德美壽司 (德民街)

營業中

休息中

食食食同食無錯女仔gathering 一定係食。原先今天打算食light d，點知…去左德美，又破壞減肥大計。都只係90元不夠，又沙律菜，又壽司，又烏冬。我不喜歡蛋，師父幫我換成蟹柳，細心如此。吞拿魚腩蓉壽司，正到暈。值得一去

價錢合理，地方又乾淨企理，我同個friend 係lunch time 去食，個場都好爆，但我地邊食邊吹，d 員工都冇趕我地走感覺，係個壽司飯(冇醋香)同白飯冇飯未，整體ok

講到好食又抵食既日本料理就一定唔少得德美德美lunch set包括主食，茶碗蒸，沙律，味噌湯和甜品原本打算吃櫻花角切魚生飯但它很早就售罄（兩次去食都是這樣wuwu所以今次點了北海道三色魚生飯（$84）單是賣相已相當吸引飯上面放了一隻溫泉蛋把蛋與飯混合在一起相當美味去除了普通壽司飯的單調魚生亦非常多和新鮮總括而言是味覺的享受加上其他配菜確保你一定飽肚十分推介！

呢餐係人哋請我食飯嘅，所以我都冇乜點理價錢，都係又請食飯嘅人發板，所以今次就集中講下食物嘅質素啦，呢間壽司鋪嘢食壽司質素非常之好，絕對係食完會想再食多一次，叫咗三文魚刺身同拖羅飯，佢哋都非常之新鮮，識落嘅油脂豐滿，鮮味突出，廚師嘅刀工亦都非常之唔錯，不過後來睇一睇個價錢，其實都唔平喎，食物質素都叫做對得住呢個價錢啦。you must try fatty tuna rice bowl and fresh sashimi!!

等了二十分鐘才有位，餐廳的環境比較擠迫和非常嘈吵，食物質素很一般。我們首先點了牛油果海草沙律，味道還可以，但牛油果份量比較少。然後點了碎拖攞反卷，從來未吃過這麼沒有味道的碎拖攞，吃了一囗已經不想再吃。之後點了泡菜豚肉豆腐湯，雖然有不少䐁肉片，但有點像喝部隊鍋的味精湯底。火炙白身魚壽司是比較像樣的了...... 還點了軟殼蟹反卷，等了很久還沒有，直到我們要走了才做好，最後只好打包回家吃....埋單$700 幾，吃了一頓浪費「胃置」的晚餐。

呢間德美壽司🍣之前都聽朋友講好掂，星期日咁岩約左朋友去紅磡買野，行到差唔多6:30諗住呢個時間應該冇人等位，點知waiter 話已經full booking, 唯有等bar 枱啦，都等左成半個鐘有多，終於有位啦😃我同朋友都order左招牌盛宴-海膽魚生丼，前菜有沙律同昆布湯，沙律🥗甜甜酸酸，已經打開左謂口，不過份量太小🤣。嘩😋魚生丼嘅魚生非常新鮮，海膽亦冇苦味，正👍🏻，玉子蛋甜甜地好好味，成份飯丼只有隻蝦🍤鞋左小小，冇嘜味🙄其餘全部比讚👍🏻⋯⋯下次會約多d朋友一齊再黎德美食壽司🍣，因為見倒其他枱一盤盤嘅壽司超吸引😋

呢間壽司店好出名，係紅磡，沙田，將軍澳等都有分店，停次經過就試試佢。魚生丼 $19x - 魚生份量好夠，用料亦算新鮮，本身d飯已經調左味加左適量豉油，呢點幾抵讚，香港黎講唔太多鋪頭咁做，我個人幾鐘意呢個做法。壽司併盤 $29x - 同魚生丼一樣，用料新鮮出手都唔孤寒，好似帶子咁，大大件又厚身，帶微甜，算係咁，另外值得一提既係池魚，肉質唔爛有足夠厚度，做落十分唔錯。總結黎講，大定見我寫得好好，事實質素係唔錯，但性價比唔高，叫左呢2樣野就加埋一都5xx，同區黎講真心覺得貴，追求質素而預算多既朋友可以試下。

星期五中午到德美午餐，如果閒日中午去，記得要早些到達，不然就上班族1點左右Lunch，很多人排隊，我們12點35分到達，很快便入座。服務員態度一般，食物選擇很多，我們點了:1 壽司定食配牛肉細烏東 - 細烏東一點也不細，味道不錯。壽司也新鮮好味，小朋友最愛。2 三段魚生飯 - 餐牌寫是三文魚，油甘魚，玉子燒。但玉子燒變成蟹柳了! 當時沒有為意，但很美味。另外每個套餐亦包沙律，味噌湯(壽司定食沒有)，茶碗蒸蛋(材料豐富)及一粒雪米糍，非常飽。

德美壽司🍣經常要等位的一間壽司店幸好今次只需等1-2張檯🍱🍱壽司精選十貫🍣🍣$136茶碗蒸多·沙拉🥗·味噌湯整體所有魚生都好新鮮同厚切顏色鮮豔十分吸引三文魚子晶瑩剔透飽滿，咬下去就係爆開卜卜的聲音帶子非常鮮甜德美壽司水準屬於中等水平😋😋😋性價比算高👍🏻👍🏻👍🏻👍🏻

兩個人的晚餐 唔想齋食壽司禁單調 又想有更多種類選擇 德美壽司係一個唔錯既選擇 沒有用餐時限 座位環境舒適 上菜時間唔會等太耐 有足夠的服務員招待由前菜 小食 刺身 壽司 鍋物 一品料理 麵飯 甜品 都一應區全 （如果您有朋友係唔食刺生 更加推薦呢間餐廳 總有幾款岩大家^^）今晚除左點左餐前小食外 私心推介 - 德美海膽魚生丼 刺物新鮮足料（圖一） 配 吞拿魚蓉炸蝦卷 （圖二） 眼見實物就知足料啦 放入口 滿足到一個點 而且性價比較高 絕對可以再次選擇 約埋3-4個朋友就會更加好 可以點多幾款唔同食物

在紅磡區工作, 如果又不想吃茶餐廳有什麼選擇呢?? 在這區街坊無人不識的德美壽司也許可以一試午餐點了一份滑蛋牛肉飯($62), 配有沙律和湯作為前菜沙律清新, 作為頭盤開胃也是不錯滑蛋牛肉與飯是分開上的, 分量看起來足夠, 牛肉質素一般, 是應該用上了肥牛, 肥肉比例上偏多, 導致真正吃到的牛肉是很少, 唯一比讚是加入了大量蔥花順帶一提, 店內的冷氣風口位出風比較大, 成餐飯被冷氣風吹住有啲凍, 怕凍的女士們記得帶多件外套

講到明happy Friday Lunch梗係要食好啲架啦🤪紅磡德美成日都係我首選😂因為我真係幾鍾意食魚生飯 又唔想中午食過百蚊:0) 其實都幫襯過幾次平時都係叫三文魚丼嗰啲今日想試新野 就叫咗個魚子葱呑拿魚腩蓉飯一如以往都係配燉蛋同湯 不過不失之後好快就上我嘅食物啦隻生蛋好cute 好鍾意生蛋撈飯同埋個呑拿魚蓉都幾多 好足料加埋wasabi豉油正正子但其實啲魚蓉唔係話超級鮮甜但勝在大份同埋八十幾蚊又有燉蛋沙律配埋仲想點😂😂不過下次應該都係叫返三文魚魚生飯haha

同屋企人book左今晚係德美食dinner，之前成日聽人講話呢間好食，一於泥試下。第一樣嗌左見到係熱門菜式之一既——牛油果軟殻蟹卷。賣相唔錯，真係原隻既軟殼蟹，正！咬落去軟殻蟹非常脆，係熱熱地既，好fresh丫！原來牛油果同軟殼蟹夾埋一齊食係咁fresh既！果然係熱門菜之一！我地嗌左另一款既卷物——鵝肝帶子卷。卷物上面有啲脆脆卜卜既片，好正！帶子鮮甜既，夾左啲飯同鵝肝食都好好味。最後仲點左魷魚筒，燒得好入味，每舊魷魚都好煙韌絕對冇令我失望！今晚泥食見到佢都幾full，果然都真係高質既，想食既話就最好book定先啦！

紅磡黃埔嗰邊一落到街真係好多嘢食，所以每次陪女朋友去到佢屋企附近真係有選擇困難症，唔知食乜好，不過女朋友就想食日本菜，佢成日都喺屋企附近嘅日本餐廳德美食飯，咁啱我又未去過，噉就試下啦。格局就有如一般嘅日式餐廳，今次我哋就坐咗吧台嘅位置，見住啲職員切刺身包壽司整沙律都幾過癮。回歸正題，三文魚同甜蝦都非常爽嫩新鮮。天婦羅蝦就鬆脆可口，仲有條炸秋葵添。草莓鵝肝多士。呢個非常推薦。多士烘得十分鬆脆。鵝肝嘅味道突出。再加上草莓醬個味道幾特別。牛油果軟殼蟹火龍卷。呢個又係另一件傑作。有好多薄片嘅牛油果鋪起壽司上面。軟殼蟹大件到根本個壽司都包唔曬，軟殼係食落非常之鬆脆，配埋蟹籽真係完美，真係好想再返嚟encore。喺呢度食飯，雖然性價比就未必有放題咁高，但有時唔想食咁多嘢，散叫的話德美其實都係一個唔錯嘅選擇。

其實想試德美壽司好耐但每次都要排隊所以打消念頭但今次因為幾夜先去都九點鐘排一兩個人就可以啦本來入去諗住食少少野因為都九點鐘驚肥但個菜單出咗好多嘢食又好想試冇理由唔排隊食一兩樣嘢就走所以最終都........柚子汁三文魚三文魚子沙律牛油果軟殼蟹卷天婦羅蝦配凍稻庭烏冬日式燒鯖魚燒免治雞肉棒枝豆總之德美就係一間性價比好高嘅日式餐廳喺紅磡黃埔佢絕對係首選唔怪得知咁多人排隊嘢食送菜速度算囉平均 見到有人訂埋房一家大細下次都可以試吓