德美壽司

營業中

休息中

同幾個朋友約食飯,大家都想食日本菜,於是就食呢間。本人久聞德美大名,而這是第一次入去食。壽司不過不失,不算食了會心心眼那種。可能未食之前都對此店的食物滿有期望,但食了覺得和其他較平宜的壽司店質素差不多。有點失望的是,我覺得某超級市場的花之戀壽司還比它好食。另外, 它的賣相不算太好, 包得散散地。反而牛油果沙律幾好食, 酸酸甜甜的汁配上溫泉蛋,口感豐富。燒三文魚頭也不錯,燒得很香,魚油豐富,想不到熟食比壽司好食。另外, 如果服務態度可改善一點就好。有個不知部長還是侍應經常黑面。

同兩個舊同事出嚟聚會，我哋提議去尖沙咀食，大家都對日本菜有興趣，我就提議食呢間德美壽司，因為以前食過記得壽司好好味，又有日本的味道。我八點七八左右嚟到，朋友早幾個字已經到咗，都再等多兩個字左右先入到去，當日仲要係星期四，平日呢個時間嚟講都算等幾耐。大盛B($500)，好彩當日係星期四先有得叫，星期五或啫假期係無得叫呢個set，除咗帶子壽司幾好食之外，唔知係食過幾次無咁好食定咩原因，覺得魚生同飯都好似無以前食咁新鮮，水平嚟講覺得比較一般。食飯途中，想叫職員幫我地影張相，可能真係人手好唔夠，職員話轉頭先幫，另一個經理就話：真係唔得閒，就走咗，另外一個職員過咗好耐之後再返嚟問我地係咪要影相，但所有嘢食已經食晒，感覺服務都麻麻地刺身盛合(美)($240)，刺身分別都幾新鮮。青酒煮蜆($64)，蜆同肉都算幾大隻，唔錯。大蝦天婦羅($80)，唔算太大隻，味道正路。

我本身真係好細食！ 我每次想食壽司嘅時候我去到只係會食幾件*話我返工係返下晝嘅原因所以其實好少食到一啲日本餐廳嘅set lunch*！今日難得約個朋友食lunch !梗係去食個lunch啦*成日同我講附近德美嘅壽司好新鮮*我夜晚就好少有機會可以食埋因為要返工但係今日終於去咗是好抵食呀！吞拿魚茸帶子海膽飯*$118 咋*好抵呀仲有仲有蒸蛋、蟹子沙律、同埋一個海帶面試湯*佢嗰啲海膽好新鮮雖然得少少但係足夠滿足我晏晝食海膽嘅願望我決定帶埋媽咪過嚟食人都算好多平日唔需要排隊下次都係平日過嚟舒服啲

難得約左兩個好耐無見嘅朋友食dinner☺️，嚟到尖沙咀，想食餐好啲嘅就揀左嚟德美食壽司啦。呢間嘢無訂位服務，當日係平日，夜晚7:30嚟到，拎飛至到坐低都等左一個鐘頭20分鐘。滿心歡喜期待食餐好嘢，我哋一行三人叫左個2至4人壽司盤、什錦天婦羅🍤、煮青口、刺身拼盤。壽司盤🍣有33件，賣相好靚，但味道只係正正常常，無咩驚喜。什錦天婦羅都幾失望，完全沒有鮮味。反而青口幾足料，味道ok。刺身拼盤每樣兩塊，都係味道一般唔係特別新鮮，感覺不值呢個價錢。呢間嘢服務態度亦都不敢苟同，無service可言，唯一可取係上菜幾快嘅😅。坐位亦都幾逼，環境幾嘈下。埋單平均每人330左右，相信都唔難搵到其他更好嘅日本菜。

尖沙咀德美，得罪講野失望，問句野好似都好唔滿意咁，即使想食日本野都唔會再黎呢間，若果期望有人理你，不如係尖沙咀搵過另一間更好食有人理你環境更大無咁逼既日本野，好過係到受氣！

今日跟朋友黎到呢間野食，佢呀姨介紹，所以要等成40分鐘左右都照等。抱有期望的打開餐牌睇有咩食，立馬給那個價錢嚇一嚇，最後只好合埋眼，交給朋友發板。點左啲壽司，手卷，炒飯。手卷拎上手，紫菜軟淋淋的，收人40蚊up之後到啲壽司，啲飯好似放喺雪櫃耐左再整比人食，硬的，劣質！再睇埋啲魚生，差點就粗口橫飛，係唔係那些$3壽司店的貨尾來？三文魚多筋，仲有一舊唔知點解比左唔知咩部位，切出黎奇型怪狀，很懷疑自己喺到食緊咩餐廳，二十幾蚊兩舊，咁既質素既壽司？一路食一路充滿著黑人問號唯一值得一讚，係職員會頻密斟水，十分滿意

今次係第2次食德美。壽司我地叫左吞拿魚($63)、三文魚($27)、帆立貝 ($38)、活赤貝($65)、芥辣八爪魚($30)、蟹肉蟹膏($43)、油甘魚($38)同日本真鯛($48)。吞拿魚好新鮮，充滿吞拿魚味，鮮甜；蟹膏有非常濃郁既蟹膏味，食完之後，仲有淡淡鮮味既餘韻，好正。其他都係正常質素。活鰻魚朴葉飯($97)差唔多食完壽司，鰻魚飯就送到，時間岩岩好。一打開蓋，就有好多蒸氣飄出來，揭開葉面，就見到五件熱辣辣既鰻魚鋪滿飯面，下面就係沾滿燒汁既白飯。食得出鰻魚係即叫即燒，非常肥美鮮甜，屬高質素。白飯軟硬適中，算得上係粒粒分明。$97既價錢有尼個質素，真係好扺食。另外，埋單既時候，餐廳會為每位客人送上一件綠茶紅豆椰汁三色糕點(配少許芒果汁)作甜品，清清地作為結尾都唔錯。整體而言，鰻魚飯好正，但壽司就只有兩款質素特別出色。同埋壽司偏細件，紫菜唔脆。環境幾好，不過每張枱既距離好近，完全聽到隔離枱既對話，所以講野要講得好大聲同行既先聽到。另，每人最低消費$120，90分鐘用膳時間。水準同另一間差唔多，不過價錢稍貴，非常偶爾可以再食。

成日聽人講徳美好好食，今次終於都比我試到😍 lunch set非常之抵食！由前菜到甜品樣樣齊😝首先係壽司定食配牛肉烏冬($93)依個餐包左沙律、茶碗蒸同甜品。壽司分別有六舊加2舊印有徳美字樣嘅甜蛋🍣件件都好新鮮啊，吞拿魚蓉非常好食，好肥美！另外個烏冬係mini size所以唔會太飽☺️ (9/10)跟住另一份係三色丼($80)依個包左沙律、茶碗蒸、麵豉湯同甜品。三色丼分別係三文魚、帶子同吞拿魚🍱中間仲有個溫泉蛋添！吉爆撈埋d飯一齊食好正！極速食完就知佢有幾新鮮啦haha (9/10)甜品就全世界一樣都係蕨餅😍口感煙韌加左黃頭粉好正，唔會太甜同濟👍🏻 (7.5/10)

$75一直都聽講德美嘅野食高質 性價比高早排終於去咗試喇🤤其實我覺得幾塊三文魚並非特別鮮味🙈不過一定唔係差嘅🤣我反而鍾意啲三文魚碎食落帶少少油香同埋鹹味好唔錯🤤但係最驚喜嘅一定係佢地個飯!用嘅係醋飯酸味適中仲要有一片片甜甜地嘅香菇撈咗喺飯到😍對我嚟講佢地個飯真係好好食要我齋食飯應該都得😎

是日外出工作剛巧去尖沙咀，明知德美多人等位，但係都試下一位坐吧檯睇下可唔可以直入。結果冇令我失望，即時入座。侍應一次過上沙律、湯同蒸蛋。前菜不過不失。過左一陣，10件壽司特盛就送來了有三文魚、帶子、魚、倉魚、金目鯛同蝦仲有特盛先有嘅三文魚子、海膽、吞拿魚蓉x2新鮮！不過有一件吞拿魚竟然有筋，師傅刀工有待改善。玉子味道還可以，蒸蛋也好味。午餐不必加一，而且只收現金。午市比較嘈吵，想慢慢嘆、傾計的朋友就唔係太岩了。侍應大部份都有禮貌嘅~係收銀果位面比較黑。我不會定義為及格的服務。不過200蚊左右嘅Lunch，仲想有咩服務呢…性價比還可以。會再來考核一下師傅刀工有沒改善。

見到OpenRice post 的相丼物好吸引於是去試下。我們本來叫左海膽魚生丼及三式魚生丼及刺身。點知店員說沒有魚生飯，我好奇好想知，那麼刺身及壽司有沒有？雖然今天是周末可能不得閒做丼物但都不是價格低呢。所以我們只有order 壽司算。但印象比我不老實及被屈。食物不差，只是時間有限制，服務一般，尢其帶位個女仔冇笑容，一口講哂只有個半小時食，最低消費$120.最後比較安慰是有雪糕送

其實整體來講真係唔差，個質素仲係要幾好添！所以個價錢都有啲貴，但係係值得食嘅！我哋叫咗煎鵝肝帶子壽司同埋我最鍾意嘅牛油果軟殼蟹壽司，真係唔錯㗎！我哋叫咗一個牛肉炒烏冬，仲有雞脯魚干，雞脯魚竿食起上嚟好特別，好似魷魚咁樣！我勁鍾意好多謝我個朋友嘅推介！你都去試吓！我下次都會喺我屋企附近嗰間分店度再同屋企人試！

聽朋友講德美好味但經常排長龍，今日下午經過上去睇下駛唔駛排，可能我地時間早，所以唔駛等好耐我揀嘅魚生飯有埋海膽，份量十分豐富，吞拿魚蓉新鮮，其他刺身的質量亦高，帶子亦算厚！overall質素不錯，只是略貴，性價比唔算很高

刺身盛合•美 ($240)🍣刺身有5款，分別係三文魚，油甘魚，吞拿魚，甜蝦同帆立貝。真係一分錢一分貨，價錢係貴左d，不過真係款款新鮮肥美，油脂分佈平均，甜蝦清甜，蝦肉彈牙，帆立貝又夠大粒爽口，好想念係日本旅行既日子😭 連則邊既厚燒玉子都好好味嗌左2次和牛壽司同鰻魚壽司，就知道好味啦！和牛表面雪花花紋好靚，未食都知一定唔會差。真係入口即溶，又夠肥美; 鰻魚燒得香口，又夠juicy，食落口好有彈性，一d都唔霉; 至於芥末八爪魚🐙食落口好刺激，wasabis 由口腔攻上鼻gor lone，鐘意刺激既朋友一定要試; 最後就係花之戀，三文魚新鮮肥美，重點係面頭既海膽，一d都唔苦，值得一讚。仲有既就係飯既size岩岩好，夠夠都係師傅即場握，好正😍牛油果軟殼蟹卷🥑🦀一食就知係即炸，咬落脆口唔淋，而且唔會食到成口油，中間仲有青瓜絲，完全唔會食到膩！加埋牛油果係面，成件事健康哂，食多幾舊都唔怕🙈至於燒魷魚筒🦑，小食併盤同海鮮炒飯，質素都非常好👍🏻魷魚冇燒過隆，keep到彈性，小食併盤裹面既烤雞卷係混埋軟骨，食落好有口感，唔錯。而且炒飯炒得乾身，海鮮份量唔少，有魷魚，蝦，帶子，蟹柳，會食上癮🤤-好味指數:

老朋友請客，知道我喜歡日本菜，不作他選，一定去德美！依舊的古雅style星期六晚上六時正，時間尚早，可以享受一陣子的寧靜三文魚腩，鮮味十足，色澤平均Yuk 子腐play 卷：蛋白半熟，蛋黃色香味俱全仲有昆布混和，三者融合，正到暈Scallops roll with soft crab shell, very juicy for scallops, soft crab not oily, 卷物唔會易散五色刺身，海膽今次唔夠濃味，蝦仍然鮮甜照燒魷魚筒，唔un, 唔濃，個汁照好味