德美壽司 (德民街)

營業中

休息中

跟同事黎食2013最後一個午餐, 高興的黎, 失望的走.其實呢午市款式多, 有魚生飯, 定食, 湯面, 而且價錢公道的, 係一個唔錯的選擇.LUNCH SET 包湯, 蒸蛋, 沙律, 主食, 甜品, 很豐富.先來的是湯, 蒸蛋, 沙律, 水平是中上的.我點了滑蛋吉列豬扖飯, 可惜飯餸分開上的, 而吉列豬扖被過多的汁浸軟了.最後的甜品遲遲未上, 分別叫左2位WAITER跟進, 換來的結果係"甜品無曬".WAITER講完轉身就走左去, 我地同間離枱都呆了... 雖然說甜品也不是什麼太特別的，好像只是雪米滋，但跟預期的不一樣，　一句道歉也沒, 教顧客失望而回...

lunch menu炸三文魚鮫好好味喔 有2件, 但唔知點解炸青魚改左三文魚, 無同我地講, 但因為都好味, 就無追究了哇哈 係好滿意無諗過佢既刺身都係我鍾意食既 =3竟然有taro!附近既同學仔都去支持下啦, 又平又新鮮希望d小店可以繼續生存!

Ball 友又黎紅磡開餐啦喂!!!今次友人就介紹左德美俾我地啦!!!set dinner 都算多款式揀.....但係可笑ge 係佢地ge 鍋燒飯賣晒(定無供應呢?)但我地去到只係7點幾咋wo......Anyway....朋友們要揀過其他.....而我就揀左小丼,炸物!Salad , Miso soup (7.5/10)沙律幾fresh!!! 味道不俗! 佢主要係生菜,蕃茄同粟米....可以補充番D纖維...湯就so far so good....未好飲到誇lala...炸物 (8.5/10)我諗我個個係蟹肉忌廉魚餅.....因為食落口好creamy........但唔會好漏.......同埋佢炸得乾身.........唔會好油!!!!做得好呀(不過係無得揀....佢同另一款random 提供)櫻花迷你魚生飯(8/10)其實我唔覺得迷你ga la......魚生= 三文魚...正常貨仔....但個飯入面係有D菇係度....係令我喜出望外!!!!菇係有醬油調味....所以唔寡! 不俗!甜品(芒果汁椰汁糕) (6/10)算啦,,,,,,,,個餐包埋ge.........佢又唔係大菜糕個種.

預約左今晚8點食飯, 入到去好FULL下,等左十分鐘有位..但係吧台本身不太好魚生, 因為有野係付近做所以簡呢間 又不餓, 只簡左左口魚薄切, 燒牛聊粒, 冷麵, 幾款SUSHI, 尤魚. 等左一大輪.. 佢話左口魚冇啦..牛聊粒都冇..下..8點咋喎..咁快呢D咁普通既野都冇...? 之後..咁再叫啦, 所有MENU上既薄切佢都話冇..叫我地試吧台陳列住既魚... 哦.原來係咁..但是我個心又好想食薄切! 所以試左是但1條,我都唔係好識, 因為本身不太吃魚..  幾塊成為200元, 原先的左口魚只是98元.  食完之後等了又等..我都唔記得左隔左一輪又答呢樣冇,個樣冇....  最後食左4道菜竟然係用左2個鐘去食, 其他時間都是在等!  食物非常一般, 咁就食左五百幾蚊. 除左吧台既師傅外, 其他WAITRESS 都HEA, 唔想理你咁樣樣.唔會再幫襯!

因朋友常在這裡吃飯飲酒, 我則較少參與。但今次知道他們這裡重新裝修之後, 便相約一班戰友伙伴來這總店試一下, 此聯誼一番。再者, 這次我們也有新的戰友加入我們的團隊, 感覺十分開心, 而且再進一步強大, 希望我們可以一路進步。這, 不單單是工事, 而是一班有理想的同好的共同努力出來的。餐廳在紅磡, 早在年前已經有些名氣, 後來在尖沙咀H8開分店。初初分店配套未有準備得好, 水準都很一般, 所以有時不太明白, 朋友為何常常在此呢? 這次返到總店, 我卻有另一番的體會。前菜組合: 清爽味淡中有輕輕澀味的冰菜, 要的只是脆脆的爽口感覺; 比較甜美清涼的溫室蕃茄, 外皮不厚, 蕃茄肉地夠, 好嚼勁, 而且味道鮮甜, 加些日式沙律醋, 鮮味更好; 螢光魷魚漬, 有別於一般醬油醋漬做法, 用上鹽來收乾水份, 口感乾硬一點, 但鮮味更好。加上芥末蛋黃醬, 加強綿滑口感。鮮炸出來的天婦羅魚皮, 味道當然比薯片好吃多, 可是沒有多餘油脂, 乾爽香脆。就算不用沙律油也覺得好食。蠔嘛?! 是日本來的生蠔, 老實說, 品種已不記得了。不過蠔邊爽滑質感與清涼溫度還是有記憶的, 算是可以吧!!鰝縿薄切, 肉淡而有

滑蛋雞飲定食:上枱時，發現碟食物真係好樣衰，好似成pat 野咁。但食落後，發覺唔錯，味道ok,同好多雞肉，d蛋都好滑，一d都唔老。 石頭窩雞飯定食:賣相很好，好夠熱，食到底時，仲有少許飯焦，好香，值得推薦！ 以定食來講，跟麵豉湯，跟甜品，仲有蒸蛋，午餐又個駛加一，兩個人都係$100元鬆d，算抵食。

紅磡比較少食定食既日本料理，決定同媽媽試吓呢間。我地一人叫一個午市套餐，分別係豚肉生姜燒定食同滑蛋雞扒飯定食（親子丼）。定食跟沙律、麵豉湯、蒸蛋同甜品。先上蒸蛋同麵豉湯，蒸蛋好多料，唔錯。麵豉湯不過不失。之後生姜燒上埋，燒得幾香，略嫌鹹左少少。然後到親子丼。嘩真係大開眼界！我未見過料同飯係分開上既，料仲水汪汪咁款。即刻叫經理埋黎，話未講完又未影相，佢就一野收左碗料。乜料呀真係。過左陣，廚房整過另一碗，今次好少少，不過仍然水汪汪。算喇照食。食過咁多間親子丼，不論香港定日本，要好似今餐咁揸住碗白飯食，好似平時食中餐咁既，係我既第一次。仲要鹹到飛起。講左咁耐，應該有讀者發元我無講過個沙律。無錯，沙律漏左單，要追先有。飯前沙律變飯後沙律。最後個甜品，毫無誠意，求其筆一pat奶凍俾客就算。食雪米糍仲好。雖然午市唔使加一，但呢間野無下次。

上次經過附近已經看到這家「德美」，耳聞其「抵食」，故此特此一游。店面有居酒屋的味道，燈籠當然不能少，想不到的是連內部裝修都有模有樣，和室(好啦不是“室”，只是一帘之隔)，包廂都有，尚算企理整潔。看看menu，主打日式便當(就是什麼都有一些)，散點如拉麵，鍋物，丼，吉列定食都不泛選擇。但最恐怖的並不是選擇多，而是價錢。一碗拉麵$46，好像除了味X拉麵，我沒有看過此種價錢。吉列定食，丼等都是介乎於$4x-$5x，御便當也都是$6x-$8x。憑記憶午市menu最貴的好像是刺身／壽司便當，都是$12x左右，如果味道不俗的話，還真是抵到爛。我們最後選了德美和食便當和德美刺身便當。德美和食便當 $68 (8/10)當天的和食便當被告知不是跟鹽燒鯖魚，而是燒秋刀魚，殊殊想吃熱便當也就要繼續堅持。不止主盤，便當有沙律，味噌湯，茶碗蒸和甜品跟上，整套齊全。本來看menu已經覺得價錢很不錯，到真的上桌還真的被它的size嚇一跳：咁大盤？？？照片可能比較難預測，整條秋刀魚被切成兩半，半邊都有大概10－12cm這麼長，可想而知旁邊的吉列豬扒也不少，雖然是薄了一點，連炸粉也不到2cm厚。配上涼菜如海帶，蟹柳，海

晚餐叫左鰻魚飯、煱燒烏冬、土佐豆腐、加州卷。想讚吓個加州卷個賣相：諗唔到咁普通嘅壽司都砌到有曬台型咁搵槐木板上;美中不足嘅係--個卷唔係好實淨,飯還飯,料還料。另外想彈吓烏冬個煱：甩曬青,係咪換過啲新煱裝食物好啲呢? (烏冬都幾足料,味道就一般)。 鰻魚飯同豆腐都好味。

午餐叫左咖哩吉列豬扒定食同牛肉生薑燒定食, 包麵豉湯、沙律、日式蒸蛋、同甜品。整體質數不俗,只是飯量略少,及個人認為餸的味道徧鹹 (但喜愛味濃的人可能會很喜歡); 甜品是奶凍, 唔夠香滑...不過最想讚的是隻甜品匙 -- 是預先雪凍過的! 這份細心, 就連五星級酒店也不一定有。

要搵地方同朋友聚吓, 傾心事.朋友介紹, 德美壽司. 仲講明紅墈店坐舒服啲. 同埋老板負責呢間主店壽司Bar!好少會花時間寫食評, 但係呢餐真係值得我記低分享.寫嘢我唔叻, 睇相啦. 因openrice只可upload 8 張相, 無upload 嘅仲有 隻好靚好新鮮嘅牡丹蝦特寫, 蝦天婦羅, 同埋凡立貝多過豆腐嘅麫豉湯.我係叫咗個2人餐, 應該好似係$268一位, 定係$268兩位... 加咗我主動問師父有咩特別嘢食, 佢介紹咗客"咩咩螺兩吃", 同埋"咩咩彫魚薄切".今餐無飲酒. 埋單$740, 比$800佢值得.

(已經幾個月前)有一天因為要做點事要過來黃埔, 我姐姐說有間開左冇幾耐又幾抵食的日本野, 所以來試試看門口環境感覺很好, 店內環境很黑, 坐位很舒適雖然店內的服務員比較少, 不過態度一般, 好像沒反應/回應的感覺最終叫了這些定食我吃的是牛肉烏冬+壽司定食一般, 不是很特別, 很份量不少玉子印上店舖名字很精緻, 味道很好, 新鮮我喜歡有蔥花壽司味道係特別豐富, 令人很開胃! 這個魚生飯份量就比較少了一點, 但一樣新鮮不過魚生都算幾厚應該咁多個定食最豐富, 咩都有因為怕唔夠飽, 所以叫多一個定食...竟然個飯超級大, 反而覺得呢幾個餐飯最多係呢一個天婦羅炸得唔油, 夠脆, 不過食個時要小心, 好熱牙定食附上蒸蛋同沙律蒸蛋超滑, 推薦!價錢真的合理, 還覺得幾平~下次希望有機會黎黃埔再吃過!

第一次寫食評,先寫回3個月前既7月用餐既時候,該食店只是剛開張.唔收加一.知道呢間店係尖沙咀H8有分店,所以跟男朋友兩個人去試下.大約8點半左右入店,完全唔洗等位.店內只有4-5枱客我地被安排坐係6人位枱,好舒服當晚叫左1) 一客海膽軍艦 超級新鮮,平時我麻麻地海膽,但出奇地好味2) 牛肉窩都幾大窩架,只係D肉有少少UN...3) 鰻魚飯好味...4) 炸廣島蠔呢個唔太得,好硬!!!好乾5) 仲有兩客壽司 - 赤貝 新鮮既~~6)串燒 - 軟骨雞肉串,燒腎 雞肉串好味,有D軟骨係中間,有D口感 燒腎就無咩特別了最後仲有甜品送,幾好味架2個人食左咁多野,都只係$300左右,鰻魚飯食唔哂帶走左新開張果陣無得簽CARD好唔方便,唔知呢家有無呢??

很想吃日本菜﹐ 所以特地和媽媽到這里午膳。當德美還是在黃埔街的一間小店時﹐ 我們就已經開始光顧。 那時覺得食物新鮮﹐ 服務又好﹐ 都不時光顧﹐ 後來越加越貴﹐ 就越來越少去了。說回今天午餐﹐ 我點了壽司﹐ 刺身便當盒﹐媽媽則點了德美便當盒。我的應該有﹕ 刺身﹐ 壽司﹐ 炸物﹐ 日式蒸蛋﹐ 麵豉湯﹐ 沙律﹐ 甜品上桌的﹕ 刺身 (三文魚腩﹐ 北寄貝﹐ 甜蝦)﹐ 壽司 (三文魚﹐ 魚﹐ 吞拿魚茸)﹐ 炸物 (魚餅物體)刺身新鮮﹐ 壽司是一夾就散的﹐ 炸物﹐ 圖片是天婦羅雜菜餅﹐ 雖然有寫是日替﹐ 但那件魚餅真的有點難以下嚥。媽媽的有﹕ 吉列豬扒﹐ 燒原條秋刀魚﹐ 刺身 (三文魚﹐ 蟹柳)。 秋刀魚是熱辣辣的﹐ 豬扒是多汁鬆化。但我的是HK$86﹐ 媽媽的是HK$66。 無論是價格﹐ 味道﹐ 媽媽的普通便當都是更勝一籌。因為還是新張的關係﹐ 午市免加一﹐ 但當我們想以HK$500去埋單時﹐ 店員居然問我們有沒有散紙。 HK$500 去埋HK$152 的單﹐ 不為過吧﹖沒有加一的前題下﹐ 這間德美是那種一月可以光顧一次的店﹐ 如果還會加價的話﹐ 就不值了。

今次第一次寫食評, 多多包涵!!由屋企人介紹去呢間食店, 首先吸引係門口白色石路, 雖然比較短.我們入到去,有舒適感覺,因人不是太多, 地方都很寬敞, 另外全部座位都是卡位設計, 想靜靜傾計都不錯, 最后排是一排搭搭米, 會有紗廉隔開為3個房.我們點了以下:厚燒玉子---好味道,甜甜的! 以為熱食,原來凍食,玉子印有店名甜蝦刺身---好新鮮,好大隻秋刀魚蔥燒---幾特別, 將魚起肉,包住大蔥一齊燒壽司拼盤---材料新鮮刺身拼盤---非常厚切, 新鮮!!鰻魚飯---飯有D乾, 但鰻魚好味, 唔夠汁!海解炒烏冬---真材實料, 有我鍾意既蜆,仲係有殼架冷面---夠凍, 好味南瓜天婦羅---漿不會太厚, 好味 燒雞翼---一串兩件, 有椒鹽味值得一試!由於店員較少, 要耐心等一下~~~!