心之食堂 (裝修中)

行完Time Square 想搵d 野食 於是search 到呢間個名好特別嘅樓上餐廳🍴係食日本野都燒物😎 整體食物好新鮮味道唔錯 值得推介比大家👍海膽蟹籽杯 $68 海膽好新鮮 色澤光滑 味道濃郁帶清甜味 配合薑塊同青瓜 亦有少少壽司飯係底 都好夾🤤牛肉壽喜燒 $108 呢個係今次必食推介嘅重點🤩🤩🤩好鍾意嘅肥牛 牛肉味濃 半肥瘦 食嫩口 食極唔夠喉 到宜家都好回味😍而且全個煲都係我最鍾意嘅菇菇菇！最好食係大菇 一定要先放肥牛 令到個湯底濃郁然後再慢煮大菇 食哂其他野再食大菇 就可以令大菇吸收哂所有精華🤤🤤 一口咬落去 d 汁b 哂出黎👍👍湯底係洋蔥😝吸收哂肥牛精華嘅大菇好好食💕 宜家唸翻都想再食🤤原條鰻魚石鍋飯 $118係長到個鍋都擺唔哂嘅鰻魚！ 好大條🤩 鰻魚嘅皮燒得好香 充滿燒汁 微焦 肉質緊致彈牙👍 第二個重點推介：邪惡包 $38@1 雖然價錢有d 貴 38$ 得一小塊 但佢嘅味道會令你想encore🤤 係兩塊帶子夾住鵝肝嘅組合 估唔到係係完美match！！！ 入口鵝肝開始慢慢溶化 配合帶子嘅鮮甜 簡直完美😭👍想再食🤩🤩🤩燒雞翼 好細心咁拆左先燒 所以燒得好均勻 略鹹 重燒烤

係openrice見到d人食評介紹，一於同朋友試下。餐廳門面簡簡單單一個招牌坐底望吓餐牌，又真係唔貴~首先嗌咗個炸紫薯甘粟餅可以見到紫薯蓉入面有d粟子粒，紫薯幾甜，加埋栗子口感又豐富咗，又中和返d甜味，外皮炸又脆口唔怕油，真係值得推介仲嗌咗個吞拿魚串，吞拿魚刺身都算厚身新鮮，不過就有筋蒜香黑椒牛柳粒石鍋飯，好多醬汁，黑椒味唔會太重，牛柳一d都唔靱，好軟。石鍋飯當然要食d飯焦，飯焦唔會燶到食唔到，反而好脆口彩虹卷有炸蝦配青瓜，仲食到有牛油果醬，味道好夾總括尼講，係銅鑼灣食日本菜，有返咁上下質素尼講，依到真係叫抵食，唔算貴

耀華街呢幢大廈多食店就係人都知，openrice睇食評發覺呢度好多好評，當然要第一時間試下大阪燒，襯返餐廳名字心之食堂，製成品都係心型黎ga☺️燒餅好厚身配料除左有一般既椰菜絲、章魚之外，仲加左火腿，比較適合小朋友，而且好有家既感覺鹽燒三文魚皮，食落好脆口，佐酒一流豬骨胡椒蜆湯，呢個係我既推介，胡椒味好重，雖然唔太似日本菜，但個豬骨湯好夠濃，而且蜆肉飽滿😌😌彩虹卷，其實係炸蝦卷，色繽紛，仲有幾粒黑色既魚子放頂豬軟骨烏冬，烏冬彈牙，豬軟骨炆得夠晒稔，正雞軟骨炸得好鬆脆火焰黑椒牛肉串，底下有塊好多汁既菠蘿，未點火之前係咁既樣燒左陣仲好味

工作忙到八時多實在有點累透了，跟師姐到銅鑼灣想找點好吃的，途經百樂中心看到招牌，被這店名「心之食堂」吸引了，就上來拜訪一下！這裡的點餐方式是用可抹式的 Marker 筆來剔劃餐牌，非常支持環保，光是這點就值得稱讚了！看到餐單上不少菜式都刻劃上有趣的名字，又來看看食物質素如何？心之火焰鐵板牛柳串我覺得這個應該不只是一個食物，還是一個表演項目！鐵板上，大大的兩串彩椒牛柳插在燒菠蘿上，就像兩把寶劍一樣！被熊熊的烈火燃燒的牛肉令肉香也飄散出來，整個過程非常精彩，當然還會吸引不少食客目光。秋葵刺身沙律這個是師姐非常喜歡的菜，清新沙律是一個晚餐中最好的前菜，因為有素食的話令卡路里的罪疚感都可以減少！秋葵令沙律有點黏黏的感覺，配合切粒的魚生，跟平時吃的沙律有點分別，口感不錯。邪惡包不得不提這個邪惡包確實是相當的「邪惡」，真的令我又愛又恨！原粒超特大帶子經過火炙，開邊之後包著外層燒到半焦香的大件鵝肝。先一小口品嚐他的質感，然後一口吃掉他的邪惡。這樣變態的享受也不用 $40，他簡直是大惡魔。紫薯甘栗餅本來以為這個應該是平凡得很的炸物，卻相當有驚喜！外層炸得相當脆身，內裡甜甜香香的紫薯跟甘栗相當搭配，喜歡

放工好想靜一靜🙌🏻🙌🏻🙌🏻隨便搵到呢間餐廳好似幾舒服咁，菜式有特別，就行左上去😁😁店舖唔算大，但覺得每枱都有靜靜一角，幾好🌹海膽$58，好新鮮，唔會有刺脷既感覺，大大件，大滿足芥辣八爪魚$58，本人一定會叫既前菜，味覺岩岩好刺激😆 我密密食到尾👍🏻邪惡包$38，=帶子燒鵝肝包，邪惡肥肥野，但好香口，$38抵食！！鰻魚飯$118，魚同飯都份量十足，絕對夠餸成碗飯，魚燒香，飯有岩岩好既飯蕉，唔係完美但真唔錯。汁燒白鱔$78，意想不到好食，比鰻魚好食肥香👍🏻👍🏻輕輕一串小小貴，但幾好食的火焰牛柳串$88，好大火，觀賞度十足！可以試或偷睇隔離，不過這牛柳非我杯茶🤔🤔 帆立貝串串$48，要講下呢度刺身都真係幾新鮮抵食，帆立貝同包住佢既蘿蔔好夾啊！黑松露可以少一點，以免搶左鮮味！

太夜銅鑼灣無乜野食，呢度會係一個不錯嘅選擇。今晚我同老公都夜左放工，成10點鐘好多店都關門，來到這裡可以食得豐富點。芝士炸雞好香口，有拉絲芝士，鐘意芝士嘅食客一定好鐘意。茶漬飯好暖胃，咸香味道唔錯。李小龍卷有香脆炸蝦，飯雖然有d鬆散，不過都有正常飯香，如果多d壽司醋會好少少。串燒我地叫左鹽燒雞翼、燒牛舌等等，味道中等，可以一試。呢度嘅刺身飯嘅刺身係切粒上嘅，拌飯食啖啖都有魚塊粒，好方便架，最岩一路玩電話一路食野既人。飲品都唔貴，大大杯好抵飲。😁

除夕夜唔想同人迫又唔想等位竟然俾我搵到心之食堂 仲話有85折即刻訂位！當日輕鬆入坐 當日原來叫套餐就會有85折套餐有好多野食 見台台都差唔多叫 但係我地兩個女人仔又唔係好肚餓 所以散叫算喇～ 費事食唔晒 呢個卷物唔記得左叫咩名 但係好似都幾多人推薦 上面鋪上吞拿魚蓉 入面有d脆脆既野 多重口感wasabi仲好有心思地整成心型 呢個燒牛舌我係狂推！ 話說我真係好中意食舌類既野 周圍都試唔少燒牛舌串 呢度燒得好入味仲可以沾少少平日食牛扒果隻醬 好味 呢個鰻魚石頭飯本身係是日最期待 點知最失望...個飯好淋 變左有少少一'劈劈' 冇左口感同埋饅魚飯既精綷就係淋上香濃饅魚汁既飯 但係！呢個飯唔係太夠饅魚汁味好傷心 整體黎講 不過不失 以除夕夜周圍爆滿黎講 呢度環境算係好舒適又唔會趕人走但係食物未夠吸引令我再想黎多次

又開始新的一年,上年開始寫小了食評,今年要追回進度呢話說新年後約朋友出去聚會,其中一日去左銅鑼灣同朋友唱K,唱完之後去食野我地黎左依間心之食堂,佢原來係一間居酒屋,感覺唔錯首先食左心之療癒刺身盛,刺身相當新鮮,特別係海膽刺身,新鮮得黎唔會有腥味,用料上乘.蝦刺身都好夠鮮味之後食左炸三文魚皮,三文魚皮好香好脆炸既程度岩岩好,唔會炸得太勁或者唔夠味,味道岩岩好心之魚生飯,應該係依度既招牌菜,除左個樣係幾靚之外,食落都唔錯飯團握得好實,上面有三文魚同鮮蝦刺身,令到個味道好吸引,好豐富其他食物都唔錯,今晚食得好飽,黎緊會再努力

見佢係OpenRice都幾高分，所以放工同老公來試下。。點知。。食物質素同價錢唔係正比menu食物種類亦都唔算好多..首先，個鰻魚飯好鹹，啲飯好似唔係珍珠米，唔係太好食，你見個卷物啲飯就知。個刺身同雞翼個樣幾靚，食落都係一般，雞翼淨係個皮有味。海膽唔算鮮甜，好失望。大阪燒勁細塊，原來整到一個心形，都算有心思嘅。最好食係串帶子刺身！但食咗幾樣野已經五六百蚊，仲要唔係幾好食，性價比超低！！！個人認為真係唔值得

放假同朋友出左街,朋友自從轉左工之後,放假唔定時,所以好難約今次咁難得約到,除左行街,緊係要一齊食飯啦朋友鍾意食刺身同壽司,所以同佢去左一間居酒屋食野黎左心之食堂,地方都算唔錯,坐得幾舒服食左個三文魚刺身同巨大帶子,三文魚刺身非常厚切,油脂感豐富,點埋WASABI味道唔錯巨大帶子真係好大隻,咬落口感唔錯脆脆吞拿魚腩卷,咬落真係好香脆,吞拿魚又係好新鮮,味道唔錯,食完已經有小小飽肚李小龍卷個擺設好特別,有張鄧仔,影相一流食落都唔錯,飯團好夠味,點小小醬汁食已經好好食其他熟食味道都唔錯,不過都係鍾意食刺身同壽司多D

店子係食日本菜的，座位不多，燈光較暗。別忘了留意呢個黑板仔，係店子推介菜式。.前日晚上同男朋友點了幾個菜式。脆吞拿魚腩卷$68 有四大件，夾心炸得好脆口。上面放上好多吞拿魚腩，好足料！仲有蟹子同沙律醬，有啲似花之戀😋 最開心係個小凳仔！作用碟子用，既有創意，又成功吸睛了👏🏻 好得意，一定要相機食先😁.牡丹蝦 $48 /1隻我同男朋友一向都好中意食牡丹蝦 ，所以叫左每人一隻過下口癮😂 一般般，吾算好大隻🤔.黑椒鐵板豬手 $88 黑椒味特濃！好香呀！非常惹味同香口🤤 鹹豬手都幾好味，吸取晒黑椒汁既味道👍🏼 送飯一流呀，豬手再肥美啲會冇得輸😍.胡椒豬骨湯煮蜆 $78 清酒煮蜆就食得多，今次就試下胡椒湯煮蜆。胡椒味好突出，微椒，同蜆肉又幾夾喎。蜆肉吾會太細隻，又幾入味，吾錯呢。另外，仲揀左呢三款刺身串串。.黑松露帆立貝串 $48 三文魚串 $38洋風吞拿魚串 $38好似串燒咁😆師傅幾有心思👍🏼當中，我覺得洋風吞拿魚串最好食☺️

心心食堂我老友今天心情好，帶咗我去一間充滿神秘感嘅餐廳。此餐廳位於銅鑼灣time square 後兩條街，大厦位置神神秘秘，我哋一上到去餐廳門口，已見到有一個好大嘅心型，哈哈，可能餐廳是充滿著愛啊heeee.....入到裹面，原來此餐廳是做日式料理的。嘩，原來仲有刺身同串燒食添，Wooow....好多樣化喎❤️。今次order咗以下幾款食物：此店重點必食推介：心的火焰鐵板牛柳粒（2串）$88，呢嚟度一定要試。有gimmick得嚟又好好味，牛柳粒帶小小黑椒粒，好野味。仲有一塊波蘿在底，嗨嗨，酸酸地幾好味。推介指數：9/10迷你海膽，嘩，竟然用加拿大海膽喔⋯⋯又大塊又鮮味。推介指數：8.5/10牛肉壽喜鍋，有火爐有牛肉有冬菰，多蔬菜幾健康。推介指數：6.5/10炒什菜，日式炒，多木魚碎係面，愛食蔬菜嘅人好啱。推介指數：7/10和風蕃茄沙律，酸酸地，飯前食一流。推介指數：6.5/10三文魚茶漬飯，茶漬飯易整難精，要整得好食好難，此店做到剛剛好，師傅功力夠。推介指數：8/10燒雞亦，有成四隻好抵，即叫啦。雞皮燒到好脆，雞肉有小小汁，又香又好味。推介指數：8.5/10燒雞腎，來到凍咗啲，入口軟，可

同朋友收工去咗呢間心之食堂到食日本野，佢嘅嘢食幾有心機幾特別，有啲新意，係一個唔錯嘅地方。三文魚刺身用竹籤串起，幾特別刺身都夠新鮮唔錯，肥美夠甜，好岩影相。蘆筍海老牛肉卷，夾埋口感OK，海路幾新鮮彈牙，蘆筍食落去多汁新鮮。牛肉夠肉汁。帶子鵝肝包帶子都算正常，幾大隻，帶子新鮮鵝肝亦都OK，但兩樣嘢夾埋一齊好似有小小搶左鵝肝味跟住到心之蛋捲，味道好好，夠曬滑，口感好軟綿綿。叫咗一個完條鰻魚石頭鍋飯，鰻魚成條夠長，燒得好長，軟林林，飯份量夠多伴上燒汁，非常不錯。加埋紫菜幾香整體來講呢間餐廳都算係性比較幾高喺銅鑼灣區來講坐得都舒服，服務都唔錯。

很久沒吃日本菜，偶然聽到心之食堂的名字，覺得很有居酒屋的特色，查了一下地點，發現在港島區，下班後便和朋友去試一下。最想吃的是刺身，款式不算多，但每一款也非常新鮮肥美。每一客的分量不多，但質素高。除了普通的刺身外，還有三款特別的創意刺身串，我們點了洋風吞拿魚試，它是吞拿魚刺身用白蘿蔔片卷着，上面再加上少許蟹的膏。 雖然白蘿蔔是薄片，但仍吃得出十分清甜，而蟹膏的味道十分濃郁，再加上吞拿魚，味道看似十分複雜，但其實它們互相中和配合着。再點了兩款卷物。彩虹卷4面分別有蟹籽、紫菜、櫻花糖粉和芝麻，四種顏色，所以叫彩虹卷。外貌十分吸引，也不是好睇不好食，雖然並不是甚麼特別的材料，但味道不錯。脆脆吞拿魚腩卷上的吞拿魚蓉十分豐盛，吃下去十分滿足。紫薯甘栗餅新鮮熱辣辣，從來不如原來紫薯和栗子的味道是十分配，不知道是自家制還是進貨的，如果有雪藏貨，真想買些回家，肚子餓時炸來吃。心動大阪燒，除了因為是心型所以令你心動外，大阪燒的餡料也令你十分心動。有大量椰菜和章魚，表面也撒上很多柴魚乾。對我來說，唯一美中不足是太多醬汁。點了三款串燒，最喜歡蘆筍海老牛肉卷，吃下去既有牛肉的肉汁香，又有海老的彈牙，亦有蘆筍的爽

放工約左朋友見面傾下計但在銅鑼灣要找一間可以慢慢食又環境寧靜的餐廳都唔係咁容易又唔想去Ｄ大路連鎖店朋友知我一向中意食日本菜就提議去心之食堂～餐廳位於耀華街一棟大廈內。一入去店員就安排左個ＳＯＦＡ位比我地～原來食物種類咁多～仲樣樣都好似唔錯咁，哈哈我果然係有選擇困難症～先來的是~~~黑松露帆立貝串每粒帆立貝上面都有黑松露擺在迷你木椅上食落幾鮮～刺身串我都係第一次見～餐廳都幾有心思創作食物～加分！彩虹卷依個入面係炸蝦黎, 顏色鮮豔~~厚燒牛舌心依度的串燒真係幾好食個牛舌心大大件，燒得恰到好處，而且不會太過油膩！ 蒜片牛柳粒飯見旁邊食客叫左我又跟住叫依度的飯唔係普通碟上，而係石頭鍋飯量足夠多，牛柳粒燒得好香，一啲都冇overcook~ 肉質嫩滑美味！石頭鍋飯焦口感好，冬天食暖暖地正！最後仲要食番個甜品～ 我同朋友都想食綠茶雪糕！滿足～其實唔加朱古力醬都夠味了～估唔到樓上食肆食物質素不錯，令人回味無窮的一頓晚餐呢 !!