快船廊

營業中

休息中

the buffet has a good selection of starters and dessert and good quality but expensive (than Cafe Too). And there is no black forest cake:-( It's nice to have small bit size portion. However, the service is a bit chaotic, it used to be discrete. I guess the staff are green and not used to the MO tradition.

文華翻新後新一次到來, 和簡生約埋Winnie,Sarah等等共六人到來試試, 我和簡生準六時十五分到達,還境好靜,可能是星期六晚啦,只看見幾枱人還在High-tea, 等到各弟兄姊妹到齊後都只是六時半, 四週也只有幾枱客在等食自助餐, 我們安排的坐位在商塲傍边,但都好靜,坐位又好舒服,傾計好正, 我們到食物區走一round,看似很細地方,但其實也有數十款食物, 而且大部份都是貴價食物多,源源不斷供應,需然連加一要$430,但都破值得,生蠔,長蟹脚,各款鱼生,吞拿魚他他,超大粒帶子沙律,都非常新鮮, 湯都有四款,我試了雲吞湯(雲吞超大粒), 酸辣湯,和番茄湯都有很好的水準(不過每款試兩湯匙),熱葷我試咗燒牛肉,非常有牛味和嫩滑,炒蟹,炒帶子和焗鱸魚都非常唔錯,甜品都有七八款,我個人覺得比較偏甜.總括來講,想找個不多人,食物又有水準,又舒適的地方,這裏是很好的選擇.還有services都很好哦!

今日打算book 聽日(30/12) 既dinner buffet，點知cafe too, Marriot 全部full 晒，連Park Lane, Exclesior, Hyatt 都full 埋，之後上黎Open Rice 睇下仲有咩揀... 見到呢間好似唔錯，一打去問，佢話CLOSED 左，激死！

今年公司Christmas Lunch 揀了Mandarin 的Clipper Lounge。萬豪的Buffet 食過好多次，Mandarin 的Lunch Buffet 今次係第一次食。Christmas價錢比平時貴，要$368一位。D魚生，生蠔好新鮮，魚生可以話入口即溶，生蠔雖然after taste 不太濃，但很肥美，一吃就半打。阿拉斯加蟹腳有些很肥，成條蟹腳可以去殼後不斷，已經比很多五星酒店好。熱盤一般，勝在多選擇。石斑，羊架，雞，鵝，牛，豬，肉類樣樣齊。沙律，芝士也有很多選擇。最正係個填鴨湯，很濃，不油，似雞精，沒有重味精，喝了兩碗。甜品必吃招牌芝士蛋糕。其他甜品仍然是五星級水準。吃完一輪，同事們都在傾偈，之後，有同事發起再掃芝士蛋糕，但因為Buffet時間差不多完，面已經沒有芝士蛋糕，等了很久都沒有再出，大說午市的芝士蛋糕已經賣哂，非常失望，幸好各人都吃了一件。後來經理知道我們想吃芝士蛋糕，就安排出多一個，非常感人，同事立刻再掃多兩件！真是聖誕快樂。從未如此可以放縱的吃文華Cheese Cake，吃後非常溫暖！酒店的細心，值得一讚！

早排同fd去0左食朱古力自助餐, 基本上全部野食一張枱放晒, 另外再有一邊有盤士多啤梨, 玉桂味朱古力奶, 同有人即場煮朱古力奶. 約二十多款食品中, 最有印象係玉桂味朱古力奶(有DD辛辣味, 幾得意), 藍芝士朱古力(幾濃芝士味), 朱古力SCONE (平時餅店冇呢款的, 仲跟埋散賣勁貴的玫瑰醬), 有個長方形上面有d黑芝麻的蛋糕, 同埋有笑牛牌芝士味0既pudding. 原本諗住食咁多朱古力一定好甜死, 後來覺得都ok喎, 因為全部野都只係細細件, 同埋唔係好甜, 所以都唔會好滯, 再加上我地都掛住傾計, 唔食得幾多.食物味道ok, 環境ok, 服務一如過往咁普通, 考慮到萬豪tea buffet款式多過佢, 又好坐過佢既情況之下, 下次tea都係另覓地點喇~

失望, 真係非常失望.全晚一件芝士蛋糕都無, 就連最基本的蛋糕都唔得,而且選擇少, 最頂引比D什果家庭蛋糕我食, 仲話文華東方D蛋糕出名, 真係出名差. 因為我絕對相信價錢同食物要成正比. 好la, 甜品算係講完, 再講電腦都打爆>..<海鮮: 生豪- 我最愛最愛之食物, 如果好食我可以覺得$400都直, 但一行去look look 就已經無哂食肉, 仲有D想放棄. 點解? size大細我可以接受, 但好鬼多豪殼, 唔新鮮, 大隻, 無味. 所以食左兩隻就算.(我在萬豪食兩打).真係我唔係我要求高, D人好似知道唔得. 我見好似無人食.凍蟹(蟹找唔係蟹腳) - 要落手落腳之食物我就唔多鍾意. 所以聽完我個friend個comment. 我就完全放棄. 因為個friend話肉係有, 但係完全無味.點攪!!!溜尿蝦- 好鬼細隻(長度如手提電話). 我和個friend都無食. 真係怕攪完都無肉落肚.魚生- 都有7-8款, 多!!真係算多. 但唔夠凍. 魚生唔夠凍比我感覺咪唔新鮮. 食落真係唔得.熟食:抄蟹/抄蝦- ok la...但好細隻薯茸/雞/蒜茸蒸大蜆/金銀蛋現菜- 好

Had tea with friend and ordered its reputable American cheesecake. I was disappointed. It doesn't have a rich cheesecake flavor and the texture is not creamy enough (it's a bit lumpy, more like the Italian style rather than American). I think Sweet Secrets makes it better than the Mandarin. The cappucino was also only so-so. Once again, I didn't taste good coffee bean flavor. Overall, it didn't live up to the reputation.I was going to sign up for its cheesecake class but don't think I'm g

前0個幾日睇見雜誌介紹clipper lonuge 0既buffet,今次0既主題係"阿拉斯加海鮮餐",主打係長腳蟹同三文魚!我同我老公同我同事,仲有佢朋友4個人去食(7月16日)!地方好細,一般舊式酒店佈置,有好舒服0既梳化坐,但係食0野好唔方便!主題係海鮮餐,但係竟然好少海鮮款,一張枱仔已經擺晒!d青口勁難食,同我上次去萬豪食0個d又大又爽0既差得遠!其他海鮮都普通啦!唔及萬豪多款!又冇龍蝦食!最好食係來自阿拉斯加0既長腳蟹,正如雜誌所講隻隻都有成尺長,好大條蟹肉,非常鮮味,直情好似0岩0岩0係海度捉上0黎咁,仲有陣海水味,超正!我同我老公夾埋食左十幾隻!d蟹腳每次都出得好少,而且仲要隔一段時間先再出,一出即刻比人掃晒,有d人仲企0係度等!呢度d熟食d確係唔錯,香草比目魚,牛油蒸"魚盧"魚都好味,絕對係酒店水準!!!!不過d甜品就勁失望,除左個招牌chesse cake好味之外,基本上全部都唔好食,太甜喇!根本如果唔係有長腳蟹就唔值~個晚仲唔小心走左隻雀仔入0黎,隻雀仔以高速周圍飛,嚇死d食客同埋待應姐姐!酒店d人想捉,都唔知點捉!哈哈!仲有見到簡東拿拖住條索女0係lobby出現t

五月二號繼續放假因為飲茶有點膩了同老公一早來文華食早餐原本抱好大期待的怎知東西少的可憐麵包種類不多也沒有最出名的鬆餅更沒有凍切熱食更奇怪只有一些培根炒蛋薯餅還有已經糊成一團的蝦餃跟燒賣根本就只是三星旅館的貨色不知是否因為當日餅店沒開的緣故才使得菜色如此走樣不然以每人將近兩百元來說這餐實在是太失色了

認真唔得，甜品種類多，但選不到一兩種來吃，先講蛋糕，沒有朱古力的味道，只有酒味和質地都是濕軟的。甜品做得很漂亮，但好睇唔好食，當中某些甜品還有八角、花椒、香料味，十分難食和好怪。有雪葩，雲尼拿的還可以(但都好普通)，但薑餅就好難吃。現場即沖的朱古力不見得有甚麼特別。唯一我覺得ok的係夏威夷果仁朱古力，但冇可能俾$220 (未加一)只係吃夏威夷果仁朱古力！總結一句：又貴又難食，係我食過最差的自助餐！

本來o黎食high tea，點知有chocolate buffet，我當然抵擋不住朱古力引誘，最後揀左食buffet la!故明思義所有甜品都係做朱古力做的，最特別係排了好多款朱古力，有白有黑唔同濃度的朱古力(見上圖)，以自已喜好味道，廚師姐姐即場調校朱古力奶，果然好好飲，新鮮又香滑。除了即制朱古力奶外，還有已調好的辣朱古力奶，聞落真係有D辣椒味，不過就飲唔出有辣味，尚可接受。迷你朱古力scone熱辣辣，好香牛油味，內有朱古力碎，我一個人已食了三件。西米布甸係車品品就食得多，朱古力西米布甸都係第一次食，真係好好味，又係好香濃朱古力味。仲有好多款朱古力糖，有nuts、truffles，而且有一隻cheese做饀，又有一隻係薰衣草味，這兩隻我都唔係太接受。而我就最鐘意食有夏威夷果仁個款，內有大大粒果仁。朱古力蛋榚、mousse當然唔少得la!文華出品有一定質素。好耐未咁盡興食朱古力，越食越開心，不過食到最後好溜好溜，想食番D咸野tim。

星期初在樓上扒房食，第二朝佢地兩個走，就輪到落呢度食，同樣係四個人，不過呢餐就佢地請。非正式統計，有得選擇的話，我好少食自助餐，但文華的算食得最多的了，皆因日本仔通常喜歡住呢度，所以都食左好幾次。呢度如常係好早都幾多人，有不少是這裡的住客。早餐的陣容跟以前一般豐富，正中的依舊是多款包點鬆餅，種類比樓上是多好多，有文華餅店的保證，品質當然掂，那塊honey comb仍然有得供應；單是凍切都有六、七款，就算幾好胃口，相信一樣試一點已經夠皮有餘；當然亦有小件的甜品如生果撻及朱古力慕絲、芝士蛋糕等，但大清早吃這些是有點不習慣；如常的有幾款穀物片及聊勝於無的三款芝士碟，因太多東西吃，所以都沒有去碰了；熱食仍分中西，中式是一款粥、點心及炒麵，西式都係例牌的腸腿蛋烟肉等。粥是蟹肉粥，竟然意想不到的不錯，在一眾老外早餐面前，呢一味仍是幾得我這些老鬼歡心；加上新鮮生果及幾款果汁，這頓早餐算是超額完成。包一杯飲品，埋單八百七十幾，仍是舊價錢。

聖誕節與家人在這裡慶祝。自助餐七時開始，但侍應們七時十分才給我們進入。這晚有很多人，很熱鬧。食物款式不算太多，但勝在樣樣精。頭盤嘅鵝肝醬非常香口。煙三文魚很好味，又不太咸。生蠔又大隻又新鮮。凍蝦蟹腳都很爽口。意大利黃瓜青瓜紅椒等都很淋很好味。其中有一碟去皮車厘茄非常甜美。麵包係意大利洋蔥蕃茄包及墨魚汁包，都很軟熟，如果係熱嘅就更好喇！龍蝦湯亦非常濃郁又甜。到熱盤，牛柳很淋很有肉味，酥皮羊肉非常香囗。龍脷魚就只屬一般。有一款類似烤雞配中東米都很美味。還有文華炒飯一出就給一掃而空，我見侍應不斷供應新的炒飯來。還有厨師切的釀火雞及蜜汁火腿，很入味，應節吃這兩款主菜真係好有feel！另有一盤煮過的栗子，非常入味！雖然本人沒試燒味，但家人吃很多，說味道不錯，尤其是燒鵝同乳豬。甜品當然有文華最出名的芝士餅，另有玉桂芝士餅、聖誕乾雜果蛋糕、聖誕曲奇、朱古力蛋糕、朱古力慕絲、Port 酒煮雜莓、麵包布甸等等，個人認為這兒的甜品偏甜，如果少甜些會好些。咖啡可叫低因。唯一美中不足的是端來的奶是冰凍的，弄得咖啡不夠熱！還有小朋友獻唱聖誕歌報佳音，非常有氣氛呢！整體而言，這兒的聖誕自助餐比君悅咖啡室的好，上年

客人朝早落機，又係住文華，都識左好多年，所以大家亦是朋友了，下午便去搵佢食晏，驕陽似火大家都唔想行，橫豎也有工作上的細節要傾，所以就因利乘便的在這裡吃自助餐。星期六的下午人客不多，比起自助早餐少人好多，完全不用訂位。自助午餐食物種類不算多，賣相俱很精緻，但感覺上是自助早餐仲多野食。冷盤檯有沙律、涷蝦、刺身、壽司及生蠔，幾款沙律味道都不錯，泰式牛肉酸酸辣辣的唔錯，吞拿魚沙律都不俗；涷蝦一隻隻掛起幾得意，蝦肉爽甜，不錯；生蠔是細細隻的熊本，新鮮但不算肥美，明顯是因為不是時令；熱盤是豬、牛、羊、魚、菜樣樣齊，不過味道一般，燒牛肉切定一塊塊在窩內熱著，味道怎會好？獨是那個咖哩羊還不錯；有文華餅店作後盾，甜品一環是幾有睇頭，賣相精緻。除了整個美式芝士餅外，還有一種馬蹄紅豆糕幾掂，另外朱古力蛋糕同各式生果都掂，食少點熱盤也要食多D甜品。價錢是每位二百五十幾蚊，以地方及食物質數來說，也不算貴。

下晝有文件野搞，今朝要同幾個客人食早餐傾埋D細節，原本同佢地去陸羽飲茶，但下著傾盤大雨，唔想擔遮，就在酒店食。在自助餐及The Caf擗選了前者，同個同事七點九來到，意外地人也不少，看樣子除住客外都有唔少街外人來吃的。呢度以疏化椅位為主，地方舒適好坐。侍應服務都唔錯，夠人手亦好細心，當然收得唔平係要交足功課的。食物分幾部份，選擇都不少，主打是在正中的各式麵包糕點，例牌的酥餅、鬆餅各嚐一件，新鮮自家製，質數當然唔會弱。除果醬外，最特別的是有一磚蜂巢蜜糖給人點麵包，味道清甜，感覺上係天然好多。有四款涷肉三文治，份量比門市的細一半，可以嗜多一點，吃過表面有葵花籽的軟包，入面是煙三文，不俗。芝士都有四種，俱是大路的如羊奶芝士、藍芝士等。麵包酥餅後面是牛奶乳酪及四款麥片，呢味野雖然健康，但個人而言非到生死關頭都不會就範吃這些無味東西。果汁反而有興趣，有三款，橙、西柚同西瓜，都是鮮搾的；中式點心有蝦餃燒賣叉燒包，在這裡吃是不必了，除了炒麵，今朝的粥是蝦粥，清清地亦有蝦肉味，唔錯；最後是生果，除了夏日三瓜：西瓜、蜜瓜、哈蜜瓜外，還有奇異果及橙等。飲埋杯熱咖啡，非常之豐富的一餐早點。五個人埋單連貼士1