影片
更多
2017-08-07
2866 瀏覽
唉，小妹近日身體抱恙，決定齋戒淋浴一段時間... 盡量少D出街食，食都要食得清淡D。所以3日內已經幫襯左悠蔬食2次lunch，試左4款lunch set同大家share一下！店內空間不大，但淺藍既裝修加上midi流行純音樂令人感覺好舒服，令你食齋食得身心舒暢xDLunch menu星日至六都一樣，有前菜／湯（2選1）／主菜（6選1）／同飲品。有中有西，有甜有辣，相信都唔難選揀既！前菜：毛豆麻香豆卷﹣﹣有2塊蓮藕，脆脆地又唔會太硬，因加左花椒煮出麻香味，所以小心食埋蓮藕間既花椒粒辣親！毛豆（枝豆）粒粒都煮淋左，下面既豆卷係超好食！一塊煎豆腐既大小，已煮到變啡啡黃黃吸晒D花椒味，而且豆卷質地軟得黎又比較實身同彈，好鐘意呢個小前菜！湯：（2選1）呢個甘荀忌廉湯，上面加左D黑黑地既‘竹燕’，我唔知咩黎，但好似D海藻類既菜，無乜味；個湯濃度剛剛好，唔太稀，蕃茄味雖然唔重，但甘荀甜甜地既味煮左入去，唔會有紅蘿蔔果種草青味，怕食甘荀既朋友都不坊一試！湯：（2選1）另一個選揀係竹笙豆腐羹，個人覺得無乜特別，當然係比忌廉湯清淡好多，而竹笙爽爽既質地都係不少人既喜好，如果可以切大條D（唔好咁細／碎）會好D
店內空間不大，但淺藍既裝修加上midi流行純音樂令人感覺好舒服，令你食齋食得身心舒暢xD
Lunch menu星日至六都一樣，有前菜／湯（2選1）／主菜（6選1）／同飲品。有中有西，有甜有辣，相信都唔難選揀既！
前菜：毛豆麻香豆卷﹣﹣有2塊蓮藕，脆脆地又唔會太硬，因加左花椒煮出麻香味，所以小心食埋蓮藕間既花椒粒辣親！毛豆（枝豆）粒粒都煮淋左，下面既豆卷係超好食！一塊煎豆腐既大小，已煮到變啡啡黃黃吸晒D花椒味，而且豆卷質地軟得黎又比較實身同彈，好鐘意呢個小前菜！
58 瀏覽
0 讚好
0 留言
湯：（2選1）呢個甘荀忌廉湯，上面加左D黑黑地既‘竹燕’，我唔知咩黎，但好似D海藻類既菜，無乜味；個湯濃度剛剛好，唔太稀，蕃茄味雖然唔重，但甘荀甜甜地既味煮左入去，唔會有紅蘿蔔果種草青味，怕食甘荀既朋友都不坊一試！
37 瀏覽
0 讚好
0 留言
35 瀏覽
0 讚好
0 留言
主菜：（6選1）B餐係四喜烤夫炆南瓜＋糙米飯，烤夫重口味送飯一流，但呢度既已經減鹽無咁咸，配菜既菇同木耳吸晒烤夫D濃汁，而筍條都好新鮮就咁食都覺得甜同脆！糙米飯的確粒粒飽滿，但我覺得糙米比例較低，可以加多D糙米～南瓜淋得黎唔會太爛，雖然無去皮但唔會咬到好硬既南瓜皮，仲可以食埋添。
33 瀏覽
0 讚好
0 留言
主菜：（6選1）C餐野菌忌廉意粉：份量比其它主食多，同埋係好多菜架！睇黎翠肉瓜係煮忌廉pasta既好選擇，之前係另一間西餐廳食過一款素既pasta同樣以翠肉瓜同菇做配搭；而呢間既配菜雖切得大件D，但依然入味同保留到瓜同菇既質地，唔會因切太碎而‘溶’左入D汁到！同埋又有甜甜既鮮綠色筍條！另外，白汁已俾意粉收乾，掛汁之餘意粉煮得剛剛好，食完個碟底都係乾身架，好味～
29 瀏覽
0 讚好
0 留言
主菜：（6選1）D餐係點心拼盤（素cha燒包／粉果／咸水角／燒賣）配雪菜湯米：首先我諗多左...以為點心有4x2件，但原來每款得1件，而且有D上菜時仲爛左皮...真唔好彩 燒賣味道唔錯，用腐皮碎整成既‘肉’質，加左D粉絲，口感雖同豬肉／魚肉燒賣有分別但都幾好食～咸水角係咖哩味的，糯米皮都夠煙軔，但太厚，所以中間無乜空間包住D咖哩餡，似食煎堆多過咸水角（其實好似係同一樣野？xD一個空心D一個糯皮厚D？）雪菜湯米非常清淡，熱熱地食幾舒服，好似有病都好快好番咁xD
41 瀏覽
0 讚好
0 留言
主菜：（6選1）E餐大啡菇炒刀削麵，如圖所示...蠟蠟令非常多油！呢個係令人失望架..刀削麵係現成既裙邊刀削麵，雖掛左濃汁又淋，但無左刀削麵中間較厚應有既咬口；大啡菇比切成菇絲，雖然都幾香菇味但無左我期待既形象(純主觀xD)；最最大問題都係太﹣油！說好的清心寡欲突然變左油膩既上海菜咁款...
34 瀏覽
0 讚好
0 留言
跟餐飲品都係檸檬熱飲／生薑之類的，不同的是如果叫熱檸水／茶佢會俾粒獨立包裝既蔗糖粒（無影到），原來加左佢先係正常既檸茶檸水味！D甜味同落白糖係唔同架！雖然唔知蔗糖係咪真係健康過白糖，但係真係好飲D～
加錢既cappucino樣子不錯，味道正正常常。
25 瀏覽
0 讚好
0 留言
25 瀏覽
0 讚好
0 留言
食左2次後，覺得其實食素完全唔係咩難事，因為素菜仍然係好多選擇！不過唔知係咪lunch set求方便快捷，基本上都可以總括D材料為：唔同既菇／荀條／毛豆／豆腐／瓜，食左2次後開始覺得悶添...所以我決定要繼續發掘其它既素菜館xD!
題外話/補充資料：
此post係2次既lunch黎，所以人均消費為2次之 average。
(以上食評乃用戶個人意見 , 並不代表OpenRice之觀點。)
張貼
