德美壽司 (德民街)

營業中

休息中

同朋友過開黎紅磡, 朋友提意食壽司, 想起紅磡都有德美, 之前在尖沙咀都有食過唔錯。 紅磡分店位於地舖, 餐廳門口掛著一排紅燈籠, 離遠都見到呢間就係德美。時間未到晚上七點, 門口已經有人等位中, 在門口位置攞飛仔, 等咗大約5分鐘就有位了。🔸牛肉湯烏冬🔸原本想叫牛肉鍋但無烏冬, 問過店員其實湯底都一樣, 最後揀咗牛肉湯烏冬。 烏冬係有少少煙韌同比較粗嗰款, 配甜甜既湯底, 好味。🔸火灸左口魚邊壽司🔸愛上了火灸後既左口魚邊, 火燒到油脂出哂黎, 咬落好有滿足感💕🔸帆立貝壽司🔸超大隻帆立貝, 厚厚既肉好鮮甜。🔸三文魚腩壽司🔸有個小插曲, 壽司黎到發現唔似腩位, 問問店員, 查明後都即時幫我地換返。油脂分佈平均, 如果再多啲油脂仲正。🔸吞拿魚腩茸壽司🔸超級份量多, 多到一口未必食得哂, 不過就算先食部分吞拿魚茸都好好味, 近來喜歡了它。🔸海老天婦羅🔸正常size味道無乜驚喜, 會有一條秋葵, 連埋炸蝦頭, 蝦頭仲會有少少蝦膏添。🔸炸蠔卷🔸除咗包咗四件飯卷, 另外會一開二既炸蠔, 味道唔錯, 配青瓜絲同醬汁都好味。

在黃埔開會後，獨自一人在這區閒逛了一會後，決定來德美壽司開餐。 來到餐廳的時候，大概已經六時許了，食客也陸陸續續的多起來，幸好餐廳佔地夠大，不用等位就可以入座。 餐牌的選擇非常多，就連魚生丼亦有8款選擇，還配送湯、沙律及甜品。 魚子蒽吞拿魚腩茸丼沙律甜甜酸酸，味道清新，麵豉湯沒有什麼可挑剔，與坊間的也不多。丼飯大大碗，賣相不錯，面層放滿了吞拿魚腩蓉，三文魚籽、青瓜絲、日本豆苗芽及鵪鶉蛋，而下層的不是白飯，而且調過味的漬飯，內裏還加了冬菇等材，來提升口感。吞拿魚腩蓉真的很美味，除了新鮮之外，入口軟滑綿密，完全沒有韌韌的魚筋，加了鵪鶉蛋後，口感更豐潤，鮮味指數爆燈。 汁燒雞肝 由於是汁燒的關係，雞肝入口甜甜，帶點燒烤的焦香味道，口感粉嫩，不過，個人認為有點乾。 牛油燒帶子串 帶子串共有2隻，雖然燒烤過，但口感仍然能保持非常嫰滑，最重要是帶有濃濃牛油香味。 牛舌到了我最愛的牛舌，燒香後，外層微脆，爽口得來又帶點嚼勁，肉汁豐富，推介。 甜品是奶凍，奶凍口感超細滑，奶味亦非常濃郁，讚。 一個人大吃大喝，就這樣渡過了一個既幸福又滿足的晚上。

今晚同朋友食咗間吾錯嘅日本菜🍱，價錢合理，味道吾錯。餐牌上面嘅種類好齊，有各式各樣嘅鍋物、串燒、魚生，鐘意多啲選擇嘅仲可以揀二人餐，都係三百到四百蚊左右，有齊前菜、刺身、鍋物、炒飯等。我同朋友就各自叫咗個鰻魚同天婦羅湯烏冬定食，個天婦羅炸得都吾錯，夠哂脆口，至於鰻魚飯亦好足料，夠哂份量。之後我哋仲叫咗兩碟燒物----燒墨魚🐙咀同雞皮。特別要講下燒雞皮，夠哂入味，口感食落好似炸魚皮，真係值得一試。最後我哋兩個人埋單都係二百幾蚊，認真抵食💰。

記得之前去睇演唱會諗唔到食乜嘢，朋友就建議食德美，佢係一間居酒屋嚟，兩間鋪頭係左右隔離，所以都唔會話要等好耐位！鋪頭比我嘅感覺都真係幾日式。朋友話黎德美壽司必點牛油果軟殼蟹sushi😍🦀果然真係好好味wo!!ya🖖🏻啲軟殼蟹銅同牛油果夾埋一齊，一個字講晒：正！其實我哋仲叫咗啲壽司set，不過食得太匆忙，已經影唔切相！啲壽司好新鮮，而且有好多款👍當然海膽係最新鮮😍😍吞拿魚同三文魚都好厚切：）不過呢間野略嫌有少少貴。

經常黎呢一間德美壽司食飯，晚飯以及午餐都嚟食過，覺得非常抵食，魚生都好新鮮。😋😋佢哋嘅lunch set有非常多選擇，有魚生或壽司定食亦有熱食嘅選擇。平時一般我都會選擇壽司定食加細牛肉烏冬，但今日選擇了魚子蔥吞拿魚楠茸定食。Set 入面有麪豉湯，沙律，蒸蛋以及甜品。吞拿魚茸分量非常多，飯入邊亦都唔係普通嘅白飯，裡面夾雜冬菇絲以及青瓜絲，撈埋鵪鶉蛋非常好吃！以80元左右價錢就有咁多野食，個人覺得非常抵食，而且佢哋係免收加一！！😬😬

所有菜式沒有特別可挑剔之處，中上水平，加上安排了一個舒適的卡位給我們，相聚時光很痛快和順利。芝士鰻魚卷忘了名字，類似番薯芋頭的炸物。帶子三文魚子牛油果沙律還有一個很美味的燒鯖魚配飯沒有拍照

德美係紅磡都幾出名，有兩間分店，但估唔到兩間既質素可以相差咁遠第一次食係必嘉街個間，個次食左油甘魚丼飯，不論係魚生定係個飯都好出色今次去到小巷呢間，試左未食過既蔥吞拿魚丼飯同埋饅魚飯，但令人好失望無可否認佢啲魚生係新鮮好味，但佢個飯有冬菇碎，本身suppose佢會有啲冬菇味同醬油味，會令吞拿魚既魚味更加突出，但個飯係冇乜味既最嬲既係呢個饅魚飯，佢啲飯係放係朴葉上面，但佢個飯完全冇葉味，連饅魚汁都係得好少，啲飯都煮得太爛，附送既味噌湯就好咸，咸到根本飲唔到，以呢個價錢嚟講真係好失望，主店好食好多！

朋友生日所以我推介去食德美壽司，因為食過幾次每次都有水準，今次十個人去比左間房我，坐得好舒服，我好鐘意食佢個蕃茄三文魚沙律，蕃茄好清甜，吾會整係得個酸味味，刺身好新鮮，串燒味道都吾錯，小食都好好味，由其是個芝士年糕，芝士味好濃郁好creamy,包住紫菜食別有一番風味，呢間係我覺得價錢吾貴而且質素高既一間日本料理。

同事話有間日本嘢出面好食，提議lunch time去食，不過佢哋話一定要book位喎，因為會好full！雖然間鋪叫德美壽司，但我覺得佢呢到嘅燒鯖魚仲出色，燒得好好味，層皮香脆得嚟入面嘅魚肉仲有少少汁，好juicy~條魚嘅size仲好大條下，一個set有齊salad、茶碗蒸、麵豉湯，有魚有飯有甜品先$62！仲要唔使加10% service charges✨真係超級抵！ p.s 個甜品係雪糕糯米糍，勁Like！

德美lee間餐廳係2年前左右已經聽過，朋友，屋企人都講過話唔錯的，但遲遲都未得閒黎食，今日終於係附近整野順度來食個晚餐。叫左1個特上壽司拼盤，士多啤梨醬鐵板鵝肝，燒牛舌特上壽司拼盤都幾豐富，其中印象最深既係帆立貝肉厚又甜，其他三文魚，三文魚子，吞拿魚，油甘魚，海膽都唔錯，而甜蛋好嫩滑帶甜好味。士多啤梨醬鵝肝好肥美，醬好似士多啤梨味既乳酪。燒牛舌幾嫩調味剛剛好，唔會過咸。我一路食一路好多人來食，餐廳整潔乾淨。

一早係openrice bookmark左德美，就睇幾時有機會可以一試，因為見有一堆好評，而價錢看似唔貴琴日兩點，正舖已經爆晒，過隔黎副舖就仲有好多位，呢間野人氣好爆登，我一唔食，都咁晏啦，仲不停入人，係坐爆晒架！午市一定食set，因為唔收加一，散叫就收。set包括沙前菜：沙律，茶碗蒸，麵士湯；飯；甜品：雪米慈沙律有少少醋油麻醬，惹味唔啃，菜新鮮茶碗蒸香滑，入面多料架麵士湯有一定份量的海帶，但我唔鍾意飲麵士湯所以no comment 唔好食，因為甜左d豬夫冇咩肉，仲要一夾同個炸粉解體，蛋就幾滑連洋蔥食好食媽咪食嘅，唔知好唔好味，我試左一塊三文魚，係香嘅，仲送隻溫泉蛋，超足料好好食，有三款魚生：三文魚，魷魚，仲有唔知係咪油甘魚。首先份量極多，魚生多過飯，我一開始食一啖飯一舊魚生，搞到食左半碗冇晒飯但仲有好多魚生...魚生以三文魚居多，好多魚油，又有口感，我覺得唔洗隻蛋都得，本身已經好好食，飯身有色，但我呢d食得淡口嘅人都覺得要加點豉油先預香，$72蚊冇得頂吖最後雪米慈都有野讚，係荔枝味一流，德美好細心上枱時係剛好的溫度，夠凍得黎可以即食服務都抵讚，不停加茶，禮物都做足，非常好

去開Aeon周三新鮮日, 係黃埔搵嘢食, 咁好喇諗住求其入去食返餐, 入到坐喺Bar枱先發現出事喇, D魚生睇落好似好新鮮喎!好彩今日得自己一支公, 加上沒帶幾多盤川, 忍得住, 所以就求其點咗個吞拿魚蓉魚生飯。就係以下果個飯前有加律同面鼓湯, 雖然都係大路嘢不過幾好味, 但勢估唔到, 個魚生飯咁出色, 平時叫吞拿魚蓉飯個魚蓉會食到冰, 或者好實, 但依度唔同, 我坐bar座見到師傅將魚拎出會剁多轉, 到我口嘅時候就變得鬆軟溫厚好多, 但重點係佢地嘅飯,加咗好似松茸同淡鼓油製過, 令到本身嘅飯味更加之好, 同吞拿魚亦非常夾。

紅磡出名多好西，仲要係喺橫街小巷先會搵到，今日，波波搵到啦！搵到屬於波波嘅德美！好啦Dram完係時候入正題。唔好睇佢好平民咁，實質啲野食都幾矜貴架。睇下壽司師傅認真工作嘅樣，再望下眼仔碌碌嘅魚，再望下師傅認真嘅樣，波波餓了。好想清咗啲魚佢。喺menu嘅後宮佳麗三千入面，波波最後揀咗吞拿魚腩茸丼。賣相波波畀100分，一啲都唔hea，大大份魚茸仲有粒春蛋，畀食已經食指大動啦。最令波波impress嘅都係佢一早溝咗醬油嘅飯，唔使波波大廚上身咁調味，非常貼心。仲有相信係生磨嘅wasabi，味道波波都係畀100。粒春蛋撈飯，媾埋魚腩茸，粒粒三文魚子，簡直係味覺大爆發。食完波波已經滿足了。

平時經過德美見到門口menu就覺得好貴 唔捨得食 但都聽過好多人講話好食今日難得同屋企人食 就試下啦 坐低打開menu先發現 佢係貴在壽司同刺身 其他野都唔算好貴 叫左一客油甘魚丼飯 大蝦天婦羅 蟹子沙律個丼飯都令我幾surprise 油甘魚蓉下面有青瓜絲 上面有魚籽同溫泉蛋 飯都唔係就咁白飯 而係有調味既 所有野撈埋一齊食層次十足 份量都好多 見好多枱都2-3個人食一份 然後再叫其他野食 大蝦天婦羅就無咩特別 甚至覺得佢唔好味 因為佢用熟蝦 皮都比較油 不推薦了另外蟹子沙律都好大份好抵食啊 不過未影相已經比呀哥撈勻左😭

已經唔係第一次來！佢哋啲壽司大件夾抵食！一大班人最啱！今日同屋企人食咗啲熟食。荷葉鰻魚飯: 鰻魚唔算大件,不過都幾肥美! 108hkd 算扺食！煎吞拿魚下顎: 呢碟餸係個職員推介！off menu!! 超級juicy!!! 油分好多！268hkd! 錭魚刺身呢個刺身都係特別推介！好新鮮不過太貴，要360hkd. 晤太值得試！