快樂小羊火鍋餐廳

營業中

休息中

兩個女仔抽起條筋好想打邊爐 諗起呢一間想試好耐既火鍋店之前都睇過微辣既介紹 見到環境幾正同埋食物好吸引 果然冇令我失望我地一開頭叫左D羊串燒 其實我本身唔食羊的 但陪我個fd食就試左一串點知佢真係一D都唔穌 完全改變我過往對食羊既睇法 真係唔錯 湯底我地好貪心叫左3個 有麻辣 蕃茄同清湯 3個湯都好正 麻辣唔算好辣 好易接受 蕃茄都好濃 而我最中意係個清湯 老闆原來好後生 又好好人 仲同我地介紹話可以當湯咁飲 勁養生 又勁濃勁好味我地叫左個鬼馬墨魚滑 真係幾鬼馬 外脆內煙韌 之後仲叫左個羊肉 呢個乾冰出煙效果真係岩哂打卡 睇到我地2個哇哇聲其實我原本真係對羊冇咩好感 但不得不讚佢地既羊肉真係好出色一D都唔穌 呢到刻意冇提供醬料 因為湯底同食材已經非常好味 完全唔需要點調味真係好正呀! 我地最後仲encore左個羊肉串~ 真係好滿足!!食完之後都覺得念念不忘 期待之後約一大班人去 可以試多D唔同野!! 

今日下午約左班舊同學去旺角快樂小羊打邊爐 裡面超級大 去既時候唔多人 超舒服! 印象分已經滿分經理推介左羊排同黃金羊王 其他都自己叫 叫左D肥牛同魚滑拼盤 大家除番開 價錢都接受到食物到左 份量都幾夠 一食就不得了!我自己對羊就沒咩所謂 反正食肉獸 來者不拒但佢D羊真係無敵 你係會一瞬間愛上 先講個羊排脂肪入口即溶 入口之後唔係油膩既感覺 而係好似飲全脂羊奶咁好濃既香同滑 大家真係鬥快搶!之後黃金羊王 又係無敵 羊既肉質好嫩好嫩 強烈建議大家唔好點任何醬原汁原味 好好享受佢個羊肉本身其他都好出色 值得一提係佢個魚滑拼盤 真係好有鮮味食完之後大家都讚不絕口 真係開心咁走 呢餐都幾肯定係 近呢幾年食過最高質素既火鍋 更莫講係食羊上真係呢世第一次發現 原來羊可以咁XX好味 (請原諒 我既無禮!) 

跟朋友聚會第一次來吃，很喜歡大堂沒有羊騷味，樓上食區也沒有，吃完後都沒有很重的羊騷味。上菜速度很快，落完單沒有30分鐘就接近上齊。叫了網上推薦的光陰鍋，落餸前要先嚐湯！我覺得偏少咸，嚐到有味精🤔，恰好提供茶解一解。至於餸每款很好吃，尤其蔬菜很鮮甜，羊肉牛肉都很好吃，但牛肉偏貴，只叫最平價一款牛肩脊，但都好吃。滑拼盤有墨魚滑，蝦滑同黑松露羊肉滑，都幾值得一試。羊肉快樂塔，我個人覺得好食過其他，不會太肥不會太瘦。響鈴好好食，同其他出面買的唔同，應該係自家製。手工水餃好好味👍👍醬油是問職員提供的。

日本、韓國過江龍聽得多，而內地餐廳好似重慶、北京、上海等既過江龍餐廳亦不少，但至於蒙古過江龍真係好少有，仲要係主打食由蒙古自家牧場出品羊肉更加罕有添，岩哂我呢款嗜羊者！回想起數年前係內蒙古旅行，日日都食羊肉，呢間「快樂小羊火鍋餐廳」係今年初開係香港，未知能否讓我找回係內蒙古既感覺？環境一望三層樓高都幾壯觀 店舖十分大，座位寬敞舒服，裝修都係走中式簡單設計，食物上枱好快，員工有禮，招呼不錯。蒙式烤串 $22/串用鐵板上，唔少得孜然粉及辣粉調味，羊肉羶味唔算重，羊肉半肥瘦，帶少許肥膏，口感不錯。成雙鍋 $118即係鴛鴦鍋，揀左光陰鍋配麻辣鍋，餐牌上介紹光陰鍋精選36種原料熬製，經6道工序，99次顛覆製成，可見有紅棗、杞子、茨實、大蒽、蒜頭等等，湯底頗重中藥味，鹹度適中，愈煲愈出味。食中式火鍋又點少得麻辣鍋，辣度及麻度較低，同平時食既有少許唔同，反而酸味較出，都幾特別。塔拉上的快樂卷 $128餐牌上介紹係用來自中國錫林敦勒草原黃金牧場，品種屬珍稀草原羊種蘇尼特羊，自然放養，可以叫走地羊。估唔到份量咁多，夠三至四個人食都冇問題，切得好薄，所以碌嗰時比較易散開，羊肉羶味同樣唔算重，肉質易咬開，亦

我同老公都好鍾意食羊，見到專打羊邊爐，試下得唔得先🤔第一次食，嗌多左，下次唔嗌牛就perfect嗱。羊肉真係好食，我地嗌拼盤，有3種羊肉，好大盤，超抵食，味道真係唔錯，夠晒肥，食落好香好滑，絕對會再食🤤👍🏾湯底唔錯，鴛鴦鍋先$118，抵👍🏾另外佢個薯粉超好食，如果本身鍾意食薯粉一定要食🤤👍🏾另外嗌左羊肉串同羊骨(唔記得咩名)，羊肉串好好食，會再食，羊骨就覺得麻麻地，肉比較鞋，無下次。另外想講下服務，環境真係唔錯，坐得幾舒服，但有啲員工就有待改善，唔主動，嗌又唔應，大大聲講粗口..........唔記得計折扣，記得check單。同埋坐低之後見到有用過既杯，老公表示不滿😓整體羊肉好好食，羊魔王表示很滿意，一定會再食🤤👍🏾

在香港要找一間抵食又高質的火鍋店越來越難，有沒有人像我一樣有同感呢？朋友試過快樂小羊即推薦給我。我也跟他一樣一試愛上，成了近期最喜愛的火鍋店。價位雖不算低，一定沒有任食火鍋那樣便宜又能吃到捧着肚子走。但食嘢始終都應該是重質不重量！而我覺得快樂小羊用料新鮮，羊肉片牛肉片都是高質，又有提供不同價位選擇，豐儉由人。最值得一讚是湯底濃郁到一個點，食材完全不需要沾醬油都夠味。你問服務員要醬油，服務員也無法提供，因為湯底實在夠濃，沒其他客人需要再點醬油。藥膳湯底是我最喜愛的，蒜味與藥材味相輔相成，好吃得來又養生！還有必點的羊肉片，據說是蒙古直送的鮮羊肉片，個人認為沒有坊間羊肉的膻味，肉質亦較好。

今晚同男朋友去旺角試下之前路過好吸引既新開火鍋店💕❤️佢個名叫快樂小羊,顧名思義佢係係主打食羊肉既,樓高幾層我地坐既位置都好闊咁我地就要左個成雙鍋😘(清湯+辣湯), 佢湯底好香,除左一邊有麻辣之香以外,清湯果邊有好香既藥材味道,我地都飲左好多黎試下😘咁先講下要左配料先: 首先我地要左金針菇生菜,兩樣蔬菜都好新鮮,而且佢半份咁嗌可以就返大家既份量😛第二我地要左好靚既美國牛肩胛,個份量好多而且見到佢地成色好靚又新鮮,每塊都係厚切🥺好吸引而且價錢一d 都唔貴,牛味又濃☺仲有當然係佢地主打既羊肉,放落麻辣湯到好正,佢地因為油脂比較厚 所以每塊分得比較薄,一碌入口都唔太有羶味好正👍抵嗌之後我好推介既手打Q 彈鮮蝦丸同鬼馬墨魚滑都好彈口同爽口💕鬼馬墨魚滑外面仲包左油炸鬼👍非常惹味😙而且我地額外要左個響鈴,每塊都好大好香脆,配合埋我地既麻辣湯 正至於佢地既自製土豆粉同一般既薯粉唔同,testure 上比較厚又好彈牙 好好味我地仲encore 左一次😛鮮蝦雲吞既蝦仁好大粒,仲有佢地有推介我地食三鮮水餃 加埋清湯好juicy 清甜😎另一方面我地兩個特色小食, 第一個係胡麻茄子,咁佢係凍食茄子再加日本胡麻醬

約咗老公嚟試呢間旺角蒙古羊肉打邊爐嘅餐廳一下次租咗兩層連地舖 裝修得美輪美奐未睇menu已經想入去睇完menu原來價錢好抵半份嘢食都係十幾蚊.💟湯底無雙鍋 酸辣同蕃茄汁酸辣酸酸甜甜 有少少胡椒味番茄都有少少辣相對番茄味冇咁重兩隻味都好開胃 唔錯💟a4和牛肩半份分量都好大 油脂分泌好好仲要厚切實在太過份 咬上去超級滑味道好好💟蔬菜粟米菇 冬瓜 各半分 每樣都唔超過 20蚊💟鮮蝦雲吞好好味呀大大隻💟響鈴卷不過不失💟熟食羊肉串完全冇羊嘅騷味不過調味料好重 比較辣但係羊肉好香誘惑 和牛串價錢較貴 但真係好好食中間夾埋啲蔬果 更出色韭菜包有四嚿 脆卜卜 又足料💟椰汁糕 桂花糕兩隻都整到好挺身又滑唔算好甜💟飲品我哋叫咗沙冰各一杯 超級大杯打完個邊爐都飲唔曬味道清新要等一陣內部裝修環境非常靚服務又非常好 絕對比得起海底撈 一定會再試

今日食生日飯，朋友是羊肉控 訂了快樂小羊，佢係蒙古菜主打羊肉火鍋和羊肉燒烤! 這家店裝修頗具心思，以蒙古大草原為主題，在旺角樓高三層，不同分區以中國不同地方命名，全場落地玻璃，座位以卡位為主，地方寬敞外望街景，坐得非常舒適！我們點了蒙式烤羊排、美國小羊排、黑松露羊肉丸、脆肉鯇 、餃子、蝦滑、東北黑木耳、杏鮑菇、自製土豆粉、炸響鈴和油麥菜 蒙式烤羊排燒至表面焦香，入口肉質嫩滑，面層還有惹味的孜然味成雙鍋 湯底(清湯+辣湯)清入口清甜帶有藥材味。辣湯不是麻辣，屬於中辣程度。 美國小牛排用冰架放上肉排，擺設別出心裁，肉質嫩滑黑松露羊肉丸驚喜推介 將黑松露和羊肉的味道推上另外一個層次1664生啤生啤桶字底座有冰塊，就算時間耐了啤酒倒出仍然冰凍！

Soup base is goodBeef is ordinaryLamb is extraordinaryCubes of duck blood are niceStaff is nicePrice is $$$$$Glad that they provide a free dish of lamb (which is very good quality) and a few cash vouchers, otherwise the price would become even higher

是日birthday dinner 去左快樂小羊打邊爐😚😋 朋友請我去呢到打邊爐，咁我就卻之不恭啦😁😁照舊嗌左個鴛鴦湯底 藥材味好重😋😋😋 麻辣唔會好辣！反而有一種好香的味道嗌左必嗌既燒羊肉串，燒起身熱辣辣！加埋啲辣粉同孜然粉好正啊！叫左個經典既牛羊心心，唔記得左叫咩名🤔 但係我覺得幾抵食既呢個，份量有好多，夠四五個人share仲嗌左個豬肉，豬肉片薄薄的，淥幾下都好快熟，當然要再淥熟啲啦確保衛生仲嗌左響鈴阿蝦阿紫薯粉個啲。佢地既肉的質素一向都好好，係性價比十分高的一間火鍋店 同埋其中留得住客人既原因係因為每次食完都會送幾張一百蚊既coupon黎吸引你繼續食十分高招哈哈

旺角呢間火鍋店係主打食羊既，不過我唔食羊比fd叫左去😂😂首先揀左3個湯底，分別係清湯、麻辣、蕃茄清湯係一d都唔清！好有味睇得出湯底落足心機，而麻辣就唔算辣 不過可以叫佢加辣既到左主菜我地叫左不同既牛同羊牛既油花好靚，好夠林。上圖右下個個係最入口即化既（不過唔記得係咩肉啦）另外仲叫左串燒，香口，林身，加埋孜然粉好野味最後要點名既係個響鈴！！同出面食既唔同架！無左陣油益味成件身唔同哂😂不過佢d野食半份都唔細，我地一行8人大部分叫一份就岩岩好，所以建議一班人去食啦～

去旺角見到呢一間快樂小羊有三層都幾大 好似好高質 所以就去咗食咁我哋就叫咗個鴛鴦鍋雖然佢哋主要係食羊但因為我朋友唔係好點食羊所以我哋就叫咗個牛呢個牛真係幾高質 係鹿兒島牛同埋叫咗芝心丸 蝦滑叫咗少少嘢食都好full啊都幾抵食唔錯唔錯

枱面放住用The Club積分換企鵝券，問過侍應話可以用先去換，好啦諗住換完又可以用，點知去到櫃臺又話今日第一日開始用，未用得留下次先用，然後就是是但但幫你儲返個The club積分就打發你，真係非常好！

今次4個女仔去叫左好多野食，好彩張枱都幾大，坐得幾舒服。羊叫左羊羊大拼盤同蒙式烤串拼盤真係幾大盤！拼盤上面又擺到好似花咁，都幾有心思～另外烤串又香又夠味，加左啲香料去烤，羊冇咩羶味，幾易入口，唔係好受到羊陣味既人都可以試下。牛方面就食左鹿兒島牛肩同快樂牛肉拼盤個牛肩真心誠意推介！厚度剛好又好味。但食完個牛肩返唔到轉頭，個牛肉拼盤又係超大盤，佢有牛粒同薄切牛肉，好似食極都食唔完咁。其他我地仲叫左蝦滑，佢一份有3條，真係多人食先好嗌～服務態度都唔錯，會主動加下水收下野咁。整體黎講食物環境都唔錯～