心之食堂 (裝修中)

心之食堂其實都好多野揀，刺身又有燒物又有，食物種類都真係同放題有得揮。不過佢就唔係一個價錢任食，但嘢食味道又真係性價比高，一分錢一分貨㗎！上到去哩間樓上鋪，門口係充滿日本風味牆紙，有啲櫻花盛開嘅圖案，入面好骨緻，環境優雅舒適，唔會太嘈。我試咗佢嘅石頭香蒜牛柳粒飯，牛柳係超級滿，鋪滿左成個碗，粒粒都好大粒，而且佢嘅啱啱好熟，保持到佢嘅肉汁，加埋蒜香吊味，即係更加香口，係幾唔錯！另外叫咗佢嘅鐵板牛舌心，一上到黎個鐵板係超熱，喳喳聲，香味四溢，熱辣辣睇到人好興奮！牛舌心係入曬味，而且較普通牛舌淋身少少，但較為軟滑，又保持到口感！我仲有試咗佢嘅燒雞翼，燒到好香口，雞皮好脆同埋香，雞肉滑得黎有肉汁，唔會太乾，幾好味。刺身方面要推薦大家試佢嘅甜蝦刺身，賣相好可愛，四隻蝦排排坐，最重要係佢超級甜，好新鮮，如果係放題真係會瘋狂嗌！整體黎講係幾高質嘅食市，想食日本野可以試下哩間，性價比高㗎！

有時候情傷, 會有些人選擇--化悲憤為食量!前些日子, 朋友哭著對我說: 想找你和我食飯, 我請! 於是, 便再找可以令你舒緩壓力的--心之食堂!我自己很喜歡這裡, 地方大, 景觀廣闊,而且服務令你會有家的感覺 .知道朋友心情不好, 便由她發板吧!柚子橙汁啤酒朋友想買醉, 幸好這杯是果汁味啤酒,酒精濃度不高, 而且很香橙汁和柚子味,但卻能令她開始精神起來, 開始覓食了!!!我的是巨蜂提子汁, 開始炎熱, 叫杯冰涼甜飲, 巨蜂味又香又濃, 加了冰, 更是清涼透心!李小龍卷一頭一尾的蟹鉗露了出來, 顯得形態非常霸道!!!由魚子醬和蟹籽在外面包圍著米飯, 青瓜 和 炸蟹鉗及蟹柳.口感豐富, 層面鮮明! 好! 鹽燒雞翼外皮燒得香脆, 但肉質能保持嫩滑,上面灑了少少鹽花, 令人食個不停!朋友喜歡食牛, 先來一個輕食,香蔥石板牛舌當一傳過來, 朋友勁讚賣相很好, 牛舌厚度十足, 肉質彈牙, 很好味.份量十足的牛柳粒石鍋飯, 濃濃的牛香味, 陣陣飄來, 朋友終於起動她的悲憤食量了!她說牛柳竟然煮得剛剛熟, 質感軟棉棉, 而且很JUICE,再加埋之前牛舌的肉汁與飯混合,她真的很快已經舌逝一整碗石鍋飯?

今日係加入公司一週年，同事神秘秘，話帶我去銅鑼灣百樂大廈食『心之食堂』。我話又食放題呀，佢話係主打私房菜感覺嘅日本料理。有齊我中意食嘅海膽同魚生飯。百樂大廈，你無聽錯，就係一到食飯時間排隊排到岀大廈外圍嘅百樂大廈，入面大大話都有近50間嘅食肆喎！第一味叫嘅係「邪惡包」：紫菜同火箭菜包住好巨型嘅帆立貝，入面再包住一大塊鵝肝，超特别，鵝肝唔硬，無渣，好香口。之後上菜嘅海膽杯，海膽比好多地方都要新鮮，鮮甜，色澤金黃，成個賣相吸引又大份！之後上菜嘅係魚子醬蟹鉗反卷，一大羹魚子醬，厚身嘅蟹鉗肉，好似食緊海鮮淨肉咁，差啲唔記得自己食緊壽司！下個餸係本人大推嘅呑拿魚醬牛油果反卷，呑拿魚係用鮮身鮮打，清、甜、入口回味，好香口，好鮮！最有心思一定係海鮮丼飯，係女仔最中意嘅心型飯丼，粉紅色厚厚嘅三文魚鬆做最底層，上面仲有一層蟹籽一層白飯。面頭件件都係厚切魚生粒，每一啖都食到魚生，啖啖魚生飯都鮮到回甘，用料真係好新鮮好新鮮！飲品方面嗌左抹茶奶泡同青蛙王子，一個熱飲，creamy又有抹茶嘅濃、微澀同甘；另一杯係一試回味嘅cream soda，抹茶雪糕每融多啲啲，味道就多一個變化！心之食堂，抵你平日都full

喺銅鑼灣搵嘢食一啲都唔難，而且好多好西！心之食堂係其中一間同我最愛之一！佢雖然唔係好似放題咁任食，但係食物質素一啲都唔差，未食過嘅朋友值得一試！嗰日我叫左佢最主打嘅火焰牛柳粒，每次我嚟都必食！佢除咗燒得十分夠火喉，而且仲有表演睇！餐廳老闆娘淋上一層油，然後點火，兩串牛柳粒即刻着晒火，場面好壯觀！另外佢嘅蜆湯係超級鮮甜，加上少少胡椒，好野味，蜆嘅數量亦都好多！份量好足。刺身方面我最愛係三文魚，超厚嘅三文魚入口即溶，勁新鮮！加上佢嘅Wasabi唔係好辣，點左之後三文魚嘅鮮味更加突出，即刻加晒分！其他小食我會推薦燒菠蘿，燒完嘅菠蘿特別鮮甜多汁，仲要係原條菠蘿，每一啖咬落都係肉同汁！好juicy!野飲方面要左一杯熱朱古力，一邊有一粒粒嘅棉花糖，甜得來又唔會太漏，加咗棉花糖更加有口感！鍾意飲甜野嘅朋友揀呢一杯係唔錯嘅選擇！

行過百樂中心，見有姐姐派傳單，之前係openrice都見過呢間餐廳，決定上去試下😆舖面都算大，仲設計得好有特色，有架大單車掛住係牆上😂想拎走去踩😂而且外面睇落有日本居酒屋嘅感覺🤣我同朋友揀左吉列牛柳粒飯🐂、芝士他他炸蝦🍤、仲有燒菠蘿。另外叫左杯熱抹茶奶泡🍵。吉列牛柳粒飯嘅炸粉唔多，剛好炸脆左個面，裏面嘅牛肉依然保持嫩滑👍仲配埋個醬，撈落啲飯到好香，好多重口感👍芝士他他炸蝦，雖然係炸物，依然係好少炸粉，唔會成口粉漿。而且蝦十分爽口。他他醬酸酸的，好開胃。估唔到芝士同他他醬可以咁match🤪燒菠蘿係我同朋友嘅favourite❤️而且呢間店整得好香之餘，菠蘿仲好多汁，食落好juicy😋外面好多菠蘿都係浸過糖水先甜，但呢個完全食得出係原本菠蘿嘅鮮甜😍好味呀！熱抹茶奶泡即係外間嘅matcha latte。呢間店嘅抹茶味未算太突出，但奶味好香，唔太甜。岩曬初嘗嘅朋友👍整體黎講都屬於非常有心且高質素的餐廳。但呢個位置真係會比較少人。今次去試唔到鰻魚，希望下次食到。

放工閒日晚黎食，八點半左右，有兩枱人，唔太多人，環境舒適，好岩同朋友食飯之外，又可以靜靜坐底傾計。不過嘢食份量有點少，如果大食的人叫或者未必會飽。炸物都是新鮮炸起🤤🤤🤤🤤整體都OK，一個人平均都俾250左右

今日又去咗食日本野啦🤤間餐廳位於銅鑼灣百樂中心，其實成日都經過見到好多人排，又咁啱睇openrice佢係熱門餐廳，咁我就帶咗我frd去啦😆一上到去有d似居酒屋嘅feel，細細地暗暗地，但裝修一d都唔是但，好啱朋友/情侶去！同埋有樣好貼心，仲有埋iPhone叉電位同線！講返食物先啦，其實都唔差，價錢我覺得合理唔貴。一開波就緊係叫我最喜歡嘅三文魚啦！$38 4塊，仲要係厚切，味道唔腥，幾抵食，但係感覺上鮮味就唔係太出。之後仲要咗個黑松露帶子串 大大粒 一串有2粒 佢個帶子有洋蔥包住 咬落下好爽口😹 但係我就係唔食洋蔥嘅人 就算唔要洋蔥都好好食 因為有黑松露吊味同埋都叫咗個邪惡包 個賣相係似手卷但細d 有d沙律菜 一嚿大大件嘅燒帶子同鵝肝 口感非常豐富同滿足 真係名符其實嘅邪惡啊！最後冷盤就叫咗個吞拿魚胞卷 我唔知佢上面胞胞個d係咩嚟 但加埋吞拿魚腩蓉 又係個幸福就感覺 同埋佢入面係包咗青瓜 唔會太漏 但我就覺得飯太大嚿 函太少啦 食完就有d飽肚 不過應該係我太細食到熱食啦 我地叫咗一個小食一個飯同一個菜講咗小食先啦 呢個係芝士他他醬炸蝦 咬落係脆嘅 芝士就一片芝士 但就唔係咁溶 無拉絲嘅款

剛剛係銅鑼灣收工，一於同朋友在附近搵少少野食填飽個肚仔先~~ 上網查左一陣終於決定呢間「心之食堂」啦。上到去位於百樂中心12樓既心之食堂 見到門口有不少日式裝潢，店內佈置得非常精致，仲有幾架單車吊左起來，店主應該幾鐘意單車~~我地坐左係窗邊靚位開始叫野食，我地叫了汁燒牛肉飯、芝士炸雞、鐵板豆腐、心之火焰鐵板牛肉串、李小龍卷、芒果雪糕和青蛙王子。汁燒牛肉飯: 牛肉有咬口，醬汁就似甜醬油，一啖牛肉一啖飯好有滿足感！芝士炸雞: 剛上既時候將炸雞浸落芝士度，用少少力拉起已經可以有「牽絲」既效果，雞肉味亦好特出，味道不俗！我係第一次見類似 鐵板豆腐 既食物，平時見豆腐通常作為伴菜或湯料，熱騰騰既豆腐主菜又真係少見，我仲唔小心燙親嘴仔添，真係「心急吃不了熱豆腐」啦..之後就到鎮店之寶 心之火焰鐵板牛肉串 ，一見到佢原本無咩驚喜，點知老闆娘陰陰嘴笑，然後一倒，支串燒著左火？！當堂嚇一嚇，成個人醒神哂。李小龍卷 其實是蟹籽蟹肉手卷，味道唔錯~~甜品芒果雪糕上面加左朱古力醬，兩者夾得唔錯，幾好食。最後飲品青蛙王子，事實上佢係抹茶雪糕加薄荷SODA，感覺好清新，溶左的雪糕同薄荷SODA又可以混合成另一種味

這間餐廳差不多成為我在銅鑼灣的食堂了朋友一問我哪間好吃，我就立即推薦門口位置更改了，店舖整體感覺好像變大了，坐得更舒服蘋果醋平時好少餐廳會有這個，好味邪惡包這個真心邪惡，平時我去食buffet才會吃一兩件的鵝肝這個還要加上帶子!!!!必食黑松露牛油帶子，好香口啊下面的拌菜我全都吃了其實每次來吃都會點的鰻魚飯，真的怎麼吃都不會厭心之蛋捲芝士拉絲~芝士控最愛芝士控第2位~拉絲芝士炸雞，最佳配搭鹽燒大啡菇平時在家我也很愛做這個吃，菇香味會在口中留很久心血來潮點的奄春蛋串燒雖然好吃，不過吃了會有種好像太小件的感覺，真的有點攝牙罅都唔夠這間店在銅鑼灣中心地帶，不過因為在樓上，所以發現的人不多，希望這種良心小店會一直長做，一直保持這質素

平時去銅鑼灣都係食西餐，今次好想食日本菜，搵到呢間心之食堂，就去試吓啦🙈間舖都唔係好難搵，去到入面，好在時間尚早，都仲未係好多人，雖然間鋪面唔大，但係就感覺好闊落、好清靜好舒服😍😍呢個三文魚刺身平平哋，但係就好好食好抵！平時去日本餐廳叫三文魚刺身都係細細塊，但今次呢個真係好大塊，而且好新鮮！刺身啲紋理都好靚啊！😍邪惡包係帶子同埋鵝肝，本身冇諗過佢哋可以做朋友，但個味出乎意料地夾啊！啲鵝肝煎到燶燶地，加埋帶子一清甜，啱啱好中和返！推薦呀！🤤🤤鰻魚茶漬飯雖然唔係好大碗，但係勝在個鰻魚都夠大塊！而且仲唔貴都幾抵食！你個蒜片牛柳粒飯真係冇得頂呀！啲牛樓粒夠林，啲汁用嚟送飯一流，最正都係啲蒜片片，甜甜地好好食！清酒煮蜆雖然啲顯都好多舊好好味，但係最正都係個湯，真係冇得頂，好鮮甜好好味🤤🤤🤤

簡約又華麗的設計,最啱我這種愛寧靜的文青.日式蟹子沙律$68 : 第一道前菜 “卜卜卜”, 清脆的聲音就是蟹子帶給我們的,新鮮的蟹子,令我們更開胃,心之食堂跟別的日本餐廳很不一樣,沙律並沒加上青瓜絲卻也很清甜,估計是加添了特製的醬料甜蝦$38: 肉質鮮嫩彈牙,入口水份十足,而且非常鮮甜,個人喜愛加上檸檬汁食,鮮味更出,更正帆立貝$38 : 接近1吋厚身的帆立貝,SO creamy, 加一片青瓜於中間,把乾身的貝貝帶上微微的青瓜汁,另一種新穎的食法.黑松露牛油帶子$88: 本人不太喜歡黑松露的氣味,所以都比了朋友食,他說單食黑松露已經算抵,可是我跟它沒緣份了.好!! 試一下我最最最喜歡的帶子. 用鐵板上菜賣相已經很吸引,加上濃郁的燒汁,已令食指大動.別忘記沾滿燒就的菜呀!鹽燒鯖魚$58: 我食日本野一定要燒條鯖魚,鹽味唔太重,剛好適中,魚肉厚身而且很驚喜的魚汁超多,鮮味滿溢出來~非常好味,超推介不一樣的日本菜,很喜歡這裡每道菜也有不同的小驚喜, 創意十足. 在這裡我們期待下一道的驚喜

返左成日工勁攰，同同事打算食宵夜，咁緊係要搵間舒舒服服，好坐既cafe好好咁慰勞自己啦。朋友話呢間cafe環境唔錯，就一於黎試下啦。一上到去就見到，果然裝修好靚喎，有種簡單又不失格調既感覺。而且一入到去，老闆就好有禮貌咁招呼我地坐低。而且呢度既落單方法好特別，係畫落一本過左膠既簿度，夠哂環保又方便。聽講呢度既刺身好新鮮同好味，我地就叫左帶子，海膽，八爪魚。果然食落真係好新鮮，最抵讚既係d海膽，一食就知係高級材料，而且價錢又唔貴，真係性價比極高呀。帶子又係大大粒，食落真係好滿足呀。呢個牛油炒雜菌都好香，食落唔會太油又夠味。而且大大碗，一定夠飽啦。豬軟骨烏冬都好出色，個湯底好飲之餘，個烏冬係有咬口既日式烏冬。加埋煮得夠稔既豬軟骨，真係非常值得推介。仲有一個好抵讚既地方，就係呢度有充電線，返左成日工電話無哂電，見到有得充電真係好開心，可見呢間鋪頭既細心。呢間cafe 又好坐，服務態度又好，下次有機會都要帶多d朋友黎試下先。

今日好開心，提早收工，所以即興同朋友食飯，去左銅鑼灣一間新開食日本野既餐廳，叫心之食堂，正正係耀華街中間，條街有好多酒吧同餐廳，去食野既朋友就岩哂，一入到門口，裝潢門面都睇得出係精心設計過，別有用心，店內麻雀雖小，但佈置得好精緻，仲有個大銀幕擺緊歌，另外有大量書籍遊戲比客人玩同閱讀，最溫馨貼心既係佢竟然提供叉電服務，岩哂我啦，唔使帶尿袋出街都得，我地睇左一陣就落單啦，首先出場既係三文魚茶漬飯，我去日本都未食過茶漬飯，估唔到依度竟然有得食，起初以為份量會好大，點估我同朋友兩個人share食岩岩好，感覺有啲似湯飯，熱辣辣好好食，三文魚溶左估唔到味道反而更出，海膽蟹籽杯係我朋友點名一定要食，連平時唔食海膽既我都覺得好鮮甜，黑松露牛油帶子依個配搭好夾，帶子食得出好鮮甜，好正，食完仲想食，之後到壽司啦，佢用張登仔擺上去好得意，有三文魚腩同帆立貝，超肥同厚實，好新鮮，個芝士他他炸蝦好脆，好味，最尾仲嗌左個鹽燒雞翼同吞拿魚腩卷做總結，老闆仲好好人問我地使唔使加水，兩個人食真係岩哂，少食多滋味，下次一定會再黎食!!!

還是喜歡小店的情，今次嚟試吓新店先，上到去地方唔算大，但職員很熱心，叫咗好多人都會叫既帶子鵝肝，味道好夾，但鵝肝煎得太乾身了，冇咗鵝肝油脂既香味，串燒點咗牛舌、鱔同雞翼，牛舌厚燒外燒得好香，內裡好軟好肉汁，好味道！鱔都好脆口但唔夠肥美，雞翼反而失色了，完全冇味。蛋卷煎得不錯，仲好用心咁幫佢加咗個心心添😂

夜晚收工之後想揾宵夜食，最啱就係去食日本串燒再加杯嘢飲！係OpenRice見到呢間心之食堂好似幾高comments，就即刻去試下啦！一上到去門口好多花花，好似啲日式小店咁，我自己就好鍾意呢類型嘅店鋪，因為小店總係帶俾人特有嘅親切感！因為全日淨係食左個早餐，所以夜晚收工都叫左幾多嘢食！不過樣樣都好味，樣樣都夠哂特別！我哋兩個人平均食左$250倒，最令我難忘嘅就係打頭陣上嘅刺身，因為啲三文魚會用一張mini版嘅枱仔裝住，塊塊都又厚肉又新鮮，真係食落都好滿足！而我覺得另外一款帆立貝刺身亦都係必食嘅，大大嚿真係食得出個種鮮味，加埋少少黑松露係上面，完全係一個刺身盛，今次就係用櫈仔裝住，最啱鍾意相機食先嘅朋友！不過我最期待嘅都係燒物，見到上網好多朋友都話個心之火焰牛柳串好得意，我哋都叫左，店員會係你面前加啲火上去，啲牛柳串連住青椒、紅椒，真係未食都覺得好味，食落就好多啲牛柳粒好淋，亦都好入味。其他燒物，好似雞軟骨、燒雞翼都有水準。飲品方面就叫左杯藍蝶花白桃乳酸，我自己覺得呢杯嘢飲好治癒，顏色又特別！店主用心製作，所以下次有機會都會再去的！最後，真的要感謝有心思既心之食堂，我地坐嘅位真係勁體貼竟然