意歐

營業中

休息中

星期天的晚上, 陪大爺買了他要的鞋子後, 任務總算是完成, 之後當然是吃晚餐.大爺就建議去女人街找一家沒吃過的, 為免他老是說建議都被否定, 在沒有什麼想法之下也只好同意.然後發現了一家外牆貼滿雜誌廣告, 說什麼前飯店大廚經營的餐廳之類的, 內容我是沒細看, 大概意思好像是這樣子, 講得好像還不錯, 所以就決定這家.選擇好像很多, 餐廳好像還有主打焗薯, 可惜晚上只吃焗薯對我來說好像怪怪的, 不然看起來好像還不錯. 其實餐廳有焗薯之外, 其他和別的西餐廳差別不大.但說真的,喝了這白湯、紅湯之後, 我唯一的想法是, 難道意歐的口味真的這樣與別不同嗎?喝過很多白湯、紅湯也只會遇上味道很湯的, 但這白湯喝起來像麵粉糊加一點點奶油調味而已, 而紅湯是有很濃的味, 不過是用茄膏開出來的味, 是我見識淺薄, 還是這家的大廚今天太忙?不過當然也有可能是個人口味而已, 起碼我有聽到隔壁座的人說好喝.但我自己是喝了湯後就沒什麼勁. 大爺點了濃牛肉汁拌燒紐西蘭芝士牛柳, 幸好這牛柳還可以,不過沒什麼芝士味, 而牛柳也沒什麼牛肉味, 只是程度比湯好一點, 個人是覺得對比下焗薯是比較好吃, 因為只要薯仔不太差

食過最差的一次dinner..係外面睇好似幾多款..就入左去點左個海解意粉同帆立具墨魚面...加一個意式雲吞等左好耐終於有得食...極奇細碟...真係可以5啖之內食完一碟(男仔)..帆立貝細得好離譜...係細到無得咬直接吞入口個面味道尚算正常...但好細碟個飯就多dd仔料...有蝦同青口ge...但全部都好細...個飯味道就奇怪喇....酸得好誇張....意式雲吞上菜個樣都算係有d賣點...連埋個火一齊上...但雷聲大雨點小...食落無咩味...同都係得5隻仔(一隻係一口size)叫埋野飲...點知連野飲都好細...真係開始食到燥一路食一路同女朋友諗一陣去邊醫番飽個肚到埋單發現加埋一就咁都過兩舊水...呢個價夠我係同一條街其他同類餐廳食得好飽...幫襯前真係諗清楚...第一次食評...就係因為呢間野而激發左

Tea Set直到6點 非常適合遲出門口的我價錢便宜 份量多配上多士同餐湯多士脆卜卜 沒有擦任何野忌廉湯今次整得好左不會食到一粒粒麵粉但有一碗我食中一啖有成粒黑椒粒餐飲一凍奶茶 一熱奶茶茶味太重 又不夠滑身蒜溶汁雜扒飯有牛扒 雞扒 司華力腸 炸蝦蒜溶汁沒有蒜味 差了少少炸蝦脆卜卜 西冷扒配意粉黑椒汁不夠多 便上意粉乾得制牛扒煎得不會太硬剛剛好 筋位不硬 肉質鬆軟

今次一個人再黎，試左個雞柳扁意粉佢用左日本燒汁去煮個扁意粉，個味同雞柳好夾！唔會覺得太濃，加埋雞柳的肉質煮得好好，唔會太鞋剛剛好！美中不足，我可能大食，好快食晒！我之後再叫左個小食拼盤，好豐富呀！有雞翼，腸，脆片個份量好足！我好香口！最後叫左杯雜莓沙冰做ending, 好好味！唔會太甜，又夠冰凍！之前試過其他地方飲沙冰，好多時到飲既時候都變到水多過冰！但今次就唔會咁！下次會同多d朋友黎，可以試多d唔同既野！

台灣朋友黎香港玩幾日，當然會行旺角啦，放左工就帶佢食飯喇，雖然而家有佔中事件，不過女人街原來比想像中安全，好似平時咁。因為好多人都怕左黎旺角，所以一入去餐廳就有位坐。呢度d梳化椅又大張又好坐，適合情侶或者閨蜜食飯傾計丫……環境以女人街既餐廳黎講算係幾好我地叫左個Meat Crazy Pizza, 煙三文魚凱撒沙律, 兩杯飲品Berries Blossom同士多啤梨乳酪雪花冰。因為台灣朋友想食完飯去食糖水，兩個女仔既份量已經差唔多。個pizza值得推薦，佢個汁係分開上，而且用酒精加熱，客人可隨意淋幾多汁食，好細心。個汁味道唔會太濃，可以突顯pizza本身個味。pizza係薄批，厚批反而怕太‘漏’，好味。 煙三文魚凱撒沙律份量都夠大碗，味道符合一般標準。台灣朋友叫左杯Berries Blossom, 隻杯幾靚賣相唔錯，飲落去有什莓味，唔會似藥水，又唔會太酸，都係值得推介既。我個杯士多啤梨乳酪棉花冰，上面有層忌廉，可以同乳酪味平衡番，又夠大杯，鍾意飲乳酪味飲品既朋友都可以試下。以前去旺角通常去樓上cafe，睇黎今次有多個選擇喇。

見人氣幾旺盛友人們又很累同口渴，並不太餓，見小食種類亦多選擇就決定停在這間歇一會，等左幾分鐘就入去一張大梳化超舒服，因唔太肚餓只叫左個pizza,雞翼同一個pasta,飲品好吸引我地，終於揀左這三杯出色的凍飲，另一個熱柚子蜜就一般啦～芒果雪花冰好滑好香，薄荷朱古力亦好滑，味道剛剛好，最出色係杯DOUBLE CHOCOLATE,朱古力味超濃同香，色澤亦好深，呢杯係超推介，食品方面亦唔錯，喜歡呢度嘅薄pizza,唔會咁濟，埋單時有點呆，飲品原來跟餐半價，杯至愛DOUBLE CHO都係$17另外都係$10幾蚊，其餘都正價，下次一定肚餓再嚟食，再飲DOUBLE CHOCOLATE同試其他

來到旺角好多時都會幫襯呢間retour，我真係非常非常之喜爱佢，貪佢平靚正，至重要原因係我已經茹素，而佢地有超多菜式都係無肉，以後我同食肉獸朋友黎旺角揾食，佢地就唔洗下下就我去齋鋪, 佢地可以照食扒我就照食素，yeah!  今次叫左佢地既焗雜菌菠菜意大利粉( 其實之前已經食过，今次食过番尋味hehe)，無得輸!另外佢地話自己係焗薯專門店，又真係wor, 因為除左oliver's我真係唔知香港仲有邊到地方有類似既baked potatoes, 有d款式連olivers都冇。我今次叫左個黑松路碎蛋沙律焗薯, 味道同olivers差唔多, 但係個薯仔好似大d，同埋上面有一大pat黑松露醬，wa! 巧高貴! 黑松露味配蛋沙律好perfect，從來未試過咁食，好味到飛起! 其實淨係食一個都已經夠飽，唔知係咪美國薯仔所以大舊D。

同女朋友去旺角買完玩具佢話但肚餓又唔想食茶餐廳,入女人街行下見到呢間應該係新開既餐廳，女友話想食西餐咪入去睇下囉！不過果陣門口都有六七個人係到排緊隊，但係女朋友話想是咁咪係到等下囉！女友先來點左一個蕃茄濃湯，而我就點左個忌廉粟米湯！番茄湯既酸味比較濃，但係因為我自己唔係咁喜歡所以我就揀左忌廉湯，但係女朋友就話好好飲！之後再點左一個蒜辨軟殼蟹墨魚麵，勢估唔到呢d野超大碟！D墨魚味唔會俾d辣味冚住，但係d辣味係屬於韓式既辣味，惹味黎又唔會令到你入唔到口非常之好味。之後女友再叫左杯凍朱古力，朱古力味濃厚但又唔會太甜，總括黎講非常滿意！

這晚和朋友相約在旺角聚餐， 由於臨時人數的變動，無法如期到事前精心挑選的餐廳用膳。 因此，退而求其次的選擇了於通菜街小巷覓食。從門面看來， 這家餐廳比旁邊的餐廳人流都要多。 再看看放在門外的餐牌，意粉，焗薯的相片挺對路的， 於是膽粗粗的走進“意歐“， 同時打開了這道通往“地獄“之門。煙三文魚凱撒沙律$49：絕對是貨不對版的一道菜式。餐牌照片上有動感的玫瑰花狀煙三文魚變得死寂， 一片片攤在生菜上。 煙三文魚霉爛不新鮮，欠缺應有的咸香及魚肉的彈性。 沙律菜用上成本最低的生菜， 可店家對食客絕無半點憐憫之心， 連生菜亦是不爽不甜不新鮮的。築地木魚湯$38: 以石頭鍋奉客， 感覺挺有心思的。 可食味方面，簡單來說就是蠔油加水的配搭。面頭飄浮著幾片冬菇片，粟米芯及波菜葉， 索價$38， 性價比奇低。香蒜脆雞翼$29： 是這晚唯一令人滿意的菜式。 雞翼以小木板奉上，賣相吸引。 雞翼炸得金黃香脆，表面灑上炸蒜粒，令香脆度提升。 內裡雞肉依然纖嫩多汁， 是不錯吃的一道菜式。觀察四周，基本上每枱也有一客美式焗薯， 深信焗薯必是本店招牌菜式。因此便追加了客一巴馬火腿拼碎蛋沙律焗薯。巴馬火腿拼碎蛋沙律焗薯$

之前成日聽同講哩間餐廳d野好食有質素，今日特別出黎試下！我地三個人叫左3個餐，一個係牛肋條咖哩紅飯，仲有咖哩漢堡蛋飯，同埋卡邦尼天使麵！我地三個share一齊食。牛肋條咖哩紅米飯我咬落去，d肉好琳，又好夠味，又冇骨！啱晒我依d懶人，啖啖肉！咖哩漢堡蛋飯原來係我個同事必食之選，我食完真係覺得冇得輸，個咖哩味同牛肋條又截然不同！牛肋條個咖哩偏辣，而哩個就偏濃味但又唔會好辣！加埋隻流心蛋同個漢堡又好多肉汁！正！卡邦尼天使麵佢果個汁煮得好好味，好清新！以及本人都幾鍾意食煙肉，個天使麵好有口感，唔會煮到好爛，所以好鍾意食哩個麵！最覺得抵食因為佢仲包埋餐湯+蒜蓉多士仲有杯餐飲！而家午餐搵間$40之內有咁多野包埋又好食既，真係冇咩幾多間

這晚約了朋友們去旺角食飯，在Openrice瀏覽到這間的食評不錯，本身又想吃西餐於是便選了這間。店內陳設整潔企理，座位都是鮮紅的沙發，美觀而坐得舒服。店員們也很勤快而有耐性，雖然店裡忙碌但每次叫他們也很快而有禮就過來了。先談前菜，我點了的白湯不過不失。朋友則點了紅湯，認為太酸了。於是我也試了些卻覺得酸得來相當好飲，能飲得酸的朋友應會喜歡。飲品方面，我們三人分別叫了泡沫咖啡，曲奇雪花冰，以及士多啤梨乳酪雪花冰。朋友們各自飲了他們的飲品後都話好好飲，於是我都懷著期待地飲了我自己的士多啤梨乳酪雪花冰。一飲實在喜出望外，既有士多啤梨的清新，又有乳酪的幼滑及微酸，口感好滑，實在配搭得恰到好處，勁好飲!芝士Pizza跟一個番茄醬爐，可以邊吃邊點暖暖的番茄醬，相當有趣。Pizza本身已經很鬆脆美味，淡淡的鹹香混合芝士香，點了茄汁後更有畫龍點晴之效。焗薯牛柳，牛柳肉味甚香濃而有彈性，中間的肉質是半生熟狀態，實在非常爽口!蒜辣軟殼蟹好足料而好大隻既軟殼蟹，用左辣香蒜去煮，連一向不太喜吃蟹的我也覺得好惹味很好吃!巴馬火腿蛋碎焗薯，火腿鹹香軟熟，份量好夠好滿足。菠菜忌廉汁帶子墨魚麵，帶子香滑彈牙配以鹹香的墨

在openrice上面看到這家評分挺高的，所以和朋友來試。店不大，不是週末的午餐時段人也挺多，所以有點擠。睇餐牌發現真系好便，一個set加湯同drink都系四十幾蚊。我要左蒜蓉汁什扒餐，46蚊，入面有雞扒，香腸，牛仔肉，吉列蝦，可選擇配飯或義粉或薯條，最後我揀左義粉，配羅宋湯同咖啡。朋友則點左牛肋肉紅米飯套餐，45蚊。上菜速度好快，湯的番茄味好重，我中意酸所以覺得幾好，配上送的蒜蓉法包感覺不錯。什扒上來後發現義粉好多，牛仔肉好韌，其他幾款肉則不過不失。試了朋友的牛肋肉，好韌⋯汁也感覺有點奇怪，但系紅米飯好特別，都幾中意。總體來講呢餐一分錢一分價，對食物要求唔會好高噶朋友可以來試試，反正我還是挺滿意的因為性價比真的挺高，但食物肯定就唔會去到好高水準啦。另外見好多人點義粉，可能呢度義粉比較出名？

從其他食評得知這裡的菜式超值好吃，於是特地來到旺角品嘗這裡的菜式。我點了一客這裡推介的菜式: 黑松露蛋沙律焗薯。蛋沙律的份量充足，上面加了一匙黑松露醬。蛋沙律酸酸甜甜很開胃，但沙律全都是蛋白，沒有蛋黃，蛋味不足。黑松露和蛋是絕配，加了黑松露醬確實提升了整体味道，但由於只用了蛋白，所以提升了的味道只是一剎那卻不突出及持久，反而沙律的酸味卻非常突出，破壞了整体味道的平衡。這份黑松露蛋沙律焗薯為$45, 加一後是$50，不算便宜。由於味道中距中規，性價比來說不算吸引。

話說今日好想食西餐，於是係"女人街"搵到哩間，入面裝修好舒服，有sofa既卡位叫左2個餐:- 1個紅湯, 1個白湯鐘意蕃茄既朋友應該會鐘意個紅湯，好酸好正。白湯就好杰，本身麻麻地白湯，所以唔推介。- 2片蒜茸包講真，真係難食，好硬又唔脆- 海鮮蕃茄意大利飯 ($65)個意大利飯好快就到，好好食，好濃蕃茄味好酸，正正正!!!!!!! 不過以$65蚊黎講真係好細碟，普通一個女仔都未必夠飽。- 香草燒羊鞍 ($89)個賣相好得，拍得住高級既西餐廳，羊鞍緊緊熟晒，D肉好嫩好滑，好鐘意食個焗薯，不過無左D忌廉會更加好食!!- 凍朱古力 & 凍檸蜜平時好少飲凍朱古力，覺得好稀唔好飲，但見好多台都叫，又跟風試下啦....真係有驚喜wo~~~ 好好好好好好好好好飲!!!!好飲到好似starbucks 果種好濃既朱古力。唔單只好飲，重點係杯朱古力只係當普通凍飲加左$3，真係抵呀@@至於杯凍檸蜜就無咩特別，平時飲開既味道。最後無叫到甜品，事關唸住出去第度食，2個人埋單$176 (有加一)，下次一定會再去幫襯，以西餐黎講真係抵食。

行入女人街  見到門口MENU已經BLING BLING眼淨係見到D焗薯已經流緊口水所以決定兜個圈轉頭番黎食8點半度 入到去 啱啱有人走 即刻有位暗暗地幾柔和嘅燈光靠牆係好高嘅梳化櫈位置唔算好寬敞 但又唔算好逼 可以接受私房菜企業見到咁多組合 樣樣都想食都幾多特飲 跟餐都係加幾蚊 跟焗薯就半價友人叫左羊鞍配焗薯餐 先上餐湯同蒜蓉包個湯係偏重奶味嘅忌廉湯塊包細細塊 少少脆 咬多兩野就出蒜蓉味羊鞍配焗薯 焗薯係酸奶鋪面我食羊好衰 太羶完全唔擺入口但試左一啖 有羊味但完全唔羶 個汁仲好好食我唔太餓 所以淨叫蛋沙律焗薯我成日都覺得焗薯鋪蛋沙律係PERFECT MATCH賣相係無MENU咁好 但味道依然夾淨食左一個焗薯已經夠飽了最後叫了杯凍檸茶消消滯我已經同友人講定我想黎不停試唔同嘅焗薯