德美壽司

營業中

休息中

同舊同學去尖沙咀食飯 諗唔到食咩好就去左最多野食嘅厚福街😆實會諗到啦見到德美呢個名 就諗起我成日係紅磡個間食lunch 每次質素都好好 咁就試下佢晚市啦當日大約係七點半 都多人等位 我地五位等左好耐😞因為佢好多二人枱之後比左房入面嘅大枱我地坐得好舒服 又可以同同學傾計唔怕太嘈晚市有最低消費 每人$120但我地等到都唔識餓 諗唔到叫咩好 嚟食日本野又點少得刺身叫左呢個 我唔記得係「德」定係「美」喇 總之好新鮮～有個牛肉鍋好正 食曬都唔記得影然後叫左炒飯同烏冬夠鑊氣然後叫左雪糕做甜品 本身有柚子 芝麻 紅豆 綠茶 搞左一輪得返柚子 侍應話喎：「紅豆雪得太硬要等好耐先食到」幸好柚子都唔錯

平日夜晚8點去到 座無虛席 所以等咗陣先有位三文魚壽司($27/2)劃咗幾刀 唔知咁樣係咪會入口嫩滑啲呢帆立貝壽司($38/2) 厚身新鮮toro蓉蔥壽司($48/2) 入口即溶煎鵝肝帶子卷($82)好似加洲卷嘅模樣 面頭鋪咗脆脆同帶子中間個餡就係鵝肝 好彩個口夠大lol成嚿食天婦羅溫泉蛋($47)本身幾期待呢個菜式 好似幾花心機但係食落又冇大驚喜西京燒銀鱈魚($96)個燒汁好香 本身銀鱈魚就嫩腍 塊魚皮都煎到脆 仲有個薯蓉都幾特別鰻魚飯($97) 配麵豉湯用個木盒裝住 再用塊葉包住d飯好有意境 但係唔會話有咩葉香大概有半條鰻魚 幾肥美 仲有蛋碎條 醃蘿蔔麵豉湯配料畀得好慷慨 有完整蜆 白蘿蔔片 同好多昆布甜品 係淋咗芒果嘅椰汁三色糕————————————————————德美壽司尖沙咀厚福街8號H8 5樓

紅磡德美就食過好多好多次，尖沙咀就唔太多，因為尖沙咀排隊嘅情況比紅磡更嚴重，所以通常都係先book位。佢個鰻魚飯係用一個木盒，入邊有啲幾噥味嘅醬油，鰻魚嘅大小大概係半條，仲有少少蛋絲，味道不過不失啦。

德美壽司出晒名性價比高, weekday 8點鐘上到嚟座無虛席, 好彩等咗一陣就有位。今日一行2人, 點咗幾款壽司同一個牛肉鍋。赤貝壽司$65橙紅亮麗嘅赤貝又厚又大片, 賣相醒目, 肉質非常爽口, 鮮味突出。吞拿魚蓉鵪鶉蛋壽司$48吞拿魚蓉同壽司飯嘅比例幾乎係一比一, 份量很足, 魚蓉同生鵪鶉蛋於口中混為一體, 順滑口感令人回味。左口魚邊壽司$45左口魚邊油分充沛, 經過火灼後油脂溢出滲入壽司飯中, 脂香滿盈。牛肉野菜鍋$74食完壽司加個熱辣辣嘅牛肉鍋, 送上時牛肉片仲呈半熟狀態, 拌上生雞蛋, 滑嫩鮮味！野菜有金菇、花菇、大蔥加上多款蔬菜, 作為配角份量亦不欺場。鍋底仲有吸收晒湯汁精華嘅粉絲, 唔夠仲可以+$30追加烏冬添！

是日外出工作剛巧去尖沙咀，明知德美多人等位，但係都搏下一，睇下可唔可以直入。結果冇令我失望，即時入座野菜牛肉鍋 唔好問我點解要叫呢啲咁普通嘅野 睇到個menu 個蛋黃水汪汪 成個人就開心咗啲 所以就決定嗌嚟食點知嚟到圖片與實物　不過食落喺幾好食 牛肉嫩滑 牛味亦夠濃 略嫌菜嘅份量少咗啲 同埋食到尾會覺得咸 牛油果軟殼蟹卷佢雖然得4件,但真係稱得上大大件,女仔食晒4件應該投降左一半. 佢上面既牛油果唔會用好熟既,食落仲有少少口感,而且仲有成1cm咁厚.入面既軟殼蟹都不得了,好大隻,略嫌唔夠熱.還好粉不多,唔會油膩芝士饅魚卷魚生厚肉而且幾新鮮鍋燒烏冬熱辣辣嘅烏冬有蝦、蛋、菜、冬菇咁，朋友話味道普普通通，冇咩特別。我覺得比起熱食，呢度主打嘅刺身壽司係會做得最好嘅。食材新鮮又高質，整體嚟講真係好抵食！

今日Tst 收工 諗下食乜好，好想食海膽就去左德美！ 一坐低就叫海膽刺身$180 一版 ，非常鮮甜，牛奶般滑！ 好想encore 多版！🤩 跟住就係我最愛的鰻魚飯！ 一打開，嘩！芳香撲鼻！ 好興奮喔！💕💕💕 附送的海帶麵豉湯熱騰騰，又足料！ 大少叫左 蔥吞拿魚茸飯 ，吞拿魚茸份量非常多，又新鮮！ 大少非常滿意！❤️👍🏻👍🏻👍🏻 牛油果軟殼蟹卷物 同樣的巨形！ 軟殻蟹是現炸的！外脆內軟！讚！ 兩人食到超飽 都係$500 埋單！實在好低食！ 😍

朋友介紹，所以同左男朋友黎～有興趣食嘅朋友仔記得早少少book位，因為都真係幾多人！我想講壽司真係唔差，起碼唔係其他大集團做爛哂嘅餐廳咁，但都偏貴～環境衛生唔錯，值得一試～天婦羅🍤好好味，黎到一定點，佢油同粉唔會好重，即點即整，個廚師就係正你前面整！仲有室外座位，差不多入冬，坐出面都別有番風味～

今日想簡單啲，吾食咁油膩，所以放工就去咗德美壽司店。呢間長龍店，預咗要排半個鐘頭, 今日好彩🤩 唔算太多人，等左十五分鐘就有位啊！ 叫咗海膽刺身、蔥吞拿魚茸飯、鰻魚飯、軟殼蟹手卷蟹子沙律。 樣樣都大大份，非常抵食！兩人食到勁飽，$500 埋單！ 食日菜黎講確實超值！ 🌟 蔥吞拿魚茸飯真係好得！ 非常新鮮肥美、充滿油份！ 海膽刺身鮮甜非常，極之抵食！ 食一版實在唔夠喉🤣 蟹子沙律超級大份，兩個人差點都吃不完，料足，蟹子多！

工作辛苦，最想食好些！今晚去了沙田的德美，點了很多喜歡的食物每次去德美一定會叫三文魚壽司，因為很厚身，咬落清新甜美，好鍾意必食推介！朋友點了黃金汁焗蠔，本來不打算搶食，但賣相好吸引，忍不住要嚐一嚐！吃下去很彈口，配料也很夾，突出蠔的鮮味，超好吃還有這個神秘的荷葉鰻魚飯，第一次食很難忘荷葉的香氣浸入整個飯，好像茶葉飯，脫俗的味道，中和鰻魚的濃味，最佳配搭！還有叫了鍋燒烏冬（難得除了牛肉烏冬，有其他配料），超多料！好有日本風味份量又多，吃得飽飽今晚坐在廚師位前面，發現一箱小玩意！這是一群小蟹鬥爬上山頂，發現原來牠們是吃小青瓜的！好特別的餘興節目，老闆很有心思

相約朋友嚟到尖沙咀厚福街搵食, 今晚目標明確！朋友想食日本菜, 最後揀咗8樓嘅德美壽司。 我地一行兩人, 一共叫左四樣野。 先嚟係野菜牛肉鍋, 肥牛片份量不少, 而且滿佈雪花, 入口油脂溶化, 食落口感好綿, 湯底清清地唔會太濃味, 幾啱我口味。鍋中有多款野菜, 集合不同口感同層次, 非常豐富。走地雞大蔥串雞肉肉味香濃, 表面燒得乾身微脆, 入面出奇地嫩滑, 加上爽甜大蔥, 惹味非常。 燒豆腐皮餃子用腐皮包餃子都幾特別, 淋上醬油, 香口美味。關東煮,唔好睇佢呢個關東煮好似細細碗咁, 入面有齊海帶、蘿蔔、豆腐、年糕包、竹輪, 樣樣都入晒味, 仲只係$48/碗, 朋友話計返仲平過去你去便行店食呀, 當然呢度嘅環境同味道都比便利店的好十倍啦。最後食埋個抹茶蕨餅, 先夠圓滿。

德美海膽魚生飯：呢一個丼份量超足料，仲會配沙律同埋麵鼓湯。足夠兩個人share食。包括有三文魚、海膽、蝦、魚子、蟹柳、玉子等，魚生超級新鮮，而且啖啖肉，超好味！牛油果軟殼蟹卷：總共有四件，同埋半隻軟殼蟹，軟殼蟹炸得卜卜脆，炸粉唔會好多，依然仲食到蟹肉。軟殼蟹卷口感幾特別，牛油果壽司飯包住炸至香脆的軟殼蟹，有一軟一脆既口感！串燒（雞腎和雞心)：分別叫咗兩串內臟，雖然我哋過咗一段時間先食，已經無咁熱，不過都唔會有陣內臟嘅腥味。燒得啱啱好，唔會太熟，會有爽嘅口感～最後仲送咗兩舊厥餅，口感煙韌，唔會太甜。

厚福街這一幢大廈有唔少餐廳剛從日本回來不久就已想念日本美食所以今次就揀了呢間日本餐廳試下餐廳面積不大，所以坐位之間都幾迫而且餐廳有outdoor位，吸煙的朋友可到戶外食煙蟹子蟹柳沙律想唔到份量咁大，蟹籽都不吝嗇但略嫌沙律醬過多美味的帆立貝壽司👍🏻 帆立貝新鮮味美，而且夠厚肉，食落爽甜醋飯味道方面可多點醋味，飯粒略嫌不夠綿密海膽軍艦壽司海膽顏色偏淡黃色，但味道挺鮮甜的，可一試鵝肝帶子壽司4件卷物，中間包住鵝肝及青瓜，鵝肝好大件，油脂及油花十足，青瓜可稍稍減底鵝肝的油膩感壽司上鋪上帶子及香辣脆脆增加口感不過食了一件已感到滯膩牛肉壽喜燒由於太飽，沒有追加飯/烏冬牛肉挺鮮嫩的，有豆腐、冬菇、大蔥、粉絲作配菜但湯底稍咸配飯一齊食會比較好最後餐廳仲送了抹茶蕨餅做甜品質感軟軟的，抹茶粉香濃👍🏻👍🏻

食過好多次德美lunch, 因為佢lunch set真係非常抵又好高質！今次黎食終於下定決心要寫翻篇食評黎讚讚佢🤤我係平日中午黎食既，尖沙咀公司比較多，撞正放飯時間，所以都等左幾耐，30分鐘左右啦。但個人認為咁高質既野食，等幾耐都冇所謂嘅😆。等到黎，人都開始走，哈哈。比大家睇睇個環境先！我就叫左個壽司定食配牛肉烏冬（$96）試左咁多次，覺得呢個定食係最抵食。壽司都有好多舊，最正係三文魚子。三文魚子大大粒，咬落去係脆！仲有玉子都好好食，玉子燒帶微暖，甜度剛剛好🤤帶子都係好高質！又大隻，又鮮甜，仲有海水味🤤三文魚都好有魚油香味，肥度岩岩好，冇渣。好似講得好長氣，因為舊舊都好高質🤤😆成個定食有壽司，有烏冬，仲有湯，茶碗蒸，最後仲有甜品！😍甜品上次黎食係牛奶布甸咁既野加芒果汁，冇咩特別。今次呢舊真係好驚喜! 佢最底個層係綠茶，中間係椰汁糕，最上係紅豆。呢三樣野加埋真係perfect match! 食落去好有層次。仲要佢唔算好甜，食完咁多野清一清個口，岩岩好。😊總體黎講，德美壽司一直維持住高水平，係一間我會不斷黎，唔介意等既好餐廳😍

It’s not cheap if you have dinner at this restaurant though the quality of the sushi n sashimi is high. Yet, they serve lunch set with the same quality but much fairer price.極上壽司定食 is my all time favourite. It offers a variety of sushi. Fresh sushi and you will not be disappointed. It also serves with appetiser and dessert.What a bargain!

耐唔耐就會嚟德美食飯，今次又拉咗個朋友同我食lunch set～點咗套餐之後會送上煙三文魚沙律、茶碗蒸、麵豉湯。茶碗蒸用料少咗，尤其係雞粒明顯細舊過以前，但味道都係唔錯嘅～我就依舊點咗「北海道三色海鮮丼」：帶子、三文魚同油甘魚一樣鮮美甘甜，仲有粒粒爽脆蟹籽。唔洗特別加醬油，配上美味嘅溫泉蛋撈飯，已經好好味。朋友點咗「海鮮鍋烏冬」：熱辣辣嘅烏冬有蝦、蛋、菜、冬菇咁，朋友話味道普普通通，冇咩特別。我覺得比起熱食，呢度主打嘅刺身壽司係會做得最好嘅。另外點咗「三文魚壽司」同「左口魚邊壽司」：三文魚肥美鮮甜；微微燒香嘅左口魚邊入口即溶，食一兩件其實唔太夠喉！埋單午市免加一，每人都只係百一蚊到，性價比好高啊