意歐

營業中

休息中

估唔到女人街都有咁好食嘅意大利菜。 普普通通一個蕃茄湯都可以整到咁好食，點左個菠菜帆立貝墨魚面，個墨魚面唔會食到成咀黒晒，菠菜同墨魚面超级融合，個汁超滑，好味，再嚟一個軟殼蟹墨魚面，呢個有少許辣，很惹味，不過我比較喜歡菠嗰個，Pizza來了，係意大利薄批，好得意跟個蕃茄醬火爐，原來係點個Pizza食，點左好味好多，剩番嗰幾件凍左點個醬就熱番，呢個真係要加分，飲品Berries BIossoms 好正，又唔太酸，味道好新鮮，好鐘意呢杯飲品下次再黎要食埋焗薯先得

與友人打開餐牌，均覺得菜式挺特別，食材配搭較其他一般的西餐廳另類和特別，可見有心思。這次點了一個黑松露碎蛋沙律焗薯和Prama Ham Pizza，分量公道。首先，黑松露碎蛋沙律焗薯的味道和口感出奇地好吃，味道至今令我難忘，是值得嘗試的菜式。加上薯仔焗得不焦，很香，不像坊間某些薯仔沒有味道，甚至失去原有薯仔應有的香味。黑松露令整個味道提升了一個層次。價錢大概50元。另外，Prama Ham Pizza的味道配搭也很融和。它的番茄醬原有味道是甜、酸和咸，不太特別。但是驚喜在把它塗上薄薄芝士的上層後，味道除了配合之外，突出了它的甜味，恰恰與prama ham一起吃的味道相反。一個pizza能有兩種食法和兩種味道。個人認為這個薄餅顯出了廚師的心思和煮食智慧。 價錢89元。

同同事落旺角做野, 諗住行下女人街做D平野!開頭先到哩間餐廳食西餐又焗薯專門店心諗都唔會平啦!點知$30-$40一個餐, 又有湯同多士仲有杯餐飲!抵呀!我地叫左三個餐, 個紅咖哩同牛肋條D味好夾, 原本諗住想食得健康D揀紅米飯!仲有個牛肋條一D都唔韌, 好好味!!蘑菇牛柳扁意粉個汁好特別唔會有菇類果種菌味, 牛柳既水準同牛肋一樣咁好!吉列豬扒肥牛大碗飯, 同個名一樣真係大大碗.我個肥仔同事都話夠晒飽, 個吉列豬扒炸到啱啱好加埋個日式燒汁同埋仲有肥牛, 好好食!好難估到有咁多樣!跟餐凍飲都係加$2, 個餐真係好抵食!

超級shopping 完大收鑊好累，想揾個地方唔想食太多野同飲下野就揾到意歐，馬上入去坐低放下戰利品，因出面太熱先叫飲品，好多類別選擇，我擇左個薄荷青檸飲品，另外揀左個抹茶忌廉，青檸薄荷好好飲，好清涼解渴，枺茶忌廉好濃，跟住再揀左一些小食因太熱不想食飯或意粉類，有一個好cute嘅酥盒，睇落去好細個，一啖食左，但原來都好好口感，食左都有點飽，兩人share個小食拼盤同焗薯，個焗薯好好味，仲有落左d焗薯鹽更好味，小食拼盤好大碟，雞翼有蜜糖點綴，感覺好似bbq咁，走嘅時候仲打包左個雞翼(記住叫人加蜜糖，會好食好多)，下次再嚟過

今日去完探病再去幫人補習，搞到成11點，超肚餓，但又唔想食茶餐廳或麥記，唉…諗住冇咩食，行去搭車時經過見到意歐還著燈就問下關門未，哈～竟然未關，就馬上叫野食，不過冇晒蕃茄湯，叫左我食開個忌廉汁菠菜帶子墨魚麵，次次食都保持水準，太肚餓叫多個焗薯，今次要左個巴馬火腿焗薯，份量好夠好滿足，再叫埋個texas飲品，酸酸地又解渴，最喜歡係呢度夜晚原來冇咁多人，可以坐得超舒服，又輕鬆，慢慢煲劇都冇人騷擾

我都係第一次寫劣食。好食我唔一定會比到大家睇，劣食就一定有圖。首先，今次見左４樣野食，馬上去圖。應該唔駛解釋大家都知係咩黎，不過都照講下。牛扒同埋焗著炸軟殼蟹配墨魚意小食拼盤芝士焗西蘭花＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝首先，牛扒大家不妨睇下張圖，會見到牛扒面上有塊奇奇怪怪既膜，有煮開野食都會知係咩黎，無錯，呢塊牛扒係炸出黎既，細佬第一眼睇到就己經唔明點解玩炸牛扒呢？問一問待應，完來係為左鎖住肉汁，聽到就緊係我當堂嚇一跳，然後就得啖笑。好，玩新煮法唔係問題，問題係令到塊牛扒淡又無味，仲要將炸爐既油份吸哂，到底點解要咁做，除左問個廚師之外，我諗都無咩人會知。再黎就係軟殼蟹，凍哂，完全唔脆，其實平時食軟殼蟹壽司，人地放完落雪櫃，過左幾個鍾先食，個口感都唔錯，點解一個煮出黎即食既，可以仲差過佢呢？同樣都係廚師煮法問題。小食拼盤大致上係無問題，除左炸到干哂之外。最後就黎皇牌啦！！！芝士焗西蘭花！！！如上圖所示，大家都見到，真係純粹將個名表現到極致，西蘭花＋白汁再係上邊放一塊芝士，首先白汁淡而無味，芝士同西蘭花係掂都唔到，完全零配合。最後有少少感想，一度食既時候，我有諗

經朋友fb介紹就試下，睇完戲行過嚟都好方便，淨係認得個frd放上去幅相有紅色梳化，間舖都幾靚，我地叫左no.1嘅芝士牛柳焗薯同no.2嘅羊鞍焗薯，焗薯本身係酸cream轉左蟹肉同蘑菇，蟹肉超多同好fresh個味道，蘑菇就一般，芝士牛柳果然係no.1，又林又滑，個羊鞍都唔錯，唔so又有口感，份量又十足，值得一提係個湯（黑松露什菌湯超好味）只係加$10幾蚊就有，另外叫左個蕃茄湯好多蕃茄肉，食完都好飽，等左一陣先叫餐飲，叫左杯新出芒果雪花冰，好滑好香芒果味，仲有一杯係hawaii sunshine都ok,真係好滿足同食得開心，下次再嚟試下其他

呢間經朋友介紹嚟試下，咁啱朋友要食素，這間好似都有不少選擇就book位食，book左7：30但來到還要等多5分鐘，門口已經有人排隊，不過侍應亦好nice等一張枱就給我們，入去地方不算大，但紅色嘅梳化好靚同好好坐，很快就點左3個餐同一個沙律，諗唔到個煙三文魚Caesar salad咁大個，軟殼蟹墨魚麵好惹味有點辣，黑松露茄子天使麵好好味好creamy同黑松露味好濃，就算我地唔係食素嘅人都覺得好味，食素嗰位朋友更加滿意，另外還叫了個羊鞍焗薯，羊鞍亦好味唔羶，我地食得好滿足同價錢又唔貴，實在好介紹，還有我地都叫左曲奇雪花冰呢度嘅no.1飲品，真係好香好滑，同埋抹茶忌廉，Double chocolate,飲品都好味

有日行旺角，同班fd想食pizza，見到pizza hut執左好失望！跟住行行下見到哩間餐廳有，咪入去試下啦！又幾得意喎！個pizza同平時食開個d唔同，佢個番茄醬係分開上，有一個爐跟住！可以一路食一路自己點，好食又好玩～正！ 跟著試埋個芝士牛柳焗薯，都好鬼正！d肉一d都唔un，仲要加埋我最愛既芝士，個焗薯都好好味！

之前都有食過今次特登同埋班朋友再食過, 今次都叫左必食既PIZZA!海鮮PIZZA!個批底好脆, D芝士可以拉條絲出黎!我班朋友都覺得好得意, 仲有個爐仔可以自己加蕃茄醬仲熱辣!仲有杯雜莓特飲, 但已經唔記得叫BERRY ????夏天飲一流, 因為又有沙冰又有新鮮雜莓!超好味!杯玫瑰花蜜好好飲唔會太甜, D味又唔會似藥水味男仔飲都OK!和風雞柳意粉好夠味, 又唔會太咸!裝潢好有格調, 用紅色做主色D梳化好舒服!好好坐!

得知一間富創意, 食物品質好的地方 - "意歐", 當天特意地來到, 好開心見到相識7年的老闆, 之前他們開的2間都TRY過, 並不是因識了他們7年而寫, 而是如吾好吃的, 又點會幫襯7之0甘耐呀. 先說環境, 好舒服, 好似返0左屋企一樣.食物 - 好開心有我好喜歡食的焗薯, 就點了一個 魚柳焗薯先來個 TOMATO SOUP - 正, 水準一流我的茶來啦, 先影個相, 個焗薯熱完全無 "生" (因之前有D SHOP 焗完仲係有吾熟 - 高手)魚柳, 脆卜卜, 吾硬, 仲要係好大塊, 新鮮吾SEN真的, 吾來吃, 真係對吾住自己的, 呢道食野的價錢吾算貴, 但食物的質素, 比美好多高級餐廳, 值得 你/我, 一來再來, 來完又來.

去百老匯睇戲前揾野食，由旺角出本身想食沙嗲王，不過好多人驚趕唔切咪再行下睇有咩，見到呢間有焗薯，門面好靚排左幾個等應該唔駛好耐咪決定試下，等約10分鐘就入左去坐，馬上叫野食，叫左兩個焗薯同小食，上菜速度好快，啱晒我趕時間，辣肉醬焗曹好味呀又超熱，唯有食我frd個咩巴馬火腿蛋碎焗薯先因冇咁熱，原來巴馬火腿同蛋咁match咖惹味，不過跟住先上個煙三文魚沙律，如果掉轉次序出就好了，仲有叫左個雞翼，炸得好香又唔乾，隔離有個汁比我點雞翼但我覺得夠味就冇點到飲品係最開心part,因我平時去starb××××要成$30幾一杯呢d飲品，呢度跟焗薯只係半價$10幾蚊有交易，個問題係飲到好野，杯抹茶仲好濃好香，smoothie好正，好快食完就去睇戲lu下次一定會再嚟試下pasta同pizza因見好多人食

Never would have thought a little restaurant located at “women’s street” would offer so many decent dishes and are in general well cooked. The décor is my favorite red with an European vibe. A pleasant surprise is they offer quite a lot of meatless dishes which I find it rare in mongkok. This is indeed a good news as this night I was with a vegetarian friend and we had a lot of choices to choose from.  Really love their shell pasta with mushroom in cream spinach sauce, it was cooked to an al den

套餐價錢唔算太貴餐入面包埋蒜蓉多士同湯加幾蚊仲有野飲 幾抵我地淨係叫左芝士焗牛柳牛柳唔會好un 同芝士嘅味都好夾焗薯上面ge酸忌廉我朋友接受唔到隻味不過我個人覺得唔錯餐湯（忌廉）冇乜特別 味唔夠濃蒜蓉多士唔錯 幾脆都有蒜香味道飲品係士多啤梨乳酪雪花冰好好味！好重士多啤梨味中意士多啤梨一定要試！朋友見到有杯特野叫Texas覺得好特別所以嗌左試下好似係紅葡萄柚子梳打我試左啖 好特別好啱夏天飲！整體黎講食物同飲品味道都唔錯 幾抵食係餐廳兩邊之間通道比較窄 不過都裝修得幾靚有機會會再黎試其他野食！

有日行旺角，同班fd想食pizza，見到pizza hut執左好失望！跟住行行下見到哩間餐廳有，咪入去試下啦！又幾得意喎！個pizza同平時食開個d唔同，佢個番茄醬係分開上，有一個爐跟住！可以一路食一路自己點，好食又好玩～正！跟著試埋個芝士牛柳焗薯，都好鬼正！d肉一d都唔un，仲要加埋我最愛既芝士，個焗薯都好好味！