愛文生

營業中

休息中

細細個食到大既大排檔，由人手派飛食到而家門口已經有部機比你禁飛系統化後食物水準依然，這間大排檔我相信係香港數一數二，不用多推薦也已經滿載口碑適逢下雨天加上是星期一平日晚上7時，雖然去到都座無虛席，但總算係可以即時入座不用等兩個女孩子不能點太多菜，粗粗地四個食住先啦這晚的豉椒炒蟶子不誇張，由頭食到尾都仲未食完，我o地不停問食完未阿？平時多數係每人食幾條就會見底，可能這晚用的是細蟶子吧，可惜略嫌唔太夠味，辣味係夠既，但〝豉〞味還欠一點點吧半隻鹽水雞原來是配沙薑汁，我覺得有點太〝鞋〞了吧，連雞脾食落都唔覺得滑乳鴿係一路行入黎既時候見到有其他人點，突然好想食所以叫o左，還不錯，絕對要襯熱食先食到佢皮脆肉嫩我發現差唔多檯檯都有叫雜菜煲，但佢又唔係舖頭推介菜色，便會一會佢預o左佢係會淡既，見佢附送埋豉油就知唔點應該無咩味，但反而又比想像中ok入面係以油麥菜，白菜仔同菜心為主再加少少鮮魷魚，冬菇粒同埋面頭少少粉C，我o地都希望如果可以多少少粉C就好啦..D菜都好新鮮但食完之後覺得雜菜煲既味精都幾重下...因為勁口渴這些年，愛文生水準還是不變，而且最鍾意大排檔檯與檯之間親密既氣氛，雖然大家都唔識大家，

聞名已久嘅愛文生，終於約齊班兄弟去食，大排檔本來就係粗曠嘅地方，男人嘅浪漫，晚上八點半左右一行4人就黎到愛文生，可能比較夜嘅關係，唔使等位就坐低左。黎得大排檔都預左唔會太企理，但我地坐喺廚房旁邊，油煙比較勁同埋地下都係濕晒嘅。不過環境唔緊要，我地嘅注意力已經比旁邊啲食物吸引住，食物嘅香味瞬間令地個肚打晒鼓。我地一共叫左5個餸，可能人多嘅關係都等左接近半個鐘先上菜。 首先係「紅炆斑腩煲」，份量十足，有斑腩，炸豆腐同冬菇, 加上生菜鋪底，味道幾好。第二道菜係「黑椒鹹豬手」，大大隻豬手煮到好淋，啲肉唔使用力一切就骨肉分離，而且非常入味，超多骨膠原，但可以多番啲黑椒味，上菜時亦都唔夠熱 。之後係人氣嘅招牌菜，「黑椒薯仔牛柳粒」，果然冇令我地失望，好味！ 薯仔絕對係呢碟餸嘅主角，非常香口，表面脆卜卜，入面鬆化。牛柳粒唔韌，唔錯，但有朋友覺得味道偏鹹。朋友話想食有鑊氣嘅菜式，所以叫左呢碟「桂林炒生腸」，我本來都怕食生腸，但呢碟處理到冇臭味，而且爽口彈牙，都可以接受。 最後係椒絲腐乳通菜，夠火喉，爽口，大排檔水準,不過不失。

這間人氣大牌檔平日晚上都完全爆滿不止店內的抬全爆 外面整條街都俾佢霸哂亦全部滿座 果然名不虛傳值得一提是這裡不接受訂座所以建議早點去免得要等位咕嚕肉 | $98醬汁好食是基本而炸粉豬肉的黃金比例就是成功之處炸粉薄而脆 多肉而且肉質爽厚黑椒鹹豬手 | $148怪不得是這裡招牌菜 超巨型鹹豬手豬手煮得超淋 豬手皮的膠狀質感好似食緊花膠一樣略嫌黑椒味不夠濃 但肉質好嫩好淋不會鞋口或過鹹 非常出色豉椒炒蟶子 | $148豉椒炒蜆 | $98豉椒超惹味 再有適度的辣絕對會食唔停口兩款海鮮都好食 蟶子略勝一籌椒鹽九肚魚 | $98大牌檔必叫的餸 外面脆爆魚依然勁嫩滑 再點喼汁真係好好食🤤黑椒薯仔牛柳粒 | $98牛柳其實都只是配角 薯仔才是主角❗️外面炸到好香脆 裡面薯仔依然軟糯而且好夠味 感到有點美極鮮露的味道💯金銀蛋浸時菜 | $88連菜都要特別稱讚😂菠菜煮得很爽口不會過淋 依然保持口感皮蛋亦好爽滑 好出色豬潤啫啫雞煲 | $98好惹味的煲仔❗️蔥蒜味道香令雞好入味豬潤真係好正！超爽椒鹽炸豆腐 | $78炸豆腐真係無得輸 外面香脆裡面是滑豆腐可能我較重口味 認為椒鹽味可以多一點但夠哂多炸蒜抵讚😋最

一黎到呢到，成條街幾乎都係愛文生既客人，星期三晚七點幾，都要等左半個鐘左右先有位。不過要搭枱，但都冇辦法既，好野自然多人食。我地叫左:小炒皇 有腰果、魷魚、榨菜、韭菜 撈埋一碟一齊炒，雖然油左小小，但好有鑊氣，好香好鮮甜。魷魚唔會過淋，亦唔會難咬，嫩嫩的，好爽。黑椒薯仔牛肉粒牛肉粒同薯仔都好大粒又好多。牛肉粒都係好淋，啖啖肉，配上黑椒辣辣地，好惹味，好好送飯。薯仔粒外脆內軟女好食！對於澱粉人黎講係停唔到，好似食薯片咁。豉椒炒蟶子雖然唔係好大隻，但好彈好嫩，好新鮮！另外啲洋蔥都又脆又甜，豉椒汁辣辣地 又係撈飯一流。滑蛋蝦仁蝦仁超大粒，啲蛋又好多！雞蛋香滑，蝦仁夠爽口。雞蛋同蝦仁都唔會過老。椒鹽九肚魚個個頭一般，但勝在炸得乾身酥脆，好香口，而且唔會好厚粉。野食雖然油左小小，不過真係好惹味，同埋碟碟都好大碟，好開心

小炒要好食其實心目中都有幾間係頭幾位，不過愛文生真係我ＮＵＭＢＥＲ　１。話說妹妹介紹呢家去食媽媽生日飯我都奇怪，生日飯黎呢到食又好似唔係好舒服，同埋又好擔心衛生問題個Ｄ，同埋又無得ＢＯＯＫ位，不過算啦家人難得食餐飯，唔比太多意見。黎到要位已經有店員好熱心咁幫忙，呢個值得一讚，好快已經有位。叫咗幾個小炒都係最出名，果然無介紹錯！份量大大碟之餘仲好有獲氣，好有大排檔風味，樣樣都好好食，最衰我地人唔係多唔可以試哂添～下次真係要叫多Ｄ人去，試埋其他嘢

呢間深水埗大排擋真係好出名，份量又大又夠鑊氣，落住雨都咁多人排隊記得早幾年黎食都仲係手寫飛等位而家變左電子牌叫號添🤣 由於太多人企曬係前面同埋好細聲，我地過左飛都唔知，不過職員都好好人都好快幫我地安排入座👍🏻 ⭐️豉椒炒聖子$148 聖子好大粒，鮮甜，無沙 ，唔會殼多過肉，真係比足料你！下次會再叫！🤤⭐️油鹽水浸豆苗$78 叫左咁多炒炸野，有碟清清地嘅菜好似好健康咁，哈哈 ⭐️椒鹽九肚魚$98 炸到好香口，配飯一流 ⭐️黑椒鹹豬手$148 之前見到隔離枱食好似好吸引咁，今次終於都叫黎試下！ 不愧係王牌，豬手好林一切就散同埋好多肉！雖然係鐵板上但肉質好juicy 一啲都唔乾！⭐️黑椒薯仔牛柳粒$98 薯仔有落油鍋爆香，好有鑊氣，食落好似食緊焗薯咁👍🏻

朋友聚會試新野！成日聽愛文生依間大排擋，終於的起心肝去試下。無得訂枱，所以一早去拎飛排隊。依個豉椒炒鵝腸口感好好，唔辣既，岩我依啲唔太食到辣既朋友。一開始睇我地仲以為係炒聖子依間店勁出名既薯仔炒牛肉！出名既唔係牛肉，反而係薯仔！好香，外脆內軟，網友係無介紹錯既。依個麻辣雜錦都幾辣，我唔太食到辣，食左一舊就頂唔順，不過好香，食辣既朋友唔可以錯過！最後清清地叫個豆苗，幾新鮮唔老。整體黎講啲野都大碟抵食！加埋飲啤酒賣單都係每人二百左右。係朋友聚餐既好地方

今晚同朋友一行7人到愛文生食飯因為係星期五晚 大約等左45分鐘先有位我地總共叫左6碟餸 份量都算大但只有黑椒豬手keep 到水準其他都比以前失色黑椒豬手夠淋又入味肥瘦適中正！！！沙拉豬扒 甜甜酸酸 不過不失黃金魷魚 唔重蛋黃味 比較似炸魷魚金銀蛋豆苗 芋頭雞煲 調味落得太重手 所以比較咸 要送飯食先得黑椒薯仔牛柳粒呢個係最失望既餸記得以前食既黑椒薯仔牛柳粒係好重黑椒味薯仔外皮好脆 牛柳好淋但今次既黑椒薯仔牛柳粒好似唔記得左落黑椒咁得咸味 同以前食差好遠

與幾位好友慶生晚飯，選擇了交通不太方便的愛文生，因為食品美味，行多幾步都無所謂。可惜當晚所叫的食品，大部份都在水準之下，大失所望。豉油皇鵝腸，鵝腸無味，滿佈肥膏，豉油在鵝腸上凝結成一嚿嚿，味道極差。鐵板黑椒豬手，唔夠熱，皮厚。咸蛋黃肉鬆苦瓜，味道都不佳，我們只吃了三份一。問過是否更換了廚師，他們又話沒有，真的失望，這次好可能係最後一次了！

🇭🇰#香港捐窿捐罅記 Instagram: foodkiller_dk大腿咁粗既豬手🐷 配上黑椒汁果然係絕配🤤🤤🤤🤤 好多人都中意去大排擋食 因為有鑊氣 同自由自在 可以做番自己😂 但大家又知唔知大排擋點解叫大排擋 係50,60年代 政府見到香港經濟唔好 所以發d牌出去 等大家可以搞下食店 刺激下經濟🙂 而政府發果個牌 比一般食店既牌大 所以就叫大排擋啦🙂 現今香港大排擋主要係中環同深水埗🙂 之後幾年前 政府又玩一牌兩制 只係比中環既大排擋傳比下一代🌝 深水埗或其他地方既大排擋就唔比🌚 所以少一間 就冇一間架啦 大家想珍惜機會去食😋同去感受一下 香港舊時代既風味☺️-🐷黑椒鹹豬手🐷 佢地主打菜 好大隻 厚肉地😂 但奇就奇在 好淋身🤤 加上充滿骨膠原既皮🐽 好味😋 再加上個算幾濃既黑椒汁 好滿足 大家去得食 記得要叫尼試下🙂🐟椒鹽九肚魚🐟 尼家應該係我食過 最好既九肚魚 因爲其實本身九肚身係冇味既 😃 所以主要係靠個椒鹽味 同口感🙂 佢椒鹽味夠 仲要炸得夠脆同硬身🤤🤤🤤 配啤酒一流🍺🍻🐋豉汁蒸鱔🐋 我本身好中意食鱔既😋所以見到英國人用尼整jelly eel真係浪費晒😂 食鱔其實最緊要條鱔新

在陳根記和愛文生之家權衡後還是選擇了愛文生。陳根記輸在地理位置上。但是愛家也難找，至少走過了三條狹窄的街道，問了幾個香港本地居民，然後有一條黑黑的街拐個彎後，哇豁然開朗，燈火通明，人氣爆棚，整條街都是他們家！有遊客，當地人，老外，豈能一個豪字概括！排隊排隊！金沙大蝦就是鹹蛋黃，豆豉炒蟶子，蟶子小了點size ok，我想說量有點大，那個茄子根本吃不完。白種元所說的鍋氣大概就是大火炒出來的菜吧菜都在水平線上，只是略咸。

一直想食好耐今日終於有機會試下😌乳鴿脆嫩多汁 夠曬香口 ✅椒鹽九肚魚 強力推薦 唔會太厚麵粉 外脆內嫩 ✅黑椒薯仔牛柳粒食到屬於大牌檔嘅真正獲氣✅原本仲想試下個招牌炒蟶子，可惜已經賣曬😞

提早做冬，屋企人話要食大排檔，所以揀左深水埗呢間好似鑊氣都唔錯既大排檔。坐街邊食既大排檔，香港都已經所剩無幾。點左幾個小菜招牌菜鐵板黑椒豬手，夠入味，肉夠淋！正！叫左鹽水雞，但上到檯似係沙薑雞？不過都無深究，雪藏雞，如果唔係做冬都可以唔食。蒸鱔，唔錯，份量多！夠新鮮！炒斑球，其實原本係叫左西蘭花炒鮮魷同埋芥蘭炒斑球，但就兩道菜變左一碟...薯仔牛柳粒，似乎萬發既質素係好呢度十萬倍，哈哈椒鹽九肚魚，一般

第一次見大排檔有囉籌服務，好呀！上次排餐死，有吉枱又唔放俾客，有進步，讚！點咗三個菜，蒜蓉豆苗，鐵板黑椒豬手，豉椒炒聖子.蒜蓉豆苗：份量足夠，蒜蓉味亦都夠重，豆苗係老苗，唔夠鮮嫩，油過多,落少四份三油就更理想.鐵板黑椒豬手：份量更大，自問胃口細要留意，豬皮同肥膏極入味惹味，黑椒味啱啱好唔會太重，豬肉部份就重味咗.豉椒炒聖子：炒得過咗火，失去嫩口感，味道辣咗少少，當然，我唔食得辣，我所講辣咗少少相信大部份人感覺係少少少辣吧了.

大愛香港街頭路邊美食！今次見到好多人排隊又見到街邊廚師炒菜時好似好有鑊氣，有啲期待。去大排檔最叻叫豉椒炒蜆，平時好多檔都係先煮熟左啲蜆再落豉椒炒，諗住今次有驚喜，但係呢度都係冇分別，所以豉椒味同蜆係分開㗎，唔入味。豉油王鵝腸反而唔錯，好彩叫錯咗冇叫豉椒炒，如果唔係就同蜆係一樣味。見到每一台食客都有點椒鹽九肚魚，係唔錯，炸得鬆化。另外見到每一台都有叫炸豬手，都好想試，但係由於今次得兩個人，費事眼闊肚窄冇叫；呢度其實係幾啱一大班人去食，得兩個人真係唔試得太多味菜，仲有好多味主打都冇試，下次再去同多啲人再試多啲。豉油王鵝腸豉椒炒蜆椒鹽九肚魚係唔錯嘅