影片
更多
2018-05-30
434 瀏覽
今次係第2次食德美。壽司我地叫左吞拿魚($63)、三文魚($27)、帆立貝 ($38)、活赤貝($65)、芥辣八爪魚($30)、蟹肉蟹膏($43)、油甘魚($38)同日本真鯛($48)。吞拿魚好新鮮，充滿吞拿魚味，鮮甜；蟹膏有非常濃郁既蟹膏味，食完之後，仲有淡淡鮮味既餘韻，好正。其他都係正常質素。活鰻魚朴葉飯($97)差唔多食完壽司，鰻魚飯就送到，時間岩岩好。一打開蓋，就有好多蒸氣飄出來，揭開葉面，就見到五件熱辣辣既鰻魚鋪滿飯面，下面就係沾滿燒汁既白飯。食得出鰻魚係即叫即燒，非常肥美鮮甜，屬高質素。白飯軟硬適中，算得上係粒粒分明。$97既價錢有尼個質素，真係好扺食。另外，埋單既時候，餐廳會為每位客人送上一件綠茶紅豆椰汁三色糕點(配少許芒果汁)作甜品，清清地作為結尾都唔錯。整體而言，鰻魚飯好正，但壽司就只有兩款質素特別出色。同埋壽司偏細件，紫菜唔脆。環境幾好，不過每張枱既距離好近，完全聽到隔離枱既對話，所以講野要講得好大聲同行既先聽到。另，每人最低消費$120，90分鐘用膳時間。水準同另一間差唔多，不過價錢稍貴，非常偶爾可以再食。
壽司我地叫左吞拿魚($63)、三文魚($27)、帆立貝 ($38)、活赤貝($65)、芥辣八爪魚($30)、蟹肉蟹膏($43)、油甘魚($38)同日本真鯛($48)。
吞拿魚好新鮮，充滿吞拿魚味，鮮甜；蟹膏有非常濃郁既蟹膏味，食完之後，仲有淡淡鮮味既餘韻，好正。其他都係正常質素。
活鰻魚朴葉飯($97)
差唔多食完壽司，鰻魚飯就送到，時間岩岩好。一打開蓋，就有好多蒸氣飄出來，揭開葉面，就見到五件熱辣辣既鰻魚鋪滿飯面，下面就係沾滿燒汁既白飯。食得出鰻魚係即叫即燒，非常肥美鮮甜，屬高質素。白飯軟硬適中，算得上係粒粒分明。$97既價錢有尼個質素，真係好扺食。另外，埋單既時候，餐廳會為每位客人送上一件綠茶紅豆椰汁三色糕點(配少許芒果汁)作甜品，清清地作為結尾都唔錯。
整體而言，鰻魚飯好正，但壽司就只有兩款質素特別出色。同埋壽司偏細件，紫菜唔脆。環境幾好，不過每張枱既距離好近，完全聽到隔離枱既對話，所以講野要講得好大聲同行既先聽到。另，每人最低消費$120，90分鐘用膳時間。水準同另一間差唔多，不過價錢稍貴，非常偶爾可以再食。
張貼
