心夜來潮 (已結業)

每次講起潮洲菜，就令人唸起打冷仲有麻甩(!?)但今日男友就帶我黎到旺角呢間開到夜晚三店既潮洲食堂感受不一樣的潮菜。位於三樓，裝修屬懷舊客棧風。我地被安排既座位，隔離竟然有潺潺流水聲，原來旁邊放住一座石造擺設，望住佢就好似做緊SPA甘。方魚炒芥蘭 $68好惹味既炒菜，充滿油香，芥蘭好爽同實心，不過重口味既男友就略嫌佢唔夠咸香。脆香小食拼盤 $88左: 巨型手打魚蛋唸個魚蛋大得黎真材實料。魚蛋彈牙，有五香味，而且外層炸得夠乾脆，會食到上癮。上: 脆炸獅子頭另一個炸大肉丸，內裡有豬肉及冬菇，外皮是酥脆口感。下: 一口牙籤雞好迷李的串燒炸雞，外層裹了脆米，口感好有層次。潮洲砂鍋粥(小膏蟹和花甲王) $180砂鍋粥以自由配搭模式下單，只要在眾多海鮮配料中揀選好心水組合，餐廳就會即時烹煮。我地揀左小膏蟹再加上花甲王，出黎味道香中帶甜，而且粥身好綿滑。膏蟹唔算多膏，但金黃色既蟹膏十分甘香，花甲肉飽滿，有肉汁。天地一號 $18藍妹啤酒 $32食住小食飲啤酒最適合不過，估唔到呢到仲有果醋天地一號，令到食宵夜既罪惡感大大減低。