快樂小羊火鍋餐廳

營業中

休息中

朋友食過話ok, 話做緊優惠, 雖然我冇coupon 300減100, 但員工話全場做緊食物78折, 留意唔包加一.湯底.飲品, 食完唔會好飽咁走, 中價火鍋。 以旺角嚟講價錢不算吸引。先叫咗小食，羊肉串同韭菜卷， 前者較肥膩後者一般，無特別。牛肩脊同快樂卷(羊)跟住上， 快樂卷切得較薄，食完好似一陣風咁😐不過都仲食到羊味。 牛肩脊味道較淡， 冇好濃嘅牛肉香味。我哋想食辣,但又怕太熱氣要求小辣,見到酸辣鍋(左圖)比較清。雪花牛造型好靚，不過眼見好多肥膏。至於油條一啲驚喜都冇我覺得好似乾咗嘅麵包，同真油條無咁何關係，反而有驚喜嘅係羊肉滑，好香羊味。全場最抵就係呢杯巨峰沙冰，大大杯28蚊好抵飲最後見到有評價批評過服務一般，但係我哋覺得唔係咁差喎， 埋單時仲提我哋下次記得用coupon會抵啲。

今晚同朋友去咗旺角食飯，叫咗嘅嘢食包括羊肉、雪花牛肉、羊小排、韭菜餅、蝦滑😀😀😀😀雪花牛肉🐮🐮🐮🐮佢有唔同價錢嘅牛肉，我大約揀咗中間左右嘅價錢，但係食物都有保證👍🏻羊肉🐏🐏羊肉好大碟，同埋鋪排得好靚😂不過講真一句佢嘅肉質的確幾香，真係好正👍🏻羊小排🐏🐏🐏好脆口，上面有一啲類似孜然粉，好入味，幾鍾意食~整體來講，呢間餐廳嘅質素都幾有保證，以呢個價錢同埋呢個份量來講值得再來！

今日黎到旺角行街，順便食埋晚餐先返屋企順帶一提呢間餐廳嘅樓底非常之高，坐得非常之舒服，仲有如果你識嘅朋友之前一定要訂位，因為呢間餐廳係非常之多人，講一下今晚嘅食物 鴛鴦火鍋湯底，蕃茄湯底，蕃茄味非常之濃郁，麻辣湯底，麻辣味非常之香濃得不會只是死麻 美國牛肩脊，牛肉味非常之香濃，油脂同肉嘅分布亦都好好，食落口裏面有一種油脂香 羊羊大拼盤，呢一個係必食推介，有羊嘅不同部位，羊食落非常之香，大大碟價錢亦都非常之抵 黑松露羊肉丸，黑松露同樣嘅比例非常之好，非常香濃嘅黑松露味配合羊肉，真係第一次食 手工水餃，食呢個水餃要非常之小心，因為入邊會有爆漿嘅效果，除咗肉之外入面仲有芝士，口感非常之豐富 鴨血係食火鍋必食嘅推介，呢間整出嚟嘅鴨血亦都非常之好食口感亦都非常之香滑 總括全晚嘅晚餐呢間餐廳係我食羊以來最好食嘅一間餐廳

我們選的鴛鴦鍋，清湯+蕃茄，較喜歡清湯，其實不是清湯咁簡單，是藥善湯，好有藥味，我鍾意😅店裏是完全不設其他醬料，食的完全是原味+湯底的味道，可接受，原汁原味。蟹子油條，幾有特色，口感唔錯。油條係內地火鍋絕對係必備，呢度都好新鮮，唔會林晒～菌類併盆，有好多唔同款式。三色餃子，幾有特色。菜藍的賣相幾靚，成個花籃咁，菜好新鮮。蘿蔔片好甜。羊肉盆，出場買相好煞食！👍🏼各種羊肉味道亦好好，冇”蘇”味，仲要好大盤添。牛肉盆味道亦唔錯。魚片都好，勝在夠新鮮！

好耐之前香港都曾經興過一排食羊肉火鍋嘅餐廳 朋友話旺角有間專食蒙古羊肉嘅火鍋餐廳梗係要同朋友一齊去試下啦🤩湯底方面我哋叫咗比較多人叫既成雙鍋$118蕃茄湯拼辣湯 番茄湯味道都幾濃 我同朋友都幾鍾意🥰辣湯麻味香濃 個人覺得如果辣啲再好食啲😋_🥩包克圖牛羊涮 $238整大盤以冰墊底裝上，牛肉同羊肉各有一半，砌成心形形狀，而且仲用羊肉砌作一朵玫瑰花🌹賣相好吸引💜羊肉切得夠薄，完全無羶味，入口香味散發😊牛肉肉質嫩易入口，牛肉味濃郁_🍡爆醬三寶 $88入面係有三款唔同味道嘅水餃🥟橙色羊肉餃，白色墨魚餃同綠色嘅wasabi餃值得一題係綠色嘅芥末水餃都真係幾攻鼻唔食得辣嘅朋友仔可能真係未必食到👻_💜蒙式羊小排 $158肉質肥瘦適中 烤得幾香脆 落咗孜然粉同辣粉之後令到羊小排更加惹味可口😆_油條$14平時見嘅油炸鬼都係勁大條而呢一個油條就整到好似香草麵包條鍾意就咁食又得或者放落湯度索味都非常之好味❣️土豆粉$14聽聞係呢間鋪頭自製 闊身嘅麵條配上蕃茄或者麻辣湯底 真係令到成個土豆粉生色不少 口感亦都幾QQ😎

從網上得知內地知名羊肉火鍋店快樂小羊於旺角開了旗艦店,當然要去試一試啦!地方很大座位很闊，而是服務跟內地都一樣好！點了一份大鍋成雙鍋$118湯底有大量藥材，用上當歸紅棗杞子和野菌等等，味道濃郁！麻辣湯底辣得過癮！包克圖牛羊涮$238份量很大，大片羊，快樂卷和牛肩脊，足夠三至四個人食，淥幾秒就食得，本身湯底味道已經非常濃郁，不需要點醬油！蒙式烤串$22串皮脆肉嫩，表面佈滿孜然粉，熱辣辣，很惹味！青檸梳打$22 透心涼😌楊枝甘露$28 足料😋椰汁糕，上面放咗少少金箔，更添貴氣！人均消費三佰多元，服務和食物質素都很有水準，平日九點後都咁多人排隊，很不錯吧！

大過兩隻手掌的蒙式燒羊架，面層加了孜然粉，味道辣辣地，非常非常惹味好食。表層下的油脂入口即溶，好正!蟹子墨魚滑放入湯底一會兒即會浮起，是非常易熟，而且口感還是非常彈牙。精美的包克圖牛羊涮，輕輕放入熱湯中涮一涮，羊肉鮮味即時出晒黎，完全不用加添其他調味料。肥廋均稱的肥牛很滑，亦不會過於油膩，用黎砌花效果好靚，「睇得又食得」。脆爆的炸豆卷原來即是響玲，就算放入湯後即刻拿起，也吸引了大量充滿精華的湯底，好在我動作夠快，否則浸耐左就唔好食。粟米不單望滿有光澤又飽滿，食落仲好甜美添!!楊枝柑露份量剛剛好又唔會好甜，還非常清涼，合時的消暑甜品。

朋友食完快樂小羊讚不絕口，所以我今日專程與先生到來試嚇令朋友推薦的快樂小羊。餐廳裝修優雅中帶著草原的氣息，可愛的小羊羊在餐廳的觸目處。美味鴛鴦鍋成雙鍋辣湯加清湯$118我不是食得太辣，這個鍋就最適合我了，所以要了個成雙鍋，清湯+辣湯 。包克圖牛羊涮$238包克圖牛羊涮，朋友極推薦這個包克圖牛羊涮，所以決定試嚇朋友口中的大大盤，份量非常多的包克圖牛羊涮。雖然有個心理準備，但上檯還是覺得非常的驚喜與驚訝，果真是極具霸氣，牛肉與羊肉的份量各半，份量超巨。清湯底裡原來不隻是清湯，有紅棗、紀子、北芪及黨參，還有湯底是餐廳秘製的濃湯㡳，絕非表面的清湯這麼簡單。牛肉切得也特別大件，在濃湯上灼上幾秒，濃湯帶出牛肉的鮮味。羊肉也是切得很大件，清湯帶出羊肉的鮮味，而辣湯則令羊肉多了麻香辣，連不食得太辣的我也愛上了。脆爽鮮毛肚$88這個爽脆鮮毛肚白雪雪，份量也不少，爽口有口感。蒙式烤羊肉串$132之前去上海旅行，食過烤羊肉串，濃郁的香草味及羊味，令我一食就愛上，而此餐廳的羊肉無論材料味道都更勝一酬。鹿兒島A4牛肩胛$343牛肩胛切得不是很大件，輕灼幾秒，帶牛味又軟嫩。綜合養生菌$78四色薯瓜$58菇菌類的菜

平時好多人等位 今晚見到唔駛排隊即時上去食 一共有兩層 其實都好爆場 點左清湯同辣湯 兩個都勁夠味 唔需要其他醬料我地點左 羊羊大拼盤 佢係新鮮砌出嚟 有羊有牛 好抵食👍🏻👍🏻😍羊肉唔膻 夠嫩夠滑 鬼馬墨魚滑，呢個幾特別架，我放湯3分鐘 ，索哂辣湯味，越食越好食😋仲有火鍋必備 金針菇 放辣湯超級好食😋火鍋絕配 炸響鈴 一點就要一份 因為我太鍾意食放落辣湯十秒拎上黎 吸盡精華 非常好食😋打邊爐配烏冬是常識吧😂😋超級大柸 巨峰提子沙冰 一路食熱野一路飲凍野 實在大滿足😋😋快樂丸滑拼盤 賣相精緻 入口彈牙😋食唔停口食菜放辣湯 味覺極享受😋因為湯底味道好 所以食菜都係好好味😋👍🏻

平時成日係旺角都經過呢間火鍋店~次次都見好多人食......哈哈, 咁熱鬧我都想試下!今日6點幾見有位就入去食咯~~湯底都有好多選擇~~有單鍋, 有鴛鴦, 仲有3拼大量火鍋配料巨峰沙冰大大杯, 好香巨峰味~ 甜度適中...蒙式烤串呢道既烤串幾好味喎~ 燒得好香!肉質幼嫩冇筋成雙鍋(清湯+蕃茄湯)鍋底好足料, 清湯都好濃味蕃茄湯好正, 好鮮蕃茄味快樂牛肉拼盤牛肉拼盤好澎湃喔~~ 一上枱有陣乾冰煙, 好有FEEL~~牛肉超靚, 好甘香, 好重牛味!!份量既多係3-4人食都冇問題自製土豆粉土豆粉好滑, 一D都唔膩鮮腐竹好新鮮, 豆味香濃鮮豆腐打邊爐一定要食豆腐, 吸收晒湯既精華, 超正!!三鮮水餃皮薄餡靚

今日老公訂左呢間蒙式主打羊肉既火鍋店，一入到去超大喔，上1/F環境舒適闊落，而且好乾淨。先選湯底，有好多選擇，因有小朋友關係，我地選左「成雙鍋」蕃茄拼清湯底。湯底非常足料，先飲一碗湯，先開始火鍋。「羊肉」必食，選左一碟火鍋羊肉，不過略嫌較so, 「牛肉」反而不錯，牛味夠濃，唔會太肥或太瘦。「餃子」分左3隻味道，分別係wasabi,芝士&黑松露，但餃子皮較厚身，整體感覺一般。「鬼馬墨魚滑」脆脆地又彈牙，加埋蟹籽卜卜聲，幾好味，浸一陣就食得啦「快樂丸滑拼盤」共有3種丸兩種滑，分別有蝦丸，墨魚丸及黑松露羊肉丸，滑就是墨魚滑及黑松露羊肉滑，味道略帶籽然粉，丸比較彈牙。「自製土豆粉」香港唔太多地方可以食到，口感好qq好彈牙，有驚喜喔！烤肉方面：「羊肉串」超正！必食，味道很惹味，肉質好Juice,可以係比足100分。「烤羊小排」呢個反而一般，口感唔太好，肉不夠嫩滑，扣很多分呢。飲品：「百香果沙冰」甜甜酸酸好開胃，岩曬依家咁熱既天氣，大大杯，足夠飲曬全程打邊爐。「咸檸7 」不過不失。總括而言，環境舒適乾淨，食物算中價，服務亦唔錯，可以再去👍🏻

同朋友慶生~ 帶佢黎食餐豐富既打邊爐慶祝下先餐廳非常大, 樓高幾層, 坐位非常多而且寬闊~ 坐得好舒適呢!以香港黎講真係好少咁大間既餐廳~嘟QR code係電話落單, 好方便!呢道有好多打邊爐材料選擇~~肉類, 海鮮, 蔬菜.....選擇多的是~仲有小食燒烤串~~我地點左個鴛鴦鍋~~清湯+蕃茄湯鍋底味道好濃郁第一次食火鍋唔洗點調味料快樂牛肉拼盤哇...好大盤喔!!!有4種唔同既牛部位~~超正!! 牛味濃, 而且肉質軟腍~~豐富到一個點, 牛魔王必食之選菠菜, 板豆苗, 東北木耳, 響鈴板豆苗好嫩, 冇渣響鈴夠脆!!大白菜, 蟹味菇, 功夫清筍功夫清筍薄薄的, 好爽口!楊枝甘露 & 黃金椰汁糕黃金椰汁糕有金箔係面好閃呀!好重椰汁味~~軟硬度適中, 唔會太稀~楊枝甘露好足料!!啖啖果肉~~又香又甜

呢個湯底有杞子、龍眼、紅棗、淮山等材料，感覺上用的都是是養生鍋有的配料。鬼馬墨魚滑，個名幾cute，其實是蟹子墨魚滑加上油炸鬼。滑嫩青蝦雖是冰鮮，但鮮味依然。這碟包克圖牛羊涮其實是很大碟的，砌到成個心心及花花的形狀，幾靚!響玲好脆，沒有受潮，好似係啱啱做起咁樣!粟米粒粒脹卜卜又有光澤，沒有半粒乾身。鐘意食稻庭烏冬是因為其較一般烏冬幼細，而且相對滑身及彈牙。羊肉及涮涮鍋是這裡的賣點，除火鍋外，其蒙式串燒也非常香辣兼惹味，不可錯過。冰涼的金黃桂花糕有著啖啖的桂花和杞子香，很正!，

今日同男朋友去食羊肉火鍋入面嘅樓底非常之高令人有好舒適嘅感覺而我地就叫咗個成雙鍋即係蕃茄湯配麻辣湯底但係呢個麻辣湯底超級正唔止有麻辣味之外仲有呢個羊肉味呢度嘅配料其實算好平而且大部份都有半份例如鴨血同埋凍豆腐 我哋都好鍾意鴨血食到Q彈嘅口感 凍豆腐索晒啲湯底真係超正嚟到呢度點樣可以唔食羊肉呢我哋就叫咗個羊羊大拼盤每一款嘅羊味道都好好 油脂適中黑松露羊肉丸亦都好有羊味除咗打邊爐之外其實呢度串燒都幾出色我哋叫咗兩串蒙式烤串 同熊本一口牛兩串都笑得好香而且本身材料亦都好新鮮

這裡的餐牌圖文並茂，而且可以看得出這裏的份量都不算少。兩個人就叫一個包克圖牛羊涮再加一些其他配料便好了。我們的湯底是清湯和酸辣，這個酸辣湯很奇妙沒有什麼配料但味道很濃，反而清湯那邊就有很多材料造成。先來一大碟肉，很浪漫的心形，加上碩大的碟子盛著，很是架勢。肉是薄薄的一片，附合了涮涮鍋的要求。肉質是半肥瘦，口感一流。之後便響鈴，蔬菜等，而這裏一大賣點就是不用點任何醬料，湯鍋裏的味道已經很濃，只要輕鬆地涮一涮，味道已經深入材料當中，再配合材料本身的味道，已經是一大美味。值得一提的是這個土豆粉，我們前後叫了兩次，因為實在太好吃了，只需要大概一分鐘，便能吃到煙靭又彈牙的粉！