心之食堂 (裝修中)

同老公去親日本旅行都鍾意幫襯居酒屋，貪每碟份量唔太多，兩個人可以試多幾款，一邊嗒下啤酒，一邊食佐酒小食，所以喺香港我地都會發掘下d居酒屋，放工後去鬆一鬆。心之食堂食物選擇都唔算少，而且食親每樣都好食。有別於一般燈光昏暗嘅居酒屋，心之食堂比較光猛，坐得舒服。我地點左兩款卷物：彩虹卷同脆脆吞拿魚腩卷。彩虹卷入面有炸蝦、青瓜、牛油果，外層有飛魚籽之外仲有魚子醬，口感非常豐富。我最鍾意係呢個脆脆吞拿魚腩卷，上面嘅吞拿魚腩蓉入口即融，有魚油香味，加左天婦羅脆脆令到食落口感好有趣，墊底嘅沙律醬帶柚子味，好清新。心之蛋卷係另一推介，一切開，洶湧澎湃嘅芝士就流出黎，蛋卷入面有芝士，仲有吞拿魚碎，蛋煎得香又厚身，好味😋另外仲點左好適合佐酒嘅蒜片炒牛柳同日式煎餃子呢d香口野。牛柳肉質軟稔，非常入味👍🏻飯後果～原條燒菠蘿，呢個真係甜到爆燈！仲非常多汁，食完就滿足哂喇！

睇咗唔少食評呢間餐廳同日本漫畫深夜食堂間居酒屋格調好似，而且店內佈置都好注重細節，同朋友嚟嘆吓感覺唔錯。洋風吞拿魚串（兩件）($38)賣相精美，用米紙將吞拿魚圍成橢圓形，而當中嘅吞拿魚大舊兼厚切，口感極佳爽口、唔會靭、魚味濃。彩虹卷($68) 入面有炸蝦、蟹子、青瓜、牛油果、紫菜、魚鬆粉、黑魚子。呢個係舖頭嘅特別推介，而呢個卷嘅口感豐富，入口先有黑魚子嘅咸香再有蟹子、青瓜帶出口感，最後有炸蝦的鮮味作結。呢個卷相當有特色，推介嚟呢度嘅朋友都可以叫返份試下。芝士他他炸蝦($58)塊芝士大大塊豪不手軟，炸得香脆而且味道同他他醬相當夾，令到蝦嘅鮮味、芝士嘅咸味配合埋他他醬酸酸甜甜嘅味道好開胃，同平時食開嘅炸物大相逕庭，有一試難忘嘅感覺海膽蟹籽迷你壽司杯($68)外觀出眾，用杯仔裝壽司飯同刺身呢個做法好有創意，打卡必叫。而海膽帶有海水鮮味，而且有三塊，足以一羹海膽一啖飯，以呢個價錢嚟講物有所值。原條鰻魚石鍋飯($118)份量十足，鰻魚大到超越個碗而且燒得夠香，肉質軟腍。而底下嘅珍珠飯滲透鰻魚汁，濕潤香口。

已經第二次光顧這餐廳了，仍是覺得它是香港地少有的創意餐廳。日式餐廳大多大同小異，但這餐廳的菜式看得出花了不少心思。火焰串燒，看見餐牌88元覺得挺貴，但其實想想也挺值得，有得看火焰表演，串燒亦挺大串，而且底下還有菠蘿、薯角。黑椒牛柳很嫩口，而且厚身。厚厚菠蘿和薯角都很香口。心心三文魚魚生飯，玫瑰花形生姜，連芥末都是心形。外形滿分但味道一般。說是火灸，但只是表面輕烤。底層的粉紅色碎很甜，味覺有點怪怪的。邪惡包，原價六十，特價三十，帶子包鵝肝，。帶子爽脆，鵝肝肥美，再加上紫菜香脆口感，無得輸！帶子厚肉，鵝肝肥美，想起都想再食！三層口感一咬而下。吞拿魚卷感覺新鮮，吃下沒有腥味。友人本來想點胡椒豬肚蜆肉湯，但原來這烏冬的湯底跟它意外地相似，一舉兩得！不過豬軟骨偏硬，不是淋身，可憐我這老人牙齒咬不動。沙律炸蝦芝士，挺特別的前菜，味道不錯，香脆可口。最後是這餐亮點！炸芋頭球。外層非常煙韌，內裏香口芋蓉。

同朋友係耀華街飲完酒後佢話想食下啲日式小食，就帶左我黎心之食堂已經係晚上10點幾，但餐廳仲有好多食客事不宜遲，立即叫野食海膽刺身58蚊有兩大舊，海膽都幾新鮮，容易夾起。味道鮮甜，入口即溶。夾埋紫菜食味道唔錯三文魚刺身比平時食到既厚身。非常鮮甜，應該係魚腩部份，好多油脂，食落口好滑好juicy另外，刺身晚wasabi好夠辣，點刺身真係一流!鐵板豆腐即叫即製拎上檯時仲滾緊豆腐都幾滑，配以燒汁，好有日式風味。秋葵刺身沙律我最鐘意就係呢個！沙律汁係胡麻醬，秋葵切片易入口容易食，刺身就有三文魚，吞拿魚，八爪魚等，成個沙律好新鮮味道好夾，好好味味淋魚干魚干吸收晒味淋既味道，酸酸甜甜好好食。呢度魚干唔會燒到太乾身，易咬好多。最後仲order左啲串燒：鹽燒雞翼串燒等左頗長時間，可能因為係即叫即製。燒到好似炸既一樣，夠乾身，無雪藏味。而且鹽度岩岩好，加埋檸檬汁就更惹味雞皮 雞軟骨香港好少地邊食到雞皮。呢度既雞皮燒到卜卜脆，好似食緊薯片甘，用黎送酒真無一流！雞軟骨雖然買點係軟骨位，但都食到好多雞肉，咬落有雞肉既較，軟骨既脆，好有口感估唔到銅鑼灣會有間甘踏實既居酒屋，沒有華麗裝修，但有有質素既食物，值得推介

銅鑼灣出名鋪租貴 所以呢度嘅物價都好貴就算連一間周圍都有嘅許留山銅鑼灣嘅價錢都會比其他地區嘅貴之前睇到我OpenRice有好多唔同嘅食評都係關於依間心之食堂 見到好多人都話呢間野真係好好食亦都有海量嘅好評 所以決定同男朋友黎試吓呢間野我哋一去到嘅時候啱啱開門所以入邊係冇任何客人嘅 嗰度比較靜感覺上都食得舒服啲Menu真係有好多嘢食可以揀 我揀咗好耐先揀到自己最想食嘅食物首先我哋嗌咗一杯野飲-藍蝶花白桃乳酸拎到過嚟嘅時候發現杯野飲係有兩層嘅顏色 上面就係藍色而下面就係白色 飲落去有小小嘅乳酸味唔會話好甜 仲有親眼望落去真係好靚之後叫咗個小食-炸芋圓 呢個其實就真係好似平時你係放題可以食到嘅嗰一種 芋頭波波 入面係有少少芋頭粒而且係煙煙韌韌咁樣前菜方面仲有-日式炒雜菌入邊有金菇 冬菇 秀珍菇 雞髀菇基本上你數得出嘅菇都會有 串燒仲嗌咗兩款- 鹽燒大啡菇 同 鹽燒鯖魚啡菇笑得好好一邊就keep住好多菇既汁 鯖魚方面佢冇放好多調味料 令到啲調味料都冇cover到嗰個魚嘅味道 仲有配埋檸檬 仲可以將個魚嘅鮮味再調一調！主食方面-鰻魚茶漬飯鰻魚飯係去到一間日本餐廳都係要叫嘅嘢食 你其他日本餐廳唔同

今日夜晚放工，約朋友行咗陣銅鑼灣，行到咁上去，想搵啲好嘢食，咁岩見到心之食堂，咁就試下啦，估唔到有意外驚喜。一入到去，食堂雖然細細間，但裝修環境別有格調，播住一啲輕快嘅音樂，令人放鬆。食物方面，先講講京蔥雞肉串，一共有2串，岩岩好同朋友可以一人一串，肉質鮮嫩，燒得岩岩好，再配上獨家醬汁，味道一流，值得推薦。和風番茄沙律，沙律非常新鮮，甜甜既蕃茄加上酸酸既汁，非常令人開胃同滿足。燒雞軟骨，總共有3串，非常脆口，加上外表上既鹽粒，簡直絕配。日式煎餃子，炸得金黃鬆脆，我估呢個就係人們所謂既外脆內暖，煎餃子最高既境界啦，加上獨門醬汁，真係絕配到爆。蒜片牛柳粒，炒得非常入味，中意食牛既朋友絕對唔可以錯過。咖喱薯餅，採取吉列嘅形式，外層炸得金黃，入面包住暖暖既咖喱，配搭新鮮又合襯，可以一試。果汁特飲，味道類似雜果賓治，但甜度適中，帶有氣泡，應該個個人都會中意飲。

係銅鑼灣行行下街突然想食燒物，於是就去左哩間心之食堂。一入到去整間食肆都非常簡潔，而且唔會擠逼，坐既位亦有4個至6個都有，適合兩個人或者一大班人嘅聚腳點。同埋落單方法係自己係本餐牌同白板筆畫上去，非常環保。於是叫咗幾樣小食再叫兩個飯。至於我就叫咗一個原條鰻魚石鍋飯，同埋朋友亦叫咗一個蒜片牛柳粒石鍋飯。首先，黎到嘅係芥末八爪魚，八爪魚非常有口感，食落好爽口，而且滿滿嘅芥充斥住整個口腔，食落非常開胃，最重環份量亦唔小，食到兩個飯黎到都未食完。而鰻魚上面既燒汁亦非常好味，汁嘅份量冇搶咗鰻魚既味道，亦冇因為太多汁令到個飯太重口味，非常適中。至於牛柳粒飯亦唔差，因為整個飯個牛粒柳唔好食就影響到成個飯，食肆將牛柳粒整到岩岩好，冇因為處理太耐令到肉質太老，而蒜片亦幫助牛柳粒調一調味。重有最後既燒物，係好多地方都食唔到既燒雞皮，食落非常香口同好脆，亦冇燒焦。最後亦都係唔係周圍都有嘅汁燒白鱔，要燒得好食亦唔易，唔可以燒得太乾令到魚本身冇哂水份，燒太耐魚嘅口感亦會變差，以上嘅問題都冇出現係個白鱔入面，非常出色。

租金貴既銅鑼灣竟然有呢種家庭式小店裝修不是特別華麗但富有居酒屋感覺上去的時間比較遲啦不是有太多客人環境清幽 牆上有唔少裝飾呢度點野食係直接用marker 劃上過膠menu個諗法幾好 好環保點菜後都很快上菜石頭鍋鰻魚飯條鰻魚仲大個個碗頭尾都突唒出來碗底有好多脆脆既飯蕉豬軟骨烏冬雖然湯味道偏淡但啲肉炆到好林 好入味就因為湯底淡 先品嚐到 恰到好處！蟹肉薯餅炸得好好 而且好多餡一咬開就漏唒出來！炸蝦彩卷都整得唔錯條蝦仲係脆卜卜加埋牛油果青瓜帶返啲鮮味出來表面仲鋪落左蟹籽一口食落 多重口感三文魚sashimi好新鮮啲海膽起得好靚仔 仲好甜以小店來說都有質素雖然有加一服務費但我地兩個食左咁多野都只係$3xx都已經飽飽 仲抵過食放題

放工好想靜一靜，隨便搵到呢間餐廳好似幾舒服咁，菜式有特別，就行左上去。蘆筍海老牛肉卷 $48 薄燒牛肉包住D蝦, 好似係另類的天婦羅咁。牛肉同蝦肉的鮮甜味好夾!芝士他他炸蝦 $58有三隻，本來以為是咬開炸蝦內會有拉絲芝士，原來是炸蝦上鋪了半熔化的片裝芝士，味道比預期好味。原條鰻魚石鍋飯 $118呢個好令人驚喜，冇諗過係原條鰻魚食，成二十厘米，重長過個石鍋。珍珠飯粒熱辣辣，食到少少飯焦，加埋蛋絲份外香，重帶點醬汁既甜味，不過比較乾身，如果多d鰻魚燒汁就更正。最後黎埋個雞真係超邪惡，佢係用芝士墊住d雞，d芝士仲可以做到拉絲嘅效果，我地用芝士去卷住d雞黎食，同埋佢嘅雞都炸到好脆，但可能我地擺奈咗，d芝士竟然變硬，所以建議一上枱即刻食。餐廳唔算大多位，但都坐得舒服， 可惜係我地兩個太大食，叫左好多野，來張枱唔係好夠位擺，餐廳裝飾都比較樸實，但都有可愛之處。

銅鑼灣絕對係香港呎價最貴嘅地段，在銅鑼灣開餐廳絕對係一個挑戰，無論係食物嘅質素去到師傅嘅手工，只要差少少都唔會係呢一個地方生存到。亦都係因為租金問題好多手工小店都轉型去咗啲商業大廈開食店，朋友就介紹左一間叫心之食堂，主打新鮮到港嘅日本料理，今日同朋友喺銅鑼灣食飯就去呢一間日式料理試一試。餐廳嘅空間都好大而且裝修都好有心思，牆上面嘅掛飾表現出老闆既喜好，座位位置都好寬闊舒適。食物方面我哋就叫咗燒雞皮，邪惡包，彩虹卷同汁燒牛肉飯，上菜速度都好快大約都係用咗20分鐘左右。首先講講燒雞皮先，佢哋用燒既方法處理令到雞皮做到鬆脆嘅口感，同時又可以令到雞皮嘅油排出，雞皮唔會有油膩嘅感覺呢種處理方法真係好創新！之後就到個名好有趣味性嘅小食叫做邪惡包，其實係用一大塊好脆卜卜的紫菜，兜住原塊厚厚對半切開既帶子，中間包住一整塊燒香左嘅鵝肝，未食落口聽到呢一個配搭已經知道，呢個包唔只邪惡仲好好矜貴，帶子非常之香甜新鮮，鵝肝表面燒到焦脆油香唔腥，用脆卜卜嘅紫菜增加口感，配搭得真係天衣無縫！至於彩虹卷裏邊有炸蝦，蟹子，青瓜，魚鬆粉，魚子同牛油果成到菜個口感主要係有炸蝦做主導，配合牛油果軟滑香甜，加上青瓜清新嘅感覺

學完日文， 約左同學仔去食日本野。見openrice 呢間餐廳都有好多好評就book左呢間黎試試銅鑼灣真係好多人。我地都唔想係條街度逼就一落堂即刻上去。一上到去果然同出面兩個世界環境好安靜又有少許家的感覺，可能因為見老闆一家人係度。好多選擇。每樣點一兩款都夠我地兩個了蟹籽沙律🥗份量好多。菜新鮮爽脆！每次食日本野必點。呢間都好好食。 超正三文魚🍣好大件 擺盤又可愛。黑松露牛油帶子帶子呢樣東東真係個個女仔都鐘意。如果男仔點野食比女仔點帶子係冇得輸。各種食法都好食！今次呢間餐廳係用黑松露加牛油。遠遠已經聞到陣香味。帶子巨型加上剛剛好煎熟。非常好食彩虹卷我呢係要食飯先得架。所以點了呢個牛油果炸蝦 🍤卷好味因爲飯同餸個份量剛剛好，炸蝦好脆加上超級食物牛油果。非常元氣既配搭。加上有蟹籽好有口感鐵板豆腐呢個個汁幾好。不過豆腐略鞋燒bb露荀呢個有驚喜，值得一試再試！個汁甜甜地。配上好鮮嫩的Bb 露荀好配合。好鮮甜的味道但芝士翠肉瓜因為兩個女仔都鐘意食蔬菜（怕肥），所以又點了呢個。因為被芝士兩個字深深吸引。芝士味香但不會過濃食到個翠肉瓜本身個味道京蔥雞肉串好香好香啊。鐘意食個蔥。非常有咬口爽甜。雞肉都好

銅鑼灣絕對係香港呎價最貴嘅地段，在銅鑼灣開餐廳絕對係一個挑戰，無論係食物嘅質素去到師傅嘅手工，只要差少少都唔會係呢一個地方生存到。亦都係因為租金問題好多手工小店都轉型去咗啲商業大廈開食店，朋友就介紹左一間叫心之食堂，主打新鮮到港嘅日本料理，今日同朋友喺銅鑼灣食飯就去呢一間日式料理試一試。餐廳嘅空間都好大而且裝修都好有心思，牆上面嘅掛飾表現出老闆既喜好，座位位置都好寬闊舒適。食物方面我哋就叫咗燒雞皮，邪惡包，彩虹卷同汁燒牛肉飯，上菜速度都好快大約都係用咗20分鐘左右。首先講講燒雞皮先，佢哋用燒既方法處理令到雞皮做到鬆脆嘅口感，同時又可以令到雞皮嘅油排出，雞皮唔會有油膩嘅感覺呢種處理方法真係好創新！之後就到個名好有趣味性嘅小食叫做邪惡包，其實係用一大塊好脆卜卜的紫菜，兜住原塊厚厚對半切開既帶子，中間包住一整塊燒香左嘅鵝肝，未食落口聽到呢一個配搭已經知道，呢個包唔只邪惡仲好好矜貴，帶子非常之香甜新鮮，鵝肝表面燒到焦脆油香唔腥，用脆卜卜嘅紫菜增加口感，配搭得真係天衣無縫！至於彩虹卷裏邊有炸蝦，蟹子，青瓜，魚鬆粉，魚子同牛油果，成到菜個口感主要係有炸蝦做主導，配合牛油果軟滑香甜，加上青瓜清新嘅

放工約了朋友去銅鑼灣食飯！揀了心之食堂！食物種類都幾多，而且價錢合理鐵扳豆腐同我想像的不同，不是炸豆腐，外皮煎得好香脆、內裡很嫩滑再淋上味噌汁加上是用鐵扳上，一上枱香氣四溢！好驚喜好好食蒜片牛柳粒石鍋飯牛柳粒好有牛味，加了蒜片很惹味，飯有飯香，近鍋邊的更有飯焦！好味！燒物點了鹽燒雞翼、燒雞皮雞翼皮燒得香口同脆但內裡有肉汁！至於燒雞皮，我本來不太喜歡食雞皮！但這雞皮燒到好脆好香！令我一食就喜歡了他彩虹卷…買相很色彩繽紛，內有炸蝦、牛油果、青瓜、紫菜、魚子酱，一咬下去口感非常豐富，炸蝦爽脆不油膩，青瓜爽口炸雞肉軟骨很脆又不會食到一口油，值得一試日式煎餃子， 皮薄、餡料多，好足料，調味唔錯甜品叫了炸芋圓每粒又圓又大！外皮很鬆脆又不油，內裡的芋頭蓉好香，口感軟滑，又不太甜！為這晚餐劃上完美句號

今時今日小店小之有小，這間位於銅鑼灣樓上舖的一間日式小店就有一種特別的親切感，看到有位妹妹一直坐在bar枱看著爸爸整食物，估計時家庭式經營的小店。小店中餐牌上的選擇亦相當多，而且很有特色。我們點了一客三文魚串$38，三文魚相當厚身，有點肥美，咬落口感非常好，加上有沙律醬在上面，中和反肥美的三文魚，食落特別開胃。邪惡包$38，這個菜式名字很特別，其實是由兩片帶子夾著一片鵝肝，最外面再包上一層紫菜，鵝肝是煎過，味道非常惹味！而且帶子新鮮，咬落口是軟軟的，充滿著鮮味。三文魚茶漬飯$48，個飯雖然唔係好大，但都幾多三文魚，三文魚肉質好嫩滑，而且加左紫菜，令味道同視覺上更加豐富。甜蝦4隻$38，以為係細細隻既，來到都有反咁上下size，同朋友每人兩隻。甜蝦味道鮮甜，充滿鮮味，夠爽口！黑松露牛油帶子$88，每隻帶子上都有一粒黑松露，而且配合牛油焗制，夠熱而且好香口！帶子肉質非常滑，同朋友每人兩隻小食多滋味！每碟菜式都食得出充滿心機煮的菜色，會再次幫襯！

呢排心血來潮好想食日本野朋友就帶左我黎呢間食 佢話超正地點好近地鐵站 黎到可能繁忙時間 等𨋢上樓都等左陣 大家如果黎食可能要預番少少時間等𨋢上樓一出𨋢就見到個招牌 肯定自己冇去錯地方出面d裝修都好日風☺️☺️ 好似日本d居酒屋好欣賞呢盞燈 設計好特別呢度點野食 係直接係餐牌上畫 都幾環保價錢好合理我地2個叫左 原條鰻魚石鍋飯蒜片炒牛肉粒炸雞飲骨同一個串帶子黑松露刺身雞軟骨好快就上左枱一d都唔油而且炸粉好少好鬆脆蒜片炒牛肉粒呢個出奇地好食😳😳牛肉炒到7成熟 同蒜片好夾 冇根 又好juicy 好少可牛肉粒可以做到咁一定要試原條鰻魚石鍋飯條鰻魚係長過過石鍋飯😳😳上枱個石鍋仲係熱辣辣ga!!隔一陣食仲有飯蕉tim鰻魚好好食 油脂平均 同日本有得揮少可係香港食到高質鰻魚 帶子黑松露刺身冇諗過帶子係同黑松露咁夾ga😳😳黑松露竟然可以提升帶子ge鮮味👍🏻👍🏻好好食🤤🤤野飲叫左藍蝶花白桃乳酸同烏龍茶首先杯野已經好靚☺️酸酸地可以去下濟 唔錯唔錯👍🏻呢度服務都好好👍🏻雖然忙 侍應都好主動加水 汁枱 好好笑容