言
啫啫菜煲不錯，有咸蝦醬香，味道都幾有煲氣！薯仔牛柳份量都多，牛仔粒都嫩同唔乾，不過薯仔有啲有半生熟情況，可能因為食過更好的，所以这個只能話正常水準！
83 瀏覽
0 讚好
0 留言
61 瀏覽
0 讚好
0 留言
77 瀏覽
0 讚好
0 留言
40 瀏覽
0 讚好
0 留言
71 瀏覽
0 讚好
0 留言
46 瀏覽
0 讚好
0 留言
總括而言，一般的大排檔，不過價錢不算貴，也算實惠，但環境衛生較差，大熱天時真的要諗清楚先去，因為坐室外一來熱，二來車來車往，有點吸塵。好食的話，前兩點都可接受！但有食開的朋友話依家確實差咗好多，所以奉勸有期望的人，別太大期望了，至少我地幾個是失望而回！
張貼
