悠蔬食 (渣甸中心) (已結業)

現代社會物質豐富，工作繁忙，一到週末假期，總會以美食犒賞自己，吃得多肥膩食物，都怕影響健康，所以近年興起Green Monday 吃起素食來。今天我也參與一下，到了銅鑼灣這家新派素食餐廳。餐廳以清新天藍和白色作主題，陽光透過優雅的花窗灑下餐桌上，加上柔和抒情的音樂，難得在繁忙的星期一也能偷閒一下。中午有多款素食套餐選擇，餐湯我們選了一中一西。中湯煲得很入味，雖然是素湯卻沒有過於清淡，入口有濃濃的花生香，還帶出粟米和青木瓜甜味至於西湯是以青豆打成的濃湯，加上素燕，更添層次感。南瓜汁意粉甘甜的南瓜汁易於入口，配上雜菇和菜，口感豐富。點心拼盤有4款點心各1件很欣賞點心拼盤，芋絲春卷外皮香脆，內裡有濃郁芋頭茸，香口得來不太油膩。燒賣以粉絲做，口感清爽。叉燒包以素肉製，內餡色澤口感跟真肉相似。裴翠餃皮薄內餡豐富。榨菜豆絲米粉白桃雪葩合桃露咸柑橘素食款式多，中西式也有，水準不俗，另結帳時見鄰桌的下午茶甜品厚多士非常吸引！想吃素時又多個選擇了！

近期最喜歡的餐廳，首推這間新派素食餐廳。 餐廳位於商廈25樓，環境舒適，深淺不一的藍色與白色的主調，柔和舒服，就連檯墊與杯子，都簡單而美麗，十分討人喜歡。 三款前菜「麻醬沙薑豆絲粉皮」、「泰式青芒果鮮果沙律」、「羅馬蕃茄藜麥伴胡麻醬」顏色悅目多彩，材料新鮮有益，口感雖有不同，味道同樣不錯。 為這晚餐添上日本菜元素的「香芒牛油果苜蓿芽手卷」，苜蓿芽健康而不常吃，香甜的芒果條就為這味道本來較為清淡的手卷增加討好的甜味。兩款一中一西的餐湯，中式的「茶樹菇竹笙黃耳百合燉湯」看來比西式的「黑松露椰菜花忌廉濃湯」吸引。再次不約而同地，兩夫妻都選了中湯做餐湯。這真材實料的燉湯，火候十足，菌味濃而清甜，生津潤喉，實在是難得喝到的足料餐湯，讓我和太太都吃喝得非常滿意。 到了六選一的主菜，兩夫妻終於點選不同的菜式，她的選擇是西日fusion的「和風牛肝菌野菜燴扁意粉」，而我的選擇則是甚為中式的「紅燒花菇獅子頭配珍珠糙米飯」。 「和風牛肝菌野菜燴扁意粉」我吃了少許，味道挺好，扁意粉的口感稍為軟身，仍然不錯。「紅燒花菇獅子頭配珍珠糙米飯」醬汁濃甜，這菜式的獅子頭用的是素肉，與以豬肉為材料的始終有分別，

<素食朋友注意！走fusion 路線既悠蔬食>😋🌱🌿☘ 一間近排開左好多分店既素食 今次同朋友想食齋就試下佢cwb分店 入面以藍白為裝修 牆身掛住白色吊燈 圖畫😌 簡約格調 坐位都算幾舒服😀Menu上面既素食選擇好多 有中式西式印式應有盡有 😃當然點菜時可同staff講某d食材加唔加蛋🥚二個人點左每人238 蚊<dinner set> 前菜1.麻醬沙薑豆絲粉皮 🐥其實就係素食既雞絲粉皮 麵根做得好似雞肉 🐥粉皮爽滑 加埋胡麻醬 唔錯😄2.泰式青芒果鮮果沙律🥗 用左泰式爽口芒果， 加埋火龍果 提子🍇 生菜 夠哂清新🌱3.羅馬蕃茄藜麥伴胡麻醬 🍅 蕃茄juicy加埋藜麥增加口感 胡麻醬酸甜開胃😃🍴手卷二選一1.蘆筍素香鬆苜蓿芽手卷用左爽口露筍🌱 加埋素肉鬆🌿🐷整成手卷 好有口感 紫菜都夠香脆 加埋苜蓿芽 更加爽口👍🏻2.香芒牛油果苜蓿芽手卷🥑用左 爽甜芒果 加埋牛油果整成手卷 口感好清新 同脆身既紫菜同軟飯好夾🍚🍴湯品 二選一🍲1.黑松露椰菜花忌廉濃湯🍄☘ 西式餐湯 黑松露味適中 , 椰菜花已經溶入左去湯入面帶點菜香🌿 忌廉既密度偏高 都幾夠香濃😃2.茶

難得與家人一起放假，所以我們又約埋一起去玩，計劃飯後去希慎廣場逛下街，後來妹妹建議去附近的“悠蔬食”吃過素食Lunch,幸好時間尚早，餐廳都不算太多人，安排座位後開始點餐了。午餐主要都是做lunch set,不過都有散點，午餐方面由$88至$108，當中包括有前菜、湯、主食及餐飲，轉特色飲品及點甜品就要加錢。餐廳裝潢都是以粉藍色作主調，感覺都是柔和舒適。午餐先來了前菜毛豆麻香豆卷，味道都幾清，豆卷的豆味都幾香，蓮藕片又爽口，＿加上紅辣椒絲伴食，添加了少許辣香，惹味又開胃。湯方面有兩款選擇，一款是西式湯而另一款是中式湯，我們三人最後都選擇了前者，是日的餐湯是蕃茄甘筍竹燕忌廉濃湯，湯稠濃郁散發了陣陣蕃茄的酸香，又有甘筍的清甜，還有湯上加一些滑溜的竹燕，更顯矜貴又滋味。我們一同點了兩份Set Lunch，主菜方面先來一份點心拼盤配雪菜菇絲湯米粉($108)，點心方面有四件，分別有咖喱鹹水角、潮州素粉果、素叉燒包及素翅香菇燒賣。炸得脆香咬下軟糯，有咖喱的清香帶微辣，素叉燒包包身都夠軟熟，咬下甜甜的叉燒都帶嚼勁，餡料豐盈，也是不錯。另外素翅香菇燒賣仿真的口感真是以為自己食緊豬肉燒賣，賣相都好似，

今日同老公想食得健康d，去左悠蔬食試下食素食，招牌設計幾靚，因為book 左枱即刻有位，客人都幾多有紫色為主做裝修，幾優雅。晚市每個人最低消費$200，所以決定叫set侍應介紹可以試下米形意粉同埋青咖喱，我地覺得都好吸引，試叫左依兩個主菜，另外再加左個招牌菜黑松露薯蓉焗大啡菇。前菜既鮮果沙律好清新，青芒果好開胃，麻醬粉皮好入味，份量好多，胡麻醬羅馬番茄配super food 藜麥，酸酸地加上藜麥既口感，作為前菜很適合。中湯菇味好濃，西湯好creamy 好香既黑松露味，兩個湯都好味。再來兩個手卷，都有好多苜宿芽，完全唔會有草青味，好爽口。終於都主菜部份波菜野菌燴米型意粉，第一次試米型意粉，口感好特別，有少少似意大利飯，上面既香草豆卷好香豆味，質地少少彈牙，雖然有忌廉但唔會太heavy。另一個主菜青咖喱配猴頭菇，好特別，無諗過可以有咁既配搭，入面有好多不同既蔬菜。終於到大啡菇出場，超級好味，隻菇好大隻，加埋薯蓉好飽肚，配合埋番茄汁，反而黑松露唔係好明顯，不過都無所謂。最後仲有甜品，細細件兩樣都唔會好甜，好適合健康既大家。

中午約了朋友食午餐, 醒起前排有同事介紹有間食素菜的餐廳不錯, 一於去試一試餐廳在CWB 渣甸街好易搵到, 裝修以淺藍為主題, 西餐feel~Set lunch menu都有唔少選舉, 有中式有西式, 花多眼亂在有單點餐單, 但計落叫lunch set再加甜品抵D跟朋友各要了沙律, 細細份, 不過好驚喜, 藜麥脆脆地, 加上黑醋配沙律, 酸酸甜甜好開胃! 正!!另外湯要了青豆忌廉湯, 我從未試過, 飲落幾特別, 香濃青豆味, 好新鮮~朋友的藍蝶花雪梨汁好靚!漸變色~ 最近好hit藍蝶花我怕寒涼所以飲熱飲, 呢杯Latte好香咖啡味~朋友要的這碗喇沙好吸引! 隻假炸蝦勁似 仲有炸山葵脆口好食過平時, 我食開味濃的, 所以如果可以再喊多少少就Perfect~我的南爪忌廉扁意粉好好味! 推薦! 南瓜打入個忌廉醬內, 濃味~最後甜品竟然有朱古力千層! 每層都勁多醬! 食落軟滑~ GOOD朋友的乳酪蛋糕原來似cheese cake, 雙檸加埋酸到好fresh~ 其實食落都唔係好覺係食緊素食~ 仲有有前菜,湯,飲品,主菜,甜品! 飽到呢.....

今日黎到昔日工作銅鑼灣，諗緊食咩好就係openrice 的附近餐廳見到有素食就上去試下。去到沒想到以藍白為主，格外舒服，我差不多過午餐時間所以人吾多坐得舒服，空間感多，今次叫左午餐加甜品，竟然有點心仲係白菜餃咁特別就試下。午餐: 前菜係藜麥鮮蔬沙律配鮮柚子意大利黑醋汁，藜麥好有口感又有柚子香，蔬菜新鮮感覺十分清新，之後就飲中湯:青木瓜甘筍花生雪耳湯，好清吾油又足料，勁想要多碗添。主菜: 泰式鳳梨鮮蔬炒飯配香脆腐皮卷$98，沒想到炒1飯有點微辣而仲有切碎的材料增加口感，腐皮卷味道剛好又夠脆。仲有少少鳳梨加左酸度。飲品都有吾少選擇，今次叫了檸檬蜜，蜜糖清甜酸檸檬酸，味道好味。配品配上$20的鮮磨合桃露，有驚喜吾錯，有口感又吾杰身，食完都幾飽肚下。最後後上的翡翠白菜餃3件$28，入面足料，但如果皮再有口感一點就更好。

悠閒地品嚐以蔬菜為主的食物！一向都覺得男士比較難接受素食，一於試下西式的蔬菜餐！餐廳以藍白色為主，令人覺得放鬆舒服，安排左卡位好坐又有景。午餐價錢可接受，約$88 - $108。前菜幾特別，沙律有黎麥、紅菜頭、火龍果及沙律菜，我第一次食黎麥，原來冇味，但加左柚子黑醋汁，酸酸甜甜，好開胃！青豆薯仔薄荷竹燕忌廉湯：青豆及薄荷味的確很濃！打蓉晒d 料打忌廉都幾香滑，竹燕我估係海藻類植物，幾特別。試左少少田原南瓜野菌燴扁意粉，南瓜味好濃，有芝士粉更帶香味！ 呢個意粉好食！我的喇沙湯面有秋葵天婦羅、香脆蒟蒻、蛋、豆卜、芽菜、白蘿蔔及紅蘿蔔。秋葵天婦羅唔錯，炸了反了少了秋葵本身的味道，比較易接受！香脆恭蒟蒻原來係仿蝦，做到的確有鮮甜味！白蘿蔔好入味，好食！但喇沙最主要的湯底就比較遜色了，太淡而且太少湯，有待改善下。當然要叫甜品+$20！咖啡朱古力千層班戟好香濃 ，滑，不膩，反而雙檸乳酪蛋糕酸左少少。藍蝶花雪梨茶， 淡淡的藍蝶花及雪梨的味道，幾特別，消暑解渴！

The light, airy, cafe style decor plus powerful air-conditioning at this restaurant was a surprise relief on a super-hot summer’s day. We came here as a group of 5 for dinner on a weeknight, and had made a booking upon the good advice of other reviewers. We noticed subsequent groups that arrived had also made bookings. The restaurant is quite compact, with one large area containing the bulk of the tables, and a smaller section with two round tables catering for bigger groups, plus a few smaller

渣甸中心高層原來隱藏左呢間高質素素食餐廳，餐廳裝修簡約舒服，除左一般座位，仲有一間廂房可以俾人包起食飯搞活動，咁岩筆者食飯個晚就有人係房搞birthday party侍應服務態度亦好好，見我地猶疑左好耐，主動問我地budget，然後推介佢地既招牌菜，亦唔會好敷衍咁講樣樣都好食，而佢亦真係冇介紹錯！竹炭pizza好足料，鋪滿芝士﹑紅黃椒等，口感十足。焗千層麵的餡料同pizza差唔多，再多啲露筍，而且表面芝士焗得脆，入面芝士保持creamy，值得推薦！另一必食係焗芝士薯蓉大啡菇，薯蓉厚滑，大啡菇菇味濃郁，配上番茄汁，非常惹味，只係價格略高。甜品蘋果盒子味道清新清甜，反而朱古力蛋糕有點太甜，可能筆者唔嗜甜，所以覺得兩三人一齊食先唔會太膩。整體黎講，食物質素味道上佳，環境舒適加上位處銅鑼灣，價錢都算合理，對素食同葷食人士都係一大福音。

本來滿心歡喜與一年一聚的老朋友試試呢間咁多好評的餐廳，點知一出𨋢已心知不妙，因為已經聽到嘈過街市。坐低就更加瀨嘢，我們被安排坐在位於偏廳，兩張十人枱旁邊的一張長型二人枱。二人枱與十人枱距離不足兩呎，旁邊十人聲量極度嘈吵，樓底又矮，加上二人枱太長，令我地根本擘大喉嚨都聽不到對方講嘢。感覺太太太辛苦了，日間工作已經夠壓迫，夜晚食飯仲要咁辛苦！？所以即使好想試下啲食物，我們也只能無奈離開。寫呢篇評論是有感而發，香港做得好的餐廳永遠天天高朋滿座，枱與枱之間只好越來越迫，又迫又窄的地方再充滿最鍾意擘大喉嚨講嘢的香港人，再好的餐廳，咁嘅環境都會令人退避三舍，永無下次。

這幾天都大魚大肉，想吃清些，但，又怕舊式素菜多油或中式醬油，想起這裡悠蔬食，下午1點，午餐時間，其實多時想起這間，但，又怕這裡地下排隊搭電梯，因為電梯細又小，得兩部，排隊已是10多分鐘。我們就訂了位，午餐我們對這裡西湯是有偏愛，今次唔例外，我們都一起點了蕃茄甘筍竹燕忌廉濃湯，只覺份量小，因為太好味，友人點了迷迭香野菌忌廉廉燴扁意粉，而我則除意點，因為點甚麼都是好吃的，我點了四喜烤麩炆南瓜配珍珠米飯，配菜有毛豆麻香豆卷，這個配菜的香豆卷，第一次吃，很有趣。。。，友人點的扁意粉，那侍應一放下，我已聞到香味撲鼻，看到友人吃得享受，而我點的，四喜烤麩炆南瓜，加碗飯，我真的吃得很開心啊！飲品我叫了檸檬蜂蜜，外面熱得昏了，一杯透心涼已樂融融。只了午餐後，已感到想睡覺了。因為這裡仍然是誠意之作，很滿足呢！

唉，小妹近日身體抱恙，決定齋戒淋浴一段時間... 盡量少D出街食，食都要食得清淡D。所以3日內已經幫襯左悠蔬食2次lunch，試左4款lunch set同大家share一下！店內空間不大，但淺藍既裝修加上midi流行純音樂令人感覺好舒服，令你食齋食得身心舒暢xDLunch menu星日至六都一樣，有前菜／湯（2選1）／主菜（6選1）／同飲品。有中有西，有甜有辣，相信都唔難選揀既！前菜：毛豆麻香豆卷﹣﹣有2塊蓮藕，脆脆地又唔會太硬，因加左花椒煮出麻香味，所以小心食埋蓮藕間既花椒粒辣親！毛豆（枝豆）粒粒都煮淋左，下面既豆卷係超好食！一塊煎豆腐既大小，已煮到變啡啡黃黃吸晒D花椒味，而且豆卷質地軟得黎又比較實身同彈，好鐘意呢個小前菜！湯：（2選1）呢個甘荀忌廉湯，上面加左D黑黑地既‘竹燕’，我唔知咩黎，但好似D海藻類既菜，無乜味；個湯濃度剛剛好，唔太稀，蕃茄味雖然唔重，但甘荀甜甜地既味煮左入去，唔會有紅蘿蔔果種草青味，怕食甘荀既朋友都不坊一試！湯：（2選1）另一個選揀係竹笙豆腐羹，個人覺得無乜特別，當然係比忌廉湯清淡好多，而竹笙爽爽既質地都係不少人既喜好，如果可以切大條D（唔好咁細／碎）會好D

差不多兩年前到訪過呢間「悠蔬食」糅合中西式既素菜同朋友慶祝生曰，素菜晚餐精緻，印象甚深，但因為渣甸中心lunch time實在太多人，排隊等𨋢閒閒地要成10分鐘，所以唔會黎呢棟building食不過今日聚餐有埋老細一齊去🤓，所以就訂左呢度，餐廳安排左一張位於偏廳較有私人空間既大圓枱Menu啲字好密，好似睇書咁😛7個人點左lunch set 4份 1）風乾蕃茄藜麥忌廉燴扁意粉、2）點心併盤 配 絲瓜菇粒湯米粉、3）葡汁田園吉列猴菇焗飯 x 2 另外，點左黑松露薯蓉大啡菇+油雞縱菌乾煸四季豆+酥脆腐皮卷最後再點左玫瑰荔枝千層班㦸 、榛子咖啡乳酪蛋糕、日式柚子雪葩及山梨白桃雪葩全部甜品味道都非常好（我地在場5位小姐一致認同😋😋）食完大餐，條裙就快唔啱著了🤦🏻‍♀️

素菜款式並不太多選擇, 雖然比較新穎, 中上價格。意式飯個人比較喜歡, 手捲紫菜非常濕軟淋又煙韌非常不討好。 設個人"最低"消費但係一啲都唔"低"。 服務員態度還好。 環境光猛, 座位比較狹窄。