德美壽司

營業中

休息中

黎過幾次，今次終於記得影相，可以寫食評.友人黎搵我食lunch,醒起呢間既午餐好豐富呢份係餐單：呢度既set lunch, 包左沙律，蒸蛋同甜品首先上左沙律同蒸蛋！1）沙律：好有誠意～有一大塊煙三文魚係面，三文魚唔太咸，配埋新鮮既菜👍🏻2）蒸蛋：蛋好滑，內面仲好多料，有蟹柳，雞肉同蝦～特別需要提既係雞肉好好味～唔係冰鮮雞～因為食得出雞肉味我叫左個牛肉烏冬配天夫羅3）牛肉烏冬：牛肉唔會太老，牛味唔算好出、烏冬就好彈牙，都係正既4）呢個堅係即炸，好新鮮！首先有兩隻蝦，真係食得出蝦味,唔係是旦搵隻蝦去炸，材料好有鮮味👍🏻茄子好淋，好好味～ 冬菇都係，好香口，好正！反而個南瓜就硬左少少，但整體都係好評5）朋友叫左德美便當，佢見到都嘩左出黎因為真係好大份，好多款食物6）甜品：食完都講唔出係咩，但係好好食面層係芒果醬，白色既就係好香奶味既布丁？總括而言，鮮得黎配上濃濃既奶味，好正重點係一個人大概90蚊～真係好抵食～好豐富呀成餐飯

每日都要諗LUNCH食D咩好真係諗到頭都痛啦~所以近近地就去食個三色魚生飯算數一個套餐有沙津，味噌湯，蒸蛋同甜品。三色魚生飯每次黎都一定要叫佢， 魚生有三文魚，帶子和鱆紅魚， 每塊都好大塊肥美又新鮮，上層仲有溫泉蛋和蟹子，賣相超級吸引。將wasabi撈埋醬油後, 淋在魚生飯上，拌好之後就可以食啦~~飯係用咗珍珠米好美味。食完餐咁好食既魚生飯，又有力量去工作啦~

德美既午市定食一向好多人大讚抵食 免加一 的而且確平靚正中午十二點開始營業 見到唔少上班族早已訂位可以即時入座 雖然我無預先訂位 但係準時十二點已經抵達 所以都唔需要等位 不過食完見到已經唔少人等緊位 所以想食最好都訂定位喇店員安排左吧枱位置 高高既櫈下可以放置個人物品好貼心 雖然比較鐘意普通座位 但係對住吧枱就可以目賭師傅手握製作壽司既過程亦唔錯極上壽司定食 ($142)極上壽司定食非常豐富 除左有六件手握壽司 兩件軍艦 兩件蔥吞拿魚腩蓉卷 兩件玉子燒外 仲有麵豉湯 薯仔沙律 茶碗蒸蛋 同芒果奶凍首先店員會先分別送上熱茶 沙律 茶碗蒸 同麵豉湯 是日沙律係薯仔沙律薯仔沙律薯仔沙律係薯泥混合沙律醬既一款 入面食到唔少好粉既薯仔粒 仲有少少椰菜絲 十分足料 而且一啲都唔膩茶碗蒸茶碗蒸蛋滑嘟嘟 唔單止有面頭既冬菇同蟹柳 食到底仲有雞肉同蝦 同樣非常足料好味手握壽司及德美玉子燒由於坐吧枱位置既關係 壽司同軍艦卷物要分開上 六件手握壽司面既刺身新鮮 亦都切得好大塊 能夠完全包覆住壽司飯 而壽司飯則握得夠實唔鬆散特別鐘意帆立貝壽司 鮮甜肥美之餘又夠厚切 不過花竹蝦就比較韌同淡味軍艦及蔥吞拿魚腩卷

三個人上去,2點幾walkin唔洗等位.叫左三個set,照燒鰻魚飯,牛肉鍋&滑蛋吉列猪排蓋飯.每個set都跟一份沙律,一碗蒸蛋&一碗麵豉湯.個沙律醬帶小小英式芥辣味,幾開胃.蒸蛋都算多料,有蝦,冬菇同雞絲.個蒸蛋本身都算滑. 麵豉湯呢,就只係影張相俾你睇下啫.因為我自己本身唔鐘意飲,所以就唔評價喇.主菜到~鰻魚飯~幾好食,條鰻魚香得黎都重滑,但唔係入口即溶嗰隻👍🏼 個鍋不過不失.隻蛋黃隻色好靚,橙黃色,唔係普通大陸蛋.雖然只係肥牛,但係揀得幾好,唔太肥但係好香牛味.係啲菜生左啲,搞到啲菜冇咩甜味. 滑蛋吉列猪蓋飯~係唔錯嘅,塊吉列猪食到最尾個炸漿都有冧到一pat野咁,而且塊猪排一啲都唔乾. 如果個炸漿可以薄啲就好好喇.

這天終於來了想來很久的德美壽司，因為平日H8午餐時間實在太多人，上樓也成問題，所以一直都試唔到超值的午市套餐。今日休半日又經開尖沙咀，避開午市高峰時間，兩點左右竟然唔駛等位就食到啦～午餐有唔同海鮮丼、定食同刺身的套餐，選擇都幾多，我最後叫左一客極上壽司定食。極上壽司定食有8款壽司、吞拿魚腩碎卷物、甜蛋，仲附上味噌湯、沙律、茶碗蒸同芒果奶凍，都算幾豐富。帶子味道鮮甜而且幾爽口，唔係淋身果種。熟蝦味道就不太突出，而且醋飯有點散。吞拿魚腩碎卷物味道算是不錯，而且腩碎口感軟綿。三文魚籽軍艦，紫菜頗脆，三文魚籽量都算多，味道鮮味咸味都足。海膽更是一絕，一件軍艦已有三塊原塊海膽，而且口感實在新鮮、沒有溶到一Pat Pat ，吃得出鮮甜味，與日本當地食到的不相伯仲，勁正！吞拿魚壽司食落有口感，唔似連鎖壽司咁淋身，食得到吞拿魚的甘甜。我本身不太鯛魚的口感及味道淡。三文魚腩壽司好大片三文魚，而且充滿三文魚的魚油香，口感實在滿足。油金魚兩個字--好食！總之超正！附餐的配菜味道不錯，最後甜品芒果奶凍更為整個午餐劃上完美句點。

三個人上去,2點幾walkin唔洗等位.叫左三個set,照燒鰻魚飯,牛肉鍋&滑蛋吉列猪排蓋飯.每個set都跟一份沙律,一碗蒸蛋&一碗麵豉湯.個沙律醬帶小小英式芥辣味,幾開胃.蒸蛋都算多料,有蝦,冬菇同雞絲.個蒸蛋本身都算滑. 麵豉湯呢,就只係影張相俾你睇下啫.因為我自己本身唔鐘意飲,所以就唔評價喇.主菜到~鰻魚飯~幾好食,條鰻魚香得黎都重滑,但唔係入口即溶嗰隻👍🏼 個鍋不過不失.隻蛋黃隻色好靚,橙黃色,唔係普通大陸蛋.雖然只係肥牛,但係揀得幾好,唔太肥但係好香牛味.係啲菜生左啲,搞到啲菜冇咩甜味. 滑蛋吉列猪蓋飯~係唔錯嘅,塊吉列猪食到最尾個炸漿都有冧到一pat野咁,而且塊猪排一啲都唔乾. 如果個炸漿可以薄啲就好好喇.最好原來重有個甜品喎奶凍加芒果醬~個奶凍ok嘅但係唔配芒果醬. 其實三個人唔大食兩個set係夠曬㗎😉

數星期前朋友推介這間日式餐廳，今天下午終於相約幾位同事一齊去試試，午餐超過十多款供選擇，每款午餐份量十足，除了主菜外，還包括蟹子沙律，茶碗蒸蛋，味噌湯和甜品。當然味道也不錯，環境舒適，下次會再惠顧，試下牠們其他款式。

遵守同事的口頭禪“食好D”的我們今天又選擇了日本餐廳-德美 . 今天我和同事都選了北海道三色魚生飯. 先上蟹子沙律, 沙律清新開胃, 配上蟹子的爽脆口感, 啖啖滋味 , 而且沙律份量剛剛好, 不會不夠, 又不至於食飽.接著茶碗蒸和味噌湯也上桌, 餓極的我們也不一會便消滅了茶碗蒸和味噌湯. 主角三色魚生飯終於出場了, 魚生包括三文魚, 帶子和鱆紅魚, 件件肥美, 再舖上溫泉蛋和澄黃的蟹子, 賣相誘人, 令人食指大動. 將碗邊的wasabi混合醬油後, 淋在魚生飯上, 拌好, 便可以開動了! 魚生和帶子都很新鮮，由其肥美的鱆紅魚魚油甚香 , 反而三文魚則較失色. 魚生伴著珍珠米飯食, 滋味滿分, 偶而咬到爽口的蟹子, 口感亦滿分. 最後食著甜甜的芒果汁牛奶布甸, 為這午餐劃上完美句號.

🖼地方不大, 有bar枱, 主要是order枱, 枱櫈排得頗密, 典型日本料理店平民格局, 另有廂房, 有balcony🎏我一年都會幫襯德美幾次, 我尤其喜歡order它的刺身、壽司和燒物🔥品質和味道都up to standard👍🏻🍴壽司方面🍣海膽($59/2 pcs)、帶子、鰻魚是必吃的👍🏻壽司飯size較少, 啱晒女生們👭 剌身必吃的是三文魚腩, 但有限量供應(我今次八點幾去已經售罄)🍢 北海道大甜蝦($88/5 pcs)燒物方面, 必吃的是燒牛舌串, 免治雞肉棒(內有雞軟骨), 雞腎(口感爽脆), 黃金燒蠔($38/pc)和燒三文魚頭🐟 黃金燒蠔($38/pc)蟹子沙律醬酸酸甜甜, 不會蓋過蠔的鮮味👍🏻 半邊魚頭加魚鮫, 燒得剛熟, 肉質嫩滑✨另外鍋物也不錯🍲清酒煮蜆鍋($68), 好抵食, 超大鍋, 清酒夠香, 蜆肉肥美🐚 野菜牛肉鍋($98), 鍋底有好多菜, 有蛋有豆腐, 牛肉約有八片, 都不錯😉 吃完飯仲有甜品送🍡 日式年糕🍡 👛價錢方面👥大約$250-300 per head💰即日六點半前仍可book位, 如果week

H8都有不少食肆選擇, 今天選了日本餐, 幸好不用等便有位了. 餐牌上的選擇頗多, 有魚生, 飯, 烏冬, 便當… 而且有午餐定食, 主食跟沙律, 湯, 茶碗蒸蛋和甜品. 份量十足.今天我選了滑蛋吉列豬扒丼. 薯仔沙律不消一會便上桌. 漂亮的碗內盛載一球小小的薯仔沙律, 香綿軟滑, 薯蓉夾雜切成小顆的雜菜, 爽口開胃. 不消一會便消滅了.這裡上菜速度很快, 沙律未完成, 滑蛋吉列豬扒飯便也伴隨味噌湯上桌了. 蒸蛋因為製作原因會稍遲上桌, 侍應生有禮貌地跟每桌客人報備.吉列豬扒份量超多, 一口咬下去, 鬆軟口感入口即溶, 但略嫌味道有點淡, 要再加醬油才夠味, 香滑的雞蛋配上豬扒和白飯, 大滿足! 再喝一口熱熱的味噌湯, 冬天似乎也不太寒冷了. 豬扒和白飯的份量對我來說有點多, 所以最後很努力下也完成不了, 太飽了.蒸蛋像算準時間上場, 蒸蛋香氣撲鼻, 香滑的雞蛋滲入淡淡的蟹柳鮮味, 就算飽了, 也停不了口. 味道剛剛好, 而且食到最後一啖時, 蒸蛋仍保持熱熱的溫度.終於到甜品時間了, 侍應生剛捧著此甜品時, 我還以為是雞蛋呢! 想著怎麼有這麼多的雞蛋配菜, 近看才知道原來是牛奶布甸配芒

才剛覺得天氣稍稍轉涼，怎料一道冷鋒在過去的週末吹到氣溫驟降，殺港人一個措手不及，連平日不太怕冷的我也急急找出禦寒衣物，以迎接這數難得一遇的寒冬。天氣冷就是要點米飯到肚才像話，想起兩年沒光顧的這店，便和男友冒雨過來。周日中午一時抵達，剛好有一張二人檯，門外有人等位，午市套餐上至拉麵、丼飯、便當，下至壽司、刺身定食也有提供，選擇挺多元化，價錢由五十多至一百五十元不等，豐儉由人。沙律/味增湯/茶碗蒸午市定食有以上隨餐附送，沙律除了新鮮的菜蔬外還有一片煙三文魚，感覺更有心思；茶碗蒸蒸得滑溜，有雞肉、蝦肉、冬菇和蟹柳，帶有淡淡的高湯味道。鰻魚飯定食 $79因天氣實在太冷了，那些包含刺身、壽司的選擇全被我們剔除，眼尾瞄到菜單下方有久違了的鰻魚飯，便來一客；以一盒子上桌的飯樣子可愛，內裡有半條切件鰻魚，鰻魚下面舖滿了蛋絲，吃一口發現鰻魚甘香肥美，魚肉嫩滑無骨，配上惹味的醬汁好下飯，讓人輕鬆處理掉一盒。親子丼定食 $58對於滑蛋，個人是有莫名的喜愛。是日不想吃得太熱氣，捨吉烈豬不要，點個最經典的親子丼；一大碗滿滿的丼飯熱呼呼上場，面頭舖了不少紫菜，撥開除了見到不少雞肉外，還有洋蔥絲、冬菇、滑蛋和細蔥，

2月1日，難得我和老公都放假，決定約埋奶奶出尖沙咀食晏，冒着嚴寒下雨嘅天氣來到厚福街H8, 一心諗住食"定食Doraya" !看到通告說當天日間大掃除而暫停營業，簡直晴天霹靂！（應該說是雨天霹靂才對😝）結果誤打誤撞到了5樓的德美壽司！已經下午二時，還是Full House! 好多顧客呀！壽司Bar枱的司傅，服務員都忙着，但等了幾分便可入座！午市套餐相當多選擇！套餐還包括湯、茶碗蒸、薯仔沙律、餐後仲有甜品，十分豐富！湯- 普通的味噌湯，跟其他餐廳的沒有大分別！味道普通！茶碗蒸- 熱辣辣的茶碗蒸，蛋味濃！蛋蒸得十分滑，味香甜！好好味！薯仔沙律- 以套餐來說，沙律份量不算少！味道尚可！真材實料！ 我點了極上壽司定食賣相 - 吸引！魚、海膽、魚籽、帶子均有光澤度，飯粒不太多不太大，製作精美！味道- 壽司很新鮮！雖然不是高級貨色，但以這個價錢的午市套餐來說，比起許多其他餐廳已經遙遙領先，難怪兩點後還有很多食客！另外吞那魚蓉亦有驚喜，很鮮味！ 老公的海膽魚生飯也不錯！海膽份量不算少，魚生很新鮮！ 奶奶點了Tempura 套餐還包一碗牛肉小烏冬！ 忘了拍照😜天富羅有蝦、南瓜、冬菇、

出開尖沙咀唔知食咩都會係H8樓下睇完宣傳單，呢間午餐價錢同食物都合理就上左黎。毫不猶豫擇左刺身定食，一上餐見到咁大份都幾開心。刺身，壽司質數算正常，食落去無雪味，算新鮮。炸雞係新鮮炸出黎熱辣辣。抵茶蒸碗都好滑，幾香幾足料。比較驚喜既係最後個甜品芒果牛奶布丁，食得出係用新鮮芒果搾既芒果汁。

晨咁早做完運動，勁肚餓之際就同朋友係尖沙咀四處搵嘢食，但朋友又要食日本嘢，結果搵咗好耐終於搵到呢間日本嘢食。最後就叫咗佢一個德美壽司定食。首先講下，佢個前菜係一個日式'鄧'蛋，個蛋蒸得超滑，超香蛋味。而壽司超好味，好新鮮，特別佢個海膽壽司真係超正。呢間嘢真係有得再食，整得真係好好味。

不知從何時開始 已經習慣獨自吃飯 獨自跑步 獨自健身 人大了 還要學懂跟自己相處 單身是一個讓自己多思考 多裝備自己的好機會 有時見完客 特別喜歡獨自到德美吃午餐 本身不好煎炸熱氣食物 所以鍾情日本菜 我通常約下午一時半至兩時到達德美 貪其午飯人漸散去 可坐在bar枱享受寧靜的一頓飯壽司午餐約$90-$100 首先有蒸蛋 之前皮膚敏感連蛋都不敢吃 這兒的蒸蛋配上冬菇及海鮮 能突出雞蛋的果道 壽司食材新鮮 最愛帶子壽司 濃濃的鮮味 完全沒有雪藏味 很有意欲再來一客啊 食完真有種幸福的感覺(不誇大 因我是一名帶子控 lol) 甜蝦壽司亦不得不提 咀嚼過程彷彿整個口腔都被鮮甜味道張住了 太正了女仔嘛 要吃自己喜歡的 時時愛惜自己 獨自一人並不難過