德美壽司

營業中

休息中

今日因為在尖沙咀附近工作，所以到厚福街一帶用膳，經同事推介，來到德美。看到餐單，不算太貴，六十幾至百幾不等，包前菜， 湯及甜品，沒有加一服務費首先，前菜味道不錯，沙律🥗中有帶子👍🏽味噌湯有一隻蜆，海帶茶碗蒸，有半隻蝦，有一粒雞肉，但雞肉有雪味😰然後到重點， 主菜同事1同事2 二位同事都滿意到我的照燒雞排飯等左最耐，本來滿心期待一食， 好大陣雪味，完全入唔到口諗住落七味粉蓋過陣羶味唔得，好彩有一小碟炒菜送飯🤦🏾‍♀️🤦🏾‍♀️🤦🏾‍♀️但飯係ok,照燒汁都正常，係雞出事最後甜品都ok

環境：👣👣👣👣食物：😋😋😋😋😶（4.5）態度：😊😊😊性價比：👍👍👍👍德美唔知乜定食：91蚊（加10%服務費）環境方面，地方唔算好大，枱同枱之間都比較近，但可能燈光暗d，或者顏色沉色d，所以無咁有壓迫感。雖然因爲猛太陽有落簾，但都見到露台有好多植物，配埋深木色裝修，感覺幾舒服。食物方面，我叫一個自選既定食，揀左吉列豬扒同關東煮🍢。先上麵豉湯，茶碗蒸，蔬菜薯蓉。薯蓉凍食，混左甘筍個d小蔬菜，又食到大粒少少既薯仔，幾好食。茶碗蒸有一片菇，兩粒蟹柳，一粒雞，味道唔錯，雞肉有醃過先放入去，不過偏硬dd。麵豉湯好驚喜地有一粒蛤蜊，食落雖然仲有dd沙，但好鮮甜，個湯比我既感覺係心機湯，所以我飲曬（平時唔鍾意飲麵豉湯）。主食到。三文魚厚切，食到佢有三文魚既香，唔會係雪耐左乜味都無，另一隻唔知乜魚要薄切，仲要我食5到魚味🤔。中間凍茄子浸甜甜的（唔記得叫乜），幾好食，厚玉子都係凍同甜甜的，不過不失。右邊關東煮好入味，好好食，隻蛋就普通蛋囉，5好覺得佢都可以好入味囉。吉列豬扒不是厚切，但都ok，因為其他餸搭夠，可惜炸到有d硬，5係脆，以豬扒既厚度比較，佢炸粉有d厚，所以豬扒係美中不足既地方。最後甜品是抹茶紅

有朋友從英國返香港，要求要食日本野止下渴。為左就腳，今晚去左位於厚福街既「德美壽司」。前菜點左個「厚燒玉子」，只有3件，而且係一口size，味道係唔錯，但價錢真係有d貴跟住壽司時間，先嚟既係甜蝦壽司，甜蝦非常大隻，新鮮鮮甜！其實幾抵食，唔錯至於其他壽司方面，港人至愛三文魚非常厚身，水準什高。帆立貝都好新鮮，厚切啖啖肉，係正既但係價錢嚟講，以呢個水準，都係比坊間壽司店貴。炸物我地就點左 吉列廣島蠔。廣島蠔肥美，蠔味重，用嚟做炸物一流，每隻都炸到好鬆脆，最後唔夠飽叫多個牛肉炒烏冬，調味方面略嫌甜左些少，牛肉唔係肥牛，反正有d 靭，敗筆。好在烏冬都夠彈牙，補一補救。是日晚餐我地3個人每人$200幾蚊，呢個價係尖沙咀食日本野叫做不過不失。

同事意外選了這間食肆，到門口已感到伏味很濃。坐下就處跟同事叫了海膽魚生飯。海膽魚生飯上的海膽，坐斜對面的同事都見到變咗色，舊海膽已出水，我試了一口就發現有臭味同苦！同侍應講，她就即刻攞走咗，然後返轉頭叫我叫過第二樣，我就覺得奇怪，話叫佢換過舊海膽就ok。佢又再去轉達，回頭說海膽是同一板的，換咗都係一樣，叫我轉第二樣。我話我其他同事的沒問題，只係我呢件有問題。（正常人都知，同一板海膽上係有好多件不同的海膽，點會係一樣？）佢又回去傳話。然後就有一個極冇禮貌的女侍應過來回有乜幫到我。我話佢知佢同事已經幫緊我。佢就自己重覆話d海膽係同一板，全部都係一樣味，換咗都係一樣味，叫我取消個order。個態度差到咁，我梗係取消啦！重邊夠膽繼續食呢？其實如果做得咁唔開心，黑口黑面，點解要繼續辛苦自己辛苦客人呢？

之前覺得呢度既海膽魚生飯好好食價錢合理，冇限時，冇最低消費唔知係咪愈黎愈多人幫襯，而家變到又限時又最低消費最失望係，黎兩次都話冇魚生飯兩次都係等完坐低左先同我地講冇明明招牌係魚生飯，點解可以唔做

同朋友聚會，大家傾好話想食日本野，搵搵下就搵到德美壽司，見啲評價都唔錯就決定試下。上到去都幾多人，而等候嘅地方就只係好窄嘅走廊，店員態度唔太好，可能太多人掛。最後等左9個字終於到我地！我地4個人就叫左一大一細嘅壽司拼盤，都不過不失，最特別係有德美個名嘅玉子，好甜好好味。我最鐘意就係呢個牛油果軟殻蟹卷，因為呢兩樣都係我鐘意食嘅野！稻庭烏冬個人認為麻麻地，個汁較淡冇咩味，但烏冬係彈口嘅。食到最後會一人送一個甜品，過下口癮

今日上天地堂中間有三個鐘空堂，成班同學諗唔到食咩好，結果就諗住行去尖沙咀食德美啦! 聽講性價比唔錯我叫左一個櫻花角切魚生飯定食，價錢$6x, 包左味僧湯，沙律，茶碗蒸蛋，主角魚生飯以及甜品一客，性價比幾高主角櫻花角切魚生飯入面有切成一粒粒嘅三文魚，吞拿魚腩，不知名白魚，以及冬菇絲，魷魚等等，用料非常豐富，加上個飯係有少少漬物感覺的，唔會話食晒啲魚生之後會好寡，不過放心! 啲配料絕對多到你唔會食淨飯! 哩個定食整體感覺唔錯，會選擇再食!

有人介紹呢間食物質素唔錯，而且價錢唔太貴，睇食評話好多人好爆，所以早少少黎排，點知黎到未滿座，但要一小時就還枱，唯有門口坐陣等齊人先再入啦... 魚子蔥吞拿魚腩茸飯 - 先講賣相同圖真係一樣，好多吞拿魚腩茸舖滿碗飯，上面再舖蔥花，佢用左鵪鶉蛋去取代普通蛋，仲有大半個原蛋殼盛載，雖則膽固醇好高，但真係香好多；至於味道材料夠新鮮，將配料、魚腩茸、蛋漿同飯夾住黎食，真係好味！ 沙律、味噌湯、茶碗碗蛋、甜品 (附送) - 沙律係一個薯仔球，中間夾住紅蘿蔔絲同青瓜絲，我覺得好好味！味噌湯入面夠足料，仲有2隻蜆，夠清甜！碗蛋好滑，又係正！最失敗係個甜品，今日係芒果奶凍，純粹用d芒果汁淋落舊無味既奶凍上......

同朋友一行兩個人去到尖沙咀又唔知食咩好，上左H8嘅德美壽司食晚餐，果日閒日夜晚8點幾又咁岩無乜人，所以環境都幾岩傾計。坐低之前已經知道最低消費每位$120，因為兩個人都唔肚餓所以都係求其食少少野。芝士饅魚卷 ($65)鐘意食芝士嘅人應該都會岩口味，成個卷芝士感好高而且芝士好滑，加埋饅魚同蟹子一齊好有口感，幾好食。火灸三文魚壽司就大路野，味道不過不失。至於個清酒煮蜆 ($64)都幾正，聞落同食落都好有清酒味，啲蜆係細隻嘅但漲卜卜，食落都幾有鮮味。另外個 鍋燒烏冬 ($67) 個天婦羅炸物炸得岩岩好，啲粉唔會覺得厚，獅子狗同蟹柳都唔錯，相對上其實清清地。另外仲叫左小小串燒但無影相啦!最後餐廳每人送左個甜品

星期五心血來潮請個假同朋友去左尖沙咀搵下野食真係平日都好多人呀😨睇完兩齣戲再吹下水已經六點就去食午市晚市都咁墟冚嘅德美上到去只係有一台兩位比我地早少少入座嘅客人遲多陣就會好多人架喇😱之前試過八點上去幫襯，店員話玉子燒好好賣已實經無晒！今次終於都俾我地食到😆呢度嘅玉子燒係做好晒放入雪櫃嗰種，食落會結實啲啲蛋層層都好平均，真係好有水準😛😛😛😛😛😛拖羅蓉好嫩滑，份量俾得都好多架😛   拖羅上面嘅芝麻粒好香口，如果好似我咁都鐘意／唔抗拒芝麻嘅話真係好加分😍有時食蓉／切粒嘅食物都怕會係啲頭頭尾尾，一岩一忽咁但呢個就完全無呢個問題，好公道🎅🏻海膽軍艦 ＄61火炙帆立貝壽司 ＄44三文魚壽司 $28日本吞拿魚壽司 ＄60啲海產食落好鮮味，真係俾多少少都係值！唯一有啲可惜嘅係啲薑同壽司放得好埋，啲魚會有薑味💬食完都會有甜品送返，我地食到嘅係芒果奶凍座位安排都可以做好啲，未坐滿人嗰陣店員都會將客人安排埋一個區我地嗌左野食無耐店員就安排左第三枱客坐喺原先兩枱客之間😨希望可以未坐滿時盡量可以安排坐得分散啲啦😐

今次兩個人去到呢間日本餐廳，七點幾差唔多八點去到，以為要等位。可能天氣好凍既關係，冇咩人放工仲出街食，去到唔洗等就有得入去坐。先講講啲食物先。兩個人叫咗一份德美刺身，一個魚生飯，一份煎鵝肝手卷壽司，一份鰻魚班戟。上菜速度算快，先上咗鰻魚班戟同煎鵝肝手卷壽司。可能聽落班戟入面有鰻魚，感覺會奇奇怪怪。但入口既質感唔錯，味道特別。女仔應該會幾中意。再嚟就係煎鵝肝手卷壽司 ，反而呢個我就幾中意。鵝肝既份量都唔少，成舊食落都好肥好滑。兩款菜式各四舊，每件size都唔細。四個人嚟食都可以一試。然後就到生勾勾既食物上枱。介紹下個德美刺身先，每款各兩片。款色都係最大路既三文魚，吞拿魚，蝦果啲。而玉子就不過不失啦，帶子就好似呢間餐廳既熱門咁，樣樣菜式都總係見到幾舊。刺身幾新鮮幾滑口。食落唔會有渣有筋，味道幾甜。二人份量嚟講都算大份。而因為叫咗刺身關係，我都冇再叫三色魚生飯。索性叫海膽刺身飯試試佢。喂講真，唔惹少嫁喎個飯都。又有三文魚一家大細喺齊到，又有玉子，又又又有帶子。係呀又有帶子。海膽就幾好，冇咩木板味。刺身又係好厚好肥美，睇番啲相隔住個螢幕都想大叫：好好味呀！食到咁上下埋單，個侍應除咗放低張單之外

訓得太晏就上網睇下有咩野食好味，見都幾多人介紹呢間就去食下喇！黎到空間好大，位置夠闊，唔洗驚話坐得好迫，我地一行兩人叫左兩個set。首先黎左個沙律，之後再黎多個燉蛋。沙律夠哂新鮮，d菜食落口索索聲，雞蛋亦都好夠滑！一放入口好似自動識得走入我喉嚨咁😂😂😂主菜黎喇，大家唔好以係得幾件壽司會唔飽，壽司大件，得黎又夠鮮，+埋個湯真係一流，個湯入面仲見到有魚，真係用魚煲出黎既湯黎嫁！另外個主菜跟飯，我都諗唔到有咩唔好食既地方！

H8依座building有好多日式、韓式餐廳，今次聽朋友介紹，黎到德美壽司！😋典型既日式裝修，環境好舒適。我地中午12:00黎到，未算好多人！ 餐牌上有十幾款定食，朋友係鰻魚飯既fans,所以二話不說就叫左。而我當然想食佢招牌既壽司啦！依個定食有雜錦壽司，仲配上一碗牛肉烏冬！牛肉烏冬係用昆布湯底，加上讚岐烏冬同幾片肥牛肉，熱騰騰的，好暖胃！😄到了主角-壽司！🍣 通常食雜錦壽司，我都有幾款係唔中意/覺得普通既😂 但依度，件件我都好滿意，全部都好鮮味！👍🏻👍🏻 特別係帶子壽司！依度既午市定食大約$100/人，但比得上高級壽司店的質素，整體來說性價比高！😋

德美係我幫襯左好幾年嘅日本餐廳，尖沙嘴區來講佢性價比算係高😼通常我都鍾意中午去食，價錢大約$100既午市套餐包左沙律，茶碗蛋，主菜同埋甜品，仲要免加一，最緊要係食物質素好👍🏻試過咁多款午市定食，最欣賞嘅都係佢個鰻魚飯🍱鰻魚有一大塊 切成五片，鰻魚肥美嫩滑，底下有d蛋絲，配埋鰻魚汁用黎撈飯一流！！略嫌飯盒本身嘅鰻魚汁唔夠多🙈跟餐仲有迷你蟹子沙律同埋茶碗蒸旦，甜品係牛奶布甸都好好食🍮不過冇影相😂P.S 佢個德美便當 or 銀雪魚西京燒都好好食架👍🏻👍🏻

12月31日食野周圍都要卜位，但呢間竟然話今日唔接受卜位，咁就岩晒我呢啲冇準備嘅人喇🤣🤣🤣唔想用腦就叫左二人餐，第一道餸，汁煮花螺，啲螺入晒啲汁，夠味，又唔韌個菜名叫鱈魚棒...定條？我以為手指咁，點知原來係似時興x個種雪鱈絲...似係放入微波爐丁一丁之後個種脆嘅質感同味道有幾種刺身可以揀四款，我地揀左蝦，帶子，北寄貝同三文魚，其實我好少食刺身所以唔識講，但至少知道唔係唔新鮮的呢幾款壽司係定左冇得揀嘅幾款熱食揀兩樣，其中一款係牛..塊塊都有根見隔離枱叫左青口，好大鍋好香好似仲正我嘅主菜-銀鱈魚🐟！一直都好鐘意食銀鱈魚，滑到不得了唔過火，連皮都食埋呀好脆🤤好暈喇仲有個海鮮烏冬....唔記得影😑有好大隻蝦，有啲卷...仲有...一片片嘅疑似魚蛋，唔記得了.....最後仲有甜品二選一，我揀左雪糕🍦黑芝麻口味..好飽呀..