德美壽司

營業中

休息中

晏晝同朋友係尖沙咀行街食厭了厚福街的茶餐廳快餐店就到了H8的德美壽司吃個日式午餐德美刺身便當$90三款刺身三件壽司仲要有玉子、卷物同炸雞當然沙律蒸蛋麵豉湯同甜品就唔少得啦加上三文魚的沙律感覺高檔亦為日式午餐揭開華麗一幕要讚美是吞拿魚和三文魚蟹籽的卷物混上沙律醬令其味道更可口和成蓉的口感令人吃得份外滋味燒上「德」「美」二字的玉子蛋味濃食物藝術和味道並重的確係一種享受另外刺身亦屬厚切 食落新鮮和味當然如果多幾塊會更好啦

H8 的餐廳 德美是較受歡迎的一間因為以價錢,份量及品質我認為是最優惠的 每一個LUNCH套餐都伯有一份前菜，沙律,主菜及甜品蒸蛋不會馬虎，加上冬菇，蟹柳，蝦一齊蒸煮 材料新鮮，海瞻鮮甜 值得一讚名字我全都忘記了， 但可以照看圖片跟餐牌上的圖片是一樣的炸品出色，新鮮炸起．烏冬彈牙好味 好幸福呀刺身新鮮有關東煮=蘿蔔,足輪,魚片,雞蛋=滿足炸豬扒   =香脆可口,不會有厚厚的炸粉(我真的很在意....炸粉的厚薄...)刺身      =新鮮,香甜 珍珠米   =軟硬適中一份ＬＵＮＣＨ份量比較大,小吃的女士可能吃不完一個餐呀!另外份量多,品質高這裡的圖片係三份LUNCH ~

男友想食高檔刺身，喺OR揀選咗呢一間試下。先叫咗佢最愛既刺身，味道好鮮好香口！同樣味道好新鮮，食完好令人回味我最愛既牛肉鍋：甜湯底，菜同牛肉都好入味。佢啲野食相對比較細碟，唔太夠喉，如果可以大碟啲就好喇！呢個卷物勝在夠抵，$78/4件。味道幾好味既，個因料多又有汁，食落有啲論盡，飯好容易散開。個飯不過不失吧。鰻魚都幾入味既，但口感偏“林“，唔算好香脆。我地book台黎既關係，被安排坐bar台。見到其他食客都比較“豪爽“，好多都叫刺身拼盤同海膽。見到啲肉大大舊好足料，好邪惡呀~

原先是訂了位八點多到和女友，到了有一個女服務員說了一句你們有冇訂位呀？冇訂位就沒有！之後說我們有訂位，跟住她大聲說"等陣啦"結果在門口等了十分鐘才入座,我們點了刺身盛合美、自家玉子、牛肉鍋等等該名落單的正是在門口等位是這個女服務員她紅髮的，全程黑面對著我們又我們想吃雞腎雞心串燒又說沒有，等了一會兒刺身盛合到了刺身上算ok、玉子只可惜是凍食，牛肉鍋都算幾好味到埋單的時候，我們看見隔離位的都有送甜品，當我的女友問那個紅髮的服務員時，點解我地沒有甜品送？她就說"沒有叫就沒有了"，這個服務生的態度很差不能接受，食物是好食，但女服務生的態度很差勁！應該不會有下一次了

是晚朋友生日, 他想試呢間德美, 聽講好像很好吃, 即日打電話來book位都仲有位, 但上到去見門口好多人排隊等位, 心諗好彩有book位!朋友一早就到, 點了些前菜, 如牛油果沙律, 牛油果算新鮮, 但可能加左芝麻醬拌勻既關係, 牛油果很快便出水, 令到味道變淡, 德美玉子, 外表印有德美二字, 但很普通, 沒有蛋香, 無咩味道。 之後我地再點了一客壽司拼盤 和炸蝦天婦羅卷, 那份拼盤價值$3xx, 不過本人一點都不覺得值, 刺身算是新鮮, 但一點也不驚喜, 天婦羅卷是挺大的, 但一食下口便散了, 一點也不實, 失敗!! 最後因為不夠飽關係我地點了個牛肉鍋, 好彩個鍋算不錯, 牛肉新鮮配濃郁既甜鼓油湯底一絕, 而且可以吃出沒有加味精, 入面仲有日本粉絲, 粉絲偏偏的較彈牙, 不錯!!! 但最後埋單$800 一點都不覺得值, 好像食緊板長元氣的水準但收雙倍價錢, 真係唔多值, 性價比很低! 而且位與位之間都很逼, 咁既價錢真係唔會有下次!!

算是在尖沙咀食日本菜的合理價錢食物款類頗多，午餐尤其抵食但地方狹窄，不宜坐得耐gathering極上壽司定食次次質素不一，有時大滿足，有時飯鬆紫菜淋，算吧，不宜跟$200多的高級壽司定食作比較，恃住有海膽同呑拿魚腩蓉，這樣$133的價錢，由它吧！野菜牛肉窩 $61滑蛋豬扒飯定食 $52極上壽司定食 $133

不吃日本菜都不知道原來自己那麼喜歡日本菜，自回港之後，吃日本菜的頻率逐漸遞減，大概是因為香港刺身質素「參痴」，要吃到高質素的又昂貴，可能世界就是沒有兩全其美的事，想找到質素又好價錢又平的更是難上加難，又經過多次中伏後，默默地吃日本菜就從我名單內刪走。在一次同事慶生去過上環的德膳午餐，點了個魚生飯，在上環來說價錢合理之外魚生質素新鮮，再度萌上吃日本菜的念頭。從餐牌上的款式知道德膳跟德美是同一集團，剛好跟朋友到尖沙咀吃飯，就到德美壽司一試他們的晚餐吧。上次吃德膳是午市，而今次吃德美是晚市，所以價錢方面都難以比較。所以大前提都是以質素作主吧！從厚福街走到H8，乘上升降機，一出就是德美。擺滿富有日本特式的小擺設和小盆栽，另一位置卻擺滿不同的日式清酒，像是致身一個小日本中。座位跟門口簡直是兩個不同的世界，門口擁有光猛的燈光，而座位卻以柔和燈光作主，氣氛造成了對比，安排入座後，端上熱茶，在冬天的時份帶上一份暖意。 略略看過餐牌，有御飯，燒物，前菜，沙律，刺身等等。我們點餐沒有什麼技巧，較愛直接切入主題，點個定食。我點的是鰻魚飯，之前在德膳見過朋友點過，賣相不錯，所以想試試德美的鰻魚飯。德美的鰻魚飯

在尖沙咀拍燈飾後，終於可以食晚餐！差不多9時到達，還以為過了黃金晚飯時段，較容易入座，誰不知座無虛席，要等待第3張檯。門口裝潢特別有心思，好有日式格調。終於入座，可看著日本師傅工作的情況。精美櫻花筷子座，十分討好。點了玉子 $33，有餐廳名字賣相加分，但是凍食不是我心目中的熱食，味道一般。蟹子沙律 $48份量頗多，而且青瓜絲好爽口，適當份量的沙律醬，伴了蟹柳絲、蟹子，這個開胃前菜確實一流。帶子壽司 $37日本吞拿魚壽司 $58三文魚腩壽司 $38火灸鰻魚壽司 $48師傅手握壽司，飯份量較少，濕潤，比機器製出來的軟身，顯得魚生頗大塊，味道不俗。食壽司最好是反轉，飯在上方、魚生在下方，魚生先接觸舌頭這樣才感受到新鮮味道。燒雞翼 $20選擇了鹽燒，火候剛好，肉汁緊緊鎖住好惹味，後面加了黑芝麻更香口。黑豚肉串 $46、雞軟骨串燒 $15前者味道普通，較多肥肉，物無所值。而雞軟骨都不錯，不會太乾身，$15抵食。什錦天婦羅 $72因為太多食物同一時間上檯，結果放涼了才吃，有點稔身，但蝦頭幾香脆。士多啤梨汁鐵板鵝肝 $72: 好濃烈的鵝肝味，不是我口味，但朋友超喜歡，而士多啤梨汁未能嚐得出。牛油果軟

因工作地點在附近，我2011年開始便惠顧此食肆！一向覺得食物味美！放假期間也會和家人朋友來光顧，一直受到好評。但可惜今次與家人再臨，竟獲得如此厚待！不想防阻上班的午膳時間，所以下午2時才入座，一切如常。約2:15，當茶碗蒸蛋上桌時，那位男侍應竟然「飛羹」！本來沒有在意去留意他，但其後他的行為令我不其然看著他，他板著面孔，收拾桌面時踢椅子......。約2:30左右食肆職員便叫我們結賬，OK！這沒問題。這時，有两位少女入座，一位女待應即說：「我咃唔開囉喎！」當時Bar枱內的壽司司傅也示意两位女士，表示歡迎。两位女士郤受那位女侍應怒視，他們為有離開。約3:00我們剛吃完，女侍應便急急的來收拾食具，發出很大的食具碰撞聲，還把湯碗踫到地上，與此同時，我拿起剛喝了一口茶的杯子，仍未放穩在枱上已給他取走，幸好我的家人的杯子仍握在手中，尚可「飲多两啖」。過程中，男女侍應生沒有說過一句「sorry」！若有幸，下次再來光顧，遇著大家趕著休息的話，敬請各位尊貴的侍應生們及早揚聲，謝謝！在此忠告一句：食物弄得如可美味，但服務態度差，也是徒然。

難得細佬約我星期六食lunch，唔做facial都要去。揀呢間係因為之前食過好味又抵食。好多人等位，早到兩分鐘我哋坐到吧枱。叫咗海膽什錦魚生飯($86)、三文魚籽蔥吞拿魚腩蓉飯定食($79)。侍應未等我哋落單已高效上沙律麵豉湯煎蛋。樣樣都正常，但我是好喜愛薯仔沙律的😘主食上枱啲魚生好澎湃，吞拿魚蓉半肥有魚脂香，滑滑的拌以脆皮三文魚籽爆汁鮮甜簡直人間極品，仲要有我個拳頭咁大pat😋試咗細佬個加拿大海膽少少，都好鮮甜。Lunch唔加一，每人八十零蚊但味覺享受質同量都超高！好開心係兩姊弟可以傾下偈😃

今次朋友生日想食日本野, 我就推介左呢度俾佢, 其實德美我以前真係成日黎, 因為之前係尖沙咀返工, 但都係LUNCH多, 晚飯算係第一次, 雖然轉左工都成三年, 但德美始終無令我失望, 始終係咁好食!!價錢又大眾化!值得推介!!我們今次叫左一個海鮮沙律, 真係十分驚喜, 首先海鮮刺身份量很多, 我最鐘意係連蕃茄都超新鮮同很甜, 加上一個自家製既沙律汁, 真係非常好味, 個沙律汁帶酸, 應該以新鮮生果打成, 配埋新鮮沙律菜, 真係好FRESH, 唔似出面多數跟的芝麻汁, 看出呢度既心思!!!我倆食完個沙律都飽了一半燒牛舌又要推介, 因為真的很好吃, 外面燒得微焦但肉裡還很多肉汁, 爽口彈牙, 無得彈!!! 整體黎講, 性價比很高!!我會再回來的!

以前於尖東上班, 周不五時, 就會同同事走來德美。皆因這裡的午餐好抵食! 而且質素很好!今次推介了一友人一起到來, 試一試晚市。德美, 當然沒有令我及朋友失望!看了又看, 想了又想, 餐牌的食物都想點來吃。最終還是決定了!!先來就是海膽壽司, 相當新鮮!在香港要吃鮮甜的海膽不是一件難事, 有錢就可。但是在價錢不貴下, 可以吃如此質素, 相當滿意!甜蝦壽司亦一樣很鮮甜, 肉質爽嫩!這忘了是甚麼菜名。牛油果炸軟殼蟹卷?牛油果不用說, 就是香。而炸軟殼蟹是熱的, 炸粉仍是脆的。相當不錯。燒鲭魚很好味, 烤得很脆。餃子, 就一般。不過, 德美整體評分, 有九十分的!而且店員們都十分有禮! 值得一讚。 

久仰H8 德美壽司的大名，上次即興想於午市光顧，結果沒有位置失望而回。今次學精了，一早約好了同事並預訂了一張5人桌，懷著愉快的心情一起前往H8。 H8 每一層也有一間食肆，其中有幾間我也想試，特別是於韓國餐廳中薄有名氣的阿利水，其次就是韓松的BIBIMBAP ，再來就是西班牙CAFÉ ＥＳＰＵＭＡ，清真食品馬家莊看來也不錯．．．哈哈，選擇實在太多，令人眼花暸亂。說回德美，店舖面積其實不大，而食物質素又那麼高，價錢又相宜，難怪常常「全院滿座」。我們被安排到外面的雅座，非常舒適而且安靜，但如果要找待應協助就要走到門前去按聆，有一點點不方便但可以接受。先看一下餐牌，她們選擇了良久而我一早心有所屬：德美和食便當，你看餐牌上拍得那個便當多麼令人纔涎欲滴。 便當有刺身、小食、煮物、燒物，由於本人不好海鮮，因此在吉列豬扒或燒靖魚兩者中，選擇了吉列豬扒。套餐還付送上沙津、味噌湯、荼碗蒸蛋、白飯、甜品。72 元可換取這麼豐富的午餐，加上舒適的環境確實值得。 不過理想歸理想，現實還是要面對，以下是照片跟實體便當的對比: 公道點來說許多餐廳也會出現事實與照片不乎的狀況，而德美只是擺位不夠美觀而已，味道終究還

又到了十月舊同事生日會的時候，繼上次以火鍋慶祝我生日後，今次轉一轉日本菜慶祝舊同事生日，這晚比預約時間來得早便先等同事來臨，而位於這楝H8當中，德美的裝潢都是能一眼望出走和風路線的，晚上七點多，食客才接近半滿，同事們也未到，好讓我可以慢慢欣賞菜單﹔我們一行六人好胃口，選擇大盛(5-6人前)($848)壽司拼盤再另點其他卷物和熟食，而大盛則是一個種類較全面的拼盤，壽司36件、卷物18件，九款不同壽司能照顧到我們不同喜好，由上而下有吞拿魚、三文魚、鱆紅魚、熟海老、玉子、帶子、鰻魚、海膽、魚子，而小卷方面亦有青瓜、黃蘿蔔和吞拿魚蓉，十分豐盛，值得一讚的是吞拿魚壽司，魚身表面帶有油潤感，入口充滿魚香鮮味，很不錯﹔海膽則一般，回甘味是有的，不過鮮甜味就太突出，另外，我們亦點選了兩款卷物，第一款是芝士鰻魚卷($63)，表面的蟹籽和芝麻入口均能夠帶來層次感，芝味濃郁，配搭了鰻魚卻可減淡膩口感，很不錯﹔第二款是煎鵝肝帶子卷($78)，入口不太感覺到帶子的存在，而鵝肝口感卻是實實在在感受得到的，入口帶油潤感，濃郁香氣滲入口腔之中，而串燒方面，燒牛舌($38)，厚切牛舌色澤、香味都有，但入口太韌，未夠軟淋

昨天同朋友食飯,其實諗住去下第二度的,不過唔想冒險,都係嚟番德美穩陣一點,好彩前一日訂枱仲有枱,7點嚟到已經有一部份枱有人係度啦. 我們兩個人叫左:每人一杯梅酒, 梅酒帶甜,幾容易入口,好飲,夠凍蟹子沙律,都幾大份,青瓜絲,蟹柳絲,切到好幼好幼,上面有些蟹子,好爽脆,每一啖都係卜卜聲的,好好味啊.手卷,三文魚及海膽手卷, 我食三文魚,都好新鮮,可能放了一陣,所以紫菜已淋左少少,冇咁脆,但三文魚係由頭到尾都有的啊,好味. 朋友的海膽看樣子都好靚呀, 佢話新鮮好味.美壽司拼盤, 呢個拼盤有九件壽司,賣相好靚及吸引, 分別有三文魚, 吞拿魚, 熟蝦, 劍魚, 鰻魚, 帶子,三文魚子,仲有一隻唔知咩魚,厚蛋兩件,三件小吞拿魚蓉卷. 三文魚肥美,切到好靚有花紋的,熟蝦都好味,我食左一件唔知係劍魚定咩,都OK,蛋好味,夠厚又唔咸,其它的朋友食,我見吞拿魚好紅的顏色,咁樣是代表新鮮吧.野菜牛肉鍋, 這個鍋都好大,有一隻窩蛋,牛肉好多,大蒜,金菇,紹菜,個湯底好甜,牛肉好味,又唔鞋,GOOD燒牛舌,好好味的牛舌,唔鞋,夠爽,夠薄,夠香,正呀.燒雞軟骨,呢個都好好味,卜卜聲的啊,細細粒但燒到好香口燒鯖魚