心夜來潮 (已結業)

其實呢今晚本來想清清地就食南記米線嘅因為南記就係樓上鋪一樓嘅關係行到上一樓嘅時候再望吓上邊原來仲有另外一間潮州餐廳好衰唔衰上面正正係潮州餐廳望吓望吓就被去吸引左行多相上一餐食咗呢間潮州菜識得潮州菜第一樣要食嘅就梗係要食煎豪餅啦呢度嘅煎豪餅大大塊而且十分之厚身同埋周五會用上炸嘅方式去煎豪餅所以唔會食落口成口都係油因為我最怕就係食好似廟街嗰啲炸豪餅食落口炸炸粉同埋成口油不過呢度嘅鴨旦香超級濃郁而且入面嘅豪仔完全好似唔駛錢咁每食一啖起碼有成三四隻豪仔跌出來對唔住我講錯咗裏面嘅豪餅其實唔係豪仔係完全一隻正常size咁樣好味濃郁而且又冇沙食落啖啖肉非常之惹味之後再叫左一款已經喺酒樓都好少食嘅嘢就係炸饅頭估唔到呢度整炸饅頭都非常之出色出色在佢哋唔會食落去就好似成口油咁另外佢哋炸得係非常之香脆而入面就係軟熟嘅饅頭香味再配合埋煉奶係咁食最後叫多咗呢煲鹹菜門鱔湯新鮮煲嘅湯真係完全令人零抵抗力果一種鮮甜無比嘅湯真係令人一碗又一碗而且材料非常之豐富門鱔肉大大嚿起完骨之後食重更加滋味無窮

今日.. 完左show 後... 大家個肚餓到去一個點早前, 我家姐聽我講過心夜來潮既砂煲粥無得輸...而旺角又有一間.. 所以我地收拾好行裝就一行三人開車過去食粥喇我地凌晨12點幾去到... 無咩人好似包左場咁..一坐底, 我地亦係叫左砂鍋粥先...之後就慢慢叫其他野食醬醃螄蚶鮮味十足, 可惜份量少左D~~好快比我地清哂~~脆炸潮式獅子頭外皮炸得好脆, 另配上泰式辣醬點黎食又另有一番風味滷水拼盤拼盤紅腸、滷豆腐、 腩肉及豬腸等等每樣小食亦好入味, 不錯 主角到喇, 砂鍋粥我地3個人叫左個大SIZE咁我地就叫左幾款海鮮、雞肉及豬潤 海鮮有聖子, 蠔仔,等等聖子鮮甜 爽口蠔仔份量亦好多,,,好抵食而粥吸收哂海鮮及雞肉既精華成個粥除左本身味道外亦食到好鮮甜味道超讚 

琴晚屋企冇飯食諗起上次喺荃灣食完依間分店原來旺角都有， 所以就過咗嚟食上次見到個牙籤雞好吸引今次終於可以試吓家常牙籤雞$42佢用小米通包住啲雞黎炸，好鬆脆感覺啲米通好似包住啲汁咁而且用牙籤吉住每一件黎食，好方便饅頭都有得炒？ $68炸饅頭就食得多用饅頭來炒餸就真係第一次食將饅頭炸過，再用椒絲青椒炒埋一齊諗唔到係咁惹味饅頭又唔會因為有啲汁而吸收晒，變到好稔呢個真係值得推介雖然自己家鄉唔係潮汕🙊但可以試到其他人家鄉風味都唔錯

食開既打冷舖都係地舖, 而樓上打冷舖的確比較少, 呢間仲要係24小時營業, 若非開係旺區都幾難做! 呢間新式潮州菜店, 荃灣都有分店, 食過幾唔錯, 今次再食!店內裝飾幾中國化, 大部份係二人枱, 2人上黎打冷都無問題, 又真係見多情侶或後生仔上來開餐喎打開餐牌, 食物選擇款式都OK多, 有D菜式個名都幾搞鬼, 例如炒饅頭, 家常牙籤鷄, 仲見到醬醃海鮮類, 呢D真係比較係傳統潮菜館見唔到既!肚餓啦, 先叫呢款香辣魚仔炒蟶子王, 2隻起, 呢度份量係4隻, 食落好香豉汁味, 配以洋䓤, 青紅椒, 加埋香辣魚仔, 令爽口彈牙既蟶子肉更好味, 已預先起好肉, 方便易食!見到餐牌上有呢款椒鹽剝皮魚, 香口之物, 一碟魚既份量唔少, 帶甜味既剝皮魚干, 雖則細細條但幾鮮味, 連魚骨都可以食埋落肚, 咪比佢咁多紅辣椒絲, 但食落一D都唔辣, 用黎送啤酒真係一流呀!估佢唔到打冷居然會有牛雜食, 呢款十七香牛雜鍋(細), 備上火爐熱住食, 再滾起就食得, 鍋內材料包括牛腩, 牛肚, 牛柏葉, 牛腸及蘿蔔, 每樣都切得細細件方便入味, 呢鍋牛雜用黎送飯都幾夾, 係天氣凍既日子食就就更滋味!酸

潮州菜館係香港唔多，多數都係舊區多，主要做街坊生意，每間裝修都比較地道大排檔格局，平時我少選擇食潮州菜係因為怕要坐露天位或坐得好迫，而依間係我唯一會去既潮州菜店店內裝修都幾古式故鄉感覺，但又有種新派感覺，乾淨企理同朋友兩個人叫左幾味小菜加支啤酒啤啤佢<<家常牙籤雞>>雞肉用左牙籤拮住，醃完再落穫炸，令雞肉入面更快熟透，又可以保持鎖到肉汁係入面，炸得香脆可口，肉質口感好嫩，沾泰式辣醬食落甜辣開胃，送啤酒一流<<方魚炒芥蘭>>芥蘭食得出新鮮，煮得剛剛好，爽口鮮甜，炒得好惹味<<醬滷拼盤>>拼盤有五款滷味，款款份量好多，有豬耳、紅腸、豬大腸、五花腩、豆腐、牛舌。全部都滷得好濃好入味，食落夠哂腍同唔會偏咸，帶微微既滷水陳皮香，不得不讚係豬大腸入面既肥膏清得好乾淨，咬落好軟好好食<<脆炸潮式獅子頭>>平時食獅子頭都係炆煮完配芡汁上，依個用炸既方式，入面有豬肉、茹做餡料，食落勁酥脆，好薄粉整體而言，味道唔錯，價錢好合理，坐得輕鬆自在，最緊要開到零晨，可以憑的士收據黎食宵夜

香港的潮汕菜館多的是，有八分一潮州血統的我亦不時會吃，基本選擇來來去去皆是炸雙棗、煎蠔餅、川椒雞、魚飯、鹵水鵝及方魚肉碎粥等等，但在心夜來潮，機乎全部找不到。原來上述所指的皆是香港的潮汕菜式，而心夜來潮，主力供應內地菜及新派潮菜，對我來說，別有風味。硬皮餐牌圖文並茂，砂鍋粥、生醃海鮮、醬鹵食品、街頭小吃是主打，同時添加了一些似粵菜的新派潮菜。店內裝潢骨子企理，木製桌椅，潮汕風格。小米餃子沾米粉做的迷你餃子，剛好一口一只，外皮口感煙韌，魚肉混合豬肉的餡料味道好，不失為一美味小吃。醬鹵鵝翼祖傳秘汁醃味，清幽香醇，鹹甜入味，但感覺不及一些店豐富，可能因為鵝翼較瘦，皮爽厚但肉少，吸汁能力不高，我估鹵鵝肉片會令人覺得入味一點。酸菜門鱔魚湯片片門鱔肉厚嫩滑，湯頭酸香味佳，個人來說，酸菜非我杯茶，所以吃得不多，煲了湯後的酸菜其實不太酸，宜口可吃。堂燒火焰醃醉蝦堂前烹調如表演，絕對是相機出洞之時。服務員把已經醃過的生蝦倒在瓦煲上，再加進大量玫瑰露酒，加火。在熊熊烈火內翻滾烹調，見大蝦顏色完全轉橙後便完成。剩下來的酒湯滿煲，全部浸蓋著六只大蝦，我們要馬上吃，免得被餘溫弄至過熟。喝一口湯，酒濃味香，玫瑰露

原來除了廟街有打冷，潮州菜外，旺角中心地帶都有！數日前見凍凍地就去食！招牌菜:蟹粥 (即叫即煮)按餸計錢的，粥底是送的點了只中size蟹，再加响螺！，整心想：我們真的能食完嗎？份量是超級多！可盛到7,8碗！而且响螺都有好多塊！剛呈上時，因為是即叫即煮的關系，所以是熱哄哄的蟹裡有超多膏而且粥非常鮮甜！每一口都感受到海鮮的甜味，十分好味！必點！連本身對海鮮沒什麼好感的我都食了很多另附有葱及莞茜炒炸饅頭：第一次食炒的炸饅頭，炒的就似豉椒炒的風味，配上青椒及辣魚仔，好香口!黑椒豬肚湯：凍凍天氣下食絕對非常暖胃!雖然加了黑椒但不太辣，不食辣的朋友也應付得到!而且有超多豬肚豬肚亦好淋，好入味!一窩可以分到八碗，多人share則剛好一飲會停不了口小米餃：迷你魚皮餃的味道，喜歡其qq，厚厚的外層，內裡帶有少許蝦米的味道，一口一隻，少食，多滋味聖子：圖中只是兩隻聖子，size大大隻，好吸晴呀!配上青椒，好入味。豬油渣蒸水蛋：這道菜，相對地失色不少。水蛋有點過咸，應該是打蛋時下得太多salt,會食到蛋中都帶咸唯一值得讚的是豬油渣，炸得好香，好脆以上是本人個人分享，不代表open rice立場

去旺角行完街黎黎去去都係食日式西式菜個朋友話旺中隔離開咗間潮州菜都幾好食依啲天氣最怕坐戶外，好彩去到都係坐室內沙白蒸水蛋$68最初唔知沙白係咩，原來係啲蜆用蜆來蒸水蛋，水蛋特別甜而且仲好滑，所以我哋都叫咗碗飯來餸飯脆炸潮式獅子頭 $36獅子頭就成日食脆炸獅子頭就未食過外面炸到好香脆入面食落有香菇，帶少少肥既豬肉蘸埋旁邊醬汁一齊食，好惹味簡簡單單兩個餸加碗飯都夠我地飽足一晚今次見到佢餐牌其他野都好吸引下次行完街再黎食過先

是夜同好姐妹SHOPPING完已經十點幾，好多食店都準備關門，但我地又想搵間餐廳一邊食一邊坐下傾下計~上OPENRICE search 到附近有間心夜來潮，餐廳通宵營業，夜晚晚肚餓都唔洗驚無得食喇!~炒花甲同menu一樣咁多咁吸引，絕冇欺場！加入左洋蔥、紅椒、青椒去炒，非常香！辣度剛剛好，花甲全部都炒到開哂口，又冇哂，一隻都唔會哂！潮洲特色小食小米餃外皮晶瑩煙韌，一口SIZE，食幾多都唔怕無儀態喇!!中間包著既係豬肉加入左大地魚乾粉和特製醬汁製成， 爽口多汁，即使唔沾上伴碟既蠔油都已經好惹味晚餐總要吃點蔬菜吧？！勝瓜爽口冇青味，配上肥美既白蜆，有得食又有湯飲，湯汁鮮甜，好正！

旅行回來不久, 我同相公就病到High High, 我倆唯有吃多點菜, 清清地唔食咁多肉. 今晚就試下南記上面這間心夜來潮, 本以為食的野都好油, 但原來有好健康又好味的選擇 (晚上9 點多都幾多人) 先來個店的推介- 小米餃 (HKD32) , 小米餃皮非常煙韌, 有點似水晶餃皮般質感, 而裹面包有豬肉等配料, 鹹味適中. 爆炒醬啫秋葵 (HKD68) , 有丁點辣的秋葵用啫啫醬炒, 野味非常, 加上秋葵都保持爽脆清甜, 不錯. 問了這個菜茶 (HKD52) 是什麼, 其實就用上上湯加入了菜底, 再加入魷魚, 蝦米, 肉碎腩肉, 臘肉, 花生, 脆米….等等等等材料, 大大碟菜 (菜類不能盡錄) , 清清地, 但又加上鮮味鹹味十足的配料, 即時令層次感大大提升, 清得來又有不同的口感, 為我們這些病病地的人帶來一些味感享受. 正宗汕頭手打牛肉丸 (HKD46) , 牛肉丸爽口彈牙有質感之餘, 都好重牛味, 果然是潮汕的手打牛肉丸的呢~ 見到其他人都食煲呀炒野野都好似好好味咁 (隔離飯香是也) , 下次好返又來食下煲先~

潮州打冷是三五成群朋友食飯的一個不錯既選擇，今次在人煙稠密既旺角中，找到一家位於樓上環境古式古鄉的新派潮州菜店。其店名跟營業時間十分貼切，是通宵營業;由下午六時至早上六時。正正適合一班夜鬼，夜晚肚皮空虛時，心血來潮食返一餐潮州菜。潮州菜中有一個特點，就是無海鮮不成宴。所以今次我們也點了兩款生醃類海鮮;醬醃爆醬珍珠龍蝦和醃螄蚶，餐廳十分貼心，每款醃咸鮮菜式也會附上一碗白粥，兩款醃海鮮中，螄蚶最為鮮甜，就肉眼可見以小量酒、蒜、辣椒和獨門調味配方醃製，味道更突顯螄蚶的鮮味，餐廳配有開殼夾，只要簡單的小技巧，就能輕易打開殼取肉。而醬醃爆醬珍珠龍蝦，餐廳細心地分成一段段，讓食客食得方便，肉眼已見龍蝦上金黃的蝦膏，肉質爽口，味道整體濃郁，配上白粥就恰好能中和味蕾。再嘗其他潮州特色小食如小米餃和家常牙籤雞，小米餃外皮像薯粉製成，口感彈牙，內含豬肉，一口一餃，十分美味。牙籤雞外面由一片片十分脆口的細小圓形薄脆片包著嫰滑雞肉，其特點是一點都不感油膩，配以泰式辣醬，又是另一種風味，這兩款小食值得一試。潮洲菜中的菜茶必定一試，但今次我們就試下食心思食手工的手工捻面猴，只看菜名也不太曉得其成份，原來是人手用捻

之前同朋友傾開計有一次無啦啦講起潮州菜打冷竟然比我聽到一句令我眼都得凸埋因為佢話潮州打冷俾人感覺好娘好老餅淨係聽到呢一句都知道佢好耐冇食潮州打冷了所以今晚一得閑就帶佢嚟咗呢間餐廳是一事呢間餐廳係正旺角不過就一改以往打冷嗰種裝修而且仲係用上樓上鋪方式經營所以唔會好似大排檔咁喺馬路側邊開枱食飯途人行過都會眼望望咁而且呢度個Menu都非常之靚每一款食物都有一張靚靚嘅相而且價錢都十分之公道唔會特登寫做時價唔會叫餸嘅時候先至加你價首先冷盤就叫左螄蚶講真呢款海鮮真係唔係咁多個後生都食過其實呢款海鮮同韓國嘅將由蟹都差唔多用上新鮮嘅貝類再放入豉油辣椒入面所以呢款海鮮其實係生食的以前就話成日驚潮州嘅螄蚶會好污糟不過依家都唔使驚了因為見到餐廳幫每一隻都刷得乾乾淨淨而且食落口應該係特登改左淡少少迎合香港嘅口味因為通常之前出邊食嘅潮州致函通常都係喊到阿婆眼都開埋所以奉上嗰碗白粥就一定會食晒咁滯之後就叫咗個滷水拼盤入面有豆腐紅腸豬腸豬耳仲有豬舌放上枱嘅時候熱辣辣出晒煙食落口仲有濃烈的滷水味講真＄128食到咁多款滷水食物個人最鍾意嗰款滷水豆腐因為豆腐完全毫無性格咁將滷水嘅味道吸收晒食落口淡淡滷水味充斥成個口其中滷

聽過呢間餐廳好耐，今次趁朋友生日就去試下。星期五訂左位，雖然我地遲左半個鐘，但都唔洗等，幾好。5個人被安排坐張大枱，環境都幾舒服，不過張櫈冇得捱，對於我呢啲冇腰骨嘅人黎講都幾攰。首先叫個左細嘅蟹粥，加左雞同瑤柱，幾鮮味，粥底幾綿。再黎就係鐵板燒茄子同炸獅子頭，茄子好油，味道麻麻；炸獅子頭好有驚喜，脆卜卜，不過份量有啲細，唔多夠喉。之後係炒蜆，都好味，冇咩特別。最後再叫左個海膽炒飯，$88，點解我咁記得個價錢？因為個炒飯真係勁細份，一碗白飯都唔知有冇，仲要炒到勁咸，海膽得幾粒，呢個最唔抵食又唔好食。由於我地5個人唔太肚餓，加上又有生日蛋糕食，所以叫得5樣野，每個人大約$150，應該都唔會再有下次。

突然好想食潮州嘢，特別係醃螄蚶⋯就走嚟買外賣⋯⋯首先係想比錢但卡機壞咗，只收現金；最想食螄蚶，但無貨，都唔緊要⋯⋯⋯之後係想落單，但係落單部機又壞壞地，佢要走去第二度落單🙄；落好單，拎住嘢食返屋企，成個袋都係湯，因為其中一碗個蓋爛咗⋯啲膠碎喺埋個碗入面，都唔緊要，本人叫嘅係一個麵同醬醃蠔仔，回家發現變咗麵同滷水鵝好失望嘅消夜，應該係我太黑⋯⋯⋯但可唔可以做嘢小心啲，仲要外賣，即係無仇報⋯⋯想換都無得換，好遠😭

早前品嚐過【心夜來潮】的羊腩煲，回味無窮，趁上星期老公加班，便接他一起到旺角【心夜來潮】來個小炒當宵夜。 店內餐牌、裝修都十分古色古香，環境寬敞，雅緻舒適，心意十足。小炒絶對食宵夜談心的好佳餚，所以我們叫了【香辣魚仔炒花甲王】。 花甲大大隻，每個殼都盛載著肥美花甲肉，味道鮮甜，配上辣辣魚仔及醬汁，惹味到一個點！由於花甲屬濃味菜，所以我們叫了白飯及白粥來中和一下。當中我最愛食潮州粥，水感中帶咬口。最後來個新挑戰，叫了一碗從未接觸過的客家茶點 – 【擂茶】，賣相很特別。 問過有禮的店員，原來這是個咸點，以米通、茶葉、芝麻、花生等多種原料一拼加以熱開水沖泡而成。味道層次豐富，先有脆卜卜米通，咸咸地的芝麻及花生，最後再有甘甘地的茶味，第一次食這咸點，初時有點怪，但食多少少，便會接受到這特別的味道。