快樂小羊火鍋餐廳

營業中

休息中

朋友食過話ok, 話做緊優惠, 雖然我冇coupon 300減100, 但員工話全場做緊食物78折, 留意唔包加一.湯底.飲品, 食完唔會好飽咁走, 中價火鍋。 以旺角嚟講價錢不算吸引。先叫咗小食，羊肉串同韭菜卷， 前者較肥膩後者一般，無特別。牛肩脊同快樂卷(羊)跟住上， 快樂卷切得較薄，食完好似一陣風咁😐不過都仲食到羊味。 牛肩脊味道較淡， 冇好濃嘅牛肉香味。我哋想食辣,但又怕太熱氣要求小辣,見到酸辣鍋(左圖)比較清。雪花牛造型好靚，不過眼見好多肥膏。至於油條一啲驚喜都冇我覺得好似乾咗嘅麵包，同真油條無咁何關係，反而有驚喜嘅係羊肉滑，好香羊味。全場最抵就係呢杯巨峰沙冰，大大杯28蚊好抵飲最後見到有評價批評過服務一般，但係我哋覺得唔係咁差喎， 埋單時仲提我哋下次記得用coupon會抵啲。