心之食堂 (裝修中)

心之食堂🇯🇵♥️1️⃣心之火焰鐵板牛柳串🐂🍢 $88上枱既係2串牛柳串，之後侍應會即場點火，令牛柳發出火焰再燒，牛柳粒可以唔洗咁熟會更好，牛柳串下面既係厚燒菠蘿，為依個菜加左分🍍2️⃣心之蛋卷🥚 $88蛋卷上面用蕃茄醬畫左❤️，再加上沙律醬，令成個蛋卷多左份甜味，如何芝士味重啲會更好！3️⃣甜蝦刺身🦐 $38甜蝦既擺設好靚，賣相好新鮮，蝦冇腥名，比較鮮甜，都幾大隻(˶‾᷄ ⁻̫ ‾᷅˵)4️⃣蒜片牛柳粒石鍋飯🐂🍚 $98牛柳粒不過不失，稍微唔會稔，搞到有啲痴牙。飯既份量好足，而且將蒜粒同飯撈埋之後更香口，係重點之處，石鍋底仲可以刮到飯焦出黎，加添左口感🍚

前幾日，約朋友左去銅鑼灣食野，朋友openrice見到心之食堂有好多好評，所以想試一試。地點方面都好近，2-5分鐘就到，係Time Square 後面耀華街，好多酒吧既上面。一入到去就覺得地方好用心去佈置，好溫馨家的感覺，牆上面放左單車同放左好舒服既音樂。比人可以好舒服咁同朋友傾計！係點餐方面係用過左膠既Menu用筆剔，幾特別。食物有好多種類，石板黑松露牛油帶子，帶子非常大粒同鮮甜，咬落去好有口感。好味到連菜都全部吃光光！藍蝶花白桃乳酸 ，好夢幻既顏色，味道方面酸酸甜甜好開胃，心之火焰鐵板牛柳串，呢個係上檯後即刻點火，好猛烈火焰，記得到時錄片或者影相，好岩拎來影相呃like。牛柳肉質鬆軟加配上青紅椒可以去除油膩。薯角炸得岩岩好好香口。原條鰻魚石鍋飯，非常非常非常大條，條鰻魚係長過石鍋飯，一上檯睇到好震撼。鰻魚好好嫩滑，份量好多完全可以兩個人Share食蘆筍海老牛肉卷，蘆筍令到整個牛肉卷感覺很多吃也不會膩，可以一口接一口，炸芋圓，酥脆嘅皮，一咬落去好煙韌！最後，帆立貝蟹籽杯，迷你壽司杯好可愛，第一次見。份量好適合女仔，岩岩好。刺身好新鮮！最後埋單都只係500幾 每人二百幾 晚餐來講呢個價

位於銅鑼灣鬧市中 隱藏著一間家庭日式料理環境佈置舒適 一陣陣日式餐廳氣味不知不覺間便會叫了很多款式日式蟹子沙律蟹子份量十足 抵食只是稍微覺得沙律醬比較多日式炒野菜勝在上枱時香氣撲鼻 健康首選洋風吞拿魚串雖然吞拿魚不夠肥美 不過刺身上有一片蘿蔔片 帶點爽脆 增強口感而且以串的形式表達 有新意脆脆吞拿魚腩卷帶有微微柚子香味天婦羅脆粒是重點 很特別另外不得不提這個張椅子真的很特別值得一試燒物串燒方面也吃了三款雞雞四寶分別是雞皮、雞翼、雞腎及雞軟骨串雞皮好脆像在吃薯片一樣調味亦不會太鹹鹽燒三文魚皮 厚燒牛舌心很少居酒屋會標明用牛舌心而非牛舌口感非常爽囗

食物方面，頭盤我地要左刺身。海膽可以稱之為鮮味濃 而且好creamy, 呢隻海膽入口完全冇咩腥味， 一個唔食海膽嘅人都可以放得入口，咁即係代表其實係完全接受到！兩隻字去形容 “唔腥” 而且海膽下面放左一啲新鮮嘅沙律菜，仲有紫菜添！ 食嗰陣拎去包住海膽食，簡直係帝皇級享受。繼海膽之後就係芥辣八爪魚， 芥辣味好夠，但係又不至於太刺激，所以容易入口。 大啖大啖咁食都唔會流眼水，呢個真係認真讚。個汁除咗芥未之外仲有芝麻同埋少少蔥所以令到成個味覺都好立體，八爪魚個size 啱啱好唔會話太大而且好彈牙！ 上面原來除咗用蟹子去裝飾之外，同海膽一樣仲有菜係杯底。 所以製作真係好認真。牡丹蝦一上枱，就不得了， 就好似同我講話快啲過嚟食我啦我坐好啦！ 因為個裝飾放得好靚。而且又大隻！真係忍唔住影多幾張相。 蝦夠鮮甜 ， 真係想要嗰幾隻嚟食，不過都係唔好啦要留肚食其他野呀嘛！之後落泥就係渣渣聲嘅鐵板豆腐，起初望個樣我以為係會辣辣地，因為望上去有啲似韓國年糕，但係原來唔係覺得反而係甜甜地。食呢道菜嘅時候覺得佢哋好用心，豆腐係煎香完2邊，再夾起去，之後就係燒熱個鐵板，放上白菜同豆腐，最後就係淋上甜甜地嘅汁,豆腐

這次來到銅鑼灣樓上舖覓食～地方不算大，勝在整齊簡約，比地舖多一份清幽。家庭式餐廳，店主一家三口也在，邊招呼客人邊陪幼女玩耍，好溫馨的畫面海膽刺身 $58先點一客刺身開胃～有兩大片鮮甜海膽，入口溶化，配生菜、青瓜和紫菜，感覺清新。紫薯甘粟餅 $33新鮮熱辣，吉列外皮炸得剛好，香脆而不會太油或太乾；紫薯蓉軟熟，內有粒粒栗子肉豐富口感，只有一件著實不夠。石板黑松露牛油帶子 $88以石板端上，熱騰騰，吱吱作響，一直冒煙，等了一會才拍到清晰的照片～帶子大大粒，肉質鮮嫩，每隻上面也有黑松露；醬汁帶淡淡牛油味，調味得宜，墊底的娃娃菜盡收醬汁清華，重口味的我覺得黑松露味可以更濃。吉列牛柳粒 $68 新鮮炸起，香噴噴，啖啖肉。牛柳肉質鬆軟，吉列皮香脆；這裡的炸物香口得來又不會太油膩汁燒白鱔 $78白鱔燒得油潤，肉質肥美細嫩，紋理分明；醬汁惹味，鹹度適中。只有一串實在不夠，下次可點原條鰻魚石鍋飯，吃到飽～心之蛋卷 $88口感介乎玉子燒與奄列之間，蛋香軟滑。一切開半熟蛋漿和流心芝士溢出，內有三文魚和蟹籽，倍添鹹香。看起來不算很大份，但十分果腹。燒秋葵 $38大快朵頤後要吃秋葵幫助消化，加了木魚絲增加口感味道

寜靜既環境，同一般日本餐廳唔同，佢地係牆到裝飾左好多特別的飾品， 令人有種休閑既心情，柔和既音樂，最岩同朋友情人傾下計。 試過好多餐廳放題既帶子夾鵝肝都比較’伏‘， 但依間望落肉色要粉嫩有光澤、帶子豐厚的肉身極富彈性， 味道鮮味甘甜，令我超出預期，同鵝肝好夾。 之後叫左個蒜片牛柳粒石鍋飯，擺上台既時候已經比佢吸引左， 係超級香，牛柳粒肉味香濃，肉質有彈性。 我原本對三文魚冇太大興趣，但點左之後比餐廳既三文魚吸引左好肥美仲要好新鮮！ 本人係一個極鐘意食殼類海鮮，所以佢既胡椒豬骨湯煮蜆我係必食， 啲蜆肉都好大好野味，湯既味道再加埋蜆肉，冇得頂！ ​

一步進就見到一枱玩具，還以為有玩具提供，原來是老闆女兒的。丈夫負責廚房，妻子負責樓面，閑時跟女兒耍樂，充滿溫情的畫面，既溫馨又和諧，巧妙換取回來的天倫時光；心情愉快，服務質素也自然提升。陳設隨心，雅座不多，隨意舒適。還有貼心的充電提供。👍💯蒜片牛柳粒石煱飯 $98蒜片炸香帶辛辣，牛柳粒剛剛熟，軟腍滑溜無黐牙，帶少少甜味的汁，平均分布在白飯上，石煱完美保溫，食到尾飯還是熱的，有質素的制作。三文魚刺身 $38看得出肥美的三文魚，一客四件只收$38，算是抵食，塗上少許青芥辣及豉油，人間美食莫過於此 😍燒香草豬頸肉 $48沾上香草的豬頸肉，掃上特制醬汁；豬頸肉貫徹本身特質，鬆軟無韌度，切合預期。邪惡包 $38件以帶子代麵粉做麵包，名乎其實確實邪惡 😈，帶子外層烤香，內裏半熟，以保持嫩滑。鵝肝熟透無血水，外皮帶點微焦，香氣泗溢。一齊食又得，分開食都得；拍照玩久了，紫菜受潮，有點可惜！李小龍卷 $68樣貌味道酷似加洲卷，分別是材料換成魚子醬，牛油果，炸蟹鉗、青瓜等，外層沾上蟹子，大大件的，味道不錯。鹽燒大啡菇 $48烤磨菇最怕烤過火，太乾不好吃，火太淺又怕未熟透，這個火候恰到好處，再灑點鹽花吊味，

約左朋友係銅鑼灣行街搵埋去食野，點知見到每人消費滿$250就有85折優惠。係銅鑼灣食野都唔平，有得平就去試下先上面環境偏細，但都唔係好多人，即刻就有位。不過睇得出店主用心去佈置，的確提供左一個寧靜既環境比人去靜靜地談心，仲好體貼咁提供差電線，唔洗怕冇電原條鰻魚石鍋飯就價錢好合理，因為都真係幾大碟同條鰻魚好大條，兩至三個人食都得。因為叫埋其他野食岩岩好，可以咩都食得曬蘆筍海老牛肉卷，又幾好食。因為佢放左蘆筍，所以食既時候感覺冇咁膩，份量都岩岩好帆立貝蟹籽杯，呢個就刺身同飯既份岩岩好石板黑松露牛油帶子，帶子都大既，大到出乎預料，而且有幾有咬口炸芋圓，一般但價錢合理，因為都大粒既，不過就皮好厚，食一粒己經覺得食左好左麵粉藍蝶白桃豆花乳酸，真係得個名，白桃味完全冇得乳酸味。不過可以影下相既呃Like既心之火焰鐵板牛柳串，又係一個影相既呃Like既菜式，佢個價錢好似比左一場睇火焰表演錢多d，兩串牛柳串完全唔覺得可以咁貴不過唔會再來，因為價錢方便太貴。呢個價錢貴同質素唔相等，呢個價錢係其他地方可以食到更好野

百樂中心一向都多野食, 之前lunch想試依間日本餐廳個時因為滿座所以食唔到, 今日就一早book咗枱同個Friend黎試試佢啦。首先餐廳裝潢睇得出花咗唔少心思, 雖然店面唔大, 但係好精緻, 而且有種親切感。餐廳嘅menu真係好多野揀, 同埋係直接畫上餐牌上點菜, 夠晒環保我地叫咗厚燒牛舌心$58, 京蔥雞肉串$38, 蘆筍海老牛肉卷$48, 紫薯甘粟餅$33, 蒜片牛柳粒石鍋飯$98, 帆立貝$38, 牡丹蝦x2 $ 96。 厚燒牛舌心 - 其中一樣食日本野我一定會叫嘅野黑椒味好香濃。京蔥雞肉串 - 依樣看似簡單但我就最欣賞, 因為燒得恰到好處, 唔會太濃但就剛好將京蔥嘅甜味逼晒出黎, 而且雞肉加咗京蔥嘅甜味令到味道更加有豐富。京蔥仲中和咗油膩感, 推介!! 蘆筍海老牛肉卷 - 蘆筍牛肉卷入面仲有蝦, 令到牛肉卷多咗爽口嘅口感。而且調味唔濃, 食到食材本身嘅味道, 各樣味道又好夾。紫薯甘粟餅 - 紫薯味好濃, 而且紫薯蓉嘅柔嫩加上甘粟粒, 口感更佳 蒜片牛柳粒石鍋飯 - 依個出奇地好好味, 本身冇太多期望, 但係一上菜已經香到食慾大增, 好多蒜片, 而且牛粒用燒汁煮過, 咸中帶點甜

環境4分：門口和風設計劃哂花，室內又有花草單車，好大自然，裝修好有心思。位置唔多，同唔會密麻麻，畀四分。衛生4分：地方幾光幾乾淨。服務5分：個個都好有禮貌，坐低即有熱茶飲，Ｄ嘢食黎得夠爽手。餐牌自己劃上去，仲驚人地睇唔到，但真係冇落錯單，抵加分。味道4分：1)      三文魚顏色靚，又厚又肥美，滿分！2)      邪惡包個帶子好淋好嫩，中間舊鵝肝好滑好軟熟，有菜同紫菜包住好爽，完全唔邪惡。3)      雞皮爽脆唔油，仲有成三串咁多，絕對抵食。4)      串燒牛脷又爽又淋。5)      火焰牛柳串侍應落酒燒嗰陣時，真係估唔到會咁大火，要十零秒先燒完。燒完之後啲牛柳仍然好淋，好有味，中間夾住啲紅椒黃椒，真係好似bbq完咁。6)      條茄子仲大嗰隻手掌，煮到好淋，上面有Ｄ蒜蓉同少少辣醬，都幾惹味。食嗰陣時要一絲絲咁扯出嚟，感覺好原始。7)      原條鰻魚石鍋飯成個石窩咁上枱，超級熱辣辣，真係要等一陣先可以食到。上面條鰻魚好長好肥美，食到最尾發現有飯焦，脆卜卜，而家真係好難食到有飯焦嘅石鍋飯。抵食4分：一人唔使三百蚊就可以食到Ｄ咁有心嘅日本嘢，可以畀四分。

同朋友放學去銅鑼灣晚餐👭 以為餐廳會好難搵 但呢幢大廈都有好多唔同餐廳 好易搵到 🏢一上電梯見餐廳裝修好有日本風味🇯🇵 好多櫻花 日本居酒屋嘅感覺🌸 可能比較早到 唔使排隊等位✨坐低見到Menu係過左膠咁用筆填 幾環保🌈 食物有分小食 沙律 炸物 一品料理 壽司杯 魚生飯 軍艦等等 好多選擇🤤🤤🤤 但最後都係揀咗比較多人識同吸引個幾樣☺️等食物嘅時候見到有差電器提供📲 超興奮因為個電話就冇電好體貼嘅服務！😍食物好快就到首先係香蔥石版牛舌👅 牛舌好香好林好入味 辣辣地好開胃 覺得呢個餸好適合送飯 🍚好快海膽蟹子杯嚟咗🍣 裝飾得好精緻 兩塊海膽好大塊喺上面好鮮甜 同埋啲牛舌送飯一流！🍚呢個邪惡包係帶子同鵝肝整成🦆 原價＄68 1件依家＄38 1件真係好扺！ 帶子煎得好香 好大嚿好多肉 鵝肝都好吸引入口即溶 唯獨是係出面曬菜有啲唔新鮮🌱 可能無預會食之後再上火焰牛肉粒串🐄 黎個陣會有火焼住 牛肉粒唔會太乾 仲可以食埋最底舊菠蘿添🙈 因為太中意食菠蘿 仲叫埋燒菠蘿🍍 太好味了！！完全唔酸 甜到溜 同好少可有咁大碌！沙律差唔多最後先上 但好夠料同菜好新鮮☺️ 有魚生有鮮菜有秋葵😍 好豐富既沙律！！最

"心之食堂"之前聽朋友介紹過。似居酒屋食串燒。刺身。適合同朋友聚會。傾計同朋友耐無見。要聚聚感覺舒服。一出lift就有一連串和風佈置我個人幾中意吊燈,好特別~帆立貝刺身 ($38)幾新鮮，一啖一隻。好爽中間有青瓜。所以味道上會較清新加上張小木枱好得意甜蝦刺身 ($38)而甜蝦就好似4隻排排坐在櫈仔上芝士他他炸蝦 ($58) 咖哩薯餅 ($33)芝士加他他醬幾夾。無單單食芝士甘流。咖哩薯餅幾抵食芝士炸雞 ($58)芝士味唔太出。一開始上菜芝士仲可以拉絲所以要盡快食先得燒雞皮 ($38) 燒雞軟骨 ($38)燒雞皮唔多地方有得食, 幾特別雞軟骨正~我好中意食!加上個價格上比一般居酒屋平~燒鯖魚飯 ($68)主食分量好足夠如果叫食一個飯都算平豬軟骨烏冬 ($48)豬軟骨可以再淋少少會更好味道上所以我地兩個人食到好飽

心之食堂近銅鑼灣A出口 一出出口轉左步行數分鐘就到都算方便食堂大門是日式佈置門簾是古典日系風店主十分貼心在門外放置椅子讓等人/等位的食客休息本以為堂內的佈置如堂外的日式設計殊不知內裏放置或掛著不同的精緻小擺設 甚具心思到點餐部分每桌食客都有一本已過膠的menu以及水筆一支可在上選出要點的菜餚點選後 侍應會於電腦入單並於入單後擦去選項待用此做法十分環保值得一讚等了片刻佳餚逐一上場海膽 $58入口即溶 頗為新鮮配上紫菜及芥末包住味道在口內停留了好一段時間份量亦足 香蔥石板牛舌 $68味道夠濃多汁牛舌爽口彈牙如果配飯 是個不錯的選擇黑松露帆立貝串 $48食落有淡淡的黑松露香味帆立貝肥大肉厚配合伴菜進食可減少罪惡感京蔥雞肉串(2串) $38雞肉嫩滑入味 京蔥有香烤的甜味原條鰻魚石鍋飯 $118十分驚喜鰻魚長度比石鍋更長需小心把它放回鍋中 鰻魚夠厚身 醬汁濃郁十分惹味配上底下的石鍋飯一流心動大阪燒 $88心型的大阪燒具巧思材料充足 十分飽肚亦有陣陣燒烤香味心之蛋卷 $88蛋卷上有心心圖案 配合食堂名稱切開蛋卷 即有大量芝士流出芝士味道濃郁 蛋卷厚身香滑和朋友飽吃一頓後看到隔壁桌點了有火焰的串燒心

返工咁攰，放工緊係想輕輕鬆鬆所以揀左間居酒屋食日本野 放鬆下心情由於平日去 所以唔係好full 環境都好舒服 好岩係到傾下計 而牆身掛住左d單車 好特別呀！我地坐左係窗邊既位置 果到有少量既書 可以俾客人睇 如果我唔係咁攰都拎本黎睇下我地叫左一份海膽、帆立貝、彩虹卷海膽好鮮甜 帆立貝又大大粒 彩虹卷入面有: 炸蝦、蟹籽、青瓜、牛油果、肉鬆粉、墨魚子、紫菜一啖食落去個彩虹卷 口感好豐富呀！我最鐘意係佢地唔係用碟上裝住刺身同彩虹卷既係一張迷你木椅 好得意！小食方面叫左炸雞肉軟骨粒、黑松露牛油帶子、心之蛋卷炸到金黃色既雞軟骨 外脆內軟 再點上醬汁 減輕左油膩感 食到停唔到4粒大大粒既黑松露牛油帶子 下面用椰菜墊住因為有牛油既關係 d帶子好香甜 再配上黑松露 個味道好夾 連個椰菜都好甜心之蛋卷入面包住芝士同蟹子一切開d芝士流緊岀黎 要即刻放入口 蛋卷好有蛋香味 而且芝士好多 每咬一啖都食到d蟹籽 👍🏻吉列牛柳粒飯酥炸既外皮 包住嫩滑既牛肉 炸粉唔多 所以個皮好薄 食到牛肉既香味 再配上心型既珍珠米 別有一番風味